68
ilə qarşılayan Ermənistan hökumətinin problemin həllində qeyri-konstruktiv
mövqeyi problemin həllinin qarşısını alır.
76
“Metsamor AES”-in Azərbaycan üçün təhlükəsi bununla da bitmir. Belə ki,
“Metsamor AES”-in radioaktiv tullantıları Azərbaycanın işğal olunmuş
torpaqlarında basdırılır. Ermənistanın təhlükəli tullantılarının işğal olunmuş Füzuli
və Cəbrayıl rayonlarının ərazisinə göndərdiyini təsdiq edən sənədlər isə
Azərbaycan təmsilçiləri tərəfindən AŞPA-ya təqdim edilsə də, bugünə qədər lazımi
nəticə alınmamışdır.
77
Göründüyü kimi, beynəlxalq hüquq normalarına, əxlaq meyarlarına zidd olan
hidrodiversiya və hidroterror aktlarında, ekoloji təxribatlarda Ermənistanın etnik
təmizləmə siyasətinin təzahürləri getdikcə özünü daha qabarıq şəkildə büruzə verir.
Praktiki olaraq, Ermənistan ərazisindən Azərbaycana istiqamətlənən transsərhəd
çaylar üzərində sutəmizləyici qurğular yoxdur. Hər il buradan sənaye, kənd
təsərrüfatı və məişət tullantıları məqsədli şəkildə təmizlənmədən həmin çaylara
axıdılır. Tullantıların tərkibindəki neft məhsulları, fenollar, ağır metallar
Azərbaycanda əhalinin sağlamlığına, milli genofonda, ekologiyaya ciddi ziyan
vurmaqdadır .
İşğal olunmuş ərazilərdə erməni işğalçılarının canlı təbiətə qarşı yönəlmiş
əməlləri barədə Azərbaycan Respublikası Ekologiya və Təbii Sərvətlər Nazirliyi
tərəfindən “Avropa Vəhşi Təbiətin və Təbii Ətraf Mühitin Mühafizəsi üzrə Bern
Konvensiyası”-nın Baş Katibinə, “Biomüxtəliflik üzrə Konvensiyası”-nın İcraçı
Katibinə, BMT-nin “İqlim Dəyişmələri üzrə Çərçivə Konvensiyası”-nın
Katibliyinə, “Təbiətin və Təbii Sərvətlərin Mühafizəsi üzrə Beynəlxalq Birliyi”-nin
Prezidentinə rəsmi müraciətlər edilmiş, beynəlxalq təşkilatların diqqətinə bu
istiqamətdə təxirəsalınmaz tədbirlərin görülməsinin zəruriliyi çatdırılmışdır.
Görülən tədbirlərə baxmayaraq, problem bugünə kimi həll edilməmişdir.
76
http://www.azerbaijan-news.az/index.php?mod=3&id=54859 (son baxılma tarixi:17.02.2015)
77
http://files.preslib.az/projects/azereco/az/eco_m2_8.pdf (son baxılma tarixi: 19.02.2015)