_____________Milli Kitabxana______________
Çox maraqlıdır ki, ustadın hansı şerini diqqətlə oxuyuruqsa qəlbimizdə
bu baxımdan aydın intibahlar oyadır, inam hissimizi qüvvətləndirir.
Şəhriyarın bu qəbildən olan əsərləri 1970-ci iliərin sonlarında İranda, 1980-
cı illərin sonlarında Qafqazda, Orta Asiyada və Qazaxıstanda avtoritarizmin
süqutu üçün adamları ruhən hazırlayırdı. Şəhriyar öz ölkəsindəki rejimin
eybəcərliklərini, Savak başkəsənlərini öz amansız taziyanələrinə hədəf
edəndə dünyanın bir sıra digər ölkələrində hökm sürən qeyri-insani
rejimləri, o cümlədən də yaxın qonşuluqdakı dindaşlarını əsarət altında
saxlayan bolşevik-daşnak qaragüruhunu da biabırçılıq sütununa mıxlamış
olurdu. Bu nöqteyi-nəzərdən yanaşdıqda Şəhriyarın demək olar ki, bütün
şeirləri güclü düşündürmə, duyğulandırma imkanlarına malikdir:
Barilaha! Sən bizə ver bu şəyatindən nicat,
İnsanın nəslin kəsib, ver insə bu cindən nicat.
... Şurəvidən də nicat umduq ki, bir xeyir olmadı,
Olmasa çay sandığında, qoy gələ Çindən nicat.
("İnsü cin")
Məsəl var, deyərlər: "İmanım bir yerə, gümanım bir yerə". Şair
gümanım, səyyar xəyalının, simurqu da min dəfələrdən birində dolana-
dolana, dolaşa-dolaşa gedib Şurəvi üstünə qonmuşdur. Fəqət dərhal hiss
edib, başa düşmüşdür ki, ondan heç bir xeyir gözləmək olmaz. Doğrudan
da axı, Şurəvi milyonların başına bəla kəsilən öz dövlətində məskun
qövmlərə bir gün vermədiyi halda, İrana necə nicat verə bilərdi? Yəqin
məhz bu qənaətdə olduğu üçün şair sözünə davam edərək demişdir:
Şəhriyarın da əzizim, bir tutarlı ahı var,
Düşməni Əhrimən olsun, tapmaz ahımdan nicat!
Dərgahi-alidə peyğəmbərlərdən sonra ikinci yerdə şərəflənən əsil
şairlərin ahı isə həqiqətən də çox tutarlı olur. Hələ XII əsrdə Şəhriyarın
sənətdə ulu babalarından olan Əfzələddin Xaqani əbəs yerə deməmişdi ki,
Hər səhər qalxar göyə ah ilə əfqanım mənim,
Qərq olar qanda şəfəq tək çeşmi-giryanım mənim.
_____________Milli Kitabxana______________
...Ah odumla hər dəfə aldım hədəf, etdim şikar,
Ol qoca qurdu ayaqdan saldı peykanım mənim.
Pas kimi sardı məni dövran ki, yandırsın, həmən
Ah odunda yandı, his oldu o dövranım mənim!
("Həbsiyyə")
Bəli, mürtəce şah mütləqiyyətinin və kommunst Əhriməninin çöküb
darmadağın olması hər iki ölkədə ilk növbədə ictimai-siyasi proseslərin
nəticəsidir. Lakin bu işdə Allahın sevdiyi, böyük istedad və daşı deşən ah
əta etdiyi, dualarının müstəcəb qıldığı Xaqani, Füzuli, Şəhriyar kimi, habelə
Şurəvi zindanlarnnda qətlə yetirilmiş Seyid Hüseyn, Əhməd Cavad,
Mikayıl Müşfiq kimi böyük ədəbi simaların ah-naləsinin də labüd rolu
vardır. Şəhriyarın aşağıdakı beyti də fəqət bu kontekstdə düzgün başa
düşülə bilər:
Küfrü gördüz necə çiy-çiy yedi islam cigərin?
Siz də Küfrün cigərin indi kabab etməlisiz!
("Qeyrət vəqtidir")
Ustad Şəhriyarın "Allah bayrağı" şerində də çox dərin mənalı, ibrətamiz
beytlərlə qarşılaşırıq. İrandakı İslam inqilabı ərəfəsinin və o gərgin günlərin
bəzi dəhşətli məqamlarını yada salan bu əsərlərində şair sonsuz bir iftixar
duyğusu ilə deyirdi ki, uzun müddət şeytanın yuxuya verdiyi və oyanışına
bütün vasitələrlə mane olduğu xalqı bu qəflət yuxusundan islam oyatdı.
Ona görə də dünyagörmüş şair Qurani-Kərimin "Baqara" surəsindəki 138-
ci ayəni ("Allahın rənginə bəyan; kimin rəngi onunkundan gözəldir?") əsas
götürüb öz həmvətənlərinə müraciət edərək onları ağı qaradan seçməyə,
zahiri parıltılara uymayıb mahiyyətə varmağa, islami dəyərlərə sadiq
qalmağa təkidlə dəvət edirdi:
Hər rəngi at, fəqət boyan Allah boyağına,
Hər aldadan boyaqlara qəlbin boyanmasın!
Xəlqin gözün oyardı şahın mərqəzəbləri,
Qoy bir oyulsun öz gözü, ta göz oyammasın!
_____________Milli Kitabxana______________
Dinimizdən, onun fəaliyyətindən cin-bismillahdan qorxan kimi qorxub
vahiməyə düşən bolşevik hökmranlığı xalqımızı öz dini - mübarəki olan
İslamdan, şair demiş, Allah boyağından ayrı salmaq üçün çox hoqqalardan
çıxdı, çox ağır cinayətlər törətdi, çox məscidləri bağlayıb, xarabazara
çevirdi. Məscidlərin bir qismindən fabrik, zavod, anbar, idarə, kino klubu
kimi istifadə etdilər, bəsirət əhlini göz görə-görə gözsüz qoydular. Ağzı
dualı minlərcə din xadimini minbərlərdən düşürdüb səhhətinə və yaşına
baxmadan həbs etdilər, Sibirə, Uzaq Şərqə sürgün etdilər, qətlə yetirditər.
Keçmişdə Bakıda qazi olub Qurani-Kərimi Azərbaycan dilində şərh etmiş
Mir Məhəmməd Kərim ağa milisin zirzəmisində güllələnəndə onun 84 yaşı
var idi...
Bu işdə çox canfəşanlıq eləyən o zamankı rəhbərliyin başçısı Mircəfər
Bağırov olub ki, xalq arasında gizlində deyilən ikinci adı bir an əvvəl
Şəhriyardan gətirdiyim birinci beytdə nifrətlə yad olunan Mirqəzəb idi.
Mirqəzəb Bağırov bədnam Stalinin Bakıda heç bir məhdudiyyət bilməyən
buyruqçusu idi. O öz iradəsi və şəxsən öz əllərilə çox xalqsevər ziyalını o
cümlədən də nüfuzlu din xadimlərini qanına qəltan etmiş, ocaqları
söndürmüş, qapıları bağlı qoymuşdu.
Fəqət yenə də şair demiş, şeytan bu mənfur əməllərini çox davam etdirə
bilmədi, haqq öz yerini aldı, öz istiqlaliyyətinə qovuşandan sonra xalqın ilk
nəcib, vacib kütləvi tədbirlərindən biri bu oldu ki, Azərbaycanda məscidlər
bərpa edildi, yeni, daha vüsətli Allah evləri tikildi, Bayıl qəsəbəsində
vaxtilə partladılmış Səkinə xanım məscidinin yerində ucaldılan gözəl bir
Allah evinin bünövrəsinə isə ilk daşı Qafqaz Müsəlmanları İdarəsinin rəisi
Şeyxülislam Hacı Allahşükür Pasazadə ilə birlikdə müstəqil Azərbaycan
Respublikasının Prezidenti Heydər Əliyev cənabları özləri qoydular!
Azərbaycan Prezidenti Heydər Əliyev İslam konfransının VIII zirvə toplantısı
münasibətilə Tehranda olarkən İranın Ali dini rəhbəri Ayətullah Seyid Əli
Xamneyi cənabları ilə görüşəndə ona demişdir: "Xalqımızı 70 il ərzində İslam
dinindən ayırmağa çalışıblar. Bilirsiniz ki, biz Sovetlər İttifaqının tərkibində ateist
tərbiyəsi, təbliğatı altında yaşamışıq. Ancaq buna baxmayaraq, xalqımız öz
dinindən heç vaxt ayrılmayıbdır, onu qəlbində, ürəyində saxlayıb və imkan olan
kimi hər şey açılıbdır. Bu da dinimizin - İslam dininin nə qədər qüdrətə, gücə malik
olduğunu göstərir. Bir daha bəyan edirəm ki,
Dostları ilə paylaş: |