Elxan Elatlı PƏNCƏRƏDƏ GÖRÜNƏn köLGƏ detektiv roman
Yüklə 4,8 Kb. Pdf görüntüsü
|
downloaded from KitabYurdu.org 41 - Hə, gedək! - Qasımlı astadan Nemətə dedi: - İndi polis şöbəsindən gələcəklər. Mən özümü tanıtmaq istəmirəm... Ağayar hövlnak, həyətə girdi. Həyətə yığışmış adamların baxışları o saat onun üzünə dikildi. O, yerindəcə dayanıb bir- bir hamının üzünə göz gəzdirdi. Adamların kədərli və ciddi baxışları eşitdiyini təsdiq edirdi. Ancaq ölüm belə lal sakitlik yarada bilərdi. Ancaq ölüm kişilərin baxışlarındakı kədərə belə acizlik qata bilərdi. Bəli... ölüm qonaq gəlmişdi bu evə. O, Ağayara yaxşı tanış idi. Bundan əvvəl də iki dəfə bu evə gəlmişdi. Bir dəfə anasını, bir dəfə də atasını aparmağa. Ancaq onda belə qəfil, belə xəbərdarlıqsız gəlməmişdi zalım ölüm... Ağayar xəbəri eşidən kimi qaça-qaça gəldiyi üçün boğulan adamlar kimi nəfəs alırdı. Gözləri, az qalırdı, yerindən çıxsın. Ətrafına nəzər salıb: - Haradadı? - deyə titrək səslə soruşdu. Qiyas müəllim əli ilə evi göstərdi. Ağayar qıçları əsə-əsə pillələri çıxıb evə girdi. Həmin an onun «Ay qardaş!» deyən qışqırıq səsi gəldi. Sonra yenə ətrafa qəbir sükutu çökdü. İcra nümayəndəsi evə çıxıb Ağayan həyətə düşürdü. - Sakit ol! Özünü ələ al! - deyə təskinlik verdi. - Onu kim öldürüb?! - Ağayar yumruqlarını düyünləyib Mehdixan kişiyə baxdı. - Bilinmir. Polisə zəng vurmuşam. Bu saat gələcəklər. Yəqin ki, taparlar öldürəni! downloaded from KitabYurdu.org downloaded from KitabYurdu.org 42 Ağayar daha bir söz deməyib kənara çəkildi. Yarımçıq qalmış tikilinin yanında əlləri ilə başını tutub yerə çökdü. Bir az yerində qıvrılıb ayağa qalxdı. Əlləri ilə üzünü qapayıb, ayaqlarını yerə döyməyə başladı. Ancaq onun hərəkətlərindəki sünilik baxanların nəzərindən qaçmadı. «Sağlığında heç hörmət qoymurdun!» - deyə düşünənlər də oldu. Əlbəttə, Ağayarın böyük qardaşı ölmüşdü və o nə qədər daş ürəkli olsa da, buna yanmaya bilməzdi. Lakin nədənsə, o, həyətə yığılmış adamların gözü qarşısında qardaşının ölümünə daha ürəkdən yanan, hətta buna heç cür dözə bilməyən bir qardaşın rolunu oynamağa çalışırdı. Nəhayət, heç kəsin ona ürək-dirək vermək fikrində olmadığını görüb, bunun əbəs olduğunu başa düşdü. Başa düşdü ki, nə çəkirsə, içində çəkməlidir. Sakitləşib adamlara yaxınlaşdı və hamı kimi gözləməyə başladı. Heç kəs nə qədər vaxt keçdiyinin fərqində deyildi. Hamı sakitcə yerində dayanmışdı. Hərdən pıçıltı ilə danışırdılar. Buraya təzəcə gəlib-getmiş ölüm kabusundanmı qorxurdular, ya Mahmudun həyətdə dolaşan ruhunamı hörmət edirdilər?.. Bilmək çətin idi... Mehdixan kişi maşın səsini eşidib küçəyə çıxdı. Polis şöbəsinə məxsus UAZ darvazanın qarşısında dayanan kimi rayon prokurorluğunun müstəntiqi Zeynalov, polis şöbəsində downloaded from KitabYurdu.org downloaded from KitabYurdu.org 43 cinayət- axtarış bölməsinin rəisi işləyən mayor Telman Əmirəliyev və kəndin sahə müvəkkili Ağamurad maşından düşüb icra nümayəndəsi ilə görüşdülər və dərhal həyətə keçdilər. - Nə məsələdir bu, ağsaqqal? - deyə orta boylu, qırx-qırx beş yaşlannda olan, üzü təmiz qırxılmış, saçları səliqə ilə yana daranmış, mədəni görkəmli Zeynalov Mehdixan kişidən soruşdu. - Biz də heç nə bilmirik! - İcra nümayəndəsi əli ilə Qiyası göstərdi. - Bu müəllim ölənin qonşusudur. Səhər hadisəni birinci bilən o olub və mənə xəbər verib. Mən də dərhal şöbəyə zəng vurdum. - Kimdir öldürülən? - Adı Mahmuddur. Yaxşı bənna idi rəhmətlik. Özü də heç kəslə işi olan adam deyildi... Evə çıxdılar. Dəhlizə göz gəzdirib hadisə baş verən otağa keçdilər. Bunun üçün qapının ağzına sərələnmiş meyitin üstündən ehtiyatla adlamağa məcbur oldular. Meyit öz yerində idi. Ona hələ əl vurulmamışdı. Zeynalovla Əmirəliyev, hər ikisi əyilib meyiti müşahidə etdilər. Sonra qalxıb otağa nəzər yetirdilər. Müstəntiq stola yaxınlaşıb araq şüşəsinə, kiçik stəkana, yarımçıq duzlu xiyara fikir verdi. Neft lampasına baxıb asta- downloaded from KitabYurdu.org downloaded from KitabYurdu.org 44 asta başını yellədi. Üfürüb lampanı söndürdü və Mehdixan kişiyə tərəf dönüb sual verdi: - Bu adam tək yaşayırdı? - Bəli. Hələ evlənməmişdi. Beş-altı ildir ata- anası rəhmətə gedib. Bacısı ərdədir. Kiçik qardaşı da evlənib ayrılıb. Zeynalov bir də stola nəzər saldı: - Mərhum içən idi? - Yox! Təsadüfi hallarda, məclislərdə içərdi. Ancaq, ehtiyat üçün, evində həmişə araq olurdu. Hərdən, mən də, qəfil qonağım gələndə, uşaq göndərib ondan borc araq almışam. - Maraqlıdır! - möhkəm, dolu bədənli, boy- buxunlu mayor söhbətə qanşdı. - Hadisə gecə olub. Özü də mərhum hələ yerinə girməyibmiş. Bu aydındır. Süfrədə şam yeməyinin heç bir əlaməti yoxdur. Əgər yeyib yığışdınbsa, bu araq və xiyar nədir? Hər halda, yoxlamaq lazımdır, görək arağı özü içibmi? Və bir də, şam yeməyi yeyibmi? Stəkan bir dənədir. Deməli, araq naməlum qonaqla içilməyib. Ya qonaq tək içib, ya da... - Mən sizinlə şərikəm, - müstəntiq Zeynalov fikrini bildirdi. - Ekspertizada bunlar hamısı məlum olacaq. Meyiti şəhərə aparmaq üçün maşın gətirmək lazımdır. downloaded from KitabYurdu.org Yüklə 4,8 Kb. Dostları ilə paylaş:
|