24
Azərbaycanda, habelə ümumiyyətlə, Türk dünyasında ümumi dilçiliyin əsasını
qoydu. Bundan əlavə, o zamankı Azəıbaycan dilçiliyinin nailiyyətlərindən olan
“Türk dili və ədəbiyyatının tədrisi üsulu” (1926-1927), “Türk-tatar dialektolojisi”
(1927), “Türk dili” (1929), “Türk qrameri” (1929-1930) və s. göstərmək olar.
26-I-1937-ci il tarixdə AXDİK DTİ 4-cü şöbəsinin 4-cü bölməsinin rəis
müavini təhlükəsizlik leytenantı Şer B.Çobanzadə haqqında belə bir arayış tərtib
edir. B.Çobanzadə - 1893-cü il təvəllüdlü, simferanollu, krım-tatarı, SSRİ
vətəndaşı, bitərəf, dilçi.
APİ və ADU-da dil və ədəbiyyat kafedrasının rəhbəri, SSRİ EA
Azərbaycan filianın baş elmi işçisi B.Çobanzadə görkəmli pantürkist xadim, “milli
firqə”nin keçmiş katibi, Krım qurultayının üzvü olub.
1924-cü ildən Bakıda yaşayır. Fasiləsiz əksinqilabi iş aparır.
a) 1926-cı ildən firqə MK-sı adından Müsavat MK-sı ilə söhbətlər aparır
(müttəhim Baharlının ifadəsindən)
b) Bu günə qədər əksinqilabçılarla (Yaqub Zəki, Şirinski və s.) əlaqəsi
vardır. Onların arasında əksinqilabi, faşist və dağıdıcı iş aparır.
c) R.Axundov B.Çobanzadə ilə partiya və sovet hakimiyyəti əleyhinə
söhbət aparıb (müttəhim Çiçikalovun ifadəsindən)
ç) Öz ədəbi əsərlərində və mühazirələrində əksinqilabi millətçi ideyalar
yayır.
Deyilənləri (nə tutarlı deyilənlər imiş! - A.B.) nəzərə alaraq B.Çobanzadəni
həbsə almağı və onu Az.SSR CM 72/73-cü maddələri
üzrə məsuliyyətə cəlb etməyi
zəruri sayıram.
Bu vaxt alim Krımda “Dağ fəhləsi-mədənçi” (Qornyak) sanatoriyasında
istirahət edirdi. Azərbaycan XDİK DTİ-nin məktubu əsasında SSRİ XDİK Şimali
Qafqaz ölkəsi üzrə DTİ əməliyyat müvəkkili Barski 28-1-1927-ci il tarixdə
Kislovodsk şəhərində gecə ikən alimi həbs etdi. 29-I-1937-ci ildə Krım DTİ rəisi
Pletnikov Pyotiqorsk türmə rəisinə yazır: “Məhbus B.Çobanzadə ikinci mərtəbədə
15№-li kamerada saxlanmaq üçün göndərilir. Bizdən xəbərsiz onu heç yerə etap
etməyin (göndərməyin).
31 yanvar 1937-ci ildə B.Çobanzadə üçün 554№-li cinayət işi açılır. Pyati-
qorsk həbsxanasında açılan bir neçə anket və arayışı özündə birləşdirən, sonradan
Bakıda tərtib ediləcək üç cildlik cinayət işinin içinə əlavə edilən işdəki məlumat-
lardan bəlli olur ki, müttəhim B.Çobanzadə inqilabdan əvvəl heç bir partiyada
olmayıb, ağların ordusunda iştirak etməyib, atası Vahab kişi 1928-ci, anası
Zübeydə 1930-cu ildə vəfat edib. 26-I-1937-ci ildə haqqında arayış tərtib edilən
kimi Azərbaycan XDİK DTİ-nin baş leytenantı Tsinmanın rəhbərliyi, XDİK-ın
əməkdaşları Səfər Məmmədovun, Zaidovun, Naumkinin və Zvenovun, habelə
süpürgəçi Aqil Qulamın iştirakı ilə B.Çobanzadənin Voroşilov küçəsində yerləşən
3 saylı mənzilində axtarış aparırlar. Həmin axtarışın şahidi olan, müttəhimin arvadı
Ruqiyyə Kireyevna Çobanzadə sonradan danışırdı ki, alimin əlyazmalarını,
kitablarını balkondan (ikinci mərtəbədən) aşağıda dayanmış yük maşınının içinə