73
faiz) və o cümlədən emal sənayesi 15 faiz (29 faiz) və xidmətlər sektoru 79 faiz
(69 faiz) təşkil etmişdir. Bu göstəricilər Türkiyədə (Hindistanda) kənd təsərrüfatı
üzrə 11 faiz (18 faiz), sənaye - 16 faiz (15 faiz), emal sənayesi - 26 faiz (19 faiz),
xidmətlər - 66 faiz (56 faiz) olmuşdur.
Ş
übhəsiz ki, iqtisadiyyatın strukturu və onun dinamikası olduqca geniş
spektrdə amillərin təsiri altında formalaşır. Bu sahədəki meyllərin ümumi
cəhətlərindən biri ondan ibarətdir ki, ÜDM-də kənd təsərrüfatı və sənaye
məhsullarının xüsusi çəkisi bu və ya digər dərəcədə, lakin davamlı surətdə
azalmaqdadır. Belə ki, bütövlükdə dünya miqyasında 2011-ci ildə kənd təsərrüfatı
məhsulunun ÜDM-in xüsusi çəkisi 6 faiz, sənaye məhsulunun 37 faiz və emal
sənayesinin - 29 faiz, xidmətlərin payı isə 62 faiz təşkil etmişdir. Bu faktların
iqtisadi nəzəriyyədə dəyərləndirilməsi birmənalı deyildir. Dünya miqyasında
postindustrial inkişaf meyli ciddi surətdə güclənsə də, dünyanın industrial və
postindustrial "regionlara" bölgüsündəki nisbətlər demək olar ki, dəyişilməz olaraq
qalır.
Problemin bu baxımdan vacib cəhətlərindən biri də bilavasitə xidmətlərin
strukturunda radikal dəyişikliklərlə və xüsusilə də informasiyanın "struktur
formalaşdırıcı" rolunun güclənməsi ilə bağlıdır. Belə bir fikir müzakirə orbitinə
çıxаrılmışdır ki, informasiya və kommunikasiya texnologiyalarının inkişafının bəlli
bir mərhələsində, məsələn, ABŞ-ın şəraitində, istehsalın artımı, əmək
məhsuldarlığının yüksəlməsi, inflyasiya və məşğulluq arasında fundamental
ə
laqələr transformasiyaya uğrayır. Bu tezis ətrafında müxtəlif səpkili fikirlər
söylənilməkdədir. Lakin belə bir fakt məlumdur ki, ABŞ-da 90-cı illərin ikinci
yarısında əmək məhsuldarlığının artımının üçdə iki hissəsi informasiya və
kommunikasiya texnologiyalarının inkişafı hesabına təmin edilmişdir. Bu,
iqtisadiyyatın strukturunun ənənəvi xammal-resurslarının azalması və informasiya-
resurslarının artması hesabına "yungülləşməsini" ifadə edən göstəricidir. Ölkələrin
rəqabət potensialını şərtləndirən əsas amillər «bloklarından» biri iqtisadiyyаtın bu
seqmentində formalaşır.
74
Ikincisi, güclənən qloballaşma milli (ölkəvi) iqtisadi «struktur formalaşdırma»
prosesinin ümumi və intensivləşən amilinə çevrilir. Eyni zamanda, xüsusilə keçid
mərhələsində olan hər bir ölkənin qloballaşma şəraitinə uyğunlaşması «yolu»
iqtisadiyyatın resrtuktrizasiyasından keçir. Bu və ya digər ölkədə həmin prosesin
necə dərk edilməsindən və dəyərləndirilməsindən asılı olmayaraq qloballaşma
prosesi ardıcıl surətdə dönməz xarakter alır (ən azı mövcud təsəvvürlər
baxımından). Bu məsələnin geniş yayılmış bəsitləşdirilmiş dəyərləndirilməsi
bunun sadələşdirilməsinə gətirmir və buradan irəli gələn geniş problemlər
spektrinin həllinə köməklik göstərmir. Həmin prosesin dönməzliyi nə qədər
gerçəklikdirsə, ardıcıl inkişaf siyasəti həyata keçirən və keçirməyə cəhd göstərən
(xüsusilə keçid dövrü və inkişaf etməkdə olan) ölkələrin buna uyğunlaşması da bir
o qədər zərurətdir. Bu tezisi Azərbaycana tamamilə şamil etmək оlаr. Məsələ
ondadır ki, qloballaşma prosesi özlüyündə bu prosesin «daşıyıcılara» və
«uyğunlaşanlara» bölgüsünü aradan qaldırmır. Bu və ya digər ölkənin bu
«bölgüdə» yeri dəyişə bilər. Lakin bütövlükdə götürüldükdə, həmin «bölgü»
mövcud təsəvvürlər baxımından keçici xarakter daşımır.
Hazırda «qloballaşmaya uyğunlaşma metodlarının» tərkibi və nomenklaturası
geniş müzakirə olunur. Iqtisadi baxımdan Azərbaycan üçün problemin bütün
aspektləri aktualdır. Bunun mütləq «pozitiv» modelləri olmadığı kimi, mütləq
«neqativ» modelləri də yoxdur. Bu sahədə səmərəli addımların atılması sistemli və
а
rdıcıl seçimə bağlıdır. Bunun uçün miqyaslı araşdırmalar aparılmalı və variantlar
hazırlanmalıdır. Həmin aspektlərin ən əsaslarından bir qrupu struktur siyasətində
ifadə olunmalıdır. Məsələn, neft Azərbaycan iqtisadiyyatının aparıcı, «struktur
formalaşdırıcı», qloballaşma şəraitinə uyğunlaşma və milli rəqabət potensialı
amilidir. Bəlkə də bu amilin əhəmiyyəti və rolu (potensial rolu) hələ sistemli
şə
kildə kifayət qədər dəyərləndirilməmişdir. Buna baxmayaraq, həmin amillə
məhdudlaşacaq bütün problemləri həll etmək mümkün deyildir. Ekspertlər
tərəfindən milli rəqabət qabiliyyətinin 400-ə yaxın meyarı müəyyənləşdirilmişdir
və buna müvafiq surətdə də ölkələrin rəqabət reytinqi qiymətləndirilir. Təcrübə
göstərir ki, rəqabət potensiallı iqtisadiyyatlar qloballaşma mühitinə səmərəli
75
uyğunlaşır. Eyni zamanda qloballaşma şəraitinə uyğunlaşan iqtisadiyyatlar rəqabət
reytinqini yüksəldir.
Üçüncüsü, keçən əsrin 30-cu illərindən dəbdə olan «yetişmək», «çatmaq»
(catch up) inkişaf modeli demək olar ki, artıq əks tərəflərdən dəyərləndirilmək-
dədir. Bu, əvvəla, onunla izah olunur ki, toplanmış təcrübələr və nəticələr (Avropa,
Rusiya, Cənubi-Şərqi Asiya) müxtəlif ümumiləşdirmələrə imkanlar açır. Məsələn,
Cənubi-Şərqi Asiyada 90-cı illərdə baş vermiş maliyyə-iqtisadi böhrаnın səbəbləri
bilavasitə «yetişmək» modelinin təbiətindən irəli gəlməsə də, həmin böhran bu
modelin daxilən məhdudluğunu üzə çıxardı. Digər tərəfdən isə, belə bir modelə
praktiki maraq (bəlkə də bir çox hallarda kifayət qədər əsas olmadan) güclənmək-
dədir. Bu maraq nə qədər güclü olsa da, zəruri təminatlar (iqtisadi, maliyyə,
intellektual, texniki) yaradılmadan həmin model asanlıqla ideoloji şüara çevrilir.
Azərbaycan iqtisadiyyatının struktur strategiyasının formalaşmasında
«yetişmək», «çatmaq» inkişaf modelinin dəyərləndirilməsi inkişaf etmiş ölkələrlə
inkişaf etməkdə olan və keçid dövrü ölkələri arasında fərqlərin (müəyyən vaxt
meyarı nəzərə alınmaq şərtilə də) aradan qaldırılması baxımından deyil, verilmiş
(və ya təsəvvür olunan) imkanların faydalı istifadəsi baxımından dəyərləndirilməsi,
onlаrın istifadə mexanizmlərinin müzakirəsindən daha aktualdır. Onillik təcrübə
göstərir ki, bu yönümlü müzakirələrin artımı ilə hazırlanmış real tədqiqat xarakterli
təkliflər arasında böyük fərqlər var.
Inkişaf etmiş ölkələr təkcə yüksək inkişaf səviyyəsinə nail olmamışlar və
bunun tənzimləmə mexanizmləri sistemlərini də formalaşdırmışlar. Belə ki,
hazırda ABŞ, Avropa Birliyi və Yaponiya birlikdə dünya milli gəlirinin 62 faizinə
malikdir. Onlar arasında dünya ticarətinin 80 faizi gerçəkləşir, həmin ölkələr
beynəlxalq investisiyaların 85 faizini təmin edir, dünya intellektual potensialının
97 faizinə sahibdir və yüksək texnologiyalı məhsulların 90 faizindən çoxunu
istehsal edir. Dünyа iqtisadi, intellektual və texnоloji baxımdan iki qeyri-bərabər
«məkana» bölünmüş və bu «məkanların» qarşılıqlı asılılığı olduqca qeyri-
bərabərdir. Məsələn, Rusiyadа, Qazaxıstanda və ya Azərbaycanda formalaşmış hər
hansı bir şirkət müəyyən bazar seqmentində ABŞ şirkətlərinin güclü rəqibinə
Dostları ilə paylaş: |