8. Diri ikən torpağa gömülmüş hər bir adam (cahiliyyət dövründə diri-diri basdırılmış qızlar, tarix
boyunca diri-diri basdırılmış insanlar və günahsız ikən zindanda ölənlər) barəsində soruşulacağı
zaman
9. «Hansı günaha görə öldürüldülər?» (Onların qatillərindən: «Bunlar hansı günaha görə
öldürüldülər?»- deyə soruşular.)
10. Əməl dəftərləri (Haqq-taala tərəfindən məhşər əhli arasında) yayılacağı və hər bir şəxsin əməl
səhifəsi (onun öz qarşısında) açılacağı zaman,
11. Göy (əhatə etdiyi hər bir şeyin üzərindən) götürüldüyü zaman,
12. Cəhənnəm alovlandırılıb şölələndiyi zaman,
13. Cənnət (təqvalılar üçün) yaxınlaşdırıldığı zaman
14. Hər kəs (dünyada bugünkü günə özü üçün yaxşı, pis) nə hazır etdiyini biləcəkdir.
15. Yox-yox; and olsun (gündüz) gizlənən, gecə qayıdan ulduzlara,
16. Seyr edən, qeyb olan o ulduzlara (gecənin sonunda yuvalarına çəkilən heyvanlar kimi öz
məğriblərində gizlənərlər),
17. And olsun qaralmaqda və çəkilməkdə olan gecəyə.
18. Və and olsun sökülməkdə olan dan yerinə.
19. (Yuxarıdakı andların nəticəsi budur) ki, bu (Qur’an) şübhəsiz möhtərəm və şərəfli bir elçinin
(Cəbrailin gətirdiyi) sözdür.
20. (Elə bir elçi ki,) çox qüvvətlidir və ərşin sahibi (Allahın) yanında məqam və mənsəb sahibidir.
21. Orada (mələklər arasında) itaət ediləndir, həm də güvəniləndir.
22. Sizin yoldaşınız və dostunuz (Peyğəmbər) divanə deyildir.
23. Həqiqətən, (bu Peyğəmbər) onu (Cəbraili) açıq və (insanların üfüqündən) uca olan üfüqdə
(mələklərin üfüqündə) görmüşdür.
24. Və o qeyb (vəhy vasitəsilə aldıqları barəsində) xəsis deyildir (ki, onu gizlətsin, dəyişdirsin,
yaxud təxirə salsın və ya qarışdırsın).
25. Və bu (Qur’an Allah dərgahından) qovulmuş Şeytanın sözü deyildir.
26. Belə isə, hara gedirsiniz?!
27. Bu, aləmlər üçün yalnız bir öyüd-nəsihətdir.
28. Sizdən (əqidə, əxlaq və əməldə) düzgün olmaq istəyənlər üçün.
29. Aləmlərin Rəbbi olan Allah (yaradılış iradəsi ilə) istəməyincə siz (bu yolu seçməyi) is təyə
bilməzsiniz. (Çünki, sizin ixtiyar üzündən olan iradəniz ixtiyari əməlləriniz kimi Allahın
iradəsinə bağlıdır.)
Əl
-
Ġnfitar
surəsi
0. Bağışlayan və mehriban Allahın adı ilə.
1. Göy yarıldığı zaman,
2. Ulduzlar dağılıb səpələndiyi zaman,
3. Dənizlər yarıldığı (və sular bir-birlərinə qarışdığı) yaxud qaynayıb dolduğu zaman,
4. Qəbirlər alt-üst olduğu (və ölülər çölə atıldığı) zaman,
5. Hər bir kəs öncədən göndərdiyi və ya təxirə saldığı şeyi biləcəkdir (dünyada etdiyi hər bir xeyir
və şəri və özündən sonra qoyub getdiyi hər bir xeyir və şər adəti biləcəkdir).
6. Ey insan, səni kərim olan Rəbbinə qarşı məğrur edən nədir?! (ki, Onun tanrılığına qarşı küfr,
kərəminə qarşı isə nankorluq etdin)?
7. O Allah ki, səni yaratdı və bədəninin üzvlərini (hər bir üzvü lazımi hikmətinə uyğun olaraq öz
münasib yerində) düzəltdi və nizamladı və (lazımi işi ifa etmək üçün üzvlər arasında uyğunluq və
ahəngdarlıq icad etməklə) qaydaya saldı və sahmanladı.
8. İstədiyi şəkildə (üzvlərin xüsusiyyətləri və bütünlüyü baxımından) sənə quruluş verdi.
9. Belə deyildir (siz təkcə Allahın kərəminə qarşı məğrurluq etməklə qalmırsınız) əslində siz
«Cəza» gününü təkzib edirsiniz.
10. Və əlbəttə, sizin üstünüzdə gözətçilər vardır.
11. Şərəfli (möhtərəm) yazanlar (mələklər vardır).
12. Onlar sizin nə etdiklərinizi (zahir və batini, ixlası və riyanı, kamal və nöqsan dərəcələrini)
bilirlər.
13. Şübhəsiz, yaxşı əməl sahibləri (axirətdə) bolluca nemət içində olarlar.
14. Və şübhəsiz, pis əməl sahibləri isə odlu Cəhənnəm içində olarlar.
15. Cəza günü oraya daxil olarlar (onun hərarətini dadar və yanarlar.)
16. Onlar əsla oradan çıxan deyillər (dünyada səbəbin məhdud əhatəsində olduqları kimi axirətdə
də nəticənin əbədilik əhatəsində olarlar).
17. Və sən nə bilirsən ki, cəza günü nədir?!
18. Yenə də sən nə bilirsən ki, cəza günü nədir?!
19. Elə bir gündür ki,(o gün) heç kəs başqası üçün bir iş görməyə qadir olmayacaqdır. O gün əmr
yalnız Allaha məxsusdur.
Əl
-
Mutəffifin
surəsi
0. Bağışlayan və mehriban Allahın adı ilə.
1. Vay halına əskik satanların!
2. O kəslər ki, özləri insanlardan ölçü ilə bir şey aldıqda, onu tam ölçüb alarlar,
3. Onlar üçün bir şey ölçdükdə və ya çəkdikdə isə onu əskildərlər.
4. Məgər onlar güman etmirlərmi ki, (haqq-hesab üçün) dirildiləcəklər,
5. Böyük bir gündə?!
6. O gün bütün insanlar (haqq-hesab və mühakimə olunmaq üçün) aləmlərin Rəbbinin hüzurunda
duracaqlar!
7. Belə deyildir (Onların güman etdiyi kimi deyil. Onlar güman edirlər ki, heç bir hesab – kitab
yoxdur). Şübhəsiz, pis əməl sahiblərinin cəza əməl dəftəri «Siccin»dədir.
8. Və sən nə bilirsən ki, «Siccin» nədir?
9. (O,) rəqəmlənmiş (yazılmış) (əhatəli) bir kitabdır (bütün pis əməl sahiblərinin cəzası orada
qeyd olunmuşdur).
10. Vay halına o günü təkzib edənlərin.
11. O kəslərin ki, cəza gününü təkzib edirlər.
12. Və onu ancaq həddini aşan daim günah edən şəxs təkzib edər.
13. O kəs ki, Bizim ayələrimiz ona oxunduğu zaman «Bu keçmişdəkilərin əfsanələridir»-deyər.
14. Belə deyildir (Bizim ayələrimiz əfsanə deyil), əslində onların qəlblərini qazandıqları
(günahlar) paslandırmışdır.
15. Belə deyil (Onların güman etdiyi kimi deyil,) şübhəsiz, o gün onlar Rəbbin(in lütfün)dən
məhrum olacaqlar.
16. Sonra onlar mütləq cəhənnəmə daxil olacaqlar, (onun hərarətini dadacaq və orada
yanacaqlar.)
17. Sonra da onlara: «Bu, həmin təkzib və inkar etdiyinizdir!» deyiləcəkdir.
18. Belə deyildir (hesab – kitabsız deyil), həqiqətən, yaxşı əməl sahiblərinin mükafat əməl dəftəri
«İlliyyin»dədir.
19. Sən nə bilirsən ki, «İlliyyin» nədir?
20. (O,) rəqəmlənmiş (yazılmış) (əhatəli) bir kitabdır (yaxşıların mükafatı orada qeyd
olunmuşdur),
21. (Allah) dərgahına yaxın olanlar onu görərlər və mələklər onun yanında hazır olarlar.
22. Şübhəsiz, yaxşı əməl sahibləri bolluca nemət içindədirlər.
23. Zinətlənmiş fəxri kürsülər üzərində (əyləşib) (Cənnət nemətlərinə və Haqqın camalına)
tamaşa edərlər.
24. Sən onların üzlərində bolluca nemət sevinci və təravəti görərsən.
25. Onlara saf və xalis, möhürlənmiş şərabdan içirdilər.
Dostları ilə paylaş: |