|
Qafqaz müSƏlmanlari idarəSİAzerbaycanda-Ehlibeyt-irsiMəqalələr toplusu
295
Kərbəla qumunda rahatlıq tapsınlar. Əllərimizlə gözlərimizi bağlayıb
onların qabağında səcdə qıldıq. Bərkdən qışqırıb dedik ki, İmamın
məzarında bizim üçün də dua edin”. Sarvan da cavab verib dedi: “Biz
özümüz də duaya möhtacıq.
Kərbəlada faciəvi şəkildə şəhid edilən, ailəsi, uşaqları əsir
götürülən məzlum İmam Hüseynin (ə) halı onu sevənlərin
yaddaşından silinmir, ilin bütün günlərində bu hissləri daşımaqla
bərabər Məhərrəm ayında yenidən alovlanır. Məhz bu səbəblə “Əli və
Nino” romanında Əhli-beytdən ən çox İmam Hüseyn (ə) və onun
Kərbəlada şəhid olması hadisəsi yer alır.
Kimdir İmam Hüseyn (ə) və Kərbəlada nələr baş verdi?
Həzrət Peyğəmbərin (s) çox sevdiyi, “övladlarım”, - deyə
xitab etdiyi, Cənnət gənclərinin ağası olaraq təqdim etdiyi iki
nəvəsindən biri olan İmam Hüseyn (ə) 626-cı ildə Mədindədə dünyaya
gəldi. O, Həzrət Əli (ə) və Peyğəmbərin (s) qızı Xanım Zəhranın
ikinci övladı idi.
İmam Hüseyn (ə) uşaqlıq dövrünün altı ilini babası
Peyğəmbərin (s) yanında keçirmişdir. Peyğəmbərin (s) vəfatından
sonra otuz il Həzrət Əli (ə) ilə birgə yaşamış və atasının hakimiyyəti
dövründə yaranan çətinliklərin həllində fəal iştirak etmişdir. Əlinin (ə)
şəhadətindən sonra siyasi və ictimai səhnələrdə qardaşı İmam Həsənlə
(ə) çiyin-çiyinə çalışmışdır. İmam Həsənin (ə) şəhadətindən sonra on il
müddətinə qədər Müaviyə ibn Əbu Süfyanın hakimiyyəti dövründəki
İslami vəzifələr İmam Hüseynin (ə) boynuna düşmüşdür. Müaviyənin
ölümündən sonra hakimiyyətə gələn Yezidin dövründə inqilab etmiş
və nəhayət 680-cı ildə Məhərrəm ayının 10-da İraqın Kərbəla çölündə
çoxlu sayda yaxını ilə birlikdə şəhid edilmişdir.
|
|
|