446
Mühacirətin daha böyük olanvə kütləvi xarakter daşıyan II mərhələsiAzərbaycan Xalq
Cümhuriyyətinin süqutu ilə başlamışdır. Bu mərhələ sovet hakimiyyətinin ilk illərindən II dünya
müharibəsinə qədər olan dövrü əhatə edir. Təxminən 1920-1941-ci illəri əhatə edən bu mərhələdə
bolşeviklərin müsavatçılara, ittihadçılara və azad fikirli şəxsiyyətlərə qarşı güclü terror və repressiya
tədbirləri aparırdılar. Bu səbəbdən də Azərbaycanın siyasi xadimləri ilə yanaşı olarla vətənpərvər, ziyalı,
alim, yazıçı ölkəni tərk etmək məcburiyyətində qalmışdılar. Bunların içərisində Mirzə Bala Məmmədzadə,
Almas İldırım, Əbdülvahab Yurdsevər , Yusif Vəzir Çəmənzəminli , Kərim Odər, Əhməd Cəfəroğlu,
Mehmet Sadiq Aran, Əlimərdan bəy Topçubaşov, Ceyhun Hacıbəyli və başqaları kimi görkəmli
şəxsiyyətlər vardır. Sovet dönəmində adları çəkilən şəxsiyyətlər öz vətənlərində vətən, millət xaini kimi
qələmə verilir, onlar haqqında düşmən təsəvvürləri yaradılırdı. Sovet mətbuatında müntəzəm olaraq
“məktublar” təşkil olunur, onlar “xalq düşməni”, “vətən xaini” damğası ilə ifşa edilirdi.
Əvvəlkindən fərqli olaraq bu mərhələnin təmsilçiləri vahid təşkilatda – 1924-cü ildə Məhəmməd
Əmin bəyin İstanbulda əsasını qoyduğu Azərbaycan Milli Mərkəzində birləşmişlər. Mərkəzin qurucuları
Azərbaycan mübarizəsini təkcə siyasi çərçivədə deyil, həmçinin mədəni-kulturoloji aspektdə dərk
etdikləri üçün milli-mənəvi xəzinəmizin təbliğinə xüsusi yer ayırırdılar. Azərbaycan mühacirətinin
təşkilatmasında M.Ə. Rəsulzadənin mühüm xidmətləri olmuşdur. M.B.Məmmədzadənin qeyd etdiyi kimi,
həqiqətən də Məhəmməd Əmin bəyin gəlişinə qədər Azərbaycan mühacirəti “bağsız, imkansız, pərişan bir
şəkildəydi”. Məhz onun ciddi, səmərəli fəaliyyəti nəticəsində Türkiyəyə və Avropanın müxtəlif ölkələrində
səpələnmiş Azərbaycan mühacirəti birləşmiş və məqsədyönlü fəaliyyət göstərə bilmişlər.
Azərbaycan mühacirət ədəbiyyatının bu aparıcı mərhələsindəsistemli şəkildə nəşrinə və təbliğinə
1922-ci ilin sonundan dərc olunmağa başlayan mühacirət mətbuatının çox böyük təsiri olmuşdur. 1922-
1931-ci illərdə İstanbulda nəşr olunan “Yeni Qafqkazya” , “Azəri-türk”, “ Odlu Yurd” jurnalları, “Bildiriş”,
“İstiqlal” və s. kimi qəzetlərdəAzərbaycan mühacirətinin ədəbi-bədii və nəzəri-tənqidi yazılarına ardıcıl
şəkildə yer ayrılırdı. Bu qəzetlər Avropanın müxtəlif şəhərlərində işıq üzü görürdü. 1932-34 və 1954-cü
illərdə Əhməd Cəfəroğlunun redaktorluğu ilə nəşr olunan “Azərbaycan yurd bilgisi” jurnalı isə mühacirət
ədəbiyyatşünaslığı və ədəbi tənqidinə daha çox üstünlük verirdi.
Azərbaycan mühacirət ədəbiyyatının III mərhələsi II Dünya müharibəsinin başlanması nəticəsində
yaranmış və əsas etibarı ilə 1941-1945-ci illərdə əsir düşmüş, yaxud Sovet imperiyasının zülmündən
yaxasını qurtarmaq üçün bilərəkdən əsirlik həyatını seçən siyasi-intellektual potensialı əhatə edir. Sovet
höküməti almanlara əsir düşmüş əsgərlərin alman kəşfiyyatına xidmət etdiklərindən şübhələnirdi.Ona görə
də əsirlikdən vətənə dönənlərin çoxu, ya yenidən sürgün olunur,ya da həbs edilirdilər. Onların arasında
müharibədən sonra xarici ölkələrdə qalaraqAzərbaycan mühacirət ədəbiyyatının gələcək inkişafına təkan
verən yazıçılar və şairlər də var idi. Onu da qeyd etmək lazımdır ki, əvvəlkidövrlərlə müqayisədə bu
mərhələnin yaradıcı nümayəndələri o qədər də böyük deyildir. Lakin bütün çətinliklərə baxmayaraq,
mühacir ədiblərinin bu nəsli də ədəbiyyatımızın inkişafında bir çox xidmətlər göstərmişlər. Bu dövrün
yazarlarının əsərləri Almaniyada nəşr olunan “Azərbaycan” qəzetində, həmçinin Türkiyə mətbuatında işıq
üzü görürdü . Ən görkəmli nümayəndələri Altay Dağlı, Süleyman Təkinər, Fətəlibəy Düdənginski,
Məhəmməd Kəngərli, Məcid Musazadə və başqaları hesab olunurlar.
Mühacirət ədəbiyyatının son – IV mərhələsi. Daha çox Azərbaycanın Güneyində İslam rejimindən
formalaşması ilə başlanmışdır. Təxminən həmin illərdən etibarən keçmiş Sovetlər Birliyində milli-azadlıq
hərəkatının güclənməsi, yenidənqurma, aşkarlıq və s. bu kimi proseslər “dəmir pərdə”nin tədricən aradan
götürülməsinə gətirib çıxarmışdır. Bu da mühacirətin yeni dalğasının yaranmasına təkan vermişdir. Bu
illərdə olan mühacirətin yaranmasını şərtləndirən başlıca amil vətənimizin Güneyində yaşayan
soydaşlarımızın milli hüquqlarının tapdalanması ilə bağlıdırsa, digər tərəfdən Quzeydə milli-azadlıq
hərəkatının güclənməsi, itirilmiş dövlətçiliyin bərpa olunması (1991-ci ilin oktyabrın 18-də) Azərbaycan
respublikasının yaranması, azad demokratik dünya ilə əlaqə və rabitə ehtiyaclarının təmin edilməsidir.
Azərbaycan mühacirətinin sonuncumərhələsi özünəməxsus xüsusiyyətləri ilə seçilməkdədir. Lakin,
mühacirətin bu mərhələsi əvvəlkilərdən fərqli olaraq, oturuşmadığı üçün onun haqqında ciddi tədqiqatlar
aparlmamış, sabit yekdil rəylər formalaşmamışdır.
Azərbaycan mühacirət ədəbiyyatının müasir mərhələsinin digər özünəməxsus cəhətlərindən biri də
onun daha çox Güneydəki ədəbi potensiala söykənməsidir. Bu isə, ciddi sosial-siyasi səbəblərlə bağlıdır.
Belə ki, onun uzun müddət Güneydə “dəmir pərdə”nin mövcud olmuş dünya ilə əlaqəsinin zəifləməsinə
gətirib çıxartmışdır. Lakin rejimin bütün məhdudiyyətlərinə baxmayaraq dünyaya çıxış imkanlarının tam
aradan qaldırılmaması Güney əsilli mühacirətin formalaşmasının qarşısını ala bilməmişdir. Bu gün
Güneydən olan soydaşlarımızın mühacirətdə sayca üstünlük təşkil etməsinin bir səbəbi bununla
əlaqədardırsa, digər tərəfdən isə bütövlükdə dörddə üç hissəsinin həmin ərazini əhatə etməsi ilə bağlıdır.