76
Bu uğurlarına görə Avropada fateh sayılsa da, vətənində sevilməyib. Çünki onun mövqeyi bir
çox məsələlərdə ABŞ-ın yuxan dairələrini qane etməyib. Dünyada sülhün qorunması məqsədilə
Millətlər Liqası yaradılmasının təşəbbüskar olub.
Millətlər Liqasının yaradılmasına Amerikanın özündə etiraz edənlər çox olduğu üçün ikinci
prezidentliyi dövründə - 1919-cu ildə bu ideyanı müdafiə etmək üçün ölkəyə təşviqat turnesinə
çıxıb. Kolorado ştatında iflic olsa da, təşviqat səfərini davam etdirib, radio ilə xalqa
müraciətlərində yeni dünya müharibəsinin qarşısını almaq üçün belə bir Liqanın yaradılmasının
vacibliyini anlatmağa çalışıb. Deyilənə görə, ağır xəstəlik keçirdiyi üçün 1919-cu ildən sonra
prezidentlik müddəti başa çatana qədər dövlət idarəetməsi ilə bağlı əsas siyasi qərarları arvadı
Edit Uilson qəbul edib.
1919-cu il Versal sülh müqaviləsinin əsas müəlliflərindən biri olub. Senat müqaviləni təsdiq
etməsə də, onun hazırlanmasında xidmətlərinə görə 1919-cu il üçün Nobel sülh mükafatına layiq
görülüb.
29. Uorren Hardinq (Warren Gamaliel Harding) -1865-1923
Prezidentlik dövrü: 1921-1923-cü illər. Respublikaçı
Prezident kimi Konqresə ilk müraciətində ölkəni yüksək tariflər, gəmiçiliyə subsidayalar
ayırmaq yolu ilə «normal həyat» dövrünə qaytarmaq
istəyini bəyan edib, vergilərin azaldılması
təklifini irəli sürüb. Müəyyən müddət ölkədə iqtisadi çiçəklənmə müşahidə olunub, müharibə
dövrünün məhdudiyyətləri aradan götürülüb. Bununla belə, iqtisadiyyatın aqrar sahəsi ciddi
problemlərin cəngində qalıb.
Prezidentliyi dövründə dövlət aparatında korrupsiya halları aşkar edilib: daxili işlər və
ədliyyə nazirlərinin, eləcə də bir sıra digər yüksək rütbəli dövlət məmurlarının rüşvət alması
barədə məlumatlar ictimaiyyətin narazılığına səbəb olub. Bütün bu qalmaqallardan yorulub
Alyaskaya səfərə çıxan prezident geri qayıdarkən xəstələnərək, 1923-cü ilin avqustunda vəfat
edib.
30. Kəlvin Kulic (Calvin Coolidge)- 1872-1933
Prezidentlik dövrü: 1923-1929-cu illər. Respublikaçı
Massaçusets ştatının qubernatoru olub və bu vəzifədə böyük populyarlıq qazanıb.l920-ci ildə
Hardinqlə birlikdə seçkilərə qatılıb və vitse-prezident seçilib. Hardinqin ölümündən sonra -
1923-cü ildə prezident kimi and içib.
Onun prezidentliyi 20-ci illərin iqtisadi yüksəliş dövrünə təsadüf edib. Uzunmüddətli iqtisadi
inkişafın rəmzi və təminatçısı kimi tanınıb, iqtisadi həyata dövlət müdaxiləsini minimuma
endirib.
Mətbuatla normal münasibətlər qurması prezident kimi uğur qazanmasında mühüm rol
oynayıb. Həyata keçirdiyi siyasəti ölkə əhalisinə çatdırmaqda radionun imkanlarından istifadə
edən ilk prezident olub.
Yenidən prezident seçildiyi 1924-cü ildə Amerika hindularına vətəndaşlıq hüququ verib.
1927-ci ildə gözlənilmədən növbəti seçkilərdə namizədliyini irəli sürməyəcəyini bəyan edib
və bununla da özünün hökumətində ticarət naziri işləmiş Huverin prezident seçilməsinə yol açıb.
Az danışması və hazırcavablığı barədə çoxlu lətifələr yaranıb.
1933-cü ildə - 60 yaşında infarktdan keçinib.
77
31.
Herbert Huver (Herbert Clark Hoover) -
1874-1964
Prezidentlik dövrü: 1929-1933-cü illər. Respublikaçı
1921-28-ci illərdə ticarət naziri olub, 1929-cu ildə isə Respublikaçılar Partiyasının namizədi
kimi prezident
seçilib.
Əksər prezidentlərdən fərqli olaraq, dövlət başçısı seçilənə qədər heç bir seçkili vəzifə
tutmayıb.
Seçkiqabağı kampaniyaya «Hər qazanda toyuq, hər qarajda avtomobil» - şüarı ilə qoşulub və
qalib gəlib.
Onun prezidentliyi dövründə hökumət böyük biznesə yardım göstərərək, sadə əhalinin
vəziyyətinin yaxşılaşdırılması istiqamətində heç bir iş görməyib. Nəticədə dünya iqtisadi böhranı
ABŞ-ı da ağuşuna alıb - sənaye müəssisələri bağlanıb, milyonlarla adam, o cümlədən hər dörd
fəhlədən biri işsiz qalıb.
1932-ci ildə ikinci dəfə namizədliyini irəli sürsə də, seçilə bilməyib. İkinci dünya
müharibəsindən sonra Amerika hökumətinin tapşırığı ilə Avropa və Asiyanın 25 ölkəsini gəzib,
bu ölkələrə ərzaq yardımı göstərilməsi problemi ilə məşğul olub.
Ağ evi tərk edəndən sonra 31 il ömür sürüb və 90 yaşında vəfat edib.
32. Franklin Ruzvelt (Franklin Delano Roosevelt) - 1882-1945
Prezidentlik dövrü: 1933-aprel 1945-ci illər. Demokrat
Dörd dəfə prezident seçilmiş yeganə dövlət başçısı olub (Konstitusiyaya prezidentlik
müddətini iki seçki ilə məhdudlaşdıran 22-ci düzəliş 1951-ci ildə qəbul olunub). 1921-ci ilin
avqustunda istirahət zamanı soyuq suda çimdiyi üçün poliomielit xəstəliyinə tutulub və ömrünün
axırına kimi sərbəst hərəkət etmək qabiliyyətini itirib. Buna baxmayaraq, ölənə qədər aktiv
siyasi fəaliyyətlə məşğul olub.
Uzaq qohumu olan Teodor Ruzveltə böyük rəğbət bəsləyib və hələ gəncliyində Ağ evə
gedərək, bir çox məsələlərdə ondan məsləhət alıb.
Hakimiyyətə «Böyük iqtisadi tənəzzül» dövründə - 1933-cü ildə gəlib. Sosial problemlərin
həllinə yönəlmiş bir çox proqramların müəllifidir. İqtisadiyyatın idarə olunması sahəsində bir
sıra yeniliklər edib, həyata keçirdiyi islahatlar «Yeni siyasət» (New Deal) adı ilə tarixə düşüb.
İkinci dünya müharibəsi illərində onun hökuməti SSRİ, Böyük Britaniya və Fransa ilə
müttəfıqlik edib, antihitler koalisiyasının fəal üzvü olub. Mətbuatla açıq münasibətlərin tərəfdarı
olub, ən kəskin suallardan belə qaçmayıb, hazırcavablığı ilə seçilib.
BMT-nin yaradılmasında xüsusi xidmətləri var.
1944-cü ildə dördüncü dəfə prezident seçilib. Lakin növbəti ilin aprelində beyninə qan
sızmasından vəfat etdiyi üçün iyul ayında keçirilən Potsdam sülh konfransında ABŞ-ı yeni
prezident H.Trumən təmsil edib.
33. Harri Trumən (Harry Truman) - 1884-1972
Prezidentlik dövrü: 1945-1953-cü illər. Demokrat
F.Ruzveltin ölümündən sonra, 1945-ci ilin aprelində prezident kimi and içib.
Avropanın inkişafına Trumən qədər təsir edən Amerika prezidenti olmayıb. Onun dövründə
kommunist ideologiyasının yayılmasının qarşısını almaq məqsədilə həyata keçirilən «Marşall
planı» Avropada həm də iqtisadi tənəzzülü dayandırıb.
NATO-nun yaradılması haqqında qərarın qəbul edilməsi də onun prezidentliyi dövrünə
təsadüf edib.
1945-ci ilin avqustunda Yaponiyanın Xirosima və Naqasaki şəhərlərinə atom bombası
atılmasına icazə verib.