61
Azərbaycanın xarici iqtisadi siyasətinin 2 yanaşması var: azad ticarət və ya
proteksionizm. Azərbaycanın müstəqilliyinin ilk illərində azad ticarət prinsipləri
üstünlük təşkil etsə də, hazırda getdikcə hər iki yanaşmanın optimal nisbətindən
istifadəyə çalışılır.
Azərbaycanın iqtisadi tərəqqisinə nail olmaq üçün həyata keçirilən xarici
iqtisadi siyasət aşağıdakıları əhatə etməlidir:
1. maliyyə sabitliyi və sabit maliyyə sisteminin yaradılması;
2. milli ixracatçıların bir çox növ məhsullar üzrə dünya bazarlarında köklü
mövqe əldə etmələri üçün aktiv struktur siyasəti;
3. ixracatçılar üçün güclü dövlət dəstəyinin təmin edilməsi;
4. xarici kapitalın cəlbinin aktivləşdirilməsi üçün sahibkarlıq mühitinin
təkmilləşdirilməsi.
Tədiyə balansının tənzimlənməsi nəzarətini həyata keçirən orqanlardan biri
Mərkəzi Bankdır. Dövlət bir neçə metodla tədiyə balansını tənzim edir. Bu
metodlardan birbaşa nəzarət (idxal, ixrac, gömrük nəzarəti, pul köçürmələri,
investisiyalar və s. üzərində nəzarət), deflyasiya (inflyasiya ilə mübarizə) valyutanın
mübadilə kursunun dəyişməsi və s. göstərmək olar.
Dövlət həmçinin pul-kredit bazarına təsir vasitəsi və ölkənin tədiyə
qabiliyyətinin möhkəmlənməsi amili kimi valyuta tənzimlənməsindən geniş istifadə
edir. Bütün sivil ölkələrdə olduğu kimi, maliyyə bazarı inkişaf etdikcə dövlət öz
monetar məqsədlərinə daha çox qiymətli kağızlar bazarında əməliyyatlar aparmaq
hesabına nail olmağa üstünlük verir.
Daxil olan pul, ödəmələrdən artıq olduqda tədiyə balansı aktiv, əski olduqda isə
passiv adlanır. Tədiyə balansının passiv qalığı adətən, öz valyuta hesabına, ya da
xarici istiqraz, kreditlərin və idxal edilmiş xarici kapitalın köməyilə ödənilir.
Tədiyə balansının göstəriciləri ölkənin real tədiyə qabiliyyətini göstərməklə
yanaşı, həm də həmin ölkənin xarici dövlətlərdən nə dərəcədə asılı olduğunu göstərir.
Xarici ölkələrdən asılılıq isə makromaliyyə sabitliyə öz təsirini göstərir.
62
Tədiyə balansı ölkənin makroiqtisadi durumunun qiymətləndirilməsi, ölkəyə və
ölkədən əmtəə, kapital, valyuta, xidmət axınlarının izlənməsi baxımından son dərəcə
vacib iqtisadi vasitədir.
2013-cü ilin yekunlarına görə, cari əməliyyat hesablarının profisiti 12,3 milyard
dollar təşkil edib. Bu rəqəm 2012-ci ilin müvafiq dövrünün göstəricisi ilə müqayisədə
17,22 faiz azalıb. O cümlədən, həmin dövrdə neft-qaz sektorunun cari əməliyyat
hesablarının profisiti 22,1 milyard dollar olub.
Neft-qaz sektorunun cari əməliyyat hesablarının profisiti qeyri-neft sektorunun
cari əməliyyat hesablarının 9,8 milyard dollar həcmində kəsirini tam ödəyir.
Tədiyyə balansının ümumi profisiti 20,48 faiz azalaraq 3,84 milyard dollar olub.
Sektorlar üzrə tədiyyə balansının təhlili göstərdi ki, əvvəlki illərdə olduğu kimi,
2013-cü ildə də neft-qaz sektorunda xarici iqtisadi əməliyyatlar müsbət saldoya,
qeyri-neft sektorunda isə mənfi saldoya malik olub.
2013-cü ildə xarici ticarət dövriyyəsinin ümumi həcmi 42,9 milyard manat,
xarici ticarət balansının müsbət saldosu isə 20,6 milyard dollar təşkil edib.
2014-cü ilin I yarısının yekunlarına əsasən, cari əməliyyat hesablarının profisiti
6,4 milyard dollar təşkil edib. Bu rəqəm 2013-cü ilin müvafiq dövrünün göstəricisi ilə
müqayisədə 4,5 faiz azalıb. O cümlədən, həmin dövrdə neft-qaz sektorunun cari
ə
məliyyat hesablarının profisiti 10,3 milyard dollar olub.
Neft-qaz sektorunun cari əməliyyat hesablarının profisiti qeyri-neft sektorunun
cari əməliyyat hesablarının 3,9 milyard dollar həcmində kəsirini tam ödəyir.
Tədiyyə balansının ümumi profisiti ötən ilin eyni dövrünə nisbətən 1,88 dəfə
artaraq 4,4 milyard dollar olub.
Sektorlar üzrə tədiyə balansının təhlili göstərir ki, əvvəlki illərdə olduğu kimi,
2014-cü ilin yanvar-iyun ayında da neft-qaz sektorunda xarici iqtisadi əməliyyatlar
müsbət saldoya, qeyri-neft sektorunda isə mənfi saldoya malik olub.
2014-cü ilin I yarısında xarici ticarət dövriyyəsinin ümumi həcmi 20,1 milyard
dollar, xarici ticarət balansının müsbət saldosu isə 11,1 milyard dollar təşkil edib.
63
2009-cu ilin böhranından sonra cari əməliyyatlar hesabında ən aşağı müsbət
saldo 2014-cü ildə qeydə alınıb - 10.4 milyard dollar. 2010-2013-cü illlər aralığında
bu göstərici 12.3-17.1 milyard intervalında dəyşib. 2014-cü il üzrə tədiyyə balansının
ümumi saldosu +4.2 milyrd dollar təşkil edib.
Xarici neft şirkətlərinin mənfəət neftindən əldə etdikləri və ölkədən çıxardıqları
vəsait təxminən 2.5 millyard dollar olub - bu, 2013-cü ildəkindən 1.9 milyard dollar
azdır. Öz növbəsində xaricilərin ölkə iqtisadiyyatını qoyduğu investisiyalar üzrə
repatriasiya (geriçəkim) 3.6 milyard dollar olub.
Vətəndaşlarımıza xaricdən təxminən 1.7 milyard dollar pul göndərişləri olub -
bu 2013-ə nisbətən 130 milyon dollar çoxdu. Azərbaycan vətəndaşları xaric
səfərlərdə (həm turist, həm işgüzar) 3 milyard dollardan çox xərcləyib, amma
xaricilərin Azərbaycanda xərcləmələri təxminən 2.4 milyard dollar olub.
Xaricilərin Azərbaycanda göstərdiyi tikinti xidmətlərinin dəyəri 3.9 milyard
dolları aşıb, amma Azərbaycan biznesinin xaricdə göstərdiyi tikinti xidmətləri cəmi
67 milyon dollar olub - fərq 60 dəfədi.
Azərbaycana 2014-cü ildə 8 milyard dollardan çox birbaşa xarici investisiya
yatırdılıb ki, bunun 84%-i neft sektoruna gedib. 2014-cü ildə Azərbaycana 1.5
milyard kredit xətti vasitəsilə valyuta vəsaiti daxil olub. Bundan 423.5 milyonu
dövlət zəmanəti ilə alınan kreditlər, 449.4 milyon dolları bankların aldığı borclar, 671
milyon isə dövlət zəmanəti olmadan müsəssisə və şirkətlərin aldığı borclar olub.
Diqqətçəkən məqam budur ki, müsəssisə və şirkətlərin dövlət zəmanəti olmadan
aldığı borcların həcmi 2013-cü ilə nisbətən 2 dəfə artıb.
Neftin qiymətinin aşağı düşməsi nəticəsində cari əməliyyatlar hesabının ümumi
saldosu 2 milyard dollardan çox azalmışdır. Azərbaycanın tədiyyə balansının mənfi
saldoya keçməsi təhlükəsi var. Bu da maliyyə sabitliyinə pozulmasına öz təsirini
göstərə bilər.
Xarici ticarət balansı tədiyə balansının mühüm tərkib hissəsi olmaqla maliyyə
sabitliyinin təmin olunmasına təsir göstərən amillərdəndir. Maliyyə sabitliyinin təmin
olunması əsas göstəricilərindən biri xarici ticarət balansının kəsirlilik səviyyəsidir.
Dostları ilə paylaş: |