-Belə olsaydı, məndən belə tez ayrılmaq istə -
məzdin.
-Bilirsən, mən heç vaxt təsadüflərə inanmırdım.
Səni gördüyüm anın şokundan hələ də qurtara
bilmirəm.
-Nə şok?
-Qəribədir, çox qəribə. Sənin də adın Milenadır,
onun da. İkiniz də yarı alma kimi... İlahi, insan da in-
sana bu qədər bənzərmi?
-Sən
kimin
haqqında
danışırsan?-qadın
qısqanclıqla soruşdu.
-Gəl bu haqda danışmayaq...
-Mənim şəklimi özümə verəcəksən?-qadın soruşdu.
-Əlbəttə. O, məndən sənə hədiyyədir, - Eynar dedi.
-Həmişə belə şeyləri kinolarda görmüşəm. Çox
arzulayardım, kaş mənim də bir rəssam sevgilim
olaydı, çoxlu şəkillərimi çəkəydi.
Eynarı öskürək tutdu. Çox öskürdü. Rahatlanıb
ətrafına baxanda Milenanı görmədi. Anası dayanmışdı
başı üstündə. Əlində moruq mürəbbəsi qarışdırılmış
çay vardı: “İç, tərlə, moruq mürəbbəsi min dərdin
dərmanıdır!” Həmişə nənəsi deyərdi bu sözləri və
uşaqlıqda o, zökəm olunca qırmızı moruğun
mürəbbəsi dadına yetərdi.
Sonra anası da yoxa çıxdı. O, ayıldı və hiss etdi ki,
bədəni buz kimi tərin içərisindədi. Xeyli güm -
rahlaşmışdı. Titətmə, qızdırma keçib getmişdi. Normal
həyata qayıtdığını düşünərək, qalxıb hamama girdi.
Duş qəbul etmək istədi. Duşdan yüksək təzyiqlə
tökülən isti su şırnağının altında dayanıb böyük həzzlə
yuyunmağa başladı...
Zəka Vilayətoğlu
52
Oteldə qaldığı, artıq on bir gün idi. Xəstəliyi
üzündən burda daha bir gün də gecələməli oldu.
Çəkməyə başladığı rəsmin hələ bundan sonra iki günə
tamamlanacağını düşünüb, vaxtı iki gün də uzatdı. İş
tamama yetəndə Milenaya zəng etmək, onunla
görüşmək qərarına gəldi. Hər yanı axtardı, eşələdi,
amma onun telefon nömrəsi yazılmış parçasını heç cür
tapa bilmədi. Kağızı stolun üstünü silib-təmizləyən
otel xidmətçisi zir-zibilə qatıb atmışdı.
Dilxor halda yumruğunu stola çırpdı: “Gətirmir,
mənimki gətirmir!” dedi. Pəncərəyə sarı getdi. Açıb
bayıra baxdı. Bayırın təmiz havasını ciyərlərinə çəkib,
köks ötürdü. Təzədən geri döndü. Çəkdiyi rəsmə
diqqətlə baxdı. Burda hər şeyin diri, canlı alındığına
şübhə yox idi. Onun Milenası daha canlı idi. Əlində
əlacı olsaydı, özü nəfəs verər, köksünə sıxar,
qoxlayardı onu.
Milenanı tezliklə tapacağına olan ümidini hələ
itirmədi. Həmin restorana getmək qərarına gəldi. Ola
bilməzdi ki, o, yenidən o restorana gəlməsin. Getdi və
hətta bir gün axşamacan restoranda, onun ətrafında
oldu, gəzib-dolaşdı, gələnə-gedənə göz qoydu.
Çəkdiyi rəsmi də özüylə götürmüşdü. Təəssüf ki,
Milenanı görə bilmədi. Milenanın özündən daha çox
görmək istədiyi isə həmin xal idi. O xal hər şeyin
doğruluğunu tam təsdiqləyəcəkdi. Bir neçə gün
öncəki təsadüfi görüşləri zamanı Milenanın sağ
gözünün qapağına diqqətlə baxmadığı üçün özünü,
yaddaşını suçlayırdı. O xalın olub-olmadığını görmüş
olsaydı, bunca üzülməzdi.
Milena
53
Sonuncu gün də tamam olmaqdaydı. Dəmir yol
vağzalına yola düşmək üçün yır-yığış eləmişdi.
Çəkdiyi rəsmi, böyük minnətdarlıq hissi ilə “Boulinq”
otelinin rəhbərliyinə bağışladı.
Onu otelə gətirən taksi sürücüsünə-Mixailə
gündüzdən xəbərdarlıq etmişdi. Bu adam ürəyinə çox
yatmışdı. Heç vaxt əlaqəni kəsməməyə, nə vaxt
Moskvaya güzarı düşsə, mütləq onunla görüşəcəyinə
qərar vermişdi.
Axşama yaxın Mixail gəldi. Köhnə dostmuşlar
kimi, çox mehriban görüşdülər. Sonra otelin qeydiyyat
şöbəsindəki qadına yaxınlaşıb pasportunu götürdü və
məmnunluq hissi ilə sağollaşıb taksiyə əyləşdi. Axşam
saat doqquza on dəqiqə işləmiş Moskva-Nijni-
Novqorod qatarı yola düşürdü. Həyəcanlı və kədərli
idi. Milenanın arxasınca Nijniyə getdiyi halda, ürəyi
burdakı-Moskvadakı Milenanın yanında qalmışdı...
Yolun yarısında yadına düşdü ki, otelə borcu qalıb.
Bu üç gündə şəhərlərarası telefonla Bakıda yaşayan
bir yaxın dostuyla uzun-uzadı danışmış, başına
gələnləri ürək ağrısıyla ona söyləmişdi. Hər şeydən
danışmasına, söz salmasına baxmayaraq, harda
olduğunu doğru-dürüst bildirməmişdi. Bu danışıq
üçün, qəribədir, oteldən çıxıb gedərkən ondan heç nə
tələb etməmişdilər. Amma yaxşı bilirdi ki, özünün
yadından çıxdığı kimi, bu, otel işçilərinin də yadından
çıxıb. Vicdan əzabı çəkməyə başladı. Taksi şəhərin
mərkəzinə doğru irəlilədikcə, onun əzabları daha da
artırdı. İçindən bir səs deyirdi: “Qayıt, qayıt borcunu
ödə. Yoxsa ömrün boyu əzab çəkəcəksən. Onsuz da
Zəka Vilayətoğlu
54
oteldə gec-tez bu işdən xəbər tutub arxanca səni
söyəcəklər. Bir gün sənin kimi bir yurddaşın bu otelə
pənah gətirsə, ona xoş üz göstərməyəcəklər. Bu ol-
masa belə ömür boyu Azərbaycan adına da, bu ölkənin
vətəndaşlarına da sənin simanda nifrət edəcəklər!.. Nə
qədər gec deyil, qayıt! Çox olsa, əlli dollar olar bor-
cun!.. Çox da ki, onlara, canından artıq sevdiyin
əsərini bağışlamısan. Səni bir fırıldaqçı zənn edib,
əsərinə də nifrət edəcək, zibilliyə atacaqlar!..”
-Saxla, Mişa!-qəfil dilləndi.
-Niyə?.. Nə oldu?
-Geriyə qayıtmalıyıq-otelə!
-Nə üçün?
-Bir şeyi unutmuşam!
-Qatara gecikəcəyik!
-Eybi yox... Geciksək, sabah axşam gedərəm!
-Hımmm!-Mixail taksini yenidən otel istiqamə -
tində sürdü.
Otelə daxil olan kimi qəbul şöbəsindəki qadının
üzü güldü və sevincək dedi:
-Aaa, nə yaxşı qayıtdınız!.. Lap unutmuşduq, sizin
telefon danışıqlarından qırx iki dollar borcunuz qalıb!
-Elədir! Məni üzrlü hesab edin, elə bununçün yarı
yoldan qayıtmışam. Buyurun!-qırx iki dollarlıq bor-
cunu ödəyib taksiyə tələsdi.
Mixail maşını çox sürətlə idarə etməsinə baxma-
yaraq, qatara gecikdilər. Qatar, cəmisi yeddi dəqiqə
əvvəl tərpənmişdi. O, üzgün halda yenidən otelə
qayıtdı...
...Nijni-Novqorod Rusiyanın qədim şəhərlərindən
Milena
55
Dostları ilə paylaş: |