bu qızın üst dodaqlarının üstündəki nazik qara tüklər
onu eybəcərləşdirir, kişiyə oxşadırdı. Bu tükləri hər nə
qədər qoparıb kökündən çıxarmağa, lap qırxmağa
cəhd etsə də iki-üç gün sonra tüklər həyasızcasına üzə
çıxır, divarın künc-bucağındakı dəlik-deşikdən
başlarını çıxarıb oğrunca boylanan balaca siçan
gözlərini xatırladırdı. Toy gecəsi daha dəhşətli bir
şeyin şahidi oldu. Gözlərinə pişik bığları kimi uzun,
qara bir neçə tük dəydi. Bu tüklər qadının bərk, yumru
qız döşlərinin gilələri ucunda bitib, uzun-uzun
uzanmışdılar. Hələ qarın nahiyəsi lap tüklü idi. O
vaxtdan da bu qadından sidqi siyrildi. Kəndə
qayıdışına, bu qadınla evlənməsinə it peşimanı
olmuşdu. Geriyə qayıdışı, yenidən sevimli tatar qızına,
ondan olan övladına qovuşmaq istəyi isə ona yad gəlir,
gerçəkləşənə oxşamırdı. Qollarını elə zəncirləyib,
buxovlamamışdılar ki, bir də belə bir sevdaya düşəydi.
Bir sözlə, yaman yerə ilişmiş, yaman yerdə
axşamlamışdı... Hər şey ona yuxu kimi gəlirdi.
Yaxınlarının fitnə-felinə qurban getdiyini və belə bir
qızla evləndiyini düşündükcə sarsılırdı. Artıq hər şey
gec idi. Taleyi ilə barışmaqdan özgə çarəsi yox idi.
Bildiyi tək bir şey vardı: qanuni arvadı, tatar qızının
əlinə heç su tökməyə də yaramazdı.
Evliliklərindən iki il keçməsinə baxmayaraq,
övladları olmadı. Kənd arvadları dedi-qoduya
başladılar. Hərə onun haqqında bir şey dedi, ayrı şey
düşündü. Deyilənlər onun qulaqlarına da gəlib çatdı.
Baş götürüb şəhərə-Bakıya qaçmaqdan özgə xilas
yolu tapa bilmədi.
Şəhərdə kirayələdiyi evdə çox çətinliklə yaşasalar
Zəka Vilayətoğlu
12
da, ruhdan düşmədi. Hərdən arvadına mehirsəmək,
onu oxşamaq, əzizləmək də istəyirdi. Amma həmişə
arvadının üzündəki, bədənindəki tüklər onun eşqinə,
həvəsinə, mehrinə kirpi tikanları kimi batır, onu geri
itələyirdi.
Hələm-hələm hirslənən deyildi. Onun hirslənməsi
filin doğuşuna bənzəyirdi-üç-dörd ildən bir. Amma
indi tez-tez hirslənmək istəyirdi, amma kimə, nəyə,
taleyinəmi, bu qadınamı, onu bu qadınla evlənməyə
vadar edənlərəmi-kimə hirslənəydi. Bu qadının nə
günahı vardı?.. Onun ağlına, gözlərinə nə gəlmişdi;
kormu, şüursuzmu idi?.. Yoox, nə kor, nə də ağılsız
idi. Sadəcə, yetim, kimsəsiz, qəlbisınıq olduğundan
başına bu işlər gəlmişdi. Və ya bəlkə də bu cür daha
xoşbəxt ola biləcəyini düşünmüşdü!.. İndi ən böyük
arzusu, yaxasına bıtraq kimi ilişmiş bu qadından qur-
tarmaq idi. Qurtara bilmirdi. Bəlkə sizin həyatınızda
da belə anlar olur. Nəsə etmək istəyirsiniz, amma elə
bil əl-qolunuzu bağlayıblar, etmək istədiyinizi edə
bilmirsiniz. Xüsusən, yuxularda belə hallar daha çox
olur. Sanki Eynar da hər şeyi yuxuda görür, etmək
istədiklərini heç cür edə bilmir, nə qədər aciz, gücsüz
olduğunu düşünüb, kədərlənirdi. Hiss edirdi ki, bütün
bunlar onun sadəlövhlüyü və iradə zəifliyi üzündən
baş verir...
Evliliklərindən daha altı il də ötdü, amma
övladları olmadı. Olmayacaqdı da. Həkimlər belə
demişdilər. Həkimlərin söylədiklərinə görə, onun
arvadında kişilik hormonları üstünlük təşkil
etdiyindən, bu qadının nə vaxtsa ana ola biləcəyi
ehtimalı yox idi. Bu bir yana qalsın, həkimlərin
Milena
13
söylədklərindən sonra onda bir ayrı cür dəhşətli hisslər
baş qaldırmışdı; gecələr yuxudan dik atılır, yanında
yatan arvadının, arvadı deyil də yad bir kişi olduğunu
zənn edir, sarsılırdı. Bu hisslərlə də bütün günü özünü
qınayırdı, günahsız tatar qızını, ondan olan körpəsini
atdığı üçün. Məhz bu səhvinə, günahına görə Tanrının
qəzəbinə tuş gəldiyini düşünürdü... Bir ara uşaq
evindən övladlığa uşaq götürüb saxlamaq, böyütmək
könlündən keçsə də, arvadına baxanda, onun haqqında
düşünəndə dünyadan, həyatdan doyur, usanırdı. Tezcə
də fikrindən daşınırdı. Bu qadınla çox yaşaya
bilməyəcəyini hiss edir, bir daha həyatını yükləmək
istəmirdi. Digər tərəfdən də, axı özünün doğmaca qızı
ola-ola başqasının uşağını övladlığa götürməyin bir
anlamı vardımı? Lap götürsə belə, o uşağı öz ürəyincə
böyüdə biləcəkdimi?.. Uşaq saxlayan idisə, öz halal
qızını saxlaya, böyüdəydi də... Son günlər oralar
çəkirdi onu özünə. Xüsusən, qızı haqda çox düşünür,
kövrəlirdi. Əgər yaşayırdısa, indi xeyli böyümüş
olardı... Hələ o tatar qızı-yaraşıqlı, mehriban sevgilisi
Milena!.. Ona nə düşmüşdü ki, o cür gül-çiçək olduğu
halda, kəpənək kimi uçub gələ, bu qaratikana
qonaydı... Heyif tatar qızından!.. Oka çayının
sahillərində nə qədər qol-qola gəzmiş, nə qədər
ürəkdən sevişmişdilər!.. Onun bircə dadlı öpüşünü
dünyaya dəyişmək olmazdı!.. O günlərdən heyif!..
Günlərlə Okanın Volqaya töküldüyü yerin
yaxınlığında dayanıb bu möhtəşəm qovuşmanı
birlikdə necə heyranlıqla seyr etmişdilər!.. Hanı o
gözəl, qayğısız günlər?!.. Getmək istəyirdi-həmişəlik,
ömürlük! Bunu çox arzulayırdı, amma arvadından
Zəka Vilayətoğlu
14
necə ayrılacağını düşündükcə qanı it qanına dönürdü.
Boşanmaq istəyini heç cür dilə gətirə bilmirdi. Bu
istəyini bildirincə, nələrlə üzləşəcəyini, arvadının
hansı vəziyyətə düşəcəyini təsəvvür edə bilmirdi...
...Balaca rəssam emalatxanasını müxtəlif janrda
çəkilmiş rəsm əsərləri bəzəyirdi. Divarın bir
küncündə Okayla Volqanın coşquyla, sevgiylə biri-
birinə qovuşmasını əks etdirən gözəl rəsm əsəri
diqqəti həmən çəkirdi. Oka üzərindəki nəhəng
körpüdə dayanaraq, suların axışına tamaşa edən gözəl
qadın rəsmi isə bu gözəlliyi tamamlayırdı. Bu, həmin
tatar qızının rəsmi idi. Saatlarla bu rəsmin önündə
dayanır, tamaşa etməkdən doymur, bu anlar köksündə
yatmış xatirələr oyanır, anasını ağladırdı. Ağlamaqdan
özünü güclə saxlayırdı. Tez-tez bu çayların hövzəsinə
çökən nazik duman örtüyü, indi onun gözlərinə çökür,
kövrəlir, doluxsunurdu. Çıxıb yenidən o yerlərə üz
tutmağın, onu sıxan, incidən bu yerlərdən can
qurtarmağın yollarını arayırdı. Artıq bu gediş üçün hər
tədarükü görmüşdü də. Son illərdə sifarişlə çəkdiyi
portretlərdən, mənzərə rəsmlərindən əldə etdiyi pulları
yığıb saxlamışdı. Üst-üstə üç min dollar pulu vardı.
Arvadının bu pullardan xəbəri yox idi. Buna baxma-
yaraq, onun da normal yaşayışını təmin edir, qəlbini
qırmamağa çalışırdı. Övladsızlıqlarının səbəbkarı
arvadı olsa da, bunu heç vaxt onun üzünə vurmurdu.
Artıq bıçaq sümüyə dirənmişdi; bu gün-sabah açıb hər
şeyi arvadına deməyə qərar vermişdi. Onu xəlvəti atıb
getməyi kişiliyinə sığışdırmırdı. Ayrılmaq, ondan
boşanmaq istəyinin səbəbi təkcə övladsızlıq və onun
kişi kimi tüklü olması da deyildi. Arvadı həm də
Milena
15
Dostları ilə paylaş: |