Microsoft Word Vaqif Memmedov xatirelerde doc
Yüklə 21,11 Mb. Pdf görüntüsü
|
Vaqif Məmmədov xatirələrdə 9 Vaqif Məmmədova həsr edilmiş “Gənclik nədir, dinclik nədir” adlı xüsusi məqalə yazıb çap etdirmişdi. Hüseyn İbrahimov kimi tələbkar bir yazıçının cavan bir şair haqqında məqalə yazıb ictimaiyyətə çatdırması ədəbi mühitdə əks-səda doğura biləcək hadisə idi. Məqalədə Hüseyn müəllim Vaqif Məmmədovun yaradıcılığına yüksək qiymət verərək yazmışdı: “O, həssas bir rəssam kimi kiçik bir tabloda geniş bir tablo çəkə bilir, az sözlə oxucusunu düşündürən, xəyala dalmağa məcbur edən poetik təsvirlər canlandırmağı bacarır Vaqifin bir şair kimi yaxşı mü- şahidə qabiliyyəti vardır. Şair cavan olsa da, onu həmişə xeyir- xah əməllər düşündürür Şair oxucunu düşünməyə, şeirini dönə- dönə oxumağa vadar edir. Şeirlərində ictimai motivlər də güclüdür. Onun şeirləri, yığcamlığı, dolğunluğu və orijinallığı ilə diqqəti cəlb edir”. Hələ texnikum tələbəsi ikən ara-sıra “Şərq qapısı” qəzetində şeirləri çap olunurdu. Gənclərə qarşı çox tələbkarlıq göstərən və yeni nəslin istedadlı nümayəndələrinə qayğıkeş olan Hüseyn Razi də Vaqifin şeir yaradıcılığına böyük ümid bəsləmişdir: “Vaqif Məmmədov maraqlı mövzular axtarışındadır. Onu əxlaq məsələləri, adət və ənənələr, təbiət romantikası daha çox düşün- dürür. Onun şeirləri forma və məzmununa görə seçilir. O, təsvir vasitələrinin təzəliyinə və əlvanlığına diqqət yetirir”. Naxçıvan ədəbi mühitində adlarını çəkdiyim həmin üç nəfər nüfuzlu yazıçı və şairin münasibəti bədii yaradıcılığa “yaşıl işıq” qazanmaq üçün tam yetərli idi. Vaqif Məmmədov çox gənc yaşlarında onlardan hər birinin nəinki diqqətini cəlb etmiş, hətta dərin rəğbətini qazana bilmişdi. Qeyd etdiyim kimi, Vaqif Məmmədovla ilk görüşümüz tələbəlik illərində olmuşdu. Bu görüşlərdən biri indiki kimi yadımdadır. Azərbaycan Dövlət Pedaqoji İnstitutunun Naxçıvan filialının 30 iyun 1971-ci il tarixdə Naxçıvan şəhərindəki Böyük Bağ adlanan görkəmli yerində yerləşən Mədəniyyət sarayında keçirilmiş “Məzun günü”ndə mən ali məktəbi fərqlənmə diplo- mu ilə bitirmiş gənc kimi məzunlar adından çıxış etmişdim. Çıxışım yaxşı alınmışdı. Müəllimlərimdən başqa, Azərbaycan Vaqif Məmmədov xatirələrdə 10 Dövlət Pedaqoji İnstitutundan gəlmiş qonaqlar da diqqəti cəlb edən çıxışıma görə məni çağırıb təbrik etmişdilər. Bakıdan gəlmiş Azərbaycan Dövlət Pedaqoji İnstitutunun rəhbər heyəti arasında Mirzə Ələkbər Sabirin oğlu, qiyabi işləri üzrə prorektor Məmədsəlim Tahirlinin təbriki məni ikiqat həyəcanlandırmışdı. “Məzun günü" bitməmiş gənc bir tələbə də yaxınlaşıb təbrik etdi: ---Təbrik edirəm, İsa Həbibbəyli! Çıxışın əla idi. Yazılarını da oxuyuram. Gərək səni institutda müəllim saxlayaydılar. Bu, Azərbaycan Dövlət Pedaqoji İnstitutunun Naxçıvan filialının tarix ixtisası üzrə qiyabi şöbəsinin tələbəsi Vaqif Məm- mədov idi. O zaman Naxçıvan filialının ehtiyacına görə riyaziyyatçı məzunları ali məktəbdə müəllim kimi saxlamışdılar. Bir neçə tələbəyə, o cümlədən də mənə aspiranturaya (indiki doktorantu- raya) qəbul olmaq üçün zəmanət vermişdilər. Naxçıvan filialının rəhbərliyinin və müəllimlərinin fikri bundan ibarət idi ki, aspiranturaya qəbul olan kimi məni Naxçıvan filialında işə qəbul edəcəklər. Bu iş 1975-ci ildə baş tutdu. Artıq ADPİ-nin Naxçıvan filialının tarix fakültəsində qiya- biçi tələbə olan Vaqif Məmmədov istedadı, təhsil səviyyəsi, davranışı etibarilə gənc ziyalı kimi qəbul olunurdu. Onu həm də təmkinli və düşüncəli bir gənc yaradıcı ziyalı hesab edirdilər. Naxçıvanın yaradıcı qüvvələri və müəllimləri, həm də tələbə yoldaşları Vaqif Məmmədovda cavan yaşlarından müdriklik qabiliyyəti görürdülər. O, insanlar arasında, ədəbi mühitdə taraz- lıq yaradır, münasibətlərin gərginləşməsinə yol verməməyə çalı- şırdı. Ətrafı onun sözünə inanır və əməl edirdi. Naxçıvanda ədəbi mühitin normal məcrada inkişafında və o dövrün ədəbi qüvvələri arasında sağlam münasibətlərin formalaşmasında Va- qif Məmmədovun özünəməxsus xidmətləri olmuşdur. Bundan başqa, Vaqif qısa müddətdə özünü yaxşı müəllim kimi də təsdiq etdi. Çox keçmədi ki, onu Sədərək kənd orta məktəbinin direk- toru vəzifəsinə irəli çəkdilər. Və Vaqif Məmmədov Naxçıvan Muxtar Respublikasının ən yaxşı tarix müəllimi kimi tanınmaqla bərabər, həm də məktəb direktoru kimi də ad-san qazandı. Vaqif Vaqif Məmmədov xatirələrdə 11 Məmmədovu Sədərək camaatı sözün əsl mənasında, cavan ağsaqqal kimi qəbul etdi. Doğma kəndlərində də, Şərur rayonu- nda da, muxtar respublika səviyyəsində də onun özünəməxsus nüfuzu formalaşmışdı. Vaqif Məmmədov hələ Naxçıvan Dövlət Universitetinə işə gəlməmiş dəfələrlə muxtar respublika səviy- yəsində keçirilən məsuliyyətli yığıncaqlarda ziyalıları yüksək səviyyədə təmsil etmişdi. Böyük etimad qazanan Vaqif Məm- mədov Sədərəkdən Naxçıvan Muxtar Respublikası Ali Məcli- sinə deputat seçilmişdi. O, deputat kimi də xalqın etimadını qazana bilmişdi. Məktəbin direktoru, maarifçi ziyalı kimi elin- obanın elçisinə çevrilmişdi. Sədərək rayonunun sözünü Vaqif Məmmədov ən müxtəlif səviyyələrdə keçərli şəkildə deyə bilir- di. XX əsrin doxsanıncı illərinin əvvəllərində millətlərarası mü- nasibətlərin qızışdığı zaman sərhəd kəndi olan Sədərəkdə baş verən hadisələr, yaxud gözlənilən təhlükələr haqqında ən etibarlı sözü deyənlərin içərisində Vaqif Məmmədovun münasibəti icti- mai fikrin reallıqlarını diqqət mərkəzinə çəkməyə xidmət edirdi. O, həm aydın vətəndaşlıq mövqeyi, həm də çoxusu “Sədərək harayı” kitabında toplanan mübariz şeirləri və publisist sözü ilə Sədərəkdə Vətən torpağının keşiyində dayanmışdı. Yazıçı- vətəndaşın “Cəbhə gündəlikləri” Sədərək döyüşlərinin ən ob- yektiv salnaməsidir. Qeyd etdiyim bütün bu proseslərin hamısında mən Naxçı- van Dövlət Universitetində, Şərurda və Sədərəkdə Vaqif müəl- limlə dəfələrlə görüşüb söhbətlər etmişdim. Naxçıvana gələrkən Vaqif Məmmədovla daha çox müxtəlif tədbirlərdə, həm də Nax- çıvan Dövlət Universitetində həmişə görüşüb qayğılarımızı, baxışlarımızı bölüşürdük. Bu görüşlərin hamısında Vaqifi aydın mövqeyə malik, yüksək ziyalı-vətəndaş kimi görmüşdüm. Onun bütöv, aydın şəxsiyyəti ilə mövqeyi, baxışları bir-birini tamam- layırdı. Həmin illərdə Vaqif Məmmədovun kitabları haqqında mətbuatda çap etdirdiyim yazılarımda bir məqsədim də yaşayıb- çalışdığı çətin mühitdəki fəaliyyətində Vaqif Məmmədova dəs- tək verməkdən ibarət olmuşdu. Döyüş bölgəsində yaşayan hər hansı bir ziyalı çətin şəraitdə necə fəaliyyət göstərə bilərdisə, Yüklə 21,11 Mb. Dostları ilə paylaş:
|