|
Qafqaz müSƏlmanlari idarəSİAzərbaycan və Əhli-beyt irsiAzerbaycanda-Ehlibeyt-irsiAzərbaycan və Əhli-beyt irsi
300
zalımları tərəfindən zülmə məruz qalan, istismar edilərək qula çevrilən,
azadlıqları əlindən alınan və əqidələri dəyişdirilməyə çalışılan İslam
ümmətinin azadlığı uğrunda canından belə keçdi. Əli xan da
parçalanmış, fiziki və mədəni mənada işğala məruz qalan çox sevdiyi
ölkəsi Azərbaycanın və onun fədakar xalqının azadlığı uğrunda hər
şeyini və hətta canını fəda etdi. Yəni İmam Hüseyn (ə) Əli xan üçün
gözəl bir örnək təşkil edirdi.
Bəli, məhərrəm ayında təşkil olunan məclislərdə sinə döymə,
zəncir vurma və xəncərlə baş yarma səhnələri ilə qarşılaşırıq. Romanda
təsvir edildiyi kimi, Kərbəla şəhidləri və əsirlərin çəkdiyi əzabı hiss
etmək üçün bu davranışlarla bağlı alimlərin fikri birmənalı deyildir.
Hər şeydən əvvəl onu qeyd edək ki, Əhli-beyt imamları özləri
də hər il bu faciənin xatirəsini yaşatmış, tərəfdarlarına da bunu tövsiyə
etmişlər. İmam Hüseyn (ə) üçün göz yaşı tökmüş, əzadarlıq
məclislərində iştirak etmiş, şairlərin növhə və mərsiyyələrini dinləmiş,
həmin şairləri mükafatlandırmışlar. Bu haqda kifayət qədər rəvayətlər
vardır. Lakin sinə döymək, zəncir vurmaq və baş yarmaq kimi
hərəkətləri təsdiq etdiklərinə dair heç bir rəvayətlə qarşılaşa bilmərik.
Bu səbəblə bir çox alim və müctəhid aşura mərasimlərində insanların,
xüsusilə zəncir vurmaq və baş yarmaqla özlərinə əziyyət vermələri və
qan tökmələrini qadağan etmişlər. Məsələn, Mirzayi Şirazi, Seyid
Məhəmməd Kazım Təbətəbai Yəzdi, Seyid Əbulhəsən İsfahani, Şeyx
Abdulkərim Hairi, Seyid Möhsün Həkim, Seyid Hüseyn Burucərdi
kimi alimlər buna qarşı çıxmışlar. Əllamə Seyid Möhsün əl-Əmin
təziyə məclislərində rast gəlinən əməllərə aydınlıq gətirmək üçün “ət-
Tənzih li-əmaliş-şəbih” adlı əsər qələmə almışdır. O, aşura
mərasimində nəinki zəncir vurmaq və baş yarmaq, hətta kəfən geyinib
küçələrə çıxmaq, şəbeh təşkil etmək, sinə vurmaq kimi əməllərin belə
|
|
|