gidrobiontlarda sutkalıq vertikal migratsiya bolmaydı. Sutkalıq
vertikal migratsiya
temperaturag’a, awqat zatına, dushpanlarınan qorg’anıw ushın h’a’m t.b. na’tiyjesinde boladı.
Dushshı suw shayanı Sida cristallina ko’l suwında temperaturanın’ stratifikatsiya waqtında
keshte h’a’m tu’nde suwdın’ u’stingi 0-10 m qatlamında toplanadı. Al ku’ndiz 15-20 m.
teren’likke migratsiya jasaydı.
Plankton organizmler-fitofaglar sutkanın’ qaran’g’ı waqıtlarında, suwdın’ joqarg’ı
qatlamında vodorosller ko’p jerde awqatlanadı, al ku’ndiz zooplanktoofag balıqlardan qashıp
suw tu’bine ketedi. Ma’wsimlik h’a’m jasına qaray vertikal migratsiyalar gidrologiyalıq,
ko’rsetkishlerdin’ ma’wsimge qaray o’zgeriwine h’a’m organizmlerdin’ o’zinin’ jag’dayının’
o’zgerisine baylanıslı boladı. Mıs: ko’pshilik shayanlar jıldın’ jıllı waqlarında suw betine
ko’teriledi, al salqın waqları suw tu’bine ketedi. (Brodskiy 1957).
Bentos h’a’m perifiton
Bentos organizmler grunt u’stinde h’a’m onın’ arasında tirishilik etedi, usıg’an qaray epi
h’a’m endobentos dep bo’ledi. Ha’reket etiw da’rejesine qaray gezip ju’riwshi yamasa vagilnıy
(krablar, osminoglar, ten’iz juldızları h’a’m t.b.).
Sedentarlı-bunda gruntta jatıp aytarlıqtay h’a’reket etpeydi. (Ko’pshilik mollyuskalar,
ten’iz kirpileri) h’a’m jabısqan yamasa sessiller (gubkalar, lishaynikler, korall polipleri) bolıp
bo’linedi. Razmerine qaray makro, meyo h’a’m mikro bentos dep bo’ledi. Meyobentosqa 0,1-2
mm, makrobentosqa -salıstırma u’lken mikrobentosqa kishi formaları kiredi. Mikrobentostın’
komponentleri-bakteriyalar gribler, vodorosller, a’piwayılar (a’sirese infuzoriyalar) mayda
nematodalar keneler to’men da’rejeli shayanlar h’a’r qıylı gidrobiontlardın’ zarodıshları.
Mezobentos tiykarınan mayda oligoxetler to’men da’rejeli shayan ta’rizliler (ostrakoda
h’.t.b.) balıq uwıldırıg’ı t.b. kiredi. Makrozoobentosqa nasekoma lichinkaları iri mollyuskalar
oligoxetler polixetler, iyne terililer joqarı da’rejeli shayan ta’rizliler xarakterli. Perifiton terminin
1924-jılı A.L.Bening adam ta’repinen qoyılg’an h’a’r qıylı substrtlardag’ı organizmler dep
ataladı. S.Genshtel teskeri qaplap (........................) degen termindi usındı. Ha’zirgi waqıtta bul
2 termin de suw qabatındag’ı h’a’r qıylı substratlarda tirishilik etiwshi h’aywan h’a’m
o’simliklerge tu’sinedi. Perifitonnın’ sostavına diatom h’a’m basqada suw otları gribler,
a’piwayılar, gubkalar, lishaynikler qurtlar, mollyuskalar, murt ayaqlı shayanlar h’.t.b.
omırtqasızlar kiredi. Da’slep substrat mikroorganizmlerden turıwshı silekeyli plenka menen
qaplanadı. (Karzinkin, 1934). Keyin og’an lichinkalar h’a’m omırtqasız organizmler otıradı.
Organizmlerdin’ qattı substrattı uslap turıwı
Bentos h’a’m perifiton organizmleri ushın o’zinin’ qanday da bir biotopqa tuwrılanıwın
iykemlesiwin saqlawı tilekke qarsı h’a’r qıylı aralastırıw ku’shi arqalı boladı. (Suwdın’
h’a’reketi, gravitatsiyalıq ku’shler h’.t.b.). Aralastırıwg’a qarsı turıwı salıstırma salmag’ının’
artıwına baylanıslı boladı. Salıstırma salmag’ının’ artıwı awır skeletinin’ payda bolıwı menen
boladı, usıg’an baylanıslı gidrobiontlar ku’shli ag’ıstada substratlarda aralaspaydı. Mıs:
Ko’pshilik iyne terililerdin’ skeleti qarın ayaqlı h’a’m 2 qaqpaqlı mollyuskalardın’
baqanshag’ının’n’ bolıwı t.b.
Substratqa bekiniw ko’pshilik o’simliklerde a’piwayılarda gubkalarda ishek quwıslılarda
qurtlarda, mollyuskalarda, iyne terililerde bayqaladı, ol waqıtsha yamasa turaqlı bolıwı mu’mkin.
Birinshi jag’dayda organizmler bir neshe ret bekingen ornın o’zgertiwi mu’mkin. (jabısıwshı
piyavkiler aktiniyalar, mollyuskalar h’.t.b.). Turaqlı bekingen organizmler qa’lewi boyınsha
ornın o’zgerte almaydı. (Gubkalar, mshankiler, ustritsalar, murt ayaqlı shayanshalar t.b.).
Substratqa teren’irek kiriwi grunttı shala yamasa tolıq qazıw arqalı boladı. Gruntqa qazıp kiriwge
ko’plegen mollyuskalar iyne terililer, oligoxetler, polixetler ko’pshilik nasekomalardın’
lichinkaları h’a’m ayrım balıqlar uqıplı.
Asılısıp ju’rgen zatlardan, ko’miliwden qorg’anıw h’a’reket etiwi
Suw qabatında asılısıp-aralaspay ju’rgen zatlar suw tu’bine sho’gedi, ol jabısqan
bentoslarg’a o’ltiriw da’rejesinde ta’sir etiwi mu’mkin. Usıg’an baylanıslı bulardın’
ko’pshiliginde ulıwmalıq bir qa’siyet qa’liplesedi, yag’nıy grunt u’stinen ko’terilgen h’alda
jaylasadı.
Bental h’a’m perifitalda tirishilik etiwshiler aktiv h’a’reket etiwi pelagik organizmlerge
salıstırg’anda to’men. Az h’a’reket etetug’ınlar ayrım waqıtları biotopın o’zgertiw maqsetinde
suw qatlamına ju’zedi h’a’m suwdın’ ag’ısı menen 2- bir jerge barıp otıradı. (Mollyuskalar,
oligoxetler). Grunttın’ qattılıg’ına baylanıslı organizmlerdin’ razmeride o’zgeredi. Mıs: bir
osobtin’ tu’rleri 2 qaqpaqlı mollyuska Abra ovata Azov ten’izinde qattı gruntta (qum h’a’m
rakushka) qalın’ rakovinag’a iye h’a’m uzınlıg’ı 25 mm. Al ılaylı jerde uzınlıg’ı 20 mm h’a’m
rakovinası juqa boladı. Qattı substratlarda h’a’reket etiwi ju’giriw yamasa adımlap ju’riw,
o’rmelep ju’riw, tu’rlerinde boladı. Ju’giriw h’a’m adımlap ju’riw ko’pshilik shayan
sıyaqlılarg’a suwdag’ı shıbın shirkeylerge h’a’m olardın’ lichinkalarına o’rmekshi ta’rizlilerge
h’a’m omırtqalılarg’a xarakterli. A’sirese ten’iz litoralında tirishilik etiwshilik ushın xarakterli.
Su’yrelip ju’riw ameboid h’a’reket esabınan boladı. (Jalg’an ayaqlılar) denenin’ jıyrılıp qısqarıwı
na’tiyjesinde (qurtlar) h’a’m kirpiksheler menen (infuzoriyalar t.b.) ko’binshe bul denenin’
tartılıwı menen boladı. Mıs: osminog qarmalawshısı ja’rdeminde substrat sorıp, keyin denesin
tartadı, bunnan keyin qarmalawshısı aldıg’a taslanıp ja’ne qandayda bir substratqa jabısadı.