80
və gizli rasist də adlandırıblar. Həmkarlar ittifaqları və fermerlər əleyhinə çıxıb, mənzil
tikintisinə yardım haqqında qanunun əleyhinə səs verib.
Niksonla birgə seçilmiş vitse-prezident Spiro Əqnyü Merilənd ştatının qubernatoru olduğu
vaxt vergilərdən yayındığı və vitse-prezident kimi rüşvətxorluqda ittiham olunduğu üçün istefa
verib, prezident isə Konqresə Fordun namizədliyini təklif edib. 1973-cü ilin dekabrında vitse-
prezident kimi and içib.
Niksonun istefasından sonra, 1974-cü il avqustun 9-da prezident postunu qəbul edib. Həmin
vaxtlar Amerika «Böyük iqtisadi tənəzzül»dən sonra ölkə tarixində ən güclü inflyasiya və
kütləvi işsizlik dövrünü yaşayıb. Prezidentin bu problemi vergilərin artırılması yolu ilə həll
etmək istəyinə demokratik çoxluqdan ibarət Konqres mane olub.
Xarici siyasət sahəsində silahların azaldılmasının tərəfdarı olub.
39. Cimmi Karter (James Earl Carter) - 1924
Prezidentlik dövrü: 1977-1981-ci illər. Demokrat
Hərbi dənizçilik akademiyasını bitirib, atom sualtı gəmilərində qulluq edib. Corciya ştatının
qubernatoru olmaq üçün seçkilərə qatılsa da, uğur qazana bilməyib. 1976-cı ildə prezidentliyə
namizəd kimi seçki marafonuna qoşularkən onu Corciya ştatından kənarda heç kim tanımayıb.
Həmin il keçirilən sorğular göstərib ki, demokrat seçicilərin cəmi 4 faizi onu dəstəkləyir. Buna
baxmayaraq, seçkiqabağı kampaniya zamanı verdiyi cəlbedici vədlər (məsələn, naməlum uçan
obyektlərin sirrinin açılacağını vəd etsə də, seçiləndən sonra bu söhbəti unudub) reytinqinin
tezliklə yüksəlməsinə və rəqiblərindən qabağa çıxmasına imkan yaradıb; demokratların namizədi
kimi seçkiyə qatılıb və qalib gəlib.
Prezident kimi ilk qərarı Vyetnam müharibəsindən yayınanların hamısı, o cümlədən boks
kralı Məhəmməd Əli barədə amnistiya olub.
Əyalət şəhərlərinə səfərlər edib, ictimaiyyətlə görüşlər keçirib, radionun «Prezident Karterdən
soruş» proqramında müntəzəm olaraq həmvətənlərinin suallarına cavab verib, milli azlıqların
nümayəndələrini vəzifələrə təyin edib.
Yaxın Şərq münaqişəsinin həllinə yönəlmiş məşhur Kemp-Devid sazişi də onun prezidentliyi
dövründə (1978) imzalanıb.
Bütün prezidentliyi müddətində Konqreslə münasibətləri mürəkkəb, hətta bəzən düşmənçilik
səviyyəsində olub. Sovet qoşunlarının Əfqanıstana yeridilməsinə etiraz əlaməti kimi, SSRİ-yə
Amerika taxılı satılmasını qadağan edib, 1980-ci ilin Moskva olimpiadasını boykot edib.
Beynəlxalq münaqişələrin sülh yolu ilə həllində böyük xidmətlərinə, demokratiya və insan
hüquqlarının qorunmasında fəaliyyətinə görə 2002-ci ildə Nobel sülh mükafatına layiq görülüb.
40. Ronald Reyqan (Ronald Wilson Reagan) - 1911-2004
Prezidentlik dövrü: 1981-1989-cu illər. Respublikaçı
Gəncliyində radioda idman şərhçisi olub, 1937-ci ildə aktyorluğa başlayıb, uzun illər
Hollivudda çalışıb, 50-dən çox filmə çəkilib. 6 dəfə kinoaktyorlar gildiyasının prezidenti
seçilib. 1962-ci ilə qədər demokrat olub, 1966-cı ildə bir çox varlı respublikaçı kaliforniyalının
təklifi ilə qubernatorluğa namizədliyini irəli sürüb. İki dəfə qubernator seçilib. 1968-ci ildə
prezidentliyə namizədliyini irəli sürsə də, bu arzusuna 12 il sonra çatıb.
Birinci prezidentlik müddətinin ilk vaxtlarında iqtisadi tənəzzül davam edib, 1982-ci ildə
işsizlik səviyyəsi 11 faiz təşkil edib. 80-ci illərin ortalarında isə iqtisadiyyatda çiçəklənmə
başlayıb. 1984-cü il seçkilərində rəqiblərindən fərqli olaraq, vergiləri artırmayacağını vəd
edərək, ikinci dəfə prezident seçilib.
Daha çox iqtisadi sahələrdə yenilikləri ilə yadda qalıb. Vergiləri azaltmağa, yüksək
texnologiyalara və bahalı müdafiə sistemlərinə əsaslanan hərbi xərcləri artırmağa nail olub.
SSRİ-nin dağılmasında xüsusi xidmətləri var. 1983-cü ildə SSRİ-ni «şər imperiyası»
adlandırıb.
Onun dövründə ABŞ qoşunları Qrenadada hökuməti devirib, ABŞ Əfqanıstanda və
81
Anqolada hökumət əleyhinə çıxışlara hərbi və maliyyə dəstəyi verib, 1982-ci ildə Livana dəniz
piyadaları yeridilib, 1986-cı ildə Liviya beynəlxalq terrorizmdə ittiham olunaraq bombalanıb,
İran-İraq müharibəsində İraqa yardım göstərilib.
2004-cü ildə, 93 yaşında uzun sürən altsigeymer xəstəliyindən vəfat edib.
41. Ata Corc Buş (George Herbert Walker Bush) - 1924
Prezidentlik dövrü: 1989-1993-cü illər. Respublikaçı
Bankir ailəsində doğulub, hərbi akademiyada təhsil alıb. İkinci dünya müharibəsi illərində
hərbi dəniz aviasiyasında təyyarəçi olub. 1948-ci ildə Yel universitetinin iqtisadiyyat
fakültəsini bitirib və
Texasda neft biznesi ilə məşğul olub, neft şirkəti yaradıb, 1966-cı ildə
biznesi ataraq,
siyasətlə məşğul
olmağa başlayıb.
ABŞ-ın BMT-də nümayəndəsi olub, Çində səfir işləyib, 1976-1977-ci illərdə Mərkəzi
Kəşfiyyat İdarəsinin direktoru, 1980-1988-ci illərdə isə Reyqan administrasiyasında vitse -
prezident olub.
Prezidenliyi dövründə xarici siyasət problemlərinin həllinə xüsusi diqqət yetirib, ABŞ-ın
dünyada sivilizasiya və demokratiyanın əsas müdafiəçisi kimi təqdim olunmasının tərəfdarı
sayıhb. 1989-cu ildə hərbi müdaxilə yolu ilə Panamada hakimiyyəti dəyişdirib, Mərkəzi
Avropada və SSRİ-də gedən demokratik prosesləri dəstəkləyib.
1990-cı ildə İraq Küveyti zəbt etdiyi üçün anti İraq koalisiyası təşkil edib, «Səhrada tufan»
əməliyyatı vasitəsilə Səddam Hüseynin qoşunlarmı darmadağın edib.
Xarici siyasətdə uğurlarına baxmayaraq, 1990-cı ildən başlayan iqtisadi tənəzzül şəxsi
reytinqini aşağı salıb və 1992-ci il seçkilərində demokrat Klintona uduzub.
42. Bill Klinton (William Jefferson Clinton) - 1946
Prezidentlik dövrü: 1993-2001-ci illər. Demokrat
Dünyaya gələndən bir neçə ay sonra atası avtomobil qəzasında həlak olub. Anası 1950-ci
ildə avtomobil ticarətçisi Rocer Klintona ərə gedib və gələcək prezident 15 yaşından atalığının
soyadını daşıyıb.
Corctaun universitetinin xarici siyasət fakültəsini bitirib, Böyük Britaniyadakı Oksford
universitetində oxuyub. 1970-ci ildə, Britaniyadan qayıdandan sonra Yel universitetinin hüquq
fakültəsinə daxil olub. Gəncliyində saksofonçalan olub.
32 yaşında Arkanzas ştatının qubernatoru postuna seçkilərdə qalib gələrək, ən gənc
qubernator olub. Sonralar bir neçə dəfə qubernator seçilib, təhsil sahəsində islahatlara üstünlük
verib.
Prezidentliyinin ilk çağlarında səhiyyə və ticarət azadlığı məsələlərinə xüsusi diqqət yetirib.
Arvadı Hillari Klintonu səhiyyə sistemində islahatlar komissiyasının rəhbəri təyin edib.
Xarici siyasətdə liberal dəyərlərə üstünlük verib, Şimali Koreya ilə nüvə silahlarına dair
problemləri danışıqlar yolu ilə həll edib. BMT-nin razılığı ilə Haitiye qoşun yeridib və orada
demokratik hakimiyyəti bərpa edib.
Balkan yarımadasında münaqişənin həllinə nail olub.
İkinci dəfə prezident seçilməsində daxili siyasətdəki uğurları, xüsusən sabit iqtisadi inkişaf
əsas rol oynayıb.
1998-ci ildə Ağ evdə təcrübə keçən tələbə Monika Levinski ilə intim əlaqəsinə görə
impiçment proseduruna məruz qalıb, lakin Senat onu günahsız hesab edib.
1997-ci ildə Azərbaycan Respublikasının prezidenti Heydər Əliyevin ABŞ-a ilk rəsmi
dövlət səfəri zamanı ölkəmizlə ABŞ-ın strateji müttəfiqliyini tanıyan «Birgə bəyannamə»ni
imzalayıb. Bakı-Tbilisi-Ceyhan layihəsinin reallaşmasında xüsusi mənəvi-siyasi xidmətləri
olub.