23
yaradıb. Bu qurum ilk kolonistlərin xatirəsini əbədiləşdirmək qərarına gəlib. Bu məqsədlə
onların məskunlaşdığı ərazidə - okean sahilində 3500 nəfərlik yay teatrı yaradılıb və 1935-ci ilin
yayında dramaturq Pol Qrinin yazdığı «İtkin düşmüş koloniya» adlı simfonik dram əsəri
tamaşaya qoyulub. O vaxtdan bəri hər yay bu əsər nümayiş etdirilir və geniş tamaşaçı marağına
səbəb olur. Teatr yaranandan indiyədək bu əsərə 3 milyondan çox adam baxıb.
1941-ci ildə isə okean sahilində ilk kolonistlərin şərəfınə I Yelizaveta dövrünün üslubunda
«Roli istehkamı» yaradılıb, muzey təşkil olunub, bu əraziyə milli park statusu verilib. «İtkin
düşmüş koloniya»ya daxil olan insanların siyahısı muzeyin divarına həkk edilib.
ABŞ tarixi üçün xüsusi əhəmiyyət daşıyan daha bir fakt da Şimali Karolina ştatının adı ilə
bağlıdır. Dünyada ilk mühərrikli təyyarə ilə uçuş cəhdi 1903-cü ildə bu ştatın ərazisində edilib.
Məlum olduğu kimi, hələ XIX əsrin axırlarından başlayaraq, dünyanın müxtəlif yerlərində
uçan qurğular yaratmaqla bağlı cəhdlər olsa da, bu arzular yalnız XX əsrdə reallığa çevrilib.
Daha doğrusu, 1903-cü ildə ABŞ-m Şimali Karolina ştatında daxili yanma mühərrikilə işləyən
ilk aeroplan səmaya qalxıb. O vaxt bu fakt ciddi qəbul edilməsə də, illər keçəndən sonra
amerikalılar ilk təyyarənin uçuş meydanında muzey yaradıblar və burada ilk uçuşun
təşəbbüskarlarının - Uillbir və Orvill Rayt qardaşlarının milli memorialı adlanan abidə tikilib.
Memorial Atlantik okeanı sahillərində geniş ərazini əhatə edir. Burada hər şey 100 il əvvəlki
kimi bərpa olunub. Rayt qardaşlarının burada qurduqları yay evi, ilk aeroplanın maketi və digər
çoxsaylı eksponatlar ilk mühərrikli aeroplanın uçuş tarixindən söhbət açır.
Rayt qardaşları o dövrdə təzəcə kəşf olunmuş daxili yanma mühərriki ilə işləyən və idarə
olunan «Flayer» («Uçan») adlandırdıqları təyyarə hazırlayıb və təyyarənin səmaya qalxması
üçün bir qədər təpəlik olan yer axtarıblar. Bu axtarışlar onları Şimali Karolina ştatındakı kiçik
Hitti Houk şəhərinə gətirib çıxarıb və onlar burada uçuş sınaqları keçiriblər. Bütün işlər
dekabrda başa çatıb və qardaşlar küləkli bir gündə eksperiment uçuş etməyi qərara alıblar. Onlar
yerli sakinlərdən birini çağırıblar ki, uçuş faktını fotolentə alsın. Məlum olub ki, həmin adam
ömründə ilk dəfə əlinə fotoaparat alır. Ona görə də təyyarə göyə qalxanda həyəcandan aparatın
düyməsini basıb-basmadığını xatırlaya bilməyib. Lentin yuyulması üçün iki həftə vaxt keçib və
məlum olub ki, şəkil əla alınıb. İndi həmin şəkil muzeyin ən qiymətli eksponatıdır.
«Flayer» ilk cəhddə havada cəmi 12 saniyə qalıb və təxminən 150 fut uçub. İkinci cəhddə 200
futa qədər məsafəni qot etmək mümkün olub. Qardaşların dördüncü uçuş cəhdi daha uğurlu olub
- «Flayer» 59 saniyə havada qalıb və 800 füta qədər uçub. Bir futun 30,5 santimetr olduğunu
nəzərə alsaq, demək olar ki, onlar təxminən 250 metr uçublar. Qeyd edək ki, həmin dövrdə uçuş
faktının qeydə alınması üçün 200 fut uçmaq kifayət sayılıb.
Hadisənin səhəri günü Amerikanın cəmi dörd qəzetində bu barədə məlumat verilib. O da
redaktorlar və oxucular tərəfindən tarixi fakt kimi yox, uydurma kimi qəbul olunub.
Lakin bir neçə ildən sonra bu fakt müasir aviasiya tarixinin ilk uğurlu addımı kimi tarixə
düşüb və 1932-ci ildə uçuş yerində Rayt qardaşlarına abidə qoyulub.
Amerikada olduğumuz 2003-cü ildə ilk uçuşun 100 illiyi milli memoriala toplaşmış 30 minə
yaxın tamaşaçının iştirakı ilə təntənə ilə qeyd olundu. Yubiley tədbirlərində ABŞ prezidenti Corc
Buş və Amerika hökumətinin üzvləri də iştirak edirdilər.
Bu faktlar, eləcə də bizim digər müşahidələrimiz deməyə əsas verir ki, amerikalılar o qədər də
qədim və zəngin olmayan tarixlərinə hörmət və ehtiramla yanaşır, ən xırda uğurdan da
vətənpərvərlik məqsədilə istifadə etməyi bacarırlar.
AMERİKALILAR HİND TOYUĞUNU NİYƏ SEVİRLƏR?
Əgər ayrı-ayrı xalqların müxtəlif heyvanlar özləri üçün əziz və müqəddəs saydıqlarını
xatırlasaq, onda amerikalılar üçün belə bir canlının hinduşka olduğunu qətiyyətlə söyləmək olar.
Çünki ən əziz bayram günlərində hər bir Amerika ailəsinin süfrəsinin bəzəyi hind toyuğu -
«hinduşka» olur. Amerikalılar ən əziz qonaqlarına «hinduşka» əti bişirirlər. Onlar «hinduşka»nı
bütöv şəkildə «duxovka»ya qoyurlar və bir neçə saata həmin xörək hazır olur. Qeyd edək ki,
amerikalılar bu mərasimi də xüsusi təmtəraqla keçirməyi xoşlayırlar.
Bəs amerikalıların «hinduşka» ətinə və ümumiyyətlə, «hinduşka»ya bu marağının səbəbi
24
nədir?
XVI əsrin sonlarından indiki Amerika ərazilərində məskunlaşmağa başlayan ingilislər
müxtəlif çətinliklərlə üzləşiblər. Ərzaq qıtlığı isə onların xüsusi narahatlığına səbəb olub. Ona
görə yox ki, bu ərazilərdə yeməyə bir şey tapılmayıb. Ona görə ki, gəlmə ingilislər bu ərazilərdə
nəyin yeməli olduğunu bilməyiblər. Məsələn, ilk dəfə kartofu görən ingilislər bunun zəhərli
olduğunu düşünərək, qidalanmaq üçün ondan istifadə etmək fikrini yaxına da buraxmayıblar.
Amma sonralar elə həmin ingilislər indi dünyanın hər yerində əsas qida məhsullarından birinə
çevrilən kartofu Avropaya da aparıb çıxarıblar.
Müasir amerikalıların dediyinə görə, 1621-ci ildə yerli hindular indiki Massaçusets ştatında
məskunlaşan ingilislərə onların həmin vaxta qədər tanımadıqları və istifadə etmədikləri kartof və
pomidorla birlikdə «vəhşi quş əti» də gətiriblər. Həmin quş əti ingilislərin xoşuna gəlib və onlar
bu quşu «hinduşka» adlandırmağa başlayıblar. Qarşıdan gələn növbəti qışı yola vermək üçün
«hinduşka» ətinin yaxşı ərzaq ehtiyatı olacağı onları sevindirib. Bununla da müasir Amerika
Birləşmiş Ştatlarının ərazilərində məskunlaşan ingilislər, demək olar ki, üzləşdikləri ərzaq
problemini həll edə biliblər. Həmin vaxtdan başlayaraq, «hinduşka» gəlmə ingilislərin əsas ərzaq
məhsuluna çevrilib. Məskunlaşdıqları yeni ərazilərdə ilk kolonistləri aclıqdan onların “hinduşka”
adlandırdıqları bu «vəhşi quş» xilas edib. Ona görə də amerikalılar o vaxtdan bəri «hinduşka»ya
xüsusi qayğı ilə yanaşır və «hinduşka» ətini süfrələrinin yaraşığı sayırlar.
Təsadüfi deyil ki, Amerika Birləşmiş Ştatları müstəqillik qazandıqdan sonra dövlət gerbi
haqqında məsələ müzakirə olunarkən başqa təkliflərlə yanaşı, gerbdə «hinduşka»nın təsvirinin
verilməsi barədə də təklif irəli sürülüb. Təklifin (tərəfdarları fikirlərini onunla əsaslandırıblar ki,
çətin günlərdə ilk amerikalıları aclıqdan və ölümdən məhz bu quşun əti xilas edib. Həmin
müzakirələrdə amerikalıların bir millət kimi formalaşmasında «hinduşka»nın xüsusi əhəmiyyətə
malik olduğu vurğulanıb. O vaxt qəbul edilən qərara əsasən, ölkənin gerbində «hinduşka» yox,
qartal əks olunsa da, «hinduşka»ya amerikalıların məhəbbəti bu gün də azalmayıb.
Ona görə də Amerikada əksər bayramlarda hinduşka əti bişirilir.
Bu ölkədə bir bayram da var ki, həmin gün hər bir amerikalının süfrəsinin əsas yeməyi
«hinduşka» olur. Bu, Şükranlıq (və ya Şükran) bayramıdır. Şükranlıq bayramı hər il noyabr
ayının dördüncü cümə axşamı günü qeyd edilir. Həmin gün təbii olaraq iş günü sayılmır və
Amerikanın ən populyar bayramı hesab edilir. Müqayisə üçün deyək ki, Amerikada Milad
bayramı olduqca populyardır. Amma Milad həm də dini bayram olduğu üçün heç də bütün
amerikalılar bu bayramı qeyd etmirlər. Məsələn, bu ölkədə yaşayan müsəlmanlar, yəhudilər və
digər millətlərin nümayəndələri üçün Milad bayramı, sadəcə, istirahət günüdür. Şükranlıq
bayramı isə bütün amerikalılar və bütün Amerika üçün ən əziz və unudulmaz bayramdır.
Deyilənlərə görə, həmin il Amerikada qış olduqca sərt keçib və növbəti qışın da ciddi
problemlər yaradacağı ingilisləri narahat etməyə başlayıb. Onda qubernator adamlar arasında
yaranmış ruh düşkünlüyünü aradan qaldırmaq məqsədilə qışın yaxınlaşdığı günlərdə - noyabrın
sonuncu cümə axşamı günü bu insanlara Allahın verdiyi nemətlərə görə minnətdarlıq məqsədilə
bayram təşkil edib. Yayılan əfsanələrə görə, bu bayram adamların əhval-ruhiyyəsinin
yüksəlməsində mühüm rol oynayıb və onlar daha bir sərt qışı bu əhval-ruhiyyə ilə yola verə
biliblər.
Bu günün rəsmi bayram və istirahət günü kimi qeyd edilməsi isə Amerikanın 16-ci prezidenti
Abraham Linkolnun adı ilə bağlıdır. O, Şükranlıq gününün ümumxalq bayramı kimi qeyd
edilməsini 1863-cü ildə rəsmiləşdirib.
O vaxtdan bəri Şükranlıq bayramı bütün Amerikada yaşayan insanlar üçün rəsmi bayram
gününə çevrilib. Bu bayramın əsas atributlarından biri isə həmin çətin günlərdə ilk kolonistləri
aclıqdan və ölümdən qurtaran «hinduşka» olub.
Hər il Şükranlıq bayramı günü övladlar valideynlərinin yanına can atır və həmin günü bir
yerdə qeyd edirlər. Bu bayram günündə hər bir amerikalı ailəsində çoxsaylı qohumlar və dostlar
toplaşır. Statistik məlumatlara görə, Amerikanın dəmiryol və təyyarə nəqliyyatında, eləcə də
ölkənin avtomobil yollarında ən çox sıxlıq məhz bu bayram günü ərəfəsinə təsadüf eləyir. Çünki
Şükranlıq bayramında bütün əziz və yaxın amerikalılar bir yerə toplaşır və onlara yaradılmış
geniş imkanlar üçün Allaha dua edirlər.