Kanserogen ta’sir.
Alkillovchi bir qator moddalarda mutagen va kanserogen ta’sir
o‘rtasida
korrelyatsiya aniqlangan, ayni paytda ma’lum kanserogenlardan bir nechtasigina
tabiatda tabiiy holda uchraydi (ayrim metallar, o‘simlik kanserogenlar). Aksariyat kimyoviy
kanserogenlar – inson tomonidan yaratilgan sun’iy organik birikmalardir.
Kanserogen samara paydo bo‘lishi uchun kanserogenlar shish paydo bo‘lguncha
doimiy ta’sir qilishi shart emas. Kanserogen modda bilan aloqada bo‘lgandan keyin ancha
vaqt o‘tganda ham shish rivojlanishi mumkin. Yakuniy natija
bilan kanserogen modda
miqdori o‘rtasida bog‘liqlikni aniqlash ancha mushkul. Juda kichik dozalar ta’siri ham izsiz
yo‘qolmaydi, chunki u yig‘ilib, xuddi shunday natijaga olib kelishi mumkin.
Kokanserogenlar ancha katta xavf tug‘dirishi mumkin. Ular ta’sirida kanserogenning
ostonaviy dozasi xavfli o‘sishni keltirib chiqaradi. Ko‘p-lab fibrogen changlar kokanserogen
ta’sirga ega, ular o‘pkaga professional bo‘lmagan kanserogenlarning to‘planishini
kuchaytiradi (chekish).
L.M.Shabad (1973) inson uchun ta’sir kuchi va haqiqiy xavfiga qarab kanserogenlarni
to‘rtta guruhga ajratishni taklif etadi:
1) kanserogen faolligi nafaqat hayvonlar bilan o‘tka-zilgan tajribalarda,
balki
insonlarni kuzatishda ham aniqlangan moddalar (beta-naftilamin, benzidin, 4-aminodifenil va
benz-(a)-piren);
2) aksariyat tajriba hayvonlarida (80-100 foiz hollarda) xavfli shishlarni keltirib
chiqaradigan va qisqa muddatlarda (4-6 oy) ularning soni bir necha o‘ndan
oshmaydigan
moddalar (PAU, aminoazotli birikmalar, flyuorenlar, nitrozaminlar, aflotoksinlar);
3) kanserogenligi hayvonlarda aniqlangan moddalar, biroq 20-30 foiz hollarda ancha
keng muddatlarda (hayotining oxirida) – (disiklogeksamin);
4) kanserogenlilik nuqtai nazaridan shubhali moddalar, ular bo‘yicha to‘plangan
eksperimental ma’lumotlar qarama-qarshilikka ega yoki yetarli emas.
Hozirgacha ma’lum bo‘lgan kanserogenlarning aksariyati universal teratogenlardir.
Ma’lumki, ba’zi bir kanserogen moddalarning homiladorlik paytidagi ta’siri
avlodlarda
shishlar rivojlanishini keltirib chiqaradi.
Professional shishlarning juda ko‘pchiligi teri, o‘pka, siydik pufagi saratonini tashkil
qiladi. Margimushli teri saratoni ko‘proq kaftlarda, barmoqlarda,
oyoq kaftida, kamroq
bilakning
ichki tomonida, qo‘ltiq ostida, orqa teshik burmalarida to‘planadi. Qurumli “mo‘ri
tozalovchi saratoni” ko‘proq moyak xaltasini zararlagan. Terining qatronli va pekli saratoni
odatda surunkali dermatitlar,
pigmentatsiya buzilishi, so‘gal va papillomalardan keyin
rivojlanadi. O‘pka saratoni ko‘pincha asbestozda uchraydi.
Silikozning xavfli shishga
aylanishi isbotlanmagan. Professional saraton aksariyat hollarda kimyoviy kanserogenlar
uzoq vaqt ta’sir qilganda yuzaga keladi, bunda latent davr yillar va o‘n yillarga cho‘zilishi
mumkin.
Tayanch
so‘z
va
iboralar:
vegetativ-tomir
distoniyasi
sindromi,
nevritlar,
polinevritlar,pnevmoskleroz, nekroz, serroz, mutagen, konserogen, terotogen, narkotik.