Şəkil 30
Kalsit mineralında sürüşmə ikiləşməsinin sxemi
3. İkiləşmələrin yaranma səbəblərindən biri də kristalda faza çevrilmələrinin yer almasıdır. Bu yolla yaranan ikiləşmələrə kvars kristallarında rast gəlinir. Mineralın olduğu geoloji mühitdə termodinamik şəraitin dəyişməsi faza çevrilməsinə, daha dəqiq desək, mineralın fəza qəfəsəsinin dəyişməsinə səbəb olur və ikiləşmənin yaranması baş verir. Məsələn, yüksək tempraturlu α-kvars 573oC-yə kimi soyduqda onun fəza qəfəsəsi simmetriya etibarilə kəsgin dəyişilməyə uğrayır – heksaqonal quruluş triqonal quruluşa çevrilir və məhz bu triqonal qurluşu təşkil edən hissələr ikiləşmələrin yaranmasında iştirak edirlər. Kvarsın dofine ikiləşməsinin yaranması bu yolla baş verir (şəkil 26).
İkiləşmələri çox vaxt onların tapıldıqları yerin adı ilə adlandırırlar. Bunlara misal olaraq yapon [ikiləşmə müstəvisi (11 2)], karlsbad [ikiləşmə müstəvisi (010)], braziliya [ikiləşmə müstəvisi (11 0)] ikiləşmələrini göstərmək olar.
İkiləşmələrin öyrənilməsinin həm elmi, həm də böyük təcrübi əhəmiyyəti vardır. Belə ki, onların ətraflı tədqiqini aparmaqla kristallaşma prosesinə müəyyən aydınlıq gətirmək olur. Digər tərəfdən, ikiləşmələrdən mineralların təyinində, xüsusən də, kristallooptikada diaqnostik əlamət kimi istifadə edilir.
İkiləşmələrdən həmçinin mineralların termometriyasında da istifadə edilir. Maddənin aşağı və ya yüksək tempraturlu növlərindən hansının kristallaşma prosesində iştirak etdiyini də ikiləşmələr vasitəsilə müəyyən etmək olur. Translyasion ikiləşmələrin tədqiqini aparmaqla isə mineralda baş verən deformasiya proseslərini aydınlaşdırmaq olur.
EPİTAKSİYA
Müxtəlif tərkibli və müxtəlif simmetriyaya mənsub minerallar və ya eyni maddənin müxtəlif fəza quruluşlu növləri fiziki-kimyəvi şəraitin xüsusiyyətindən asılı olaraq qanunauyğun bitişmələr əmələ gətirə bilirlər. Belə bitişmələrə epitaksiya deyilir. Epitaksiya yunan sözüdür, mənası “yerləşmə”, “qayda” deməkdir. Epitaksiya dedikdə bir mineralın kristallarının digər mineralın kristalı üzərində qanunauyğun şəkildə yerləşməsi nəzərə alınır. 31-ci şəkildə triklinik sinqoniyaya mənsub disten (Al2[SiO4]O ) kristalının səthində onun üzlərinə və tillərinə nəzərən simmetrik yerləşmiş rombik simmetriyalı stavrolitin kristalı göstərilir.
T
Şəkil 31
Disten kristalı üzərində qanunauyğun yerləşmiş stavrolit kristalı
əbii ki, bir mineralın kristalının (kristallarının) özül rolunu oynayan digər mineralın kristalı üzərində müəyyən istiqamətdə belə qanunauyğun yerləşməsi, bilavasitə, onların fəza quruluşlarının yaxınlığı səbəbindən baş verməlidir. Yəni onların bitişmə səthlərinin müstəvi torları quruluş etibarilə olduqca yaxın olmalıdırlar. Beləliklə, epitaksiyanı mümkün edən əsas səbəblərdən biri mineralların fəza quruluşlarının yaxınlığıdır desək, səhv etmərik.
Araqonit ( CaCO3 ) və kalium şorası ( KNO3 ) minerallarının tərkiblərinin müxtəlifliyinə baxmayaraq, hər ikisi rombik sinqoniyanın rombik-dipiramida sinfində kristallaşır. Yəni eyni simmetriyaya mənsubdurlar. Onların elementar özəklərinin parametrləri də çox yaxındır. Belə ki, araqonitdə a=4, 95; b=7, 96; c=5, 73 Å , kalium şorasında isə a=5, 42; b=9, 17; c=6, 45 Å -dır. Əgər araqonit mineralının kristalının təmiz səthini ifrat doymuş kalium şorasının məhluluna salsaq, bir müddətdən sonra araqonitin kristalının səthində bir-birinə nəzərən paralel qaydada düzülmüş kalium şorasının kristalları yaranacaqdır. Bu təcrübə bir daha epitaksiyanın yaranmasında fəza quruluşlarının yaxınlığının əsas səbəb olduğunu göstərir. Aşağıdakı cədvəldə (cədvəl 6) fəza quruluşlarının oxşarlığı, elementar özəklərinin parametrlərinin yaxınlığı ilə səciyyələnən epitaksiya əmələ gətirən minerallara aid misallar verilir.
Cədvəl 6
Epitaksiyada iştirak edən minerallara aid misallar
Minerallar
|
Tərkibi
|
Sinqoniyası
|
Elementar özəyinin parametrləri, Å
|
Epitaksiya
|
Disten
Stavrolit
|
Al2[SiO4]O
2Al2O[SiO4]·Fe[OH]2
|
Triklinik
Rombik
|
a=7, 10; b=7, 74; c=5, 57
a=7, 83; b=16, 62; c=5, 65
|
Disten üzərində stavrolit kristalları
|
Pirit
Qalenit
|
FeS2
PbS
|
Kubik
Kubik
|
a=5, 42
a=5, 94
|
Pirit üzərində qalenit kristalları
|
Kalsit
Na-şorası
|
CaCO3
NaNO3
|
Triqonal
Triqonal
|
a=4, 98; c=17, 02
a=5, 07; c=16, 81
|
Kalsit üzərində Na-şorası kristalları
|
Araqonit
K-şorası
|
CaCO3
KNO3
|
Rombik
Rombik
|
a=4, 95; b=7, 96; c=5, 73
a=5, 42 ; b=9, 17; c=6, 45
|
Araqonit üzərində K-şorası kristalları
|
Ortoklaz
Albit
|
KAlSi3O8
NaAlSi3O8
|
Monoklinik
Triklinik
|
a=8, 60; b=13, 06; c=7, 19
a=8, 23 ; b=12, 74; c=7, 15
|
Ortoklaz üzərində albit kristalları
|
Cədvəldən göründüyü kimi epitaksiya hadisəsi sülb məhlullarını (izomorf qarışıqların) dağılması nəticəsində də yarana bilir. Buna ortoklaz mineralı üzərində albit kristallarının yaranması hadisəsini misal göstərmək olar. Buikimineral yüksək temperaturlar da arasıkəsilməz qarışıqlar əmələ gətirdikləri halda, temperaturun enməsi ilə yaranmış qarışıqlar dağılmaya məruz qalırlar. Nəticədə ortoklaz kristalı üzərində albit kristallarının qanunauyğun paylanması yaranır (şəkil 32). Albit kristallarının belə qanunauyğun düzülüşünə mineralogiyada pertit fiqurları deyilir.
M
Şəkil 32
Ortoklaz kristalı üzərində albit kristallarının epitaksik yerləşmələri
inerallarda baş verən epitaksiya hadisəsinin tədqiqi onların morfoloji xüsusiyyətlərinin, əmələgəlmə yollarının və fəza quruluşlarının təyin edilməsində mühüm əhəmiyyət daşıyır.
Dostları ilə paylaş: |