22
edir. Onun oksigen rejimi tam pozulmuşdur və suda konsentrasiyası 1-2 mq/l
arasındakı tərəddüd edir ki, bu da sanitar normadan 2-4 dəfə azdır. Gölün suyunda
oksigenin azlığı görünür ki, gölə atılan çirkləndirici maddələrin oksidləşməsindən
irəli gəlir. Burada oksigenin biokimyəvi sərfi 16 mq/l təşkil edir ki, bu da
normadan 4 dəfə artıqdır.
Böyük şor gölündə kation və anionların konsentrasiyası normanı kəskin
şə
kildə aşır. Belə ki, kalsiumun miqdarı yol verilən qatılıq həddindən (YVQH) 45
dəfə, maqnezium 15 dəfə, xloridlər 205 dəfə, sulfatlar isə 3 dəfə çoxdur. Neft
məhsulları və fenolların konsentrasiyası sanitar normaları uyğun olaraq 66 və 20
dəfə aşmışdır. Detergenlərin də (sintetik yuyucu maddələrin) miqdarı normadan 9
dəfə yüksəkdir. Ağır metalların misin konsentrasiyası 6 dəfə, kadmiumun
konsentrasiyası isə 2 dəfə normadan artıqdır.
Hal-hazırda Böyük şor gölünü qurutmağa çalışırlar. Onun su hövzəsinin
çirklənmə səviyyəsi olduqca yüksəkdir və ekoloji təhlükənin artması davam
etməkdədir.
Bülbülə
gölü səthinin sahəsi 300 ha, dərinliyi 2,5 m olmaqla Abşeron
yarımadasının mərkəzində yerləşir. Gölə axıdılan məişət tullantılarının gündəlik
miqdarı 25,1 min m
3
, uyğun olaraq illik həcmi isə 9162 min m
3
təşkil edir.
Bu tullantılar əsasən Bakıxanov, Bülbülə, Əmircan və Qaraçuxur
qəsəbələrinin məişət-çirkab sularından ibarətdir. Gölün suyu şortəhər olmaqla
minerallaşma dərəcəsi 1,7 q/l-dir. Kationların (kalsium və maqneziumun)
konsentrasiyası norma daxilində tərəddüd edir, anionların (xloridlər və sulaftların)
miqdarı isə normadan cüzi dərəcədə yüksəkdir.
Detergenlərin miqdarı YVHQ-dən 9,5 dəfə, fenolların miqdarı 8 dəfə, neft
məhsullarının və misin konsentrasiyası isə 3,5-4 dəfə artıqdır. Gölün oksigen
rejimi norma daxilindədir və bu göl Böyük şor gölü ilə müqayisədə
çirklənməyə o qədər də yüksək dərəcədə məruz qalmamışdır.
Qırmızı gölün ərazisi 700 ha, suyunun həcmi isə 8,3 mln.m
3
-dir. 1976-cı ilə
kimi göl neft mədənlərindən çıxan lay sularının qəbuledicisi kimi istifadə
olunmuşdur. Hal-hazırda hər gün Lökbatan qəsəbəsindən 47,3 min m
3
məişət
tullantıları gölə daxil olur.
Beləliklə, Qırmızı gölə il ərzində 17955 min m
3
çirkab suları buraxılır ki,
onların da əsasını Lökbatan qəsəbəsinin məişət-çirkab suları (9115 min m
3
) və
Hacı Həsən gölündən axan sular (6570 min m
3
) təşkil edir. Gölün suyunun oksigen
rejimi ciddi pozulmuşdur. Belə ki, həll olmuş oksigen normadan 2-2,5 dəfə az
müşahidə olunur. Suyu şor olmaqla minerallaşma dərəcəsi 55 q/l-dir.
Aparılan laboratoriya tədqiqatlarının nəticələri göstərir ki, gölün suyunun
tərkibində anion və kationların konsentrasiyası YVHQ-ni dəfələrlə aşır. Bu zaman
kalsiumun miqdarı normadan 2,3 dəfə, maqnezium 5,7 dəfə, xloridlər 8,5 dəfə,
sulfatlar isə 8 dəfə yüksək qeydə alınmışdır. Suda fenolların konsentrasiyası
normanı 15 dəfə, neft məhsulları 5 dəfə, mis 4 dəfə, kadmium və detergenlərin
miqdarı isə 3 dəfə aşır. Bütün bunlar gölün ekoloji durumunun gərgin olduğunu
deməyə əsas verir.
23
Hacı Hə
sə
n gölü Bakı şəhərinin cənub-qərb hissəsində – Yasamal dərəsində
yerləşir. Akvatoriyası 175 ha, dərinliyi 2 m, suyunun həcmi isə 3,2 mln m
3
-dir.
Gölə il ərzində 9040 min m
3
məişət-sənaye çirkab suları atılır ki, onların da 80%-i
məişət mənşəli tullantılardır, suyunun minerallığı 2,5 q/l-dir. Gölün suyunun fon
tərkibində anionlar üstünlük təşkil edir və konsentrasiyası sanitar normaları aşır.
Xloridlərin miqdarı normadan 44 dəfə, sulfatların miqdarı isə 1,6 dəfə yüksəkdir.
Hacı Həsən gölü ancaq fenollar (YVHQ=8), cadmium (YVHQ=4) və mis
(YVHQ=3,5) ilə orta səviyyədə çirklənmişdir. Gölün su mühitinin və dib
çöküntülərinin çirklənmə dərəcəsi ekoloji baxımdan orta qiymətləndirilə bilər.
Zığ
gölü səthinin sahəsi 20 ha, dərinliyi 1,5 m olmaqla Zığ qəsəbəsindən axan
məişət-sənaye suları və yeraltı sular hesabına qidalanır. Gölə axıdılan məişət
tullantı sularının illik həcmi 1826 min m
3
, sənaye (neft, qaz) tullantıları isə
73 min m
3
-dir. Götürülmüş su nümunələrinin analizlərinin nəticələri göstərir ki,
gölün suyu şor olmaqla minerallaşma dərəcəsi 166 q/l-ə çatır. on tərkibində
xloridlər 96, mqanezium 42,6 və sulfatlar 5,4 q/l olmaqla sanitar normaları
müvafiq olaraq 274,21 və 11 dəfə aşır. Gölün suyunun oksigen rejimi
pozulmuşdur.
Oksigenin konsentrasiyası sanitar normadan 1,6 dəfə aşağıdır. Çirkləndirici
maddələrdən yüksək miqdarda cadmium 8,4 , mis 6, detergenlər 0,45 mq/l olmaqla
müşahidə olunur ki, bu da sanitar normadan uyğun olaraq 8,4 ; 6 ; 4,5 dəfə
yüksəkdir.
Zığ gölünün dib çöküntülərində manqan (222 mq/kq), neft məhsulları (63
mq/kq), mis (66 mq/kq), nikel (40 mq/kq), kadmium (21 mq/kq), sink (18 mq/kq),
xrom (12 mq/kq) və kobalt (8,6 mq/kq) toplanmışdır. Göldə ekoloji vəziyyəti orta
qiymətləndirmək olar.
Masazır gölü ellips formasında olub səthi 8,33 km
2
-dir. Ən böyük eni 2,6 km,
gölün orta dərinliyi 0,6 m, sahil xəttinin uzunluğu 14 km, suyunun həcmi 6,8 mln
m3-dir.
Göl əsasən atmosfer yağıntıları və qismən yeraltı sular hesabına qidalanır.
Bundan başqa, gölə Masazır və Novxanı qəsəbələrinin məişət kommunal suları
axıdılır. Tullantı sularının miqdarı gün ərzində 8 min m
3
təşkil edir. Gölün suyunun
minerallaşma dərəcəsi 280 q/l təşkil edir və bu göstəriciyə görə Masazır gölü
ş
or sulu göllər qrupuna aid edilir. Suyunun ion tərkibində xloridlər (161 q/l) və
sulfatlar (8,6 q/l) üstünlük təşkil edir, onların konsentrasiyası sanitar normaları
müvafiq olaraq 2 və 17 dəfə aşır.
Kalsium (0,6 q/l) və maqnezium (3,4 q/l) konsentrasiyası nisbətən az olsa da
onların göstəriciləri sanitary normadan 3,5 və 17 dəfə yüksək qeydə alınmışdır.
Çirkləndirici maddələrdən daha yüksək miqdarda misin və kadmiumun
konsentrasiyaları müşahidə edilir ki, onların da göstəriciləri normanı müvafiq
olaraq 10,5 və 17 dəfə aşır.
Detergenlərin və neft məhsullarının miqdarının nisbətən az olmasına
baxmayaraq onların da konsentrasiyaları normadan müvafiq olaraq 6 və 2,4 dəfə
yüksək qeydə alınmışdır. Masazır gölünün suyunun davamlı çirklənməsi dib
çöküntülərinin də çirklənməsinə səbəb olur.