113
XI-XII əsrlər ədəbiyyatının Qətran Təbrizi, Əbü-
lüla Gəncəvi, Məhsəti Gəncəvi, Fələki Şirvani, İzzəd-
din Şirvani, Mücirəddin Beyləqani və başqalarının
yaradıcılığında gözəl əxlaqi baxışlara rast gəlinmək-
dədir. Onlar öz əsərlərində zəmanədən şikayət, azad-
lıq arzuları, işığa və səadətə can atmaq meyllərini
yüksək sənət dili ilə ifadə etmişlər.
Adı Şərqin ən görkəmli sənətkarları ilə bir sırada
çəkilən Xaqani Şirvaninin əsərlərinin tərbiyəvi
əhəmiyyəti daha böyükdür. Saraydan uzaqlaşaraq:
«İstəmirəm adımı çağırsınlar Xaqani, mən yoxsullar
şairi xəlqaniyəm, xəlqani», – deyən bu üsyankar şairin
əsərlərində dövrün bir çox tərbiyəvi məsələləri öz
əksini tapmışdır. Xaqaninin hökmdarların zülmünə
qarşı yazdığı fikirləri olduqca cəsarətlidir:
Ağlamaqdan fayda yoxdur, sil gözünün yaşını,
Ey dəmirçi, al çəkici, əz Zöhhakın başını!
Şairin «Töhfətül-İraqeyn» və «Mədain xərabələ-
ri» kimi şah
əsərlərində mütərəqqi ideyalar, gözəl poe-
tik fikirlər öz ifadəsini tapmışdır.
«Kövrək və romantik qəlbə malik olan» (S.Vur-
ğun) şeirimizin iftixarı Nizami Gəncəvinin yaradıcılı-
ğında tərbiyə məsələləri bütöv və mükəmməl bir sis-
tem təşkil edir. Onun elə bir əsəri tapılmaz ki, tərbiyə
məsələsinə toxunmasın, mövzudan, təsvir obyektin-
dən asılı olmayaraq əxlaqi, etik nəticə çıxarılmasın.
Məlumdur ki, Nizami bütün yaradıcılığı boyu
ədalətli hökmdar arzulamışdı. Buna görə də o, bütün
əsərlərini belə bir ideal uğrunda səfərbər edərək
114
dövrün şahlarına ibrət dərsi vermək, onları islah
etmək məqsədilə tərbiyə məsələlərinə ayrıca diqqət
yetirirdi. Şair «Sirlər xəzinəsi»ndən başlamış «İsgən-
dərnamə»yə qədər bütün əsərlərində müasirlərini elm
və bilik öyrənməyə, vətəni, insanları sevməyə, zülmə
boyun əyməməyə, zəhməti qiymətləndirməyə, dost-
luqda sədaqətli olmağa, ədalətsiz müharibələri pislə-
məyə, azadlıq ideyaları təbliğ etməyə çağırırdı.
Neçin alçaqlara boyun əyirsən,
Oyuncaq olursan namərdlərə sən.
Nə üçün boynuna min yük alırsan,
Zalımın zülmündən razı qalırsan.
«Sirlər xəzinəsi» əsərindəki məqalətlərin hamısı
başdan-başa tərbiyəvi-didaktik ruhdadır.
Şair «Xosrov və Şirin» poemasında məhəbbəti
tərbiyəedici bir vasitə kimi alaraq onun köməyi ilə
Xosrovun xarakterindəki bir sıra mənfi xüsusiyyətləri
islah etməyə çalışır. Əsərin başlanğıcında cahil bir
şəxs olan, əyyaş, qəddar və qaniçən Xosrov böyük bir
mənəvi təkmilləşmə prosesi keçərək məhəbbətin təsiri
ilə humanist, son dərəcə həssas qəlbli bir adama
çevrilir.
Nizami özünün son nəğməsi «İsgəndərnamə»
əsərində dünyanın bütün yazıçılarından çox-çox qa-
baq axtardığı ideal, utopik cəmiyyəti tapmağa nail ol-
muşdur. Yenə həmin əsərdə Nizami İsgəndərlə Sokra-
tın görüşünü təsvir edərkən ibrətamiz bir səhnə yarat-
mışdır. Saraydan uzaq yaşayan alim Sokrat İsgəndərin
saraya dəvətinə belə cavab verir:
115
Arpa çörəyinə edib qənaət,
Buğda çörəyinə etmərəm minnət.
Böyük şair adamların irq və milliyyətindən asılı
olmayaraq bütün xalqların nümayəndələrini öz bədii
əsərlərinə gətirir, onlardan böyük ilhamla bəhs edirdi.
«Zənci ipək kimi qara, parlaqdır, özü qara isə, ürəyi
ağdır», – misraları şairin yaradıcılığında beynəlmiləl-
çilik ideyalarının əsas leytmotivi kimi səslənməkdə-
dir.
Nizami həmişə istilaçılıq müharibələrinin düş-
məni olmuş və bu fikri öz müasirlərinə aşılamağa
çalışmışdır. Məsələn, «İsgəndərnamə» poemasında
Nüşabə məclisdə İsgəndəri süfrəyə düzülmüş daş-
qaşlardan yeməyə dəvət edərkən, o belə deyir:
Düzmüsən süfrəmə almaz, yaqut, dürr,
Daş-qaş yeyilərmi, bu nə deməkdir?
Şahın istilaçılıq siyasətini pisləməkdən ötrü
əlverişli məqamın çatdığını görən Nüşabə suala sualla
cavab verir:
Faydasız, yaramaz böylə daş üçün,
Bu qədər vuruşmaq, çarpışmaq neçün?
Azad fikrin, yeni ideyaların xurafat tərəfindən
amansızcasına izlənildiyi tarixin ən qanlı dövrlərində
belə ədəbiyyat tərbiyə vasitəsi olmaq vəzifəsindən
ayrılmamış, əksinə az-çox xalqın sərbəstliyinə səbəb
116
olacaq hərəkata yaxından kömək etmişdir. XIII əsrdən
sonra ədəbiyyatımızda təriqətçilik xüsusi yer tutur.
Aydındır ki, bunların içərisində ən mütərəqqisi hü-
rufilik təriqəti idi. Hürufi təriqətinin fəlsəfi
konsepsiyası belə idi: ənəlhəqq, yəni mənəm allah.
Bütün dünyaya qarşı üsyan edən böyük şair Nəsimi
bu formulu şeir dili ilə belə ifadə etmişdir:
Bulmuşam həqqi, ənəlhəqq söylərəm,
Həqq mənəm, həqq məndədir, həqq söylərəm.
Nəsimi xoş xülyalar və yağlı vədlərlə insanların
başını tovlayan və onların o dünyada xoşbəxt
olacağını söyləyənlərə qarşı çıxaraq deyir:
Vədəyi qoy, ey könül, gəl bu dəmi xoş görəlim,
Dün ki, keçdi danla qayib, bəs bu dəm xoş dəm durur.
Nəsiminin həqiqət uğrunda, məslək uğrunda ölü-
mün gözünə mərd -mərdanə baxması ayrı-ayrı xalq-
larda müxtəlif əfsanələrin yaranmasına səbəb olmuş-
dur. Şairin şeirləri ilə bərabər şəxsiyyəti də tam bir
tərbiyə məktəbi olmuşdur.
Klassik poeziyamızın iftixarı olan böyük Füzuli-
də də tərbiyə məsələləri həmişə ön plana çəkilmişdir.
Füzuli insanların şüuruna təsir etməyə, onları yaxşı
işlər görməyə, müharibələrin mənasızlığını hökmdar-
lara anlatmağa çalışırdı. Bu məsələlər şairin «Bəngü
Badə» və başqa əsərlərində öz bədii əksini tapmışdır.
Onun qəzəllərində yeri gəldikcə tərbiyə haqqında
fikirlərinin ifadəsinə rast gəlirik.
Dostları ilə paylaş: |