|
Qafqaz müSƏlmanlari idarəSİAzərbaycan və Əhli-beyt irsiAzerbaycanda-Ehlibeyt-irsiAzərbaycan və Əhli-beyt irsi
298
gedirdilər. Onların sönük səsli: “Şaxsey... Vaxsey” nidaları küçəni
bürümüşdü və hər bu nida gələndə nəhəng yumruqları ilə bərkdən
çılpaq tüklü sinələrinə vururdular. Onların ardınca bellərinə yaşıl
kəmər bağlamış və Peyğəmbər (s) nəslindən olan seyidlər gəlirdilər.
Dallarınca kəfənə bürünmüş məhərrəm şəhidləri, başı qırxılmış və
əllərində uzun xəncərlər tutmuş adamlar gəlirdi. Onların siması
qəzəbli, qapalı idi və elə bil başqa bir düynaya qərq olmuşdular.
“Şaxsey... Vaxsey... “Xəncərlər göydə parlayır və aşağı, qırxılmış
kəllələrə enirdi. Şəhidlərin libasını qan bürümüşdü. Birinin başı
gicəlləndi və yanında gedən dostları onu izdihamın içindən çıxartdılar.
Onun dodaqlarında xoşbəxt bir təbəssüm var idi”.
Uzaqdan baş verənləri izləyən Əli, ruhunun dərinliklərindən
gələn hisslərlə bu mənzərədən təsirlənir. On dörd əsr əvvəl həqiqi din
uğrunda Kərbəla çölündə şəhid olan İmam Hüseyn (ə), onun ailəsi və
dostlarının halı Əhli-beyti sevən biri olaraq Əlini də bu mənzərənin bir
parçasına çevirir:
“Mən pəncərənin qabağında durmuşdum. İndiyədək mənə
məlum olmayan bir hiss almışdı caynağına məni.
Bu, indi mənim ruhumda xəbərdarlıq kimi səslənirdi və
fədakarlıq arzusu içimi doldururdu. Küçədəki tozun üstünə tökülən
qan damlalarını gördüm. Şeypurun səsi isə cazibədar qurtuluşa çağırır
kimi səslənirdi. Gözəgörünməzin sirri, xilasa aparan kədərin darvazası
bu idi. Mən dodaqlarımı sıxdım. Hüseynin (ə) bayrağı qabağımdan
keçdi. Fatimənin əlini gördüm və bütün aşkar olan şeylər gözlərimin
qabağında yox oldu.
Təbilin sönük səsini bir də eşitdim və bu səsin cingiltisi içimdə
vəhşi bir qışqırığa çevrildi. Qəflətən bir an içərisində bu izdihamın bir
hissəsinə çevrildim. Mən enli kürəklilərin dairəsində irəliləyir və iri
|
|
|