452
- Buyurun! - dedi və Sofi maşına mindi. Özü sükan arxasına keçdi.
Açarı burdu və motor işə düşdü.
Cənuba tərəf sürdü, əvvəlcə Laysaker, Sandvika, Drammendən
keçdilər, Lillesanda tərəf buruldular. Yollardan keçdikcə çatılmış
ocaqlar gördülər.
Yayın tən ortasıdı, Sofi. Nə gözəldi!
Açıq maşında əsən meh də gözəldi. Doğrudan indi bizi heç kəs
görmür?
Yalnız bizim kimi olanlar görür. Onlardan kimlərəsə rast gələ
bilərik. Saat neçədi indi?
Doqquzun yarısı.
Elə isə tələsək. Bu böyük yük maşınının arxasından çıxmalıyıq.
Belə deyib bir qarğıdalı tarlasına girdilər. Sofi arxaya dönəndə
üzərlərindən keçdikləri qarğıdalıların yanı üstə düşdüklərini gördü.
Alberto dedi:
Sabah bunları görəndə “dünən güclü külək əsib” deyəcəklər.
***
Mayor Albert Knaq iyunun 23-də saat beşin yarısında Kopenhagen
kənarında Kastrup hava limanında endi. Gün çox uzun olmuşdu. Yolun
son hissəsini Romadan təyyarə ilə gəlmişdi.
Pasport yoxlama məntəqəsindən əynində olmasından həmişə qürur
duyduğu BMT uniformasında keçdi. Bu geyimlə təkcə özünü, öz
ölkəsini deyil, beynəlxalq qanun sistemini, bütün planeti əhatə edən
yüz illik ənənəni təmsil edirdi.
Kürəyində yalnız kiçik uçuş çantası vardı. Baqajını Romada
təyyarəyə təhvil vermişdi. Qırmızı pasportunu göstərməsi kifayət
etmişdi ki, onu sorğu-sual etməsinlər.
Kristiansanddan təyyarənin qalxmasına təxminən üç saat var idi.
Ailəsi üçün bir neçə hədiyyə ala bilərdi. İki həftə əvvəl həyatının ən
böyük hədiyyəsini Hildeyə göndərmişdi. Arvadı Marit bu hədiyyəni ad
günündə səhər oyanarkən görməsi üçün Hildenin çarpayısının
yanındakı masaya qoyacaqdı. Ad günü gecəsi etdiyi zəngdən sonra
Hilde ilə danışmamışdı.
downloaded from KitabYurdu.org
453
Albert bir neçə Norveç qəzeti alıb kafedə oturdu və qəhvə sifariş
etdi. Qəzetin başlıqlarına baxmışdı ki,
səsgücləndiricidən yayılan elanı eşitdi:
“Diqqət, diqqət! Hörmətli Albert Knaq, hörmətli Albert Knaq,
çılpaqfən SAS informasiya mərkəzinə yaxınlaşın”.
Bu nədi? Kürəyini soyuq tər basdı. Yenidən Livanamı çağırılır?
Bəlkə evdə kiməsə nə isə olub?
Tez informasiya masasına yaxınlaşdı.
Mən Albert Knaqam.
Buyurun, sizə xəbər var. Təcilidi.
O, tez zərfi açdı. Zərfin içində daha bir, kiçik zərf var idi. Üzərindəki
ünvan belə idi: «Mayor Albert Knaq, Kopenhagen, Kastrup hava
limanı, SAS İnformasiya mərkəzi vasitəsilə”. Həyəcanla kiçik zərfi
açdı. İçindən bu yazı çıxdı:
“Əziz ata,
Livana xoş gəlmisən. Gördüyün kimi, evə gəlib çatmağına da səbrim
çatmır. Səni səsgücləndiricidən çağırtdırdığıma görə, bağışla. Bu, ən
asan yol idi.
Qeyd: Təəssüf ki, iqtisadiyyat müvəkkili xanım İngebriqtsen
oğurlanmış, korlanmış “Mercedes” üçün ziyanının ödənməsi məqsədilə
iddia qaldırıb.
Qeyd: Evə çatanda yəqin mən bağda olacağam. Amma deyəsən,
ondan əvvəl də məndən xəbər alacaqsan.
Qeyd: Bağda çox uzun müddət oturmaq məni qorxudur. Çünki belə
yerlərdə torpağın aralanıb səni içinə alması çox asandır.
Gəlişini planlaşdırmaq üçün çoxlu vaxtı olmuş, səni sevən Hilde”.
Mayor Albert Knaq əvvəlcə gülümsədi. Amma sonra belə idarə
olunmaqdan narahatlıq duydu. O, həmişə öz həyatına özü nəzarət
etmişdi. İndi isə Lillesanddakı kiçik qızı onun Kastrup hava
limanındakı hərəkətlərini idarə edir! Bunu necə edə bilərdi?
Zərfi döş cibinə qoyub hər iki tərəfi dükanlar olan dəhlizlə getməyə
başladı. Danimarka yeməkləri satılan bir dükana girmək istəyirdi ki,
dükanın pəncəsərinə keçirilmiş bir zərf gördü. Zərfin üzərində iri
downloaded from KitabYurdu.org
454
hərflərlə “Mayor Knaq” yazılmışdı.
Zərfi götürdü, üzərində “Kastrup hava limanındakı Danimarka
Yeməkləri dükanı vasitəsilə mayor Albert Knaqa şəxsi məktub”
yazılmışdı. Açdı.
“Əziz ata,
Çılpaqfən mənim üçün böyük Danimarka kolbasası al. Yaxşı olar ki,
iki kiloluq olsun. Anamınsa konyak sosiskasından xoşu gəlir, deyəsən.
Qeyd. Danimarka kürüsü də pis olmaz.
Səni sevən Hilde”.
Albert ətrafına göz gəzdirdi. Bəlkə Hilde buralardadı? Bəlkə Marit
onu qarşılamaq üçün Hildeni bura göndərib? Çünki bu, Hildenin
xəttidi...
BMT müşahidəçisi özünü müşahidə olunan hiss etməyə başladı.
Sanki kimsə uzaqdan onun bütün etdiklərinə göz qoyurdu. Özünü
balaca bir uşağın əlindəki kukla kimi hiss edirdi.
Dükana girib iki kiloluq kolbasa, konyak sosiskası və üç qutu kürü
aldı. Sonra dükanların sırasıyla getməyə başladı. Ağlına Hilde üçün
xüsusi bir hədiyyə almaq gəldi.
Bəlkə kalkulyator alsın, bəlkə radio? Hə, radio yaxşıdı! Elektrikli
mallar satılan mağazaya girəndə də pəncərədə bir zərf gördü. Üzərində
“Kastrup hava limanındakı ən maraqlı dükan vasitəsilə mayor Albert
Knaqa” yazılmışdı. Zərfin içindəki kağızda isə bu cümlələr vardı:
“Əziz ata,
Sofi salam göndərir və ad günündə aldığı FM radiolu kiçik televizor
üçün sənə - ən ümumi atasına təşəkkür etməyimi istəyir. Əla idi, amma
o biri tərəfdən, xırda şey idi, xırdaca detal idi. Etiraf etməliyəm ki, Sofi
kimi mən də belə xırdalıqları xoşlayıram.
Qeyd. Hələ getməmisənsə, bil ki, Danimarka Yeməkləri dükanında
və içkilər, tütün satılan mağazada da təlimatlar var.
Qeyd: Ad günümdə mənə verilən pullar yığılıb, odur ki, indi 350
kronluq kiçik televizorun pulunun bir hissəsini mən verə bilərəm.
Səni sevən, hinduşqanın içini doldurub, Valdorf salatını hazırlamış
Hilde”.
downloaded from KitabYurdu.org
Dostları ilə paylaş: |