downloaded from KitabYurdu.org
54
-
Haraya gedə bilər səncə?
-
Bilmirəm...
-
Bəs kim biləcək?! - mayor Əmirəliyev səsini qaldırdı. -
Biz qapı-qapı düşüb sənin
arvadını axtarmayacağıq ki!? Get, özün axtar tap də!
-
Mən sizə demirəm ki, gedin onu axtarın! - Əhliman da bir
az səsini qaldırdı. - Mən bu kişiyə məlumat vermişəm ki,
biləsiniz. İndi o, geri qayıtsa da qəbul etməyəcəm.
Boşayacam! Evdən küsüb gedən arvad mənə lazım deyil!
-
Ə, bura bax! - mayor barmağı ilə onu hədələdi. - Sənə
bayaq başa saldım axı kimliyimi?! Mənimlə aşağı-yuxarı
danışma! Bu həyətdə sənə dinmək istəmirəm. Rayonun
ağsaqqalıdı bu kişi! Bezdirmisən, o da çıxıb gedib evdən! İndi
əgər, ona bir şey olsa, sən cavab verəcəksən!
-
Mən onu bezdirib eləməmişəm... - Əhliman səsini bir
qədər alçaltdı.
-
Ona hələ sonra baxanq! Bu işdən nə bilirsən? Kim öldürə
bilər Mahmudu?
-
Bilmirəm, Allaha and olsun. Nə bilirəm, nə görmüşəm,
sizə dedim.
Müstəntiq birdən söhbətə qarışıb dedi:
downloaded from KitabYurdu.org
downloaded from KitabYurdu.org
55
-
Telman müəllim, Əhlimanla sonra danışarsınız. Şöbədə.
Getmək lazımdır. Həmin sürücünü tapmaq üçün.
Mehdixan kişi məsləhət gördü:
-
Ərazimizdəki sürücülərin siyahısını sizə verəcəm. Ancaq
bu sürücülər hər gün səhər kənddən çıxıb, günorta qayıdırlar.
Gecə vaxtı buraya gələn maşın isə şəhərdəkilərdən olmalıdır.
Özünüz bilirsiniz, onlar axşama kimi dayanacaqda dayanıb
kəndlərə aparmağa müştəri gözləyirlər.
-
Arxayın ol! - Əmirəliyev dilləndi. - Ağamurada da
tapşıracam, kənd camaatı ilə söhbət aparsın. Hər halda, gecə
vaxtı olsa da, kənddən kimsə o UAZ-ı görüb-tanımamış
olmaz! - Əhlimana tərəf çevrildi: - Sən qayınatanın ünvanını
ver, dur get! Sabah şöbəyə gələrsən!
Əhliman Səfayənin ata evinin ünvanını dedi, ancaq ayağa
qalxmadı. Yaman fikrə getmişdi. Elə bil, nə isə, çox ciddi bir
məsələni götür-qoy edirdi.
-
Niyə getmirsən? - mayor təəccüblə soruşdu.
-
Bilirsiniz... - Əhliman ətrafa boylanıb üzünü müstəntiqə
tutdu. - Mahmud rəhmətliklə münasibətimiz həmişə çox yaxşı
olub. Mən istəmirəm ki, bu işlə əlaqədar nəyisə sizdən
gizlədim. Ancaq məni də başa düşün. Uşaqlanm var... Xahiş
edirəm, bu söhbət öz aramızda qalsın.
downloaded from KitabYurdu.org
downloaded from KitabYurdu.org
56
-
Yoxsa nəsə bilirsən? Arxayın ol, bizdən heç vaxt söz
çıxmaz! Uşaq deyilik! - müstəntiq bunu deyib gözlərini
Əhlimanın ağzına dikdi.
Əhliman bir qədər duruxub, nəhayət dilləndi:
-
Mən o axşam Mahmudgilə gələn maşını tanıdım!
-
Kimin maşını idi? - mayor cəld soruşdu.
-
Bayəddinin... - Əhliman astadan bildirdi.
-
Bayəddin? - Əmirəliyev bir də soruşdu. Sonra üzünü
Zeynalova tutdu. - Onu tanıyıram. Köhnə-külə bir maşını var.
Xaltura ilə məşğul olur.
-
Daha kimi gördün? - müstəntiq sual verdi.
-
Heç kimi! Küçəyə düşən zəif işıqda maşını gördüm.
Maşının üst örtüyünün rəngindən, bir də qabaq şüşələrin
sınığından onu tanıdım. Bayəddinin özünü görmədim. Çünki
maşın qarşımı kəsirdi. Ancaq qapının səsini eşitdim. Sonra
evə girdim.
-
Sən dur get, sabah da şöbəyə gəlmə! - Zeynalov dedi. -
Lazım olsan, çağırarıq!
Əhliman qalxıb həyətdən çıxdı. Onun verdiyi gizli xəbəri
yalnız üç nəfər eşitmişdi. Həmin üç nəfər sirli kələfin ucunun
lap yaxında olduğunu artıq hiss edirdilər.
downloaded from KitabYurdu.org
downloaded from KitabYurdu.org
57
Bir qədərdən sonra müstəntiq Zeynalovla, mayor Əmirəliyev
qalxıb ev sahibi ilə görüşdülər və maşına minib şəhərə yola
düşdülər. Şəhərdə onları təxirəsalınmaz işlər gözləyirdi.
Kənddə isə qızğın iş gedirdi. Bir qrup adam Mahmudun
darvazası qarşısında - küçədə yasxana qurur, bir neçəsi
qəbiristanlıqda qəbir qazır, bir qrup adam isə meyiti alıb
gətirmək üçün şəhərə getməyə hazırlaşırdı.
İstefada olan polis polkovniki Qanbay Qasımlı heyva ağacının
kölgəsində balışa dirsəklənib Nemətlə şahmat oynayır, həm də
Mahirin öz sərgüzəştləri haqqında uzun söhbətinə qulaq
asırdı.
Mahmudun qətli ilə əlaqədar rayon polis şöbəsində cinayət işi
açıldı və təhqiqat aparmaq şöbənin ən bacarıqlı əməliyyat-
axtarış işçisi hesab edilən Telman Əmirəliyevə tapşırıldı.
Mayor Əmirəliyevin tünd xasiyyəti və kobudluğu olmasaydı,
yəqin ki, daha yüksək vəzifələrə gedib çıxardı. Öz işini
bilməyinə, prinsipiallığına, inadına, cəsarətinə söz ola
bilməzdi. Fiziki cəhətdən də çox güclü idi. Şöbənin işçiləri
onunla münaqişəyə girməyə
qətiyyən cəsarət etmirdilər. Hətta, şöbənin rəisi özü onunla
hesablaşırdı.
Əmirəliyev mayın 20-də, günorta, kənddən qayıdan kimi
bölmənin işçilərinə Bayəddini tapıb gətirməyi tapşırdı. Sonra
isə şöbə rəisinin kabinetinə girib apardığı ilkin təhqiqat işləri
downloaded from KitabYurdu.org
downloaded from KitabYurdu.org
58
barədə məlumat verdi. Polkovnik - leytenant Xəlilov işi ona
həvalə edib, tapşırdı ki, bütün imkan və səlahiyyətlərindən
istifadə edib qatili tezliklə aşkar etsin.
Rəisin yanında bir qədər ləngiyib, kabinetinə yenicə
qayıtmışdı ki, Bayəddini gətirib içəri saldılar. Əmirəliyev bu
alçaqboylu, səliqəsiz geyimli, qara, sıx saçları sanki daraq
görməmiş
sürücünün salamını almadan başdan-ayağa bir xeyli süzüb,
birbaşa suala keçdi:
-
Mahmudu tanıyırsan?
-
Usta Mahmudu? - Bayəddin suala sualla cavab verdi.
-
Özün yaxşı bilirsən hansı Mahmudu deyirəm! Mayın 18-
də axşam onun evinə getmisən?
-
Yoox...
-
Sən Mahmudun öldürülməsini eşitmisən? - Əmirəliyev
xarakterinə uyğun olmayan bir sakitliklə danışırdı.
-
Bəli, eşitmişəm, bayaq dayanacaqda danışırdılar.
-
Deyirsən, Göydağa getməmisən o gecə?
-
Xeyr...
Bölmə rəisi əlində oynatdığı açar topasını stola çırpdı:
-
Sən indi elə fikirləşirsən ki, Əmirəliyevi aldada
biləcəksən, hə? Özünü nə hesab edirsən, küçük?
downloaded from KitabYurdu.org
Dostları ilə paylaş: |