Anasının adını vermək istədi qızına-Məhluqə. Amma
Milena öz arzusunu ondan qabaq bildirdi və onun
qəlbinə dəyməmək üçün uşağın adını Kristina qoydu-
lar...
Hərdən bərk inamsızlayırdı. Düşünürdü, bəlkə bu
mənasız axtarışlara son verib, getsin bazara. İllər əvvəl
meyvə al-veriylə məşğul olduğu bazarda yenidən bu
işə girişsin, boş sevdalardan əl çəksin. Qalan ömrünü,
elə birtəhər buralarda yaşayıb başa vursun. Amma
içindəki rəssamlıq eşqi onu ucalıqlara səsləyir,
həvəsləndirirdi. Bu neçə ildə öz əsərlərindən ibarət bir
sərgisi olmasını çox arzulamışdı. Bakıda çəkdiklərini
dəyər-dəyməzinə kimə gəldi satmışdı. Heç olmasa,
yenidən burda məskunlaşaraq, gözəl əsərlər
yaradacağına və yaxın zamanlarda sərgi təşkil
edəcəyinə hələ də ümidli idi. Bunun gerçəkləşməsi
üçün onun, təbii ki, rahat bir emalatxanası və
qayğılardan uzaq bir həyatı olmalı idi. Sanki yol
ayrıcında qalmışdı. Bu yollardan hansının onu
xoşbəxtliyə doğru aparacağını müəyyənləşdirə
bilmirdi. Bu dəm əhvalı, dadlı şərabın təsirindən xeyli
yaxşılaşmış, durulmuşdu. Amma hərdən hansı hissin
əliyləsə daş kimi atılaraq, bu duruluğu bulandıran bir
şübhə, bir qorxu vardı içində. Hər an hər şeyini itirə
biləcəyindən və sonda içki düşkünü, səfil olaraq,
küçələrdə, zibilliklərdə eşələnəcəyindən, kimsəsiz ölə
biləcə yin dən qorxurdu. İnanırdı ki, onu bu qara-qor -
xudan, şübhələrdən qurtara biləcək yeganə adam
Milena və qızı Kristinadır.
Şərabı son damlasınacan içdi. Sonda alnını, stol
üstündə üst-üstə qoyduğu əllərinə dayadı. Bir qədər
Zəka Vilayətoğlu
60
beləcə dayandı. Könlündən ağlamaq keçdi. Çox
dolmuşdu. Kişi olanda nə olar ki! Ürəyində göllənən
göz yaşlarına dözə bilmir, dəli bir selə dönüb içinin,
ürəyinin hər bənd-bərəsini dağıtmağa çalışan göz
yaşlarını sakit-sakit, qısıq-qısıq, damla-damla
gözlərindən axıtmaq istəyirdi. Bəlli ki, bu, həm yetim-
liyi, kimsəsizliyi, həm də talesizliyi səbəbindən
doğulan bir hissin, olsun ki, bir az da şərabın
təsirindən baş verməkdəydi, verdi də və o, sakitcə
ağlamağa başladı. Qismən rahatlıq tapınca, başını
qaldırdı və kimsənin ona göz qoyub-qoymadığını
bilmək istədi. Hər kəs öz işindəydi. Araq içib xərçəng
yeyən kök kişi də çıxıb getmişdi. O da qalxıb, hesabı
ödəyərək getmək istədi.
Sərxoş idi. Amma özünü heç də pis idarə etmirdi.
Yenidən Okanın sahillərinə qayıtmaq istəyirdi.
Bununçün taksi aradı. Gözlərinə qara rəngli Pradodan
və ondan bir az aralıda dayanmış dövlət nömrə nişanı
olmayan gümüşü rəngli Mersedesdən savayı heç nə
dəymədi.
Pradonun yanında dayanmış iki nəfər qızğın
mübahisə edirdi. Bir anlıq onlara diqqət kəsildi. Elə
bu an həmin iki nəfərdən biri digərinin ürəyinə uzun
tiyəli bıçağı necə sapladısa, o, bu qəfil, gözlənilməz
olaydan dəhşətə gələrək, yerində donub qaldı.
Bıçaqlanan adamı, murdar bir ət parçasıymış kimi
yerə atıb qaçaraq, Mersedesə əyləşən adam, maşını işə
salıb, aradan çıxdı. Bıçaqlanan adam isə qan içində ça-
balayaraq, sürünüb Pradonun qapısının aşağısındakı
ayaq qoyulan dəmirdən yapışdı və ayağa qalxmaq
istədi. Gördüklərindən bir an öncə donuq vəziyyətdə
Milena
61
qalan Eynar birdən ayıldı və sürətlə, bıçaqlanmış
adama tərəf atıldı. Maşının dəmirlərindən bərk-bərk
yapışıb qalxmaq istəyən adamı, təkrar yerə
yıxılmaqdan xilas etmək üçün qolları arasına aldı.
Yaralı inildədi və azəri türkcəsində “Oy ana, ölürəm!..
Kömək edin, yalvarıram!.. Noolar, qoymayın
ölüüüm!.. Xəstəxanaya, xəstə-xa-na-ya çat-dııı-rııın
məəəə-ni, yalva-rıraaaam!.. Ölü-rəəəəəm!..” deyib,
yalvarır, inildəyirdi. Bu doğma dili eşidəndə, vurulan
adamın azərbaycanlı olduğunu bilib lap kədərləndi.
Neyləyəcəyini bilmədi. Onu hara, necə aparsın?!..
Bədbəxtlikdən, maşın da sürə bilmirdi ki, Pradonu
sürüb yaralını xəstəxanaya çatdırsın. Hələ də qolları
arasında çabalayan, inildiyən adamdan soruşdu:
-Kimsiniz?.. Sizi kim vurdu, niyə vurdu?
-Açar sol cii-biimdədir, çıxarın!.. Maşının açaaaa-
rıııı... Offf, sənin anaaanııı... Bıçaqlanmış adam kimisə
söyməyə başladı.
-Darıxmayın, mən indi köməyə adam çağıraram!-
Eynar onu ehmalca sürüyüb maşına yerləşdirmək
istəsə də, bu cüssəli adama gücü çatmadı. Bir az da
sərxoşluğu üzündən gücsüzləşmişdi.
Adam inildəyərək, yenə nəsə demək istədi, amma
çox qan itirdiyindən gücü çatmadı və bir an keçmiş
başı sallandı, hərəkətsizlədi. Gözləri donuq-donuq ha-
rasa zilləndi.
Eynarın üst-başı qan içindəydi. Qolları arasında can
vermiş bu tanımadığı adamın meyitini, axır ki,
sürüyüb zorla maşına uzatdı. Diqqətlə onun hissiz,
açıq gözlərinə baxdı. Öz əksini gördü. Qorxdu,
vahimələndi. Birtəhər özünü ələ alıb, bayaqdan bəri
Zəka Vilayətoğlu
62
restorandan bircə nəfər işçinin bayıra çıxmamasına
heyrət edərək, içəri qaçdı. Restoran işçilərini
hadisədən xəbərdar edib kömək istədi.
Öldürülmüş adamın maşınını görən kimi restoranın
administratoru heyrətlə içini çəkdi:
-Aaaa, bu ki, reket Şirəlinin Cipidir!-meyiti
görəndən sonra isə yanılmadığını dərk etdi və astaca
əlavə etdi: -Bu da axırı!.. Gec-tez belə də olmalıydı!..
Bazarda bundan razılıq edən bir millət görmədim
(burda həmvətənlərimiz biri-birini “bi zimki”, “yer-
limiz, həmvətənimiz” yox, sadəcə “millət” adlan -
dırırdılar). Hamını cana doyurmuşdu. Nə qədər yol
kəsmək, quldurluq etmək olardı, axı?.. Axırı belə də
olmalıydı!.. Kim vurdu, bildinizmi?-adam şübhəli
nəzərlərini onun üzünə yönəltdi. Nə desin, necə desin-
çaşıb qalmışdı. Yaman yerdə axşamladığını düşünüb
sarsıldı. Özünü zorla ələ alıb gördüklərini söylədi.
Amma bu adam ona şübhəylə elə baxdı ki, bu
baxışlardan onun söylədiklərinə inanmadığı aşkarca
sezildi. O, əsl ağlamalı zamanının indi gəldiyini duyub
astadan inildədi. Şərabın süstlüyünü, məstliyini qorxu,
həyəcan əvəzlədi. Bir an içində tamam ayıldı. Qaçıb
aradan çıxmaq fikri keçdi beynindən. Amma, haqqdan
və ya nahaqdan öldürülmüş bir həmvətəninin meyitini
də burda atıb getməyi və ya qaçıb aradan çıxmağı
kişiliyinə, mənliyinə sığışdırmadı. Əgər bu restoran
işçisi ona şübhəylə yanaşırdısa, az sonra gələcək milis
işçiləri heç inanmayacaqdılar. Qoy inanmasınlar, Allah
ki, onun günahsız olduğuna ən böyük şahid idi! Bu,
sadəcə bir təsəlli idi; ürəyi şübhələrin əlində adi bir
oyuncağa çevrilmişdi. Əsl həngamənin bundan sonra
Milena
63
Dostları ilə paylaş: |