24
deyilir. Onu çox vaxt qruplaşdırmanın əsası da adlandırırlar. Statistik materialların işlənməsi və təhlilinin
nəti-cəsi əsasən qruplaşdırma əlamətinin düzgün seçilməsindən asılı-dır. Sosial-iqtisadi hadisələr bir sıra
əlamətlərlə xarakterizə olu-nur. Qruplaşdırma mühüm, müəyyənləşdirici əlamət əsasında aparılmalıdır.
Qruplaşdırma əlaməti konkret şəraitdən və vaxt-dan asılı olaraq seçilməlidir. Müasir şəraitdə kəndli
(fermer) tə-sərrüfatlarını mühüm əlamət olan mal-qaranın sayına, gəlirlərin həcminə və s. əlamətlər üzrə
qruplaşdırılmasını məqsədəuyğun hesab edilir.Qruplaşdırma bir əlamət uzrə aparılarsa sadə qrup-
laşdırma adlanır. Sadə qruplaşdırma ilə bərabər, sosial-iqtisadi hadisələrin inkişaf prosesini hərtərəfli
öyrənmək üçün onlan iki və daha çox əlamət üzrə qruplaşdırmaq lazımdır. Qruplaşdırma əlaqədə
götürülmüş iki və daha çox əlamət üzrə aparılarsa, belə qruplaşdirmaya quraşıq (kombinasiyalı,
mürəkkəb) qruplaşdır-ma deyilir. Sadə qruplaşdırmaya nisbətən quraşıq qruplaşdırma daha geniş elmi
təhlil xüsusiyyətinə malikdir. Mürəkkəb sosial-iqtisadi hadisələrin təhlilində quraşıq qruplaşdırma
mühüm əhəmiyyət kəsb edir. Onu da nəzərə almaq lazımdır ki, quraşıq qruplaşdırmada qruplaşdırma
əlamətinin sayının artması ilə əlaqədar olaraq, qrupların sayı sürətlə artır.
Qruplaşdırma əlamətləri atributiv (keyfiyyət) əlamətinə və kəmiyyət əlamətinə bölünür. Kəmiyyətlə
ifadə olunmayan və hadisənin xassəsini, keyfiyyətini xarakterizə edən əlamətə atri-butiv əlamət deyilir.
Atributiv əlamətlər üzrə qrupların təşkili kəmiyyət əlamətlərinə nisbətən sadədir, çünki, atributiv əlamət-
lər üzrə qruplar əlamətlərin təbii xüsusiyyətlərinə müvafiq ola-raq keyfıyyətlərin, xüsusiyyətlərin siyahısı
kimi təşkil edilir.
Bir çox hallarda bir sıra atributiv əlamətlər çoxlu miqdarda adlara malik olur. Məsələn, fəhlələrin
ixtisası, məhsul növləri, səbəblər üzrə xəstəliklər və s. Belə hallarda atributiv əlamətlər üzrə qrupları
təşkil etmək üçün onlar iki qrupda birləşdirilir. Atributiv əlamətlər üzrə xüsusi işlənmiş və möhkəm
qeydə alınmış qruplaşdırmalar təsnifat adlanır (məs, sənaye sahələri-nin, əkin sahəsinin, mal-qaranın,
tədavül xərclərinin və s. ha-disələrin təsnifatı).
Variantı miqdarla ifadə olunan əlamətə kəmiyyət əlaməti de-yilir. Kəmiyyət əlamətləri də öz
növbəsində diskret və fasiləsiz əlamətlərə ayrilır. Kəmiyyət əlaməti üzrə qruplaşdırma aparar-kən
qrupların sayı qarşıda duran tədqiqatın vəzifəsindən asılı olaraq müəyyən edilir. Məsələn, müəssisələri
həcmlərinə görə qruplaşdırarkən kəmiyyətcə fərqləndirilir.
Diskret əlamətləri üzrə qruplaşdırmanı təşkil etmək nisbətən çətin deyildir. Məsələn, fəhlələrin tarif
dərəcələrinə görə qrup-laşdırılmasında tarif dərəcələrinin sayı qədər qrup təşkil olunur. Bir çox hallarda
kəmiyyət əlaməti üzrə qruplaşdırmada hadisə-nin bölgusünü necə aparmaq və qrupların sayını necə təşkil
et-mək məsələsi ortaya çıxır. Belə halda qruplaşdırmanı fasiləsiz kəmiyyət əlamətləri üzrə apararkən elə
etmək lazımdır ki, qrupların sayı lazımi miqdarda olsun. Bunun üçün əlamətin tə-rəddüd dərəcəsi və
öyrənilən məcmuda vahidlərin az və ya çoxluğu nəzərə alınmalıdır. Əlamətin tərəddüd dərəcəsi yüksək
olduqda qrupların sayı da çox olmalıdır. Bununla bərabar sta-tistika məcmusundakı vahidlər az olarsa o
zaman qrupların sayı az, vahidlərin sayı çox olarsa, qrupların sayı çox olmalıdır. Qruplaşdırma zamanı
hər bir qrupda kifayət qədər vahid ol-malıdır.Əks təqdirdə böyük ədədlər qanunun prinsiplərinə əməl
edilmədiyi üçün qruplar üzrə çıxaracağımız nəticələr hadisəni dəqiq, düzgün xarakterizə edə bilməz.
Öyrənilən ictimai hadi-sənin mahiyyətini ətraflı təhlil və dərk etdikdən sonra qrupların sayını müəyyən
etmək lazımdır.
Kəmiyyət əlaməti üzrə qruplaşdırmanın mühüm məsələlə-rindən biri də fasilə həcminin, yəni əlamətin
minimum və mak-simum qiymətlərini müəyyən etməkdir. Statistik məcmuda va-hidlərin bölgüsü
xarakterindən asılı olaraq fasilələr bərabər və qeyri-bərabər şəkildə müəyyən edilə bilər. Vahidlərin
bölgüsü nisbi bərabər şəkildədirsə, bərabər fasilələr təşkil etmək məqsə-dəuyğun olar. Bərabər fasiləli
qrupları təşkil etmək üçün fasilə kəmiyyəti müəyyən edilməlidir. Qruplaşdırma əlamətinin mak-simum
qiymətindən minimum qiymətini çıxıb, alınan nəticəni təşkil ediləcək qrupların sayına bölsək fasilə
kəmiyyətini mü-əyyən etmiş olarıq. Fasilə kəmiyyətini əlamətin minimum qiy-mətinin üstünə gəlməklə I
qrupun yuxarı sərhədini, I qrupun yuxarı sərhədinin üstünə fasilə kəmiyyətini gəlsək, II qrupun yuxarı
sərhədini alarıq.
Fasilələr qapalı və açıq ola bilər. Qapalı fasilələrdə qrupla-rın aşağı və yuxarı sərhədləri göstərilir.
Açıq fasilələrdə ancaq ya aşağı, ya da yuxarı sərhəd göstərilir. Açıq fasilə ancaq birin-ci və axırıncı
qruplarda verilə bilər. Kəmiyyət əlamətləri üzrə bərabər fasiləli qruplar təşkil edərkən aşağı və yuxarı
sərhədləri dürüst göstərilməlidir.
Əlamətin qiyməti qeyri-bərabər və əhəmiyyətli dərəcədə də-yişkən olduqda, qeyri-bərabər fasiləli
qruplar təşkil etmək la-zımdır. Sosial-iqtisadi hadisələrin böyük əksəriyyəti qeyri-bə-rabər fasiləli qruplar
25
şəklində təşkil olunurlar. Makroiqtisadi göstəricilərin təhlilində də qeyri-bərabər fasiləli qruplardan isti-
fadə edilir. Qeyri-bərabər fasiləli qruplar proqressiv artan və ya azalan hesabi və ya həndəsi proqres ilə
təşkil oluna bilər. Tutaq ki, bir sənaye sahəsinin müəssisələrinin məhsul satışından gə-lirləri göstəricisi 10
mln. manatla 300 mln. manat arasında də-yişir. Belə məlumatı qeyri-bərabər fasiləli qruplarda qruplaş-
dırmaq məqsədəuyğundur, çünki məhsul satışından az gəlirləri olan müəssisələrin sayı daha çox olur.
Fasilələrin sərhəddini müəyyən edərkən nəzərə almaq la-zımdır ki, kəmiyyət əlamətinin dəyişməsi
yeni keyfiyyətin əmələ gəlməsinə səbəb olur. Qeyri-bərabər qruplaşdırmada fa-silələrin sərhədi elə
müəyyən edilməlidir ki, kiçik, orta və iri müəssisələr aydın görünsünlər. Belə qruplaşdırmada müxtəlif
fəaliyyət növləri üçün fasilələrin sərhədləri differensiallaşdırıl-mış qaydada müəyyənləşdirilir.
Statistika qruplaşdırmasının növləri. Qruplaşdırma vasitəsi ilə sosial-iqtisadi hadisələr tiplərə, ictimai
qruplara ayırmaq, on-ların quruluşunu və onda baş vermiş dəyişikləri müəyyənləşdir-mək, sosial-iqtisadi
hadisələr və onların əlamətləri arasındakı qarşılıqlı əlaqəni müəyyən etmək, həmçinin istehsalın iqtisadi
səmərəliliyini və istifadə olunmamış ehtiyatları aşkara çıxarmaq və s. işlər görmək mümkündür.
Qruplaşdırmanın vəzifələrinə uyğun olaraq onu aşağıdakı növlərə ayırmaq olar: 1.tipik qrup-laşdırma;
2.quruluş qruplaşdırması; 3.analitik qruplaşdırma.
Statistik məcmunun bircinsli hissələrə və ya ictimai-iqtisadi tiplərə ayrılmasına tipik qruplaşdırma
deyilir. Başqa sözlə, sta-tistik məcmunun tərkibini, quruluşunu xarakterizə edən qrup-laşdırma tipik
qruplaşdırmasıdır. Bazar münasibətləri şəraitində tipik qruplaşdırmadan daha çox istifadə edilir. Əhali
ictimai qruplara görə, müəssisələr mülkiyyət formalarına, ÜDM, milli gəlir, əsas fondlar və s. mülkiyyət
formalarına görə qruplaşdı-rılır. Quruluş qruplaşdırması sosial-iqtisadi hadisələrin qurulu-şunun konkret
məkan və zaman daxilində necə dəyişildiyini xa-rakterizə etməyə imkan verir. Quruluş
qruplaşdırmasından is-tehsalın iqtisadi səmərəlilinin tədqiqində, sosial-iqtisadi hadisə-lərin quruluşunun
və onda baş vermiş dəyişiliklərin öyrənilmə-sində geniş istifadə edilir. Quruluş qruplaşdırılmasında
müəssi-sələrin istehsal fəaliyyətlərini təhlil etmək, onların işinə operativ rəhbərliyi təmin etmək,
istehsalın həcmini artırmaq məqsədilə istifadə edilməmiş ehtiyatları aşkar etmək mümkündür.
Sosial-iqtisadi hadisələrin və onların əlamətləri arasındakı qarşılıqlı əlaqəni xarakterizə edən
qruplaşdırmaya analitik qrup-laşdırma deyilir. Qarşılıqlı əlaqədə olan əlamətlər amil və nəticə
əlamətlərinə ayrılırlar. Əlamətin dəyişilməsinə səbəb olan əla-mətlərə amil əlamətləri, amil əlamətlərinin
təsiri nəticəsində də-yişən əlamətə isə nəticə əlaməti deyilir. Məsələn, müəssisələri əsas istehsal
fondlarının həcminə görə qruplaşdırmaq və hər qrupa düşən məhsulun həcmini müəyyən etsək, onda əsas
isteh-sal fondları amil əlaməti, hər qrupa düşən məhsulun həcmi isə nəticə əlaməti olar.
Qruplaşdırmadan asılı olaraq əlamət bir halda amil, digər halda isə nəticə əlaməti ola bilər. Əmək
məhsuldarlığının sə-viyyəsilə əməyin enerji ilə təchiz olunması arasında əlaqəni öy-rənərkən, əməyin
enerji ilə təchiz dərəcəsi amil əlaməti, əmək məhsuldarlığının səviyyəsi isə nəticə əlaməti olar.Amil
əlaməti əsasında qruplaşdırma aparıb və nəticə əlaməti üzrə orta və nis-bi göstəriciləri hesablasaq, bu
göstəricilər arasında qarşılıqlı əlaqəni müəyyən etmək mümkün olar.
Qruplaşdırma vasitəsi ilə həll edilən vəzifələrə uyğun olaraq, onları növlərə ayırmağın mühüm
əhəmiyyəti vardır. Qruplaş-dırmanın növlərinə uyğun olaraq qrupların təşkili həyata keçiri-lir,
qruplaşdırma əlaməti seçilir, qrupları xarakterizə edəcək göstəricilər sistemi müəyyənləşdirilir.
Qruplaşdırmanın novləri arasında sıx əlaqə mövcuddur. Aparılan tədqiqat zamanı sosial-iqtisadi
hadisələrin tipləri müəyyən edildikdən sonra, onların quruluşu və quruluşda baş vermiş dəyişikliklər,
həmçinin hə-min hadisələr və onların əlamətləri arasındakı qarşılıqlı əlaqə-ləri aşkar etmək və öyrənmək
lazımdır.
Statistika icmalı haqda anlayış. Tam məcmu, yaxud onun ayrı-ayrı hissələrini xarakterizə etmək üçün
vahidlər haqqında-kı məlumatlar ümumiləşdirilməli, yekunlaşdırılmalı, yəni icmal tərtib olunmalıdır.
Statistika icmalı statistika müşahidəsi materi-allarına yekun vurmaqdan, yaxud statistika icmalı tək-tək
məlu-matdan vahidlər qrupu haqqında və ümumilikdə məcmu haqqın-da məlumata keçməkdən ibarətdir.
Statistika icmalı iki növə ay-rılır: sadə yekun və qrup icmalı.
Sadə yekun icmalında ayrı-ayrı vahidlər haqqında toplanan məlumat birnövlü qruplara
bölüşdürülmədən, tam məcmu üzrə yekunlaşdırılır. Nəzəri hissəni daha aydın başa düşmək üçün şərti
müəssisənin əlli fəhləsinə nəzər salaq. Sadə yekun icmal yalnız öyrənilən məcmu vahidlərinin sayını və
öyrənilən əla-mətlərin həcmini (fəhlələrin ümumi iş stajı, onlara hesablanmış ümumi əmək haqqı məbləği
və s.) müəyyənləşdirməyə imkan verir. Lakin sadə yekun icmalı öyrənilən məcmunun tərkibi ilə burada
əmələ gələn proseslər haqqında təsəvvür yaratmır. Mə-sələn, sadə icmal əlli fəhlənin tərkibində kişi və