menen birge a’yyemgi grek filosofiyası mazmunı jagınanda bir-birine qarama qarsı
agımlarg’a bo’lindi.
Filosofiyadag’ı en’ da’slepki materialistlik ta’liymat b.e.sh. VII –VI a’sirler
ortasında Mileet qalasında payda bolg’an. Bul materialistlik ko’z qaras Fanes
Anaksimandr, Anaksimen h’a’m tag’ı basqalar bolıp olar kishi Aziyanın’ batıs
qırg’ag’ındag’ı Yoniya rayonında ju’zege kelgen barlıq filosofiyalıq ta’liymatlardı
Yoniya filosofiyası dep atag’an.
Yoniya sawda jolı kesilispesinde jaylasqanlıqtan,jakın shıg’ıs ma’mleketleri
menen sawda islerin rawajlandırg’an. Sonın’ ushında ……… ma’deniyat tez pa’t
penen rawajlang’an, bul jerden shıqqan danıshpanlar basqa qala ma’mleketlerinde
ilimiy do’retiwshilik penen shug’ıllang’an.
Ma’selen Ksenofon İtaliya h’a’m Sitsiliyada, Pifagor Gretsiyanın’ Kraton
qalasında, Klazomin qalasında tuwılg’an. Anaksagor Afinada, Miletlik Fales,
Anaksimandr h’a’m Anaksimenler Milet qala ma’mleketinde do’retiwshilik penen
shug’ıllang’an.
1. Antik da’wiri adamı sanasında ta’biyat ha’m tariyx antitezası. Antik kosmos.
Waqıt.
Tariyxtın’ antik filosofiyası a’yyemgi du’nya, kosmos, ta’biyat haqqında so’z
etedi, belgili danıshpanlardın’ pikirlerin o’z ishine aladı. Ol qandayda da’rejede
a’psanalarg’a bay bolıp keledi. Ha’r qanday tariyxtag’ıday onda antiteza, yag’nıy bir-
birine keskin qarama-qarsı bolg’an pikirler ushırasadı. Antiteza-grek tilinde qarama-
qarsılıq degendi an’latadı. Onın’ ma’nisi bir-birinen keskin ayrılıp turatug’ın
na’rselerdi salıstırıw bolıp tabıladı.
Tariyxtın’ antik filosofiyasın u’yrengende tariyx a’dette qanday da bir o’zgeris
yamasa rawajlanıw tu’rinde tu’sindiriletug’ının aytıw kerek. Usıg’an baylanıslı bir
neshe kategoriyanı keltirip o’tiw orınlı boladı.
1. Qa’liplesiw – bul bir payttın’ ekinshisine o’zgeriwi yamasa almasıwı. O’zgeriw
menen bir qatarda onın’ o’zi joq bolıp ketedi. Qa’liplesiw protsessine u’zliksiz ag’ım,
o’tkinshilik ha’m zatlar menen qubılıslardın’ o’zgerip barıwı ta’n boladı.
2. Ha’reket. Materiyanın’ bolıwı, tirishilik etiw usılı sıpatında bul da qanday da
ma’niste qa’liplesiw bolıp tabıladı, biraq ol jan’a sapa menen tolıqtırıladı.
3. Rawajlanıw. Rawajlanıw a’piwayı qa’liplesiw ha’m ha’reketten o’zinin’
bag’dardarlanıwı menen ayrılıp turadı. Ol o’zinde berilgen na’rselerdi en jaydıradı.
Mısal retinde biz da’nnin’ bir tuqımın alayıq. Ol ele o’simlik dep atalmaydı. Biraq
tuqımda o’simlik ele en jaymag’an, o’sip o’nbegen tu’rde boladı. Bunnan bılay
rawajlanıw, yag’nıy ko’gerip shıg’ıw, o’siw na’tiyjesinde ol o’simlikke aylanadı.
4. Ja’miyetlik rawajlanıw. Ja’miyetlik rawajlanıw degende birinshi gezekte insandı
alıw kerek. İnsanlarsız ja’miyetlik rawajlanıw bolmaydı. Ol insanlarsız pu’tkilley
mu’mkin emes bul aldıng’ılarg’a qarag’anda jan’a sapa da’rejesindegi rawajlanıw
bolıp tabıladı.
5. t. Tariyxıy protsess ha’m ma’deniyat. Tariyxıy protsesstin’ o’zi atap aytqanda
ja’miyetlik rawajlanıwdı, yag’nıy ja’miyettin’ rawajlanıwın an’latadı. Bunda biz
qa’liplesiw, ha’reket ha’m rawajlanıwg’a tag’ı da bay, tolıg’ıraq kategoriyanı,
yag’nıy tariyxıy protsess kategoriyasın qosıwımız kerek.
Solay etip qa’liplesiw, ha’reket, rawajlanıw, ja’miyetlik rawajlanıw ha’m
tariyxıy protsess olarsız hesh qanday tariyx filosofiyasın qurıw mu’mkin bolmag’an
bas za’ru’rli kategoriyalar bolıp tabıladı.
Antik filosofiyada usı kategoriyalar haqqında o’zinin’ pikirin bildirgen
danıshpan filosoflar Geraklit, Empedokl, Demokrit, Platon, Aristotel, Parmenit,
Gesiod ha’m basqalardı atap ko’rsetiw mu’mkin. Ma’selen olardın’ arasında
Empedokl o’zinin’ yarımlay a’psanalıq, yarımlay filosofiyalıq tilinde du’nyanın’
ha’m adamnın’ qa’liplesiwi haqqında pikir bildiredi. Onın’ tiykarg’ı eki
kosmologiyalıq printsipi belgili. Onın’ pikirinshe Su’yispenshilik (muhabbat) ha’m
Dushpanlıq turaqlı o’z-ara ha’rekette boladı. Da’slep Su’yispenshilik nızamı
boyınsha barlıg’ı bir tutas ajıralmas na’rsege birigedi. Son’ınan Dushpanlıq nızamı
boyınsha usı ajıralmas ha’m bo’linbeytug’ın bir tutaslıq ayırım elementlerge bo’linip
ketedi. Solay etip kosmos payda boladı. Son’ınan bul kosmos bara-bara ıdırap, nabıt
boladı. Na’tiyjede ulıwma du’nya ju’zlik o’zgeris payda bolıp, onda individuallıq
na’rselerdin’ ba’ri nabıt boladı. Solay etip bılg’asıq (xaos) jag’dayınan kosmosqa,
kosmostan qaytadan xaos jag’dayına o’tiw Empedokldın’ pikirinde ma’n’gi dawam
ete beredi. Yag’nıy onın’ filosofiyası ma’n’gi qa’liplesiw printspin alg’a qoyadı.
Antik filosofiyada sonday-aq joqarıda atap ko’rsetilgen ha’reket kategoriyasıda
tolıq da’rejede sa’wlelendirilgen. Bunı bir so’z benen aytqanda «barlıq na’rse
ha’rekette boladı, ha’reket etedi» dep tu’sindiriw mu’mkin. Durıs, bunnan aldın
filosof Parmenid ha’m Platonlar absolyut ha’reketsizlik haqqında pikir bildirgen.
Parmenid eki du’nya haqqında so’z etedi. Olardın’ biri taza pikirlew du’nyası. Ol
ha’reketsiz, formasız, bo’linbeytug’ın ha’m materiallıq du’nyanın’ o’tkinshiliginen
o’z aldına boladı. Al materiallıq du’nyada bolsa barlıg’ı ag’ımda boladı, barlıq na’rse
o’zgerip turadı, dep ko’rsetiledi. Parmenid du’nya ot ha’m jerdin’ aralaspasınan kelip
shıqqan dep tu’sindiredi. Ol sonday-aq ot, hawa, jer elementlerinen ibarat bolg’an
kosmos haqqında so’z etedi. Parmenidtin’ sonday-aq, jen’il at arbada en’ joqarı
qudayg’a deyin jetip barıw haqqında a’psanasıda bar. Al Platonnın’ pikirinshe en’
a’jayıp tu’rde qa’liplesken, universal dene – kosmos bolıp tabıladı. Onı bizler
ko’remiz, esitemiz ha’m sezemiz, ol ma’n’gi ha’rekette, qozg’alısta boladı. Platon en’
durıs ha’reket – bul halqa, do’n’gelek boylap ha’reket etiw bolıp tabıladı, dep
esaplaydı. Bul ha’reket en’ jetilisken ha’m ba’rhama dawam etetug’ın ha’reket dep
ko’rsetedi. Du’nyanın’ payda bolıw teoriyasına bag’ıshlang’an o’zinin’ «Timeya»
shıg’armasında Platon bılay dep ko’terin’kilik penen jazadı` «O’lip ketetug’ın ha’m
o’lmeytug’ın janzatlardı o’z ishine alıp, kosmostın’ o’zi ko’rinip turg’an barlıq
na’rselerdi qamtıytug’ın tiri jang’a aylanadı. Ol ullı ha’m en’ jaqsı, a’jayıp ha’m en’
jetilisken, birden-bir ha’m bir qıylı aspan (a’lem) bolıp tabıladı». Bul aspan ba’rhama
aylanısta boladı. Geraklit ha’m Demokrittede barlıq na’rsenin’ ha’rekette, aylanısta
bolatug’ını haqqında pikirler bar. Sonday-aq, antik filosoflar aspandı ko’binese
sharg’a ten’estirgen. Ma’selen, Ksenofan «Quday talanın’ o’zi shar ta’rizli» dep
ko’rsetedi. Al Parmenit bolsa, aspandı «sharlardın’ arasında en’ sarrası» dep ataydı.
Ol tek jer g’ana emes, al pu’tkil a’lem shar formasına iye, ha’tte «quday
qozg’almaytug’ın, shar formasına iye» dep ko’rsetedi. Solay etip antik filosoflardın’
ha’r qanday ha’reket do’n’gelek, shar ta’rizli dep tu’sindirgenin ko’remiz.
Sonday-aq, bul filosoflar arasında ma’n’gi ha’reket penen birge ma’n’gi qaytıw
ideyasıda aytıladı. Demek bunda ma’n’gi aylanıw ma’n’gi qaytıw menen baylanıslı
dep tu’siniwde mu’mkin.
Rawajlanıw kategoriyasına keletug’ın bolsaq, Aristotel ma’selen entelexiya
haqqında so’z etedi. Bul sırttan qarag’anda sho’lkemlesken ha’m materiallıq an’lap
sezilgen turmıstın’ janlı rawajlanıw na’tiyjesi bolıp tabıladı. Bul filosofta «burın
rawajlang’an na’rse, endi belgili bir qa’liplesken turmısqa aylandı» degen termin,
pikir bar. Sonday-aq Arestotel rawajlanıw haqqındag’ı ta’liymatında ha’r qanday zat
o’zinin’ tiykarg’ı «sebebi» sıpatında materiyag’a iye boladı. Biraq taza tu’rinde
Dostları ilə paylaş: |