449
dünyası”nı oxudu. Bir dəfə oxumaqla bitəcək əhvalat deyildi. Qəfildən
onda Sofiylə Albertonun başına şənliyi tərk edəndən sonra nə gəldiyi
haqda yeni fikirlər yarandı.
Şənbə günü, iyunun 23-də səhər doqquz ərəfəsində oyandı. Atası
Livandakı düşərgələrindən çıxmış olmalıydı. İndi sadəcə gözləmək
lazım idi. Onun gününün son hissəsi xırdalıqlarına qədər
planlaşdırılmışdı.
Günortaya qədər anasıyla birlikdə hazırlıq gördülər. Hilde Sofiylə
anasının şənliyə necə hazırlıq görə bildiklərini düşünürdü. Amma onlar
artıq bu işi görüblər. Bitib. Elə deyilmi?
Yoxsa onlar da indi bağı bəzəməklə məşğuldurlar?
***
Sofi və Alberto eybəcər havalandırma boruları görünən iki böyük
binanın qarşısındakı çəmənlikdə oturmuşdular. Binaların birindən
əlində qəhvəyi çanta tutan bir oğlanla çiynindən qırmızı çanta asılmış
bir qız çıxdı. Arxadakı dar yoldan kiçik bir maşın keçdi.
-
Nə oldu? - Sofi dedi.
-
Biz bunu bacardıq!
-
Bəs indi haradayıq?
-
Osloda.
-
Əminsən?
- Əminəm. Bu binalardan biri “Chateau Neuf adlanır, mənası yeni
saraydı. Camaat burada musiqi öyrənir. O birisi bina “İlahiyyat
Fakültəsi” binasıdı. Orada dini təhsil verilir. Arxadakı uca binalarda
elm, lap yuxarısında isə ədəbiyyat və fəlsəfə öyrənirlər.
- İndi biz Hildenin kitabından və mayorun nəzarətindən kənardayıq?
-
Hə. Burada bizi heç vaxt tapa bilməz.
-
Bəs meşədə qaçanda harada idik?
- Mayorun başı iqtisadiyyat müvəkkilinin alma ağacına çırpılan
maşınına qarışanda biz çatdırıb keçidə sivişdik. Onda biz rüşeym
mərhələsində idik. Həm köhnə, həm də yeni
dünyaya məxsusduq. Mayor onda bizim özümüzü gizlətməyimizi heç
cür bilə bilməzdi.
downloaded from KitabYurdu.org
450
- Niyə bilməzdi?
- Bilsəydi, bizi belə asanlıqla buraxmazdı. Hər şey yuxu kimi oldu.
Əlbəttə, ola da bilsin ki, o özü də yuxunun içində idi.
- Nəyi nəzərdə tutursan?
- Ağ “Mercedes”i işə salan o idi. Bəlkə də bütün bu olanlardan elə
yorulmuşdu ki, gücdən düşmüşdü, bizi itirmək üçün əslində özü güc
vurdu.
Oğlanla qız onlara çox yaxınlaşmışdılar. Sofi özündən çox yaşlı bir
adamla otluqda oturmasından utanırdı. Bundan başqa, istəyirdi ki,
kimsə Albertonun dediklərini təsdiqləsin.
Ayağa qalxıb onların yanına getdi:
Bağışlayın, bu küçənin adını deməzsiniz.
Amma onlar özlərini görməzliyə qoydular.
Sofi hislənib bir də soruşdu:
- Bir suala cavab vermək belə çətindi?
Oğlan qıza nə isə izah edirdi:
- Kontr-xal forması iki ölçüdə işləyir: üfüqi və ya melodik, bir də
şaquli və ya harmonik. Orada həmişə iki və daha çox musiqi səslənir...
Sözünüzü kəsdiyimə görə, bağışlayın, amma...
Bu musiqilər bir-birlərindən ayrı necə səslənmələrindən asılı
olmayaraq, bir-birlərini tamamlayacaq şəkildə birləşirlər. Lakin onlar
uyumlu olmalıdırlar. Əslində bu, nöqtəyə qarşı nöqtədir. Ona kontr-xal
deyilir.
Əcəbdi! Nə kar, nə də kordurlar. Sofi üçüncü dəfə cəhd etdi, onların
yolunu kəsib düz qarşılarında dayandı.
Amma onu kənara itələdilər.
-
Külək qalxdı, - qız dedi.
Sofi Albertoya tərəf çevrildi:
- Məni eşitmirlər!- bunu deyən kimi Hilde və qızıl xaç haqda
yuxusunu xatırladı.
- Bu, bizim ödəməli olduğumuz cəzadı. Kitabdan qurtulsaq da, onun
müəllifi ilə eyni statusda olmağı gözləyə bilmərik. Amma biz həqiqətən
də buradayıq... Bundan sonra şənlikdə olduğumuz yaşdan o yana
downloaded from KitabYurdu.org
451
adlamayacaq, yaşlanmayacağıq.
- Yəni ətrafımızdakı adamlarla heç vaxt real ünsiyyət saxlaya
bilməyəcəyik?
-
Əsl filosof heç vaxt “heç vaxt” deməz. Saat neçədi?
-
Səkkiz.
-
Kapitan körpüsünü tərk etdiyimiz an da saat səkkiz idi.
-
Hildenin atası bu gün Livandan qayıdır.
-
Ona görə də tələsməliyik.
-
Niyə, nə üçün?
- Mayor Bjerkliyə qayıdanda nə olduğunu bilmək istəmirsən?
-
Təbii ki, amma...
-
Elə isə gəl!
Onlar şəhərə tərəf getməyə başladılar. Yollarda adamlar var idi,
yanlarından keçirdilər, amma Sofi və Albertoyla elə davranırdılar ki,
sanki onlar gözəgörünməzdirlər.
Küçə boyu yolun kənarında maşınlar park etmişdi. Alberto birdən
üstüaçıq qırmızı bir maşının yanında dayanıb dedi:
- Bundan istifadə edək, bu yaxşıdı. Sadəcə əmin olmalıyıq ki, o
bizimdi.
-
Heç nə başa düşmürəm.
- Onda qoy izah edim. Şəhərdə kiməsə məxsus olan maşını götürə
bilmərik, deyilmi? Üstəlik, sürücüsü olmadan gedən maşın görəndə
insanlar nə düşünəcəklər? Hər halda adi maşını sürə bilmərik.
-
Bəs niyə bu idman maşını?
-
Mən bilən, bu maşını köhnə bir filmdə görmüşəm.
- Bura bax, üzr istəyirəm, amma bu qəribə sözlərdən yoruldum.
- Bu, fantastik maşındı, Sofi. Özümüz kimi. İnsanlar bunun yerində
yalnız boşluq görürlər. Bax, indi elə bunun belə olub- olmadığını
dəqiqləşdirməliyik.
Bir qədər gözlədilər. Bir azdan səkidən velosipedlə bir oğlan gəlib
bu maşının olduğu yerdən yola endi və getdi.
Gördün? Bu, bizim maşındı!
Alberto maşının sərnişin qapısını açdı.
downloaded from KitabYurdu.org
Dostları ilə paylaş: |