WRITE çıxış operatoru
WRITE operatorundan informasiyanı ekrana çıxarmaq üçün istifadə edilir.
Yazılışı belədir:
WRITE(а,b,...)
WRITELN(а,b,..),
burada а,b,... – çıxışda olan sabitlər, dəyişənlər və ifadələr siyahısıdır.
İki tam ədədin hasilini hesablayan sadə bir proqram.
Program hasil ;
Var
a,b,c:integer;
Begin
Writeln(‘a ve b-ni daxil edin:’);
Readln(a,b);
c:=a*b;
Writeln(‘hasil=’,c);
Readln;
End.
3.6. Translyator, interpretator və kompilyator
Translyator bir dildə yazılmış proqram mətnini digər dildə yazılmış mətnə çevirən
proqramdır. Translyatorlar iki yerə bölünür – interpretatorlar və kompilyatorlar.
İnterpretator - alqoritmik dildə yazılmış proqram mətnini sətirbəsətir tərcümə edir və
yerinə yetirir.
Kompilyator – alqoritmik dildə yazılmış proqram mətnini bütövlükdə kompüter
əmrlərindən ibarət olan mətnə çevirən proqramdır.
Proqram ancaq onların translyatorları olan halda icra oluna bilərlər. Translyatordan
fərqli olaraq kompilyatorlar exe-faylların yaradılması üçün istifadə olunur ki, onlar da
sərbəst icra oluna bilərlər (yəni, proqpamin yazildiğı mühitdən (sistemdən) asılı olmadan).
KitabYurdu.az
77
23/55
Kompyuterdə məsələnin həlli aşağıdakı mərhələlərdən ibarətdir:
Məsələnin qoyuluşu
Məsələnin, modelin analizi və tədqiqi
Alqoritmin işlənilməsi
Proqramlaşdırma
Testdən keçirmə və sazlama
Məsəslənin həllinin nəticələrinin analizi
Proqramın müşayiəti
Şəkil 9. Kompyuterdə məsələnin həlli mərhələləri
3.7. Proqram mühəndisliyi
Proqram mühəndisliyi – komputer elmi və texnologiyasının çox böyük və
mürəkkəb proqram sistemlərinin yaradılması ilə məşğul olan bir sahəsidir. Başqa
sözlə desək, proqram mühəndisliyi sistemləşdirilmiş standartlar qrupundan istifadə
etməklə proqram vasitələri və komplekslərinin işlənilməsi, praktiki tətbiqi, müşayiət
edilməsi və təkmilləşdirilməsini təmin edən elm sahəsidir.
Bunun üçün də müxtəlif ixtisaslı işçi kollektivinin iştirakı tələb olunur. Adətən
belə sistemlər uzun illər tətbiq edilir, versiyaları yenilənir, həyat dövründə çoxsaylı
dəyişikliyə uğrayır, yeni mühitə uyğunlaşdırılır.
İlk dəfə Software Engineering termini 1968-ci ildə NATO-nun, üçüncü nəsil
hesablama texnikasının tətbiqi nəticəsində “proqram təminatında (PT) yaranmış
böhrana” həsr edilmiş konfransında irəli sürülüb. Elə həmin ildə Londonda PT-nin
işlənilməsi üzrə 22 layihə rəhbərinin görüşü keçirilib. Görüşdə PT-nin problem və
perspektivləri müzakirə edilib və ilk dəfə proqram təminatının həyat dövrü (SLC –
Software Lifetime Cycle) konsepsiyası irəli sürülüb. Bu konsepsiya ətrafında müxtəlif
mübahisələr yaranmışdır. 1970 ildə U.U.Roys (W.W.Royce) belə bir fikir irəli sürür
ki, həyat dövrünün mərhələləri üzərində nəzarətin olması PT-nin keyfiyyətini
artırmağa və onun işlənilməsinə çəkilən xərcləri azaltmağa imkan verəcək.
1972-ci ildə IEEE proqram mühəndisliyinə həsr olunmuş Transactions on
Software Engineering adlı jurnalın 1-ci nömrəsini buraxdı.
Proqram təminatı komputer proqramları və onlarla əlaqəli olan sənədlər
dəstidir. Proqram mühəndisliyi təkcə PT-nin texniki məsələləri ilə deyil, həm də
proqram layihələrinin idarə edilməsi, maliyyələşdirilməsi, kollektivin idarə edilməsi
KitabYurdu.az
78
və s. kimi məsələlərlə də məşğul olur. Bundan əlavə PM-in əsas məqsədi PT-nin
istehsalı prosesini dəstəkləmək, maksimal effektivliyə və keyfiyyətə nail olmaq üçün
vasitə, metod və nəzəriyyələrin işlənilməsindən ibarətdir.
Proqram təminatının əsas modelləri aşağıdakılardır:
1.
Kaskad (şəlalə) modeli;
2.
Spiral (dövri) modeli;
3.
Komponent modeli.
Kaskad (şəlalə) modeli. Proses ardıcıl yerinə yetirilən mərhələlərə bölünür. Hər
mərhələ əvvəlki mərhələ yerinə yetirildikdən sonra başlayır, sonuncu mərhələnin
bitməsi ilə məhsulun yaradılması sona çatır və o əvvəlcədən qoyulmuş tələblərə
müvafiq olmalıdır Hər mərhələnin nəticəsi sənədləşdirilməlidir. İlk dəfə bu model
haqqında U.U. Roys 1970-ci ildə öz məqaləsində məlumat verib.
Şəkil 10. Proqram təminatının işlənilməsinin kaskad modeli.
Spiral (dövri) modeli. Proses yenə də mərhələlərə bölünür, lakin bunlar ardıcıl
olaraq bir neçə dəfə təkrarlana bilər (şəkil 2.2.). Birinci dövrdə ümumi tələblər
əsasında proqram məhsulu yaradılır. Sonra həmin tələblər sifarişçinin istəyinə
uyğun olaraq dəqiqləşdirilir. Proqram sistemi yenidən işlənilir və yeni tələblərə
müvafiq olaraq attestasiyadan keçirilir. Növbəti dövrlərdə proqram tələblərə tam
cavab verənədək.
KitabYurdu.az
79
Dostları ilə paylaş: |