21
İTKİN DÜŞMÜŞ KOLONİYA VƏ RAYT QARDAŞLARI
Amerika Birləşmiş Ştatları dövlət kimi formalaşandan bəri hər ərazidə baş verənlərin, demək
olar ki, hamısı qələmə alınıb, ölkənin tarixi ən xırda detallarına qədər öyrənilib. Amma Amerika
tarixinin bir müəmması bu günə qədər açılmayıb. Söhbət məskunlaşmaq üçün qitəyə göndərilən
ilk ingilis koloniyasının - 115 avropalının müəmmalı şəkildə yoxa çıxmasından gedir...
Şimali Karolina ştatının ərazisində yerləşən Roanok adasında yaradılmış «Roli istehkamı»
qoruq-muzeyi ABŞ tarixinin bu müəmmasına həsr olunub. Muzeyin əməkdaşları hər gün bura
axışan turistlərə səbrlə «İtkin düşmüş koloniya» barədə qəmli hekayət danışırlar. Və onlar bu
hekayətə qitənin kəşfi dövründən başlayırlar. Deyirlər ki, Amerika Kolumb tərəfındən kəşf
ediləndən sonra inkişaf etmiş Avropa dövlətləri «Yeni dünya»dakı əraziləri tutmaq, orada öz
tələbələrini yerləşdirmək məqsədilə qitəyə xüsusi maraq göstəriblər.
Şimali Amerikanın şərq sahillərinə gəlib çıxan və oranı tədqiq edən ilk avropalı isə fransız
dənizçisi Covanni di Verrasano sayılır. O, Fransa kralı I Fransiskonun tapşırığı ilə 1524-cü ildə
qitənin Atlantik okeanı tərəfindəki sahillərinə çıxıb və krala gələcək Birləşmiş Ştatların indiki
Şimali və (Cənubi Karolina ştatlarına aid olan ərazilərini təsvir edən məlumat göndərib.
Verrasanonun gündəliyi 60 il sonra Ingiltərədə çap olunub. Sonralar bu ərazilərin ingilislər
tərəfindən məskunlaşdırılmasında həmin gündəliyin mühüm əhəmiyyəti olub. Çünki XVI əsrdə
İngiltərə dünyada aparıcı yer tutaraq, sonralar isə dənizlərdə hakim mövqeyə yiyələnmək üçün
Şimali Amerika ərazilərində öz adamlarmı məskunlaşdırmaq və burada hərbi dəniz donanmaları
yaratmaq niyyətinə düşüb. İngilis kraliçası I Yelizaveta bu torpaqlarda öz hakimiyyətini və
gücünü tətbiq etmək məqsədilə qitəyə müvafiq ekspedisiyalar göndərmək barədə göstəriş verib.
1578-ci ildə ingilis zadəganı Hamver Cilbert I Yelizavetanın tapşırığı ilə Amerikada
koloniya təşkil etmək üçün səfərə çıxsa da, İspaniya gəmilərinin hücumuna məruz qalaraq
geri dönməli
olub.
Növbəti belə cəhdi tanınmış ingilis zadəganı Volter Roli həyata keçirmək qərarına gəlib
və 1584-cü ildə kraliçanın göstərişi ilə yeni ekspedisiya hazırlayıb. Kraliça Roliyə yeni
ərazilərdə koloniya məskunlaşdırmaq üçün geniş hüquqlar və
tam sərbəstlik verib.
Roli səfərə hazırladığı ekspedisiyanı iki təcrübəli kapitanın başçılığı ilə Amerika sahillərinə
göndərib ki, gələcək köçkünlər üçün yaşayış yeri seçsin. Onlar Atlantik okeanı vasitəsilə ABŞ-
m indiki Şimali Karolina ştatının ərazisində yerləşən və materikə çox yaxın olan Roanok
adasına gəlib çıxıblar, hesab ediblər ki, bu ərazi məskunlaşmaq üçün yararlıdır. Bundan sonra
ekspedisiya İngiltərəyə qayıdıb. Yeni yaşayış yeri barədə verilən hesabat kraliçam qane edib və
layihənin rəhbəri ser rütbəsi ilə mükafatlandırılıb. Bu uğurdan ruhlanan Roli yeni
ekspedisiyanın təşkilinə başlayıb.
1587-ci ilin iyulunda 96 kişinin, 17 qadının və 6 uşağın daxil olduğu növbəti ekspedisiya
Roanok adasına düşüb. Gəlmə adamlar dərhal yaşamaq üçün özlərinə daldalanacaq və evlər
tikməyə başlayıblar.
Köçkünlər adaya düşəndən təxminən bir ay sonra qubernator Con Uaytın nəvəsi dünyaya
gəlib. Kolonistlər Amerika ərazisində ilk ingilisin doğulması faktını kifayət qədər təntənə ilə
bayram ediblər. Uşağa babasının rəhbərlik etdiyi Virciniya koloniyasının adını veriblər.
Qeyd edək ki, ilk koloniya və burada doğulan ilk uşağın adı kraliça Yelizavetanın şərəfinə
Virciniya adlandırılıb. İngiliscə «virgin» «bakirə» deməkdir və bu adı qoyan ingilislər bakirə
kraliça Yelizavetanı nəzərdə tutublar. Az sonra yeni ərazidə məskunlaşan köçkünlər başa
düşüblər ki, gətirdikləri ərzaq və silah, eləcə də tikinti alətləri onlara kifayət etməyəcək.
Qubernatorun müşavirləri qərara alıb ki, çatışmayan şeylər, eləcə də imkan olsa, təzə kolonistlər
gətirmək üçün Con Uayt İngiltərəyə qayıtsın. Onların hesablamasına görə, qubernator qış
düşənəcən gəlib adaya çatmalı idi.
22
Con Uayt Avropaya çatan kimi yeni ekspedisiya hazırlığı ilə məşğul olmağa başlayıb. Amma
bu dövrdə artıq İngiltərə başqa qayğılarla yaşayırdı: dövlətin bütün qüvvələri İspaniya
dənizçiləri ilə mübarizəyə yönəldilmişdi. Belə bir şəraitdə hətta Roanok adasına göndərilən
ekspedisiyaların təşəbbüsçüsü Volter Rolinin özü də Uayta kömək edə bilmir. O, Roanok
adasında qalan koloniya problemi ilə yalnız 1590-cı ilin əvvəllərində məşğul ola bilir. Üç
gəmidən ibarət ekspedisiya Amerika sahillərinə həmin ilin martında yola düşür. Amma gəmilərə
yükləməyə koloniya üçün lazım olan heç nə tapılmır. Yeni kolonistlərdən isə heç söhbət getmir.
Çünki artıq Amerika qitəsində macəra axtarmaq həvəsində olan adamlar tapmaq qeyri-mümkün
olur. Ona görə də gəmilərə sərnişin kimi yalnız Con Uayt və onunla birgə Amerikadan qayıdan
üç qulluqçu
qayıdır...
Beləliklə, Con Uayt adaya buradan çıxdığı vaxtdan 3 il sonra gəlib çatır. Roanok adası
qubernatoru sükutla qarşılayır. (gələnlər adanı diqqətlə axtarsalar da, qoyub getdikləri
adamlardan səs-soraq çıxmır ...
Ölkədə yaranmış vəziyyətlə əlaqədar ingilislər itkin düşmüş koloniyanın taleyi ilə bir neçə
il yaxından məşğul ola bilmirlər. Sonralar isə İngiltərə gəmiləri dəfələrlə Roanok adasına yan
alır, müxtəlif qruplar ətraf adalarda axtarış aparır, hətta materikin ortalarına qədər gedib
çıxırlar. Lakin bu axtarışlar
nəticə vermir.
Amerikada müəmmalı şəkildə yoxa çıxan koloniya barədə yalnız müxtəlif əfsanələr,
onların itkin düşməsinin səbəbi barədə versiyalar yaranır.
Bir versiyaya görə, köçkünlər bu adadan başqa yerə köçmək qərarına gəliblər. Onlar
yığışıb getmək istəyərkən okeanda qasırğa olub və qayıqları batıb.
İkinci versiyaya görə, Roanok adasına köçkünlərin gəlişindən xəbər tutan ispanlar onları qırıb
və ya əsir götürüb özləri ilə aparıblar. Üçüncü versiyaya görə, bu köçkünlər yerli qəbilələrlə
assimlyasiyaya uğrayıb. Daha doğrusu, onlar çətinliklərə dözə bilməyib və hindulara qoşularaq
cəngəlliklərə çəkiliblər.
İlk kolonistlər tapılmasa da, onların xatirəsi unudulmayıb. Ötən əsrin 30-cu illərində bir qrup
biznesmen Amerikada ilk ingilis uşağının doğulmasının 350 illiyini qeyd etmək üçün assosiasiya
yaradıb. Bu qurum ilk kolonistlərin xatirəsini əbədiləşdirmək qərarına gəlib. Bu məqsədlə
onların məskunlaşdığı ərazidə - okean sahilində 3500 nəfərlik yay teatrı yaradılıb və 1935-ci ilin
yayında dramaturq Pol Qrinin yazdığı «İtkin düşmüş koloniya» adlı simfonik dram əsəri
tamaşaya qoyulub. O vaxtdan bəri hər yay bu əsər nümayiş etdirilir və geniş tamaşaçı marağına
səbəb olur. Teatr yaranandan indiyədək bu əsərə 3 milyondan çox adam baxıb.
1941-ci ildə isə okean sahilində ilk kolonistlərin şərəfinə I Yelizaveta dövrünün üslubunda
«Roli istehkamı» yaradılıb, muzey təşkil olunub, bu əraziyə milli park statusu verilib. İtkin
düşmüş koloniya»ya daxil olan insanların siyahısı muzeyin divarına həkk edilib.
ABŞ tarixi üçün xüsusi əhəmiyyət daşıyan daha bir fakt da Şimali Karolina ştatının adı ilə
bağlıdır. Dünyada ilk mühərrikli təyyarə ilə uçuş cəhdi 1903-cü ildə bu ştatın ərazisində edilib.
Məlum olduğu kimi, hələ XIX əsrin axırlanndan başlayaraq, dünyanın müxtəlif yerlərində
uçan qurğular yaratmaqla bağlı cəhdlər olsa da, bu arzular yalnız XX əsrdə reallığa çevrilib.
Daha doğrusu, 1903-cü ildə ABŞ-ın Şimali Karolina ştatında daxili yanma mühərrikilə işləyən
ilk aeroplan səmaya qalxıb. O vaxt bu fakt ciddi qəbul edilməsə də, illər keçəndən sonra
amerikalılar ilk təyyarənin uçuş meydanında muzey yaradıblar və burada ilk uçuşun
təşəbbüskarlarının - Uillbir və Orvill Rayt qardaşlarının milli memorialı adlanan abidə tikilib.
Memorial Atlantik okeanı sahillərində geniş ərazini əhatə edir. Burada hər şey 100 il əvvəlki
kimi bərpa olunub. Rayt qardaşlarının burada qurduqları yay evi, ilk aeroplanın maketi və digər
çoxsaylı eksponatlar ilk mühərrikli aeroplanın uçuş tarixindən söhbət açır.
Üçüncü versiyaya görə, bu köçkünlər yerli qəbilələrlə assimlyasiyaya uğrayıb. Daha doğrusu,
onlar çətinliklərə dözə bilməyib və hindulara qoşularaq cəngəlliklərə çəkiliblər.
İlk kolonistlər tapılmasa da, onların xatirəsi unudulmayıb. Ötən əsrin 30-cu illərində bir qrup
biznesmen Amerikada ilk ingilis uşağının doğulmasının 350 illiyini qeyd etmək üçün assosiasiya