Elxan Elatlı PƏNCƏRƏDƏ GÖRÜNƏn köLGƏ detektiv roman
Yüklə 4,8 Kb. Pdf görüntüsü
|
downloaded from KitabYurdu.org 6 Onun getdiyi bu yolun qurtarmağına cəmi beş-on addım qalmışdı... I HİSSƏ Mehdixan kişi, adəti üzrə, səhər tezdən ayağa qalxmış, kəndi gəzib icra nümayəndəliyinə baş çəkərək, səhər yeməyini yemək üçün evə qayıtmışdı. O, yaşadığı Göydağ və qonşu Dərəçay kəndlərinin icra nümayəndəsi işləyirdi. Çoxdan işlədiyi bu işdə kənd camaatının hörmətini qazanmışdı. Elə rayon mərkəzində də ağsaqqal kimi tanmırdı. Bir qədər zəhmli, ancaq xeyirxah, əliaçıq, qonaqpərvər bir kişi idi. Dünən onun həyətində gözəl bir məclis qurulmuşdu. Nəvəsi İlhamın on yaşının tamam olmasını qeyd etmişdilər. Qızı Fədayə, nəvəsi İlham və qızının əri Nemət Bakıdan bu münasibətlə gəlmişdilər. Nemət Sabirli jurnalist idi. Nüfuzlu bir qəzetdə şöbə müdiri işləyirdi. Mehdixan kişinin arzusu ilə oğlunun ad gününü qayınatasının kəndində keçirməyə razı olmuşdu. Onlar tək gəlməmişdilər. Nemət üzbəüz mənzildə tənha yaşayan qonşusu, istefada olan polis polkovniki Qanbay Qasımlmı və dostu, cinayət- axtarış polisi, kapitan Mahir Talıbovu da özü ilə gətirmişdi. İstəmişdi ki, onlar həm ad günündə iştirak etsinlər, həm də bir-iki gün istirahət edib, Göydağın təmiz havasından udsunlar. downloaded from KitabYurdu.org downloaded from KitabYurdu.org 7 Qanbay Qasımlı qırx yaşlarında, bir qədər arıq, ağıllı gözləri, nazik sərt qaşları sifətinə xüsusi ifadə verən qaşqabaqlı bir adam idi. Mahir Talıbov isə otuz yaşında, orta boylu, qaraşın, qaynar təbiətli bir gənc idi. İdmanla məşğul olmağı, uzun-uzadı söhbət etməyi, dostlarla gəzintini xoşlayırdı. Bakıda, rayon polis şöbələrinin birində cinayət-axtarış bölməsində işləyirdi və heç də pis işçi hesab olunmurdu. Rəhbərlik onun həddən artıq zirəkliyini, başladığı işi başa çatdırmaq üçün sona qədər, hər vasitədən istifadə edərək çarpışmasını nəzərə alıb bəzi ərköyün hərəkətlərinə göz yumurdu. Qayınatasının böyük vəzifədə işləməsi də bu məsələdə öz təsirini göstərirdi. Mahirin iş əsnasında başına çox qəribə və maraqlı hadisələr gəlmişdi ki, onlardan bir neçəsi, xüsusilə sizə danışacağım bu kiçik əhvalat şöbə əməkdaşlarının dilindən düşmürdü. ... Onun işlədiyi bölmə bir cinayətkar qrupun izinə düşmüşdü. Mahirə bu qrupun üzvü olan gənc bir qızı izləmək tapşırılmışdı. Həmin gün qız bulvarda, dəniz gəzintisi üçün bilet verən kassanın yanında bir kişi ilə görüşməli idi. O, Azneft meydanından keçib bulvara girdi və arxayın addımlarla görüş yerinə doğru irəliləməyə başladı. Əyninə qara şalvar, mavi, qolsuz köynək geymiş, gözünə qara eynək taxmışdı. Çiynindən qara rəngli çanta sallanırdı. Dalınca downloaded from KitabYurdu.org downloaded from KitabYurdu.org 8 düşmüş oğlandan isə xəbəri yox idi. Əyninə cins şalvar və damalı köynək geymiş Mahir əllərini ciblərinə qoyub, saqqız çeynəyə- çeynəyə qızın arxasınca gəlirdi. Bu zaman Mahirin cib telefonu səsləndi. Zəng vuran rəisi idi. Qızın həmin anda harada olduğu ilə maraqlandı. Və bunu öyrənən kimi, qəribə göstəriş verdi: - Nəyin bahasına olursa olsun, qızı, heç olmazsa, on dəqiqə gecikdir! Həmin kişi görüş yerində həbs olunacaq. Qız bunu görməməlidir! Onu şübhələndirmədən ləngitməyə çalış! Mahir telefonu qapayıb cibinə qoydu və nə edəcəyini fikirləşməyə başladı. Qız görüş yerinə yaxınlaşırdı. Bir azdan gec olacaqdı. Nəsə etmək lazım idi. Birdən addımlarını sürətləndirib qıza yaxınlaşdı: - Gözəl qız, ağlımı başımdan almısınız, xahiş edirəm, qaytarın onu! Qız arxaya çevrilib: - Sənin ağlın var idi yəni? - deyə soruşdu və yolundan qalmadı. Mahir cəld onun qabağını kəsdi: - Ağlım olmasaydı, bu cür gözəlliyi görməzdim. Gəlin, tanış olaq! downloaded from KitabYurdu.org downloaded from KitabYurdu.org 9 - Çəkilin! - qız onu yolundan itələyib sürətini artırdı. Çarəsi kəsilən Mahir birdən nə düşündüsə, qızın çantasını qapıb əks tərəfə qaçmağa başladı. Qız dəli kimi qışqırıb onun dalınca düşdü. Mahirə də elə bu lazım idi. Ətrafdakı adamların məzəmmət və nifrət dolu baxışlarını vecinə də almadan bulvar boyu qaçırdı. - Dayan, oğru köpək oğlu! Mahirdən çox da geri qalmayan qız qışqırıb onu söyürdü. - Tutun onu! Bir cavan oğlan Mahiri tutub saxlamaq istədi. Ancaq, alınmadı. Mahir onu itələyib qaçışını davam etdirdi. Qız da arxasınca qaçırdı. Azneftə yaxınlaşanda, qabaqdan gələn üç nəfər polis patrulu Mahiri tutub saxladı. Çantanı əlindən alıb, təngnəfəs gəlib yetişən qıza qaytardılar və onu bir az söhbətə tutub buraxdılar. Mahiri isə maşına basıb polis bölməsinə apardılar. Onun tapşırıq yerinə yetirdiyinə heç cür inanmırdılar. Yalnız, Mahir öz rəisinə zəng vurandan və rəis işə qarışandan sonra onu azad etdilər. Rəisin kapitan Talıbova təşəkkür etməkdən başqa əlacı qalmadı. Əməliyyat müvəffəqiyyətlə baş tutmuşdu... Polkovnik Qasımlı ilə Mahir Talıbovun əsas xasiyyətləri uyğun gəlməsə də və dünən tanış olmalanna baxmayaraq tez downloaded from KitabYurdu.org Yüklə 4,8 Kb. Dostları ilə paylaş:
|