Bu və ya digər səbəbdən 1974-cü ildə BMT 3010-cu qətnaməni qəbul edir və 1975-ci ili Beynəlxalq
qadınlar ili elan edir. Qətnamədə qeyd edilirdi ki, bu aksiyanın məqsədi kişi və qadınlar arasındakı
bütün fərqlərə son qoymaqdır.
Düz 5 ildən sonra BMT-nin Baş Assambleyası qadınlara münasibətdə bütün ayrı-seçkilik
formalarının ləğvi haqqında Konvensiya qəbul etməyə məcbur olur. Konvensiyanın preambulasında
qeyd edilirdi ki, müxtəlif sənədlərin qəbul edilməsinə baxmayaraq, dünyada qadınlara münasibətdə ayrı-
seçkiliyin, əvvəlki kimi əsas yer tutması, BMT-nın və onun xüsusi təsisatlarını narahat edir. Bununla
bağlı bütün dövlətlərə «kişilər və qadınlar arasında hüquq bərabərliyi prinsipi öz milli konstitusiyalarına
və ya digər müvafiq qanunvericiliyinə daxil etmək; hər hansı şəxs, təşkilat və ya müəssisə tərəfindən
qadınlara münasibətdə ayrı-seçkiliyin aradan qaldırılması üçün bütün müvafiq tədbirlərin götürülməsi ;
qadınlara münasibətdə ayrıeçkiliyi özündə əks etdirən mövcud qanun, qərar, adət və praktikanın
dəyişdirilməsi və ya ləğv edilməsi üçün bütün müvafiq tədbirlərin görülməsi» tövsiyyə edilir (2-ci
maddə, b. a, e, f).
İnsan hüquqlarına dair Ümumdünya konfransının açılışında (1993-cü il, iyun) çıxış edən BMT-
nin Baş katibi Butros Butros Qali qeyd edib ki, ümumi planda insan hüquqlarına nəzər salsaq, bütün
dialektik münaqişələrdən ən çətini ilə «doğmalıq» və «özgəlik», «mən» və «başqaları» arasında
münaqişəylə bilavasitə qarşılaşmaq olar. Belə anlayışlar bütün insanların eyni və bununla belə fərqli
olduğunu birbaşa və açıq göstərir. «Beynəlxalq cəmiyyət tərəfindən insan hüquqlarının tam başa
düşülməsinə və bu səylərdə hamının iştirakına nail olmaqda biz vicdanımızın və qanunun pislədiyi
gələcək pozulmaların qabağını ala bilərik» – deyə sonda B.B.Qali buna umid etdiyini bildirdi. Konfransda
Vyana deklarasiyası və fəaliyyət proqramı qəbul edildi. Burada deyilirdi ki, qadın və qızların insan
hüquqları ümumi insan hüquqlarının ayrılmaz və bölünməz tərkib hissəsidir (18-ci maddə).
1993-cü ilin dekabrında BMT-in daha bir mühüm sənədi – qadınlara münasibətdə zorakılığın
kökünün kəsilməsi haqqında Deklarasiya qəbul edildi. Burada qeyd edilirdi ki, qadınlara münasibətdə
zorakılıq bərabərliyin inkişafın və sülhün əldə edilməsi yolunda olan maneələrdən biridir. Qadınlara
münasibətdə zorakılığın kişilərin üstünlüyünə gətirib çıxaran kişi və qadınlar arasında tarixən
formalaşmış qeyri-bərabər güc nisbətinin təzahürü olduğunu qəbul edən deklarasiya, dövləti «qadınlara
münasibətdə zorakılığı pisləməyə və onun kökünün kəsilməsi baxımından öz vəzifəsini yerinə
yetirməkdən boyun qaçırmaq üçün heç bir adətə, ənənəyə və ya dini motivə əsaslanmamağa çağırırdı»
(4-cü maddə). (7)
Qadınların vəziyyətinə dair BMT tərəfin keçən əsrin son 25-ilində çağırılmış dörd Ümumdünya
konfransı qender bərabərliyi problemni dünya cəmiyyətlərinin diqqət mərkəzinə qoymağa kömək etdi.
Konfransların qərarları ictimai və şəxsi həyatın bütün sferasında qadınların vəziyyətini yaxşılaşdırmaq
haqqında effektiv fəaliyyət planı hazırlayaraq, bir sıra ümumi məqsədlərə nail olmaq üçün bütün dünya
əhalisini birləşdirdi.
BMT-nın yaranmasından keçən birinci üç onilliyikdə təşkilatın əsas fəaliyyəti ilk növbədə qadın
problemlərinin həlli üzrə, onların hüquqi və vətəndaş hüquqlarını müəyyən etmək və bütün dünyada
qadınların vəziyyəti haqqında informasiya toplamaq üzərində cəmləşib.
Qadınların vəziyyətinin yaxşılaşdırılmasına dair strategiya və fəaliyyət planlarını işləyib
hazırlamaq üçün BMT-nin təşəbbüsü ilə ümumdünya konfranslarının çağırılması qender bərabərliyi
uğrunda mübarizənin ikinci mərhələsi oldu.
Qadınların vəziyyətinə dair birinci Ümumdünya konfransı Meksikada çağırıldı (1975-ci ildə).
Qadınlara münasibətdə ayrı-seçkiliyin dünyanın əksər ölkələrində hələ də həll edilməmiş problem olaraq
qaldığını dünya cəmiyyətlərinə xatırlatmaq məqsədilə həmin il Beynəlxalq qadın ili elan olundu.
Konfrans ümumdünya dialoqu yolu ilə bütün qadınların vəziyyətini yaxşılaşdırmağa kömək etmək
səylərində yeni eranın başlanğıcı oldu.
Beynəlxalq qadınların vəziyyətinin yaxşılaşdırılmasına dair zəruri planların işlənməsinə cəlb
etmək üçün Baş Assambleya iştirakçıları üç əsas məqsəd müəyyənləşdiriblər:
•
tam qender bərabərliyi və cinsi əlamətə görə ayrı-seçkiliyi aradan qaldırmaq;
•
qadınları inkişaf prosesinə cəlb etmək və onların bu prosesdə bərabər hüquqlu iştirakını təmin etmək;
•
bütün dünyada sülhün möhkəmlənməsində qadınların verə biləcəkləri faydanı artırmaq.
Konfrans iştirakçıları növbəti 10 ilə qoyulmuş məqsədlər üzrə Ümumdünya fəaliyyət planının
qəbul edilməsi ilə, buna öz münasibətlərini bildirdilər. Əsas məqsəd təhsil, məşğulluq, siyasi fəaliyyət,
səhiyyə, yaşayış yeri ilə təminat, qida və ailənin planlaşdırılması kimi sferalara qadınların bərabər daxil
olmasının təminatı idi. Onlar qadınların inkişafı prosesində bərabər hüquqlu iştirakını təmin etmək üçün
hökuməti milli strateiya işləyib hazırlamağa və məqsəd və prioritetlər müəyyən etməyə çağırırdılar.
1975-ci il Ümumdünya fəaliyyət planının yerinə yetirilməsinin təhlili və qiymətləndirilməsi üçün
1980-ci ildə Kopenhagendə çağırılmış qadın vəziyyətinə dair ikinci Ümumdünya konfransında 145
ölkənin – BMT-nin üzvlərinin nümayəndələri bu sahədə əsaslı tərəqqiyə nail olmaq haqqında vahid rəyə
gəldilər.
1979-cu illin dekabrında Baş Assambleya tərəfindən qadınlara münasibətdə bütün ayrı-seçkilik
formalarının ləğvi haqqında Konvensiyanın qəbulu mühüm dönüş nöqtəsi, qadın bərabərliyi uğrunda
mübarizədə ən vacib vasitələrdən biri idi. «Qadın hüquqları haqqında bill» adlandırılan Konvensiya 165
ölkəni – BMT-in üzvlərini birləşdirdi.
Əldə olunan tərəqqiyə baxmayaraq, konfransın gedişində təmin olunmuş hüquqlarla qadınların
bu hüquqlardan istifadə etmək bacarığı arasında uyğunsuzluğun yranması faktı etiraf olundu. Konfrans
iştirakçıları bu problemin həlli üçün üç sahə ayırırdılar ki, burada xüsusi məqsədyönlü tədbirlərin -
təhsilə bərabər daxil olmaq; işə düzəlmək imkanı və lazımi tibbi xidmətin görülməsi zəruri idi. Konfrans,
yekdilliklə olmasa da, qəbul edilmə ilə sona çatdı.
Qender bərabərliyi uğrunda hərəkat «BMT qadın onilliyinin nailiyyətlərinin: bərabərlik, inkişaf və
sülhün icmalı və qiymətləndirilməsi üçün Ümumdünya konfransı» adı altında qadınların vəziyyətinə
dair üçüncü Ümumdünya konfransında (Nayrobi, 1985) dünya tərəfindən həqiqətən qəbul edildi. Eyni
zamanda forumda iştirak edən QHT 15 mindən çox nümayəndəsi konfransa «dünya feminizminin
yaranması» akta kimi yanaşdı. Meksikada konfransda siyasi və iqtisadi qollara parçalanmış qadın
hərəkatı indi bərabərlik, inkişaf və sülh simvolu altında birləşən beynəlxalq gücə çevrildi.
BMT-in üzvü olan ölkə tərəfindən işlənib hazırlaran və yekdilliklə qəbul edilən «2000-ci ilə qədərki
dövr üçün gələcəyi nəzərdə tutan Nayrobinin strategiyası qadınların vəziyyətinin yaxşılaşdırılmasına
dair mükəmməl layihə oldu. Milli (dövlət) səviyyəsində bərabərliyin əldə olunmasına dair bir sıra
tədbirlər sənədin əsasını təşkil edirdi. Hökumət onun inkişaf strategiyasına və ehtiyat imkanlarına
əsaslanan prioritetlərini müəyyən etməlidir.
Əsas tədbirlər qrupu aşağıdakılar idi: 1) konstitusiya və qanunvericiliyin təkmilləşdirilməsinə dair
tədbirlər; 2) sosial proqramlarda bərabər iştirak; 3) siyasi həyatda və qərarların qəbulunda bərabər iştirak.
Keçən iki onillikdə görülən səylər qadın və kişilər arasında münasibətlərdəki qeyri-bərabərliyin
strukturu əsaslarına toxunmayıb, qalınların hüquqlarının genişləndirilməsi yollarının və bütün
səviyyələrdə qərarların qəbulu prosesində onların bərabərhüquqlu partnyorlar kimi öz prioritet və
dəyərlərinin irəli sürmək imkanlarının axtarılması zərurəti kəsb edir.
Qadın problemləri üzrə dördüncü Ümumdünya konfransı (Pekin, 1995-ci il) – qender bərabərliyi
uğrunda mübarizənin yeni fəslidir. Jəmiyyətin bütün strukturunun və onun daxilində kişi və qadınlar
arasındakı bütün münasibətlərin yenidən qiymətləndirilməsi tələbatını qəbul edərək, qadınların özləri ilə
birlikdə cins konsepsiyasına xüsusi diqqət yetirmək zəruriliyinin dərk edilməsi əsas dəyişiklik oldu. Bu
dəyişiklik qadın hüququnun – insan hüququ və qender bərabərliyinin – həllindən hamının qazanacağı
ümumi problem olmağını bir daha xüsusi olaraq qeyd edir.
Konfrans iştirakçıları Pekin Deklarasiyasını və Fəaliyyət Platformasını qəbul etdilər ki, bu da XXI
əsrdə qadınların tərəqqisi yolunda dönüş nöqtəsi oldu. Fəaliyyət Platformasında qadınların vəziyyətinin
yaxşılaşdırılmasına dair 12 ən mühüm fəaliyyət istiqaməti var: qadın və yoxsulluq, qadınların təhsili və
peşə hazırlığı, qadınlar və səhiyyə; qadınlara münasibətdə zorakılıq; hərbi münaqişələr dövründə
qadınlar, qadın və iqtisadiyyat, rəhbər orqanların işində və qərarların qəbulunda qadınların iştirakı,
qadınların vəziyyətinin yaxşılaşdırılmasında institusional mexanizmlər; qadınların insan hüquqları;
qadınlar və kütləvi informasiya vasitələri; qadın və ətraf mühit; qızlar. Pekin fəaliyyət Platformasını
qəbul edən hökumət bütün dövlət institutlarında, strategiyalarda, planlaşdırmada və qərarların
qəbulunqda qender aspektinin effektiv əlavə edilməsinə dair öz üzərinə öhdəlik götürür.
Baş Assambleya platformanı dəstəkləyərək bütün dövlətləri, BMT strukturlarını və digər
beynəlxalq təşkilatları, həmçinin QHT və özəl sektoru onun tövsiyyələrini yerinə yetirmək üçün tədbirlər
görməyə çağırdı. BMT-ə üzv ölkələrin daha əvvəllər qadınların statusunu möhkəmləndirmək üçün
yaratdığı dövlət mexanizmlərinin daxilində bütün institut və proqramlar qender komponentinin tətbiq
edilməsinə dair mərkəzi koordinasiya orqanlarının yeni funksiyası əlavə edildi.