Kitobni to’liq holda olish uchun kitob do’konlariga murojaat qiling

Asl Baxtiyorlikning birinchi siri — munosabatlar quwalidir. 
♦
Mening baxtim hayotga bo'lgan munosa- batimga asoslangan. 
♦
Mening aqlim qay darajadagi baxtga chog'lansa, o'shancha baxtiyorman. Shu 
lahzadan boshlab o'z aqlimni baxtni tuyish uchun yo'naltiraman. 
♦
Agar yaxshi natijaga umid qilsam, unga yetishishga albatta harakat qilaman! 
♦
Baxt — bu har qanday lahzada, har qanday joyda, hamma yoqda o'zim tanlashim 
mumkin bo'lgan imkoniyat. 
♦
Har bir anduhning ijobiy ahamiyati mavjud nuqtai nazarni topish mumkin. 
♦
Shu lahzadan e'tiboran har bir narsa va hodisaning ijobiy jihatlarini izlay 
boshlayman. 
♦
Har qanday og'ir va murakkab vaziyatda o'zingizga uchta savol berishingiz zarur: 
Bu vaziyatning nimasi ajoyib? 
Unda ajoyib nima bo'lishi mumkin edi? 
Hali mukammal bo'lmagan tomoni qaysi? 
♦
Vaziyatni tuzatish va bu jarayondan qoniqishim uchun nima qila olaman? 
♦
Asl Baxtiyorlikning negizi shukronalikdu. Shu lahzadan boshlab shukronalik 
bildirishga arzigulik narsalarni izlayman. 
♦
Zinhor tashqi shart-sharoitlar emas, faqat fikru o'ylarim meni baxtli yoki baxtsiz 
qiladi. 
♦
O'z fikrlarimni boshqararkanman, baxtimni ham boshqaraman. 
 
Ikkinchi sir 
TANA QUVVATI 
Yigitchaning ro'yxatidagi ikkinchisi Rodni Grinuey ismli kishi edi. Janob Grinuey 
sog'lom turmush tarzi bo'yicha taniqli yo'riqchi edi, u nafaqat shahardagi yetakchi 
salomatlik guruhlaridan birining asoschisi, balki butun dunyoga mashhur bo'lib ketgan 
sog'lom turmush tarzi va yaxshi jis- moniy holat haqidagi bir nechta kitoblar muallifi ham 
edi. 
Yigitcha janob Grinueyning salomatlik klubiga roppa-rosa belgilangan vaqtda, 
ertalabki soat sakkizda kirib keldi. U yerda uni oq futbolka va zan- gori jinsi shim kiygan 
baland bo'yli, baquwat va ko'rkam kishi kutib oldi. Janob Grinueyning ko'rinishi 
bajarayotgan ishiga munosib edi: rangi oftobda toblangan, sochi kalta jigarrang va ochiq 
yashil ko'zlari kulganida go'yo jivirlab nur taratardi. 
Janob Grinuey yigitchani xonasiga boshlab kirdi va ular yengil stullarga o'tirdilar. 

---

—
Xo'sh, sizga qanday yordam berishim mumkin? — so'radi u. 
—
O'zim ham bilmayman, — dedi yigitcha va boshidan kechirgan voqealarni unga 
qayta so'zlab berdi. 
—
Haqiqiy Baxt sirlari! — takrorladi janob Grinuey. 
—
Ular haqida o'n yil burun bilib olgandim. U vaqtlarda men hali advokat edim. 
—
Advokat edim? — qaytalab so'radi yigit. — Siz sog'lom turmush tarzi yo'riqchisi 
bo'lish uchun huquqshunoslik lavozimingizdan voz kechdingizmi? 
—
Mutlaqo to'g'ri. 
—
Lekin nima uchun? Axir, hoynahoy, uzoq yillar davomida o'rgangan va balki 
qolgan butun umringizga yetarli darajada ta'minlaydigan foydali lavozimingizni qanday 
qilib tashlab ketdingiz? 
—
Hammasi nihoyatda oddiy, — dedi janob Grinuey. 
—
Men baxtsiz edim. Talabalik chog'imda hayotdan nimani istashim to'g'risida 
zarracha tasavvurim yo'q edi va nazarimda, huquqshunoslik ancha o'ziga jalb etuvchi 
soha bo'lib tuyulardi. 
Bu mashg'ulot hatto o'zimga yoqmasada, boshqa har qanday lavozimni egallashimga 
bunday ma'lumot juda yaxshi asos bo'ladi, deb o'yladim. 
—
Lekin sog'lom turmush tarzi yo'riqchisi bo'lish uchun emas-ku? 
—
To'g'ri. Men shuni xohlaganim sababli yo'riqchi bo'ldim. Bir necha yil davomida 
advokatlik ishini juda soz epladim, lekin ishga hech bir qiziqishim yo'q edi. Yillar o'tgan 
sari, o'zimni g'oyat charchagan va ma'yus, ruhsiz sezardim. Hatto shunchalikka bordiki, 
ertalablari o'rnimdan turishga erinardim. 
—
Ha, bu tuyg'u menga ancha tanish, — dedi yigitcha. 
—
Keyin ajoyib kunlardan birida idoramda biroz ushlanib qolgandim, qorovul kirib 
qoldi. U ahvo- limda nimadir o'zgarish bo'lganini payqadi. Men qo'llarimni yuzimga 
qo'yib, ko'zlarimni artgancha o'tirardim. Hammasi joyidaligini, shunchaki biroz 
toliqqanimni aytdim. Shunda u mendan «ko'tarilish»ni sinab ko'rishni istashimni so'radi. 
Men unga: «Yo'q, rahmat», — dedim. Umrimda hech qachon giyohvand moddalarga 
ehtiyoj sezmaganman. «Nima uchun giyohvand moddalar haqida gapiryapti, deb 
o'ylayapsiz?» — deya so'radi u. Keyin men juda qiziqib qoldim. Giyohvand mod- 
dalardan boshqa insonda yana nimalar ko'ta- rinkilikka chorlashi mumkinligini tasawur 
etolmasdim. 
Yigitcha cho'ntagidan ruchka va yon daftar- chasini olib, yoza boshladi. 
—
Qorovul menga nima deganini bilasizmi? «Jismoniy mashqlar!» 
—
Jismoniy mashqlar? — xitob qildi yigitcha yon daftarchasidan nigohini uzarkan. 
—
Ha. Oddiy jismoniy mashqlar. 

---

—
Lekin oddiy jismoniy mashqlar qanday qilib ko'tarinkilik ruhini chaqirar ekan? — 
so'radi yigitcha. 
—
Mashqlar nafaqat jismoniy sog'lomlikni asrash uchun, balki aqliy va emotsional 
bardamlik davo- miyligini qo'llab-quvvatlash uchun g'oyat zarur va buning ancha jiddiy 
sabablari bor. 
—
Hech e'tibor berganmisiz, shifokorlar o'zini ruhsiz, ma'yus tutayotgan bemorlarga 
nima bilandir mashg'ul bo'lishni tavsiya qiladilar. Mening ham K-K qisqartmasidan 
foydalanib beradigan masla- hatim bor. 
—
Xo'sh, bu nima ma'noni bildiradi? — so'radi yigitcha. 
—
Ketingni ko'tar! 
Yigitcha bu so'zlarni yondaftarchasiga kula- kula yozardi. 
—
Bu maslahat yordam berishi bilan yaxshi. Kunlardan bir kun Bernard Shou 
yozganidek, «baxtsizlikning siri odamzod o'zining baxtli yoki baxtsizligi haqida 
o'ylashga fursati mavjudligida mujassamdir». Binobarin, o'rnidan turib ishga kirishish 
kishini nafaqat muammolardan chalg'itadi, balki shaxsiy muammolarimizni idrok etishni 
o'zgartiradi va ular oqibatida vujudga keluvchi dilxiraliklarni kamaytiradi. 
—
Jismoniy mashqlar qay tarzda bizning idrokimizni o.'zgartira oladi? — 
ishonqiramay so'radi yigitcha. 
—
Butun suhbatimiz davomida «Harakat his- siyotlarga ta'sir qiladi!» so'zlaridan 
muhimroq ma'lumot berishimga ko'zim yetmaydi. 
Yigitcha buni ham yozib oldi. 
—
Tanamizni harakatga keltirayotgan chog'da biz o'z emotsional holatimizni 
o'zgartiramiz. Jismoniy mashqlar bilan muntazam ravishda shug'ullan- maydigan 
kishilarda mushaklarning kichrayishi va jismoniy quwatsizlik vujudga kelishi yaxshi 
ma'lum. Ulaming suyaklari kalsiy moddasini yo'qotadi va bunday kishilarning bemahal 
o'limga duchor bo'lish xavfi muntazam ravishda sport bilan shug'ullanuvchi kishilarga 
nisbatan ikki barobar yuqoridir. Lekin jismoniy mashqlarni mensimaydigan kishilar 
bundan tashqari, o'zlariga diqqatni jamlash, ko'ngil- xiralik va qattiq qo'zg'alishlarga 
moyilroqdirlar va shuningdek, tushkunlikka tushish, betinimlik va aqliy toliqishdan 
ko'proq aziyat chekishlaridan hamma ham xabardor emas. 
—
Lekin nima uchun? — so'radi yigitcha. 
—
Olimlar bu hodisaga ajoyib sabab topdilar. Ular jismoniy mashqlar miyadan 
endorfin va ensefalinlar deb atalgan kimyoviy modda va gormonlar chiqarishga 
undashlarini aniqladilar. Bular insonning qoniqish hissi yoki «ko'tarilishi» uchun yordam 
beruvchi tabiiy ta'sirlovchilardir. 
—
Muntazam ravishda jismoniy mashqlar bilan shug'ullanish bizni baxtliroq qiladi, 
demoqchimi- siz? — so'radi yigitcha. 

---

—
Hech shubhasiz, — javob berdi janob Grinuey. 
—
Aynan qanday mashqlar? 
—
Aerobika tarzidagi mashqlar. Savolingizdan awalroq shuni aytmoqchimanki, Jeyn 
.Fondaning uslubiga rioya qilish unchalik shart emas, — dedi jilmayib janob Grinuey. — 
«Aerobika» so'zining tub ma'nosi «kislorod bilan mashqlar» demakdir. Bunga har qanday 
harakat faoliyati, nafas olish katta rol o'ynaydigan har qanday sport turi, masalan, suzish, 
velosipedda uchish, tez yurish va hatto raqs ham kiradi degan gapdir. Boshqa tomondan 
«neaerobika» to'g'ridan to'g'ri nafas olish yoki nafasni tutib turish bilan bog'lanmagan, 
sprint yoxud og'ir atletika kabi jismoniy mashqlarni nazarda tutadi. Bunday mashq- 
laming sezgi va salomatlik uchun foydasi kamroqdir. 
—
Xo'sh, nima uchun axir? — qiziqsindi yigitcha. 
—
Chunki «neaerobika» mashg'ulotlari vaqtida vujudimizda kislorod emas, 
miyamizga oziq hisoblangan glikogen parchaianadi. 
—
Birinchi natijalarni sezish uchun qancha muddat davomida shug'ullanish zarur? — 
so'radi yigitcha. 
—
Bir kunda yarim soat yetarli. Bor-yo'g'i. 
—
Unchalik qiyin emasdek tuyuladi, — dedi yigitcha. 
—
Darhaqiqat bu qiyin ish emas, — javob berdi janob Grinuey, — bu odatga 
aylangunicha kishi o'zini muntazam ravishda shug'ullanishga majburlab, turmush tarzini 
har qanday o'zgarishlariga o'ziga yarasha qaror qabul qilish kerak. 
—
Shunday qilib, jismoniy mashqlar o'zini baxtliroq sezishga ko'maklashishi 
mumkin... 
—
Ha. O'z vaqtida men ham bunga shubha bilan qaragandim, — dedi janob Grinuey 
yigitchani unchalik ishontira olmaganini payqab. — O'sha oqshom idoramda qorovul 
bilan uzoq suhbatlash- gandim. U Asl Baxtiyorlikning o'nta sirlari to'g'risida gap ochdi va 
ular hayotimni butkul o'zgartirib yuborganini tan olishim kerak. Bu sirlarning, fik- 
rimcha, menga eng ko'p asqotgani hamda hozirda mutaxassisligim bo'lgani... tana 
quwatidir. 
—
O'ylashimcha, «tana» deganingizda jismoniy mashqlami nazarda tutyapsizmi? — 
so'radi yigitcha. 
—
Yo'q. Tanamizdan foydalanganda boshqa juda ko'p jihatlari mavjud, ular shu kabi 
hissiyot- larimizga chuqur va tez ta'sir ko'rsatadilar. Jismoniy mashqlar — o'sha 
jihatlarning biri xolos. 
Yigitcha yanada qiziqsinib, janob Grinueyning so'zlarini yana yozishga tushdi. 
—
Birinchidan qaddi-bast. Qanday turishimiz, o'tirishimiz yoki yurishimiz. Agar 
insonning qaddi- basti yomon bo'lsa (u gavdasini to'g'ri tutish o'rniga bukchaysa yoki 
qiyshaysa), bundan uning sog'ligi va hissiyotlari aziyat chekadi. 

---

—
Bunga ishonish qiyin. Nahotki bizning qanday turish yoki o'tirishimiz 
hissiyotlarimizga ta'sir etishi mumkin? — so'radi yigitcha. 
—
Hozir tushuntirib beraman, — dedi janob Grinuey. 
—
O'zini horg'in, darmonsiz va ma'yus sezgan kishini ko'z o'ngizga keltiring. 
Sizningcha u qay tarzda o'tiradi yoki turadi? 
—
Bilmadim. 
—
Aytaylik, u boshini to'g'ri tutadimi, egib oladimi yoki bukchayadimi? 
—
Egib oladi. 
—
Ko'kragini kerib o'tiradimi yoki ichiga torta- dimi? 
—
Ichiga tortadi. 
—
Uning chehrasi qanday bo'ladi — tarang va tabassumli yoxud salqigan hamda 
xo'mrayganmi? 
—
Uning yuzida tabassumi bo'lishiga ko'zim yetmaydi, — dedi yigitcha. 
—
U qanday nafas oladi, chuqurmi yoki yuza- kimi? 
—
Yuzaki. Nazarimda, bu misolingizni angladim, — dedi yigit. — Biz o'z 
hissiyotlarimizga muvofiq ravishda turli xil qiyofalarga kiramiz. 
—
Mutlaqo to'g'ri. Lekin bu ikki tomonlama harakatli ko'cha kabi, hissiyotlarimiz 
qaddi-bastimizga qanday ta'sir ko'rsatsa, gavdamizni tutishimiz ham sezgilarimizga 
shunday ta'sir ko'rsatadi. Basharti biz doim bukchayib va engashib yursak, ertami yo 
kechmi, ruhimiz tushib ketadi, lekin qaddimizni rostlagan zahoti ahvolimiz yaxshilanadi. 
Bu haqiqatga to'g'ri kelmaydigandek tuyulsada, har holda, qaddimizni o'zgartirish tufayli 
shu zahoti o'z hissiy liolatimizni o'zgartira olamiz. Bilasizmi, masalan, agar siz 
qaddingizni to'g'ri tutib, chuqur nafas olib va jilmayib tursangiz, shunchaki dilingiz 
xufton bo'- lolmaydi. Tadqiqotchilar vasvasaga moyil ruhiy tushkunlikka tushgan 
odamlar — yigirma yillardan ortiq davolangan bemorlar bilan sinovlar o'tkazganda, 
qaddi-bastning turlicha qiyofa holatlarida ular .ilivolini aniqlab ko'rdilar. Men ta'riflagan 
qiyofaga kirgan bemorlardan birontasi depressiya holatiga tushmagani va dorilarga 
ehtiyoj sezmaganini iiniqlagan olimlar hayratda qoldilar. Qarang-a! 
—
Lekin har qanday muammoni qaddingizni g'oz tutgancha, chuqur nafas olib va 
jilmayib yurgan chog'ingizni orttirgan holda yechib bo'ladi, deb o'ylamaysiz-ku? 
—
Yo'q, albatta, yo'q. Har holda bu ajoyib boshlanish. Bu usul haqiqatda o'zni 
yaxshiroq se- zishga yordam beradi va zudlik bilan ishga tushadi. Bu juda oddiy usul 
bo'lib, u tufayli badanimiz ko'- magida o'z hissiy ahvolimizni boshqara olishga erishamiz. 
—
O'z qaddi-bastini anglash baxtning sirlari- dan biridir. Tanaga doimiy ravishda 
zahmat yetka- zish — stolda bukchayib yoki televizor qarshisida enkayib o'tirish — bizni 
zararli qiyofadan ko'pincha ruhimizning tushib ketishi holatiga olib keladi. 

---

—
Lekin qaddimizni butkul tik tulish juda no- qulay, — dedi yigitcha. — 
Namoyishdagi askarga o'xshab qolasiz-ku. 
—
To'g'ri, qaddi-bast — bu «tik tur» degan holat emas. Aslida bunday holat ham 
yomon qiyofa hisoblanadi, chunki u orqa tomon gavdaga qo'- shimcha taranglik yaratadi. 
Sog'lom qaddi-qomat degani — bu orqangiz tekis, lekin bo'sh holatda bo'lishidir. Siz 
taranglikni ham, og'riqni ham sezmasligingiz darkor. Qaddi bastingizni yaxshilashga 
ko'maklashuvchi bir usul mavjud. Uni «arqon usuli» deb atayman. 
—
Arqon usuli? Bu qiziq, — dedi yigitcha. 
—
Bu juda oddiy va bajarish oson uslub. Faqat boshingiz tepasiga arqon 
mahkamlangan deya va bu arqonni o'zi tomon tortayotgan kishi tepangizda turganini 
tasawur etish zarur. 
Yigitcha buni o'zida sinab ko'rdi va darhol nafa- qat qaddi rostlanganini, hatto go'yo 
bo'yi baland- roqday tuyilganini darhol sezdi. 
—
Bu 
mashqni 
bajarayotganingizda 
go'yo 
sizni 
dstagina 
ko'tarib 
va 
to'g'rilashayotgandek tuyuldi, shundaymi? — so'radi janob Grinuey. — Natijada 
o'zingizni yaxshiroq sezdingiz. Tanangiz yordamida hissiyotlaringizni o'zgartirishga 
ko'maklashuvchi boshqa bir amaliy mashq «langar» deb ataladi. 
—
Langar? 
—
Ha. Juda oddiy va nihoyatda samarali. Biroz Pavlovning itini eslatadi. Pavlovning 
itiga har safar ovqat berilganida qo'ng'iroq jiringlashi, hoynahoy, yodingizda bo'lsa kerak. 
It qo'ng'iroq jarangini ovqatlanish bilan ongsiz ravishda bog'lagani bois, qo'ng'iroq 
jiringlagan zahoti uning so'lagi ajraladi. Pavlovning iti uchun qo'ng'iroq jarangi 
ovqatlanish bilan bog'liq ong ortidagi «langar» bo'lib qoldi. Insonda ham xuddi shunday 
taassurotlar mavjud. Tish charxlovchi mashina tovushini eshitganingizda nimani his 
qilasiz? Bezovtaliknimi? Noxushlikmi? Bu ham xuddi shuning o'zi — tish charxlovchi 
mashina tovushini og'riq, noxushlik va bezovtalikka bog'laymiz. 
Ko'pincha baxtiyorlikka olib kelmaydigan ong orti langarlari paydo bo'ladi. Shunday 
misol kelti- raman: agar ikki kishi doimo urishaversalar, shunday lahza bo'ladiki, ular 
bir-birini ko'rgan yoki ovozini eshitgan zahotiyoq g'azabi qo'zg'aydi. 
—
Buning baxtga qanday aloqasi borligini ha- nuzgacha anglolmayapman, — dedi 
yigitcha. 
—
Biz ijobiy langarlarni ham vujudga keltiri- shimiz mumkin. Musobaqalar oldidan 
mushtlarini siqib va nimalardir qichqirib o'zlarini tayyorlayotgan sportchilarni ko'rgan 
bo'lsangiz kerak. Ular- ning bunday yo'l tutishlariga sabab shuki, bu ularning o'zlariga 
ishonch tuyg'usi va quwat ba- g'ishlaydi. O'zingizda sinab ko'ring va bunga ishonch hosil 
qilasiz. 
—
Yaxshi, — dedi yigitcha biroz qizarib. — So'zlaringizga ishonaman. 

---

—
So'zlarimga ishonmang, shunchaki o'zingiz sinab boqing, — takror aytdi janob 
Grinuey. — O'rningizdan turing va mushtlaringizni tugib, «Ha!» deb qichqiring. 
Yigitcha o'rnidan turdi, mushtlarini tugdi va «Ha!» dedi 
—
Yo'q. Siz buni shunchaki aytdingiz, — e'tiroz bildirdi janob Grinuey. — Qichqirib 
aytish kerak! 
Yigitcha harakatlarini takrorladi. va bu safar baland ovozda qichqirdi. U o'sha zahoti 
quwati oshganini sezib, tong qotdi. 
—
Qoyil! — xitob qildi u. — Bu rostdan ham yordam berarkan. 
—
Albatta! Lekin yana nimalardir bor, — qo'- shimcha qildi janob Grinuey. — Ayrim 
hissiyotlarni vujudga keltiruvchi o'z shaxsiy langarlaringizni ham yaratishingiz mumkin. 
Buni qay tarzda amalga oshirishni hozir ko'rsataman. O'zingizni nihoyatda baxtiyor his 
etgan biron-bir voqeani xotirlang, — dedi janob Grinuey. 
Yigit xayolida o'n yil burun ishxonada birinchi ish kunini nishonlaganini esladi. 
—
O'sha voqeani imkon qadar mufassalroq eslang. Ko'zlaringizni yuming-da, 
o'shandagi holat- ni yana boshingizdan kechirgandek tasawur qiling. Nima deganingizni 
eslang. Nimalar qilgansiz? Qanday nafas olgansiz? Barchasini xotirlashga urinib ko'ring, 
— dedi janob Grinuey. Yigit xayolida o'sha voqealar sahnasini jonlantirdi, keyin kutilma- 
ganda o'ng yelkasiga janob Grinueyning qo'li tekkanini sezdi. 
—
Endi bulami yana bir bor xayolingizda jonlantiring, — dedi janob Grinuey va 
yigitcha yana o'sha voqealarni tasawur etayotgan chog'ida, yana o'ng yelkasiga qo'lini 
tekkizdi. 
—
Nimaga bunday qilyapsiz? — so'radi yigitcha. 
—
Xavotirlanmang. Bu harakatni yana bir ne- cha bor takrorlashimiz zarur, keyin 
sababini lushuntirib beraman. 
Hammasi yana yetti bor takrorlandi va yigitcha yana qiziqdi: 
—
Bu nima uchun kerak? 
—
Hozirgina sizga «baxtiyorlik langari»ni yaratishga ko'maklashdim, — deya 
jilmaydi janob Grinuey. 
—
Tushunolmayapman... — dedi yigitcha, lekin janob Grinuey uning o'ng yelkasiga 
qo'lini tegiz- gandi, u hech bir sababsiz baxtiyorlik tuyg'usini tuyganini sezdi. 
—
Sizning ong ortingizda baxt tuyg'usi bilan yelkangizga qo'l tekkizish orasida 
bog'lanish o'rnatishga yordam berdim, — tushuntirdi janob Grinuey. — Ko'ryapsizmi, 
«langar» yordamida baxtli hislarni qanday oddiygina chaqirsa bo'ladi! Faqat ayrim 
qadamlarni takrorlash kifoya; siz o'zingizni baxtli sezgan chog'laringizni xotirlab, bu 
xotiralar avj nuqtasiga yetganida qulog'ingizni chimchilab, burunni tortqilab yoki bilakni 
ushlab, qandaydir kutilmagan harakat bilan ta'sirlantirish kerak. Qanday harakat 

---

bajarishingizning ahamiyati yo'q, eng asosiysi, bu har kuni takrorlaydigan harakatlardan 
o'zgacharoq bo'lsin. 
—
Nimaga endi? — uning so'zini bo'ldi yigitcha. 
—
Yana Pavlovning itiga qaytamiz. Agar it qo'ng'iroq ovozini kuni bilan eshitganida, 
uni ovqatlanishga bog'lamagan bo'lardi. Mo'jiza shundaki, har qanday hissiyotli 
holatlaringiz, — o'zingizga nisbatan ishonch, kimgadir bog'lanib qolish, achinish hissimi, 
— to'g'ri ma'noda har bir sezgiga o'tkazishda langardan foydalanishingiz mumkin. 
—
Bu juda g'aroyib, — dedi yigitcha. — De- mak, masalan, o'zimda dadillik hissini 
tuymoq- chiman. Shunday dadil bo'lgan holatdagi lahzani esga olishim va qandaydir 
o'ziga xos harakat, aytaylik, qulog'imdan sal tortib qo'ysam hamda bu harakatni bir necha 
bor takrorlagach, o'zimda dadillik sezish uchun qulog'imni tortish kifoya qiladimi? 
—
Juda to'g'ri. Awalgi tajribalami ko'z oldiga keltirish va mayda tafsilotlarigacha 
yodga olish amalda qo'llashni talab etadi; undan tashqari, hissiyotlaming avj nuqtasiga 
yetgandagina langarni o'matish zarur, agar siz qat'iyatli bo'lsangiz, buni bajarish nechog'li 
osonligiga ishonch hosil qilasiz. 
—
Bularning barchasi qandaydir juda sodda eshitilmoqda, — dedi yigitcha. 
—
Bilaman, lekin bular amalda ishga tushadi. To'g'risini aytganda, bu shunchalar 
yaxshi ishlashi mumkinki, masalan reklama yaratuvchilar mollarni ko'rgan zahoti 
tomoshabinlarda yoqimli hislar uyg'onishi uchun doimiy ravishda «langarlar»dan 
foydalanadi. 
—
Buni qay tarzda amalga oshiradilar? — so'radi yigit. 
—
Axir reklama tanaga tegmaydi-ku. 
—
Langarlar har qanday sezgi organlari — qo'l bilan ushlab ko'rish, eshitish, mazasini 
tatish, hidlash va ko'rish bilan o'rnatilishi mumkin. Pavlovning itida langar qo'ng'iroq 
jarangi yordamida o'rna- tilgandi. 
Ikki nafar bir-birini ko'rib yoki eshitib g'azabga kelgan kishilar haqidagi misolimni 
yodga oling. 
—
Ha, endi nimani nazarda tutayotganingizni angladim, — dedi yigitcha. 
—
Reklama tayyorlovchilar ko'pincha quyidagi vositalarni qo'llaydi: rolikda 
«yulduz»lardan biri ishtirok etadi va molni reklama qilayotganda uning ijrosidagi musiqa 
yangraydi. Odamlarga musiqa tinglash va qo'shiqchi yulduzni ko'rish yoqadi va tez 
fursatda molning o'ziga nisbatan ham bu his mustahkamlanadi. Nima deb o'ylaysiz, yirik 
alko- golsiz ichimliklar ishlab chiqaruvchilar Maykl Jeksonga o'z roliklarida uning 
musiqasi va tasviridan foydalanish huquqi uchun 15 milliondan ortiq mablag'ni nima 
uchun to'ladilar? 
Reklamachilar doimiy ravishda langarlardan foydalanadilar, lekin reklama 
tayyorlovchilar manfaatiga emas, o'zimizning maqsadlarimiz uchun biz ham ulami 

---

qo'llashimiz mumkin. Tana quwati ana shunda mujassamlashgan. Lekin bu hali hammasi 
emas. Tanamizning hissiyotlarga ta'sir etishning boshqa muhim yo'riqlari bor — masalan, 
ovqatlanish. 
—
Bularning barchasining ovqatlanishga nima daxli bor? — so'radi yigitcha. 
—
Vujudimiz oziqlanayotgan taom biz nimani his qilishimizga ta'sir ko'rsatadi. 
Masalan, tozalan- gan qandga boy oziqlar — oq non, tort va shoko- lad — qondagi qand 
darajasini o'zgartiradi va charchoq, asabiylashish hissini paydo qilishi mumkin, kofe, 
choy va alkogolni me'yordan oshiq iste'mol qilish, ma'lumki, qo'zg'atuvchanlik 
xususiyatiga ko'ra, oqibatda dilxiraliklarni keltirib chiqaradi. Ayrim keng tarqalgan sun'iy 
oziq qo'shilmalari ham ruhiy tushkunliklarni keltirib chiqarishi mumkin. Masalan, 
tadqiqotlar ko'rsatishicha, dunyodagi «qandsiz» ichimliklar va oziq-ovqat mahsulotlarida 
keng foydalanilayotgan qand o'rnini bosuvchi sun'iy
aspartam ayrim kishilarda klinik ruhiy tushkunlik holatlari paydo bo'lishiga 
sababchiligini aniqladilar. 
—
O'zimizni yaxshiroq his etishga ko'maklashuvchi qandaydir oziq-ovqatlar ham 
bormi? 
—
Tibbiy tadqiqotlar ko'rsatishicha, grechka tarkibidagi rutin, bioflavinoid miya 
to'lqinlariga samarali ta'sir ko'rsatib, kishilarni ruhiy tushkunlik holatidan «chiqarish»ga 
qodir ekan. Binobarin, tabiiy oziq-ovqatlarga — yangi meva, sabzavotlar va donli 
(masalan, sariq guruch, suli, arpa, tariq va elanmagan bug'doy noni) mahsulotlarga 
asoslan- gan ovqatlanish parheziga rioya etish, umuman, juda muhimdir. Chunki bunday 
oziqlanish qondagi qand darajasini muvozanatlashga yordam beradi, qo'zg'aluvchanlik va 
ruhiy zo'riqishlami pasaytiradi. 
Yigitcha butkul yarim tayyor mahsulotlarga asoslangan o'zining oziqlanishi to'g'risida 
o'ylab qoldi. Bunday yangi mahsulotlarni u ovqatlanadigan oshxonalarda topish mahol 
edi. Ehtimol uning behol va tushkun ahvoldaligiga shu ham sababchi bo'l- gandir. 
—
Hissiyotlarning ko'ngildagidek bo'lishiga eng e'tiborsiz qolgan omillaridan biri, — 
davom etdi janob Grinuey, — tanamizning tabiiy yorugiikka muhtojligi hisoblanadi. 
—
Tabiiy yorug'likka muhtojlik? — qaytardi yigit yon daftarchasiga jadal yozib 
olarkan. — Lekin biz uni kunduzi olamiz, shunday emasmi? 
—
Afsuski, har doim emas. Ko'pgina kishilar yo derazalari umuman yo'q yoki 
bo'yalgani bois quyosh nurini o'tkazmaydigan zavodlarda va ofislarda ishlaydilar. Qishda 
ahvol yanada yomon- lashadi, chunki kunlar ancha qisqaradi. Hozirda tabiiy yorug'lik 
yetishmasligi oqibatida vujudga kelgan ruhiy tushkunlik holatlari rasmiy jihatdan 
salomatlikning buzilishi sanaladi — «Mavsumiy Hissiyotlar Buzilishi» yoki MHB. 
Aynan shu tufayli qish oylarida o'z joniga qasd qilish hollari ko'proq sodir bo'ladi. 
—
Xo'sh, buning oldini olish uchun nima qilish kerak? 

---

—
Ochiq havoga bir kunda eng kamida bir soatga chiqish kerak yoxud agar buning 
iloji bo'lmasa, kunduzgi chiroq lampalaridan foydalanish kerak. 
—
Bu mutlaqo g'aroyib, — dedi yigitcha. — Vujudimiz hissiyotlarimizga qanchalar 
ta'sir ko'rsa- tishini hech qachon anglamas edim. Nima sabab- dan kishilar bularning 
barchasiga hech e'tibor bermaydilar? 
—
Aynan shu bois «sirlar» to'g'risida gapira- miz-da, — dedi janob Grinuey. — 
Hammamiz ta- namizdan qanday foydalanib, baxtli bo'lishni vujudi- mizning ich-ichidan 
«bilamiz» — axir bu insonning eng tabiiy holati-ku! Shunchaki zamonaviy olamdagi 
hayot bu bilimlarni unutishga majbur qilyapti va ba'zan ular to'g'risida kimdir bizga 
eslatib turishi darkor bo'lmoqda. 
—
Bu haqda ilk bor eshitganimdan so'ng men tadbirlar qo'llab, o'zimning kundalik 
hayotimga bu mashqlarni kirita boshladim. Har kuni ishdan oldin tez-tez sayr qilardim; 
qaddi-bastimni tekis tutishga e'tibor berdim; yangi uzilgan meva va sabzavotlar, 
dukkaklilar, elanmagan undan yopilgan non, gu- ruch va kartoshka iste'mol etishga 
harakat qildim va kunda bir soatdan kam bo'lmagan vaqt davomida ochiq havoda bo'ldim. 
Aql bovar qilmas natijalarga erishdim. Bir haftadan keyinoq ahvolim shunchalik 
yaxshi- langanidan hayratga tushdim va buni boshqalar bilan baham ko'rish maqsadida bu 
ishga o'z umrimni bag'ishlashga qaror qildim. Fizioterapevt va yaxshi jismoniy qiyofa 
bo'yicha shaxsiy maslahatchi sifatida tayyorgarlikdan o'tdim hamda oqshomlari va dam 
olish kunlari bu ish bilan shug'ullana boshladim. Bir necha oydan so'ng ishlar shunchalik 
yurishib ketdiki, endi butun kun davomida mashg'ul bo'la olardim. Inson o'z ishiga 
ishongan va undan zavqlangan chog'da o'zini naqadar yaxshi sezishini hatto tasawur 
qilolmaysiz. Aslida bu faoliyatimni ish deb ham aytolmayman. Bu turgan-bitgani 
farog'at. 
—
Bularning barchasiga sababchi bo'lgan kishi idorangiz qorovulimi... — dedi 
yigitcha. 
—
Ha. Bir necha haftadan so'ng uni izlab topib, yordami uchun minnatdorchilik 
bildirishga chog'- landim, lekin u haqda hech kim hech qachon eshit- magan ekan. 
—
Shoshmang, — dedi yigitcha. — Bu keksa xitoylik edimi? 
Janob Grinuey jilmaydi: 
—
Bo'lmasa-chi, boshqa kim bo'lardi? 
Yigitcha uyiga yetib olganidan keyin o'tirib, 
yozganlarini qayta o'qidi: