vəkal hissəyə “Yaşıl qələm” cəmiyyətinin üzvləri rəhbərlik edir
dilər (9, s. 410).
Mədəniyyət quruculuğunun həyata keçirilməsində elm və
təhsil sahəsində ali təhsilli milli kadrlar hazırlığı məsələsi daha
çox narahatlıq doğurmuşdur. Bir sıra tədbirlərlə yanaşı, yüz nəfər
azərbaycanlı gəncin xarici ölkələrin ali məktəblərində təhsil
almasına qərar verilməsi də mədəniyyət tariximizdə əlamətdar bir
hadisəyə çevrilmişdir. Belə ki, Parlamentin 1919-cu il sentyabrın
1-də keçirilən 70-ci iclasında universitetinin təsisi ilə yanaşı,
1919-1920-ci tədris ilindən başlayaraq, yüz nəfərin xarici
ölkələrin nüfuzlu ali məktəblərinə göndərilməsi haqqında məsələ
də müzakirə edilmişdir. Əhməd bəy Pepinovun məruzəsinin
müzakirəsində iştirak edən ziyalılar iqtisadiyyatın, elm, təhsil və
mədəniyyətin gələcək inkişafı üçün tələbələrin xarici ölkələrdə ali
təhsil almağa göndərilməsinin əhəmiyyətini vurğulamışlar. Parla
mentin stenoqrafik hesabatlarında (11, s. 71-75) bu məsələ ilə
bağlı geniş məlumat verilmişdir.
Xaricə göndəriləcək tələbələri seçmək üçün Xalq Maarifi
Nazirliyi yanında M.Ə.Rəsulzadə (sədr), Əhməd bəy Pepinov,
Qara bəy Qarabəyli, Mehdi bəy Hacınski və Abdulla bəy
Əfəndizadədən ibarət çox nüfuzlu münsiflər heyəti yaradılmış
dı. Münsiflər heyətinin diqqətlə seçdiyi tələbələrdən 10 nəfə
rinin İngiltərəyə, 23 nəfərinin İtaliyaya, 45 nəfərinin Fransaya,
9 nəfərinin Türkiyəyə göndərilməsi nəzərdə tutulurdu. Nəticədə
isə Xalq Maarifi Nazirliyi tərəfindən xaricə göndərilən tələbə
lərdən 49 nəfərinə Almaniyanın, 27 nəfərinə Fransanın, 4 nəfə
rinə İtaliyanın, 1 nəfərinə İngiltərənin, 6 nəfərinə isə Türkiyənin
müxtəlif ali məktəblərinə göndərilmələri barədə rəsmi sənəd
verilmişdi. Qalan 13 nəfər isə Rusiyaya göndərilməli idi.
Rusiyada vətəndaş müharibəsi ilə əlaqədar yaranmış şəraitə görə
oraya tələbə göndərmək mümkün olmamışdı (9, s. 15).
Sözügedən komissiya üzvləri Xalq Maarifi Nazirliyində
tələbələrin seçilməsi məsələləri ilə məşğul idilər. Bu sahədə
nazirliyin nəzdində olan “Yaşıl qələm” cəmiyyətinin də rolu
179
böyük idi. Azərbaycan Xalq Cümhuriyyəti dövrünün “Yazı
çılar birliyi” hesab edə biləcəyimiz bu cəmiyyətin təsis
toplantısı 1919-cu il avqust ayının 26-da keçirilmişdi. Təsis
yığıncağında Seyid Hüseyn, Məhəmməd Ağaoğlu, Ümmugül-
süm, Əli Yusif, Mirzə Bala Məmmədzadə idarə heyətinə seçil
mişdilər. Seyid Hüseyn yekdilliklə sədr olmuşdu. Cəmiyyətin
iclaslarında
M.Ə.Rəsulzadə,
H.Ağayev,
Ü.Hacıbəyov,
H.Cavid, Ə.Cavad, C.Cabbarlı, S.Mümtaz, A.Şaiq və başqaları
iştirak edirdilər (55, s. 26).
Türk-islam aləmində o vaxta qədər bənzəri olmayan və
milli tariximizə 28 may 1918-ci il İstiqlal Bəyannaməsi ilə
daxil olmuş Azərbaycan Xalq Cümhuriyyəti hökuməti qısa bir
müddət ərzində dövlət quruluşunun təməli hesab olunan bir çox
tədbirləri həyata keçirməyə müvəffəq olmuşdur. İstiqlal
Bəyannaməsinin elan edildiyi gündən dövlət rəmzlərinin
yaradılmasına xüsusi önəm verilmiş, ən mühüm dövlət atribut
larından biri kimi Dövlət bayrağının qəbul edilməsi daha tez
həyata keçirilmişdir. Hökumət 1919-cu il martın 23-də dövlət
gerbinin və üzərində dövlətin adı və gerbi təsvir edilən dövlət
möhürünün layihələrini hazırlamaq məqsədilə müsabiqə elan
olunması barədə qərar qəbul etmişdi. Çox güman ki, müsabi
qəyə göndərilən layihələrin heç biri bəyənilmədiyindən qəbul
edilməmişdi. Buna görə də hökumət hərbi ordenlər, milli himn,
dövlət gerbi və möhürü üçün layihələrin hazırlanması üçün
yeni müsabiqə elan olunması barədə qərar çıxarmışdır (8, s. 92;
26, s. 7; 27, s. 80-86).
Apardığımız tədqiqatlar bizə bir faktı əminliklə söyləməyə
əsas verir ki, çox mürəkkəb şəraitdə fəaliyyət göstərməsinə
baxmayaraq Azərbaycan Xalq Cümhuriyyətinin parlament və
hökuməti elmin, təhsilin, xalq maarifinin inkişafını diqqət mər
kəzində saxlamışdır. Mədəniyyət quruculuğu prosesini dövlət
çiliyin tələblərinə uyğun istiqamətə yönəltmək üçün Cümhuriy
yət hökumətinin həyata keçirdiyi ilk tədbirlərdən biri təhsil
müəssisələrinin milliləşdirilməsi olmuşdur. Eyni zamanda
180
ölkənin ayrı-ayrı yerlərində müxtəlif pillədən olan məktəblər,
gimnaziyalar, qız məktəbləri, uşaq bağçaları, qısamüddətli
müəllim kursları, teatrlar, kitabxanalar və muzeylər açılmış,
milli mədəniyyəti tədqiq və təbliğ edən müxtəlif cəmiyyətlər
yaradılmışdır. Ali məktəb təsis edilmiş, mədəniyyət quruculu
ğunu uğurla həyata keçirmək və ölkəni yüksək ixtisaslı
kadrlarla təmin etmək məqsədilə dünyanın ən tanınmış elm və
təhsil ocaqlarına tələbələr göndərilmişdir.
Azərbaycan Xalq Cümhuriyyətinin yaranması Azərbaycan
xalqının milli dövlətçilik və özünüdərkinin inkişafı tarixində
misilsiz bir hadisə idi. Onun mövcudluğu millətin bütün sosial
təbəqələrində sevinclə duyulmuş, fəaliyyəti cəmiyyətin bütün
qurumlarına, milli həyatın hər sahəsinə nüfuz etmişdi. Azər
baycan Xalq Cümhuriyyəti öz fəaliyyətində milli mədəniyyə
tin, o cümlədən təhsilin, ədəbiyyat və incəsənətin inkişaf
etdirilməsinə xüsusi diqqət yetirmişdir. Faktlar Azərbaycan
parlamenti və hökumətinin sosial-mədəni sahənin köklü inkişaf
etdirilməsi üçün sistemli və məqsədyönlü şəkildə iş apardığına
dəlalət edir. Müharibə və daxili qarma-qarışıqlıq nəticəsində
dağıdılmış məktəb şəbəkəsinin bərpa edilməsi, məktəblərin
yeni şəraitə uyğunlaşdırılması, təhsil müəssisələrinin milliləş
dirilməsi, milli incəsənətə kömək göstərilməsi və s. bu kimi
sahələrdə hökumət tərəfindən mühüm quruculuq tədbirləri
görülmüşdür. Belə şəraitdə məktəb sisteminin dağıdılmasını
dayandırmaq, maarif və mədəniyyət sisteminin işini xalqın
milli mənafelərinə yönəltmək hökumət qarşısında duran
mühüm vəzifələrdən olmuşdur. Xüsusilə də, görülmüş işlərin
ziddiyyətli tarixi şərait, mürəkkəb ictimai-siyasi vəziyyət və 23
aylıq qısa bir zaman kontekstində dəyərləndirilməsi bizə belə
bir danılmaz həqiqəti söyləməyə imkan verir ki, Azərbaycan
Xalq Cümhuriyyəti həyata keçirdiyi mədəniyyət quruculuğu
zamanına görə fövqəladə mədəniyyət hadisəsi idi.
181
Dostları ilə paylaş: |