başlayacağını düşündükcə bədəni gərilir, tarıma
çəkilirdi. Kimi inandıracaqdı ki, bu işdə onun əli yox-
dur! Ən azı üst-başı qan içində, özü də sərxoş idi. İlk
anda hər hansı bir cinayətin törədilməsində, ən azı
şübhəli şəxs kimi saxlanması üçün kifayət qədər
əsaslar, dəlilər var idi... Düşündüyü kimi də oldu...
Milis əməkdaşlarının gəlişindən sonra vəziyyət daha
da gərginləşdi. Sorğu-sualsız, onu qatil kimi həbs
etdilər. Şəhərə müvəqqəti qeydiyyatının olmaması
şübhələri bir az da artırmışdı... İki aylıq sorğu-sualdan,
çək-çevirdən sonra günahsız olduğu aşkarlandı və
azadlığa buraxıldı. Azadlığa buraxılanda isə heç nəyi
qalmamışdı. Pullarını kimsə cibindən götürmüşdü.
Fotoaparatı, noutbuku da,.. yoxa çıxmışdı. Hara və
necə gedəcəyini bilmirdi. Şəhərin küçələrində
boynuburuq qalmışdı. Üz tutub, yol pulu istəyəcəyi
bir kimsəsi də yox idi. Birdən yadına Qəssab Mehralı
düşdü. On beş il əvvəl şəhərin mərkəzi bazarında
qəssablıq edirdi. O vaxtlar yaxınlıqları vardı. Elə bu
ümidlə də mərkəzi bazara üz tutdu. Xoşbəxtlikdən
bazar elə də uzaq deyildi. Piyada, cəmisi beş dəqiqəyə
çatmaq mümkün idi.
Qəssab Mehralını tapa bilmədi. Onun işlədiyi sal-
laqxanada tanımadığı başqa adamlar işləyirdilər.
Ümidi tamam üzüldü. Qəssab Mehralı burda olsaydı,
onu pulsuz qoymaz, xərclik verər, lap bilet alıb Bakıya
da yola salardı.
Bazarda dedilər ki, Qəssab Mehralı iki il əvvəl bu
şəhərdən çıxıb gedib Kazana.
Bazarda bir qədər gəzib dolaşdı. Həmyerlilərinin
arasında tanış bir sima arasa da belə birisinə
Zəka Vilayətoğlu
64
rastlamadı. Hiss etdi ki, adamlar da ona yaxşı baxmır,
onu adi bir səfil, əyyaş zənn edirlər. Hətta bir
həmyerlisi onu bir tatar və ya bir rus əyyaşı zənn
edərək, kürəyindən dürtmələyərək, rusca söydü və
yoldan çəkilib, rədd olmasını istədi. Çox sarsıldı, nəsə
demək istəsə də, susdu və tezliklə burdan uzaqlaşmağa
qərar verdi. Bazardan çıxınca əsgərlik dostunu, bir
vaxtlar onu bu şəhərə gətirən tatarı xatırladı. Sevindi.
Əslində Nijniyə təkrar qayıdışında dostuyla da bu gün-
sabah görüşmək istəyi vardı. Başına gələnlər
olmasaydı, bəlkə də dostunun ona çox köməyi dəyə
bilərdi. İndi də gec deyildi. Onda dostunun yardımına
bir o qədər ehtiyacı olmasa da, indi bu ehtiyac onun
başından aşırdı. İnanırdı ki, dostu onu bu çətin durum-
dan, mütləq çıxaracaq. Amma düşünəndə ki, dostunun
yaşadığı yer burdan çox uzaqdır, daha da məyus oldu.
Burdan oracan iyirmi kilometrlik bir məsafə vardı.
Ora getmək üçünsə bir neçə transport dəyişməli idi.
Bununçünsə ən azı üç-beş manat pulu olmalıydı. Lap
sonrası da, Allah bilir, gedib o tatar dostunu tapa
biləcəkdimi!.. Nə bilsin, bəlkə dostu da Qəssab
Mehralı kimi harasa çıxıb getmişdi!..
Sir-sifəti tamam dəyişmiş, saç-saqqalı əməlli-başlı
uzanmışdı. Sözün əsl mənasında səfilə oxşayırdı.
Ağlamaq istəmirdi, amma gözlərində yaş gilələnirdi.
Bu yaş, kövrəklikdən yox, içini didib-parçalayan
qəzəbdən, hikkədən doğulmuşdu. Kimə, nəyə
qəzəbləndiyini özü də yaxşı bilmirdi. Gözlərindən
süzülən yaş saqqalının cod tükləri arasında itir,
görünməz olurdu. Ağır-ağır, yorğun-yorğun irəli -
ləyirdi. Arıqlamış, ovurdları batmışdı. Həyatında necə
Milena
65
böyük bir səhvə yol verdiyini düşündükcə, bədəni
titrəyirdi. İndi ən böyük arzusu bir az pul əldə edib
qatara bilet almaq, burdan da harasa birdəfəlik çıxıb
getmək idi. Amma bilmirdi hara gedəcəyini... Son
düşüncəsi yenə də Moskva və orda görüb, öz
Milenasına bənzətdiyi qadınla ilgili oldu. Yenidən
Moskvaya qayıtmağın, “Boulinq” kimi bir oteldə bir
neçə gün məskunlaşmağın özü indi onunçün olduqca
müşkül bir işə çevrilmişdi... Kimə ağız açsın, kimdən
pul istəsin?.. Bəlkə küçə-bazar tinlərində dayanıb
dilənçilik etsin, axı burda kimdir onu tanıyan?!.. Yox,
bundansa ölüm yaxşıdır!.. Heç olmasa, fırçası
yanında olsaydı, bəlkə də yoldan ötənlərin şəklini
əlüstü çəkməklə beş-on manat pul qazana bilərdi!..
Çox düşünüb-daşındıqdan sonra yenə də çayların
qovuşduğu yerə getməyə qərar verdi. Bu yad şəhərdə
onlardan gözəl həmdəm, sirdaş yox idi onunçün. Bu
çaylar çox doğma idi ona. Sadəlövhcəsinə düşünürdü
ki, bəlkə onun kimi o tatar qızı da hərdən çaylar
qovuşan yerə gəlir, ilk sevgisini xatırlayır, çıxır gedir...
Elə bu ümidlə də çay qovşağına doğru irəliləməyə
qərar verdi. Amma indi dayandığı yerdən ora xeyli yol
gedəcəyini düşünəndə kədərləndi. Burdan oracan iki
kilometrdən çox məsafə vardı. Ac, yorğun, kədərli və
pulsuz adam üçün bu məsafə olduqca böyük idi.
Amma içindəki sevgi ona güc verdi. Ümidini itirmədi.
Yollarda dincələ-dincələ, nəhayət gəlib Okanın
sahilinə yetişdi. Yenə narın-narın yağış çisələyirdi.
Çayın hövzəsinə sərilmiş nazik duman örtüyü həmişə
olduğu kimi yenə də göz oxşayırdı. Bu gözəlliyi bir
daha seyr edərək, öz-özünə astadan pıçıldadı:
Zəka Vilayətoğlu
66
“Gözəldir, çox gözəldir!.. O isə yenə də yoxdur!..”
Tatar qızını düşünərək, iliklərinə qədər sarsıldı...
Körpüyə qalxmadı. Otu-çiçəyi, artıq saralıb-sol-
maqda olan bir sinəyə-Okanın düz sahilinə doğru
yeridi. Münasib bir yer tapıb oturdu. Çayın
yuxarısından nazik duman qatını yarıb Volqaya doğru
aramla üzüb gələn nəhəng gəmini, lal axan suları seyr
etməyə başladı. Qəfildən köksündə baş qaldıran
ağrılardan özünü itirdi. Ömründə bu cür ağrı hiss
etməmişdi. Ürəyi şiddətlə döyünür, başı gicəllənirdi.
Nə baş verdiyini anlaya bilmirdi. Birdən-birə ağlına
gələn “infarkt” oldu. Elə bil ürəyində dəli şimşəklər
çaxır, bütün arzularını, istəklərini, fərəhini, sevincini
vurub parçalayır, yandırıb külə döndərirdi.
Əlləri köksünə bərk-bərk sıxılmış halda yerə
çökdü, ağrıdan iki qatlandı. Diyirlənib suya
düşməmək üçün, sürünüb nisbətən dinc yerə çıxdı və
qıvrılıb inildədi. Aşağıda isə Oka boyunca üzüb gələn
nəhəng gəmi körpünün altdan keçib Volqanın geniş
sinəsinə doğru üzürdü. O, şiddətli ağrılar içində çaba -
lasa da Milenanı düşünür, arzu edirdi. Canıyla
əlləşdiyi, ağrılarla çarpışdığı halda Milenanın
gözlərini gördü. Bu həmin Milenanın-Moskvada
gördüyü Milenanın gözləri idi. O, fürsəti əldən
vermədən, diqqətlə onun sağ gözünün qapağındakı
xırda qara xala baxırdı. Bu xalı görüncə, qışqırmaq
istədi. Səsi çıxmadı. Zorla pıçıldadı: “Odur-Milenadır!
Sağ gözünün qapağı üstündəki xaldan tanıdım!.. Odur,
mənim Milenamdır!..”
Ağrılar çox amansız idi. O qədər amansız ki,
ürəyini param-parça etdikdən sonra ondan əl çəkdilər.
Milena
67
Dostları ilə paylaş: |