Bilimlendiriw ministrligi

dόńgelek stoldı 
alayıq.
Dόńgelek stol, rásmiy bolmaǵan jaǵdayda, 
kishi auditoriyalarda, belgili bir tema átirapında sáwbetlesiw kόrinisinde 
shólkemlestiriledi. Sonıń ushın mádeniy ilajlardıń bul túrinde tayarlıq kóriwge onsha 
kóp waqıt kerek emes. Sebebi, bunda bir yaki eki adam, tiykarınan, sol tema 
boyınsha qısqasha maǵlıwmat beredi (yaki lekciya oqıwı múmkin) hám onnan keyin 
soraw-juwap tárizinde pikirler almasılıp, birgelikte juwmaqlar shıǵarıladı. Mısalı, 
«Reproduktiv salamatlıq» boyınsha ótkeriletuǵın dόńgelek stolda sol taraw boyınsha 
qánigeler mirát etiledi yaki jas shańaraqlar yaki qızlar qatnasında shólkemlestiriliwi 
múmkin. Bunda shólkemlestiriw yaki dóretiwshilik jumıslarına úlken miynet 
jumsalmawı múmkin. Yaǵnıy xudojnik shaqırılıp saxna bezeledi, rejissyor mirát 
etilip baǵdarlamanıń izbe-izligin hám basqa jumıslardı ámelge asırıw shárt emes. 
Bunı hár qanday sharayatta, hátteki ápiwayı sharayatta (kishi auditoriyalarda) da 
ótkerip jiberiw múmkin. Biraq ilajǵa kórkem hám dóretiwshilik penen jantasıw 
ilajdıń salmaǵın arttıradı. Máselen, sol aymaqqa tiyisli bolǵan mádeniyat hám 
xalıqtıń dem alıw oraylarında shólkemlestirilgen háweskerlik jámáátleri qatnasıwında 
usı temaǵa say repertuarlardan qoyılsa, ilaj jáne de tásirsheń bolıwı múmkin. 
Joqarıda aytıp ótkenimizdey, dόńgelek stollarda lekciyalar oqıw tiykarında ilajlar 
shólkemlestiriliwi múmkin. Hár túrli temalarda shólkemlestirilgen lekciya hám 
sáwbetler kámil insandı qáliplestiriwde úlken nátiyje beredi. Ilimiy lekciyalar 
kóbinese belgili temanı ilimiy tárizde ashıp beriwge qaratılǵan bolıp, anıq 
auditoriyanı qamtıp aladı. Lekciya hám sáwbetler insanlardı ilimli, bilimli etiwge 
baǵdarlanǵan bolıp, olardıń ulıwma bilimler sheńberin keńeytiwge xızmet etedi. 
Awızeki, dόńgelek stollar da insanlardı bir-biri menen jaqınlastaradı, olardı 
birlesiwge shaqıradı. Ásirese, jaslar menen ótkeriletuǵın awızeki sáwbetlesiwler 
úlken nátiyje beredi. Sáwbet ótkeretuǵın lektor óz tıńlawshıları menen úzliksiz 
baylanısıp, jaqın múnásebette boladı. Tıńlawshılardıń jasına hám qızıǵıwshılıǵına 
qarap, zárúrli máselelerdi dodalawda olarda tikkeley qatnastırıladı. Lektor ózi bayan 
etip atırǵan temanı tásirsheń hám túsinikli bolıwı ushın háreket etedi. Tárbiyalıq, 
ilimiy, mánawiy-ruwxıy, huqıqıy, medicinalıq, ekologiyalıq sıyaqlı jónelisler 
boyınsha sáwbetlesiw, soraw-juwaplar studentlerdiń bilim dárejesi, dúńyaqarası hám 
túrli tarawlar boyınsha sawatın arttırıwda óz nátiyjesin bermey qalmaydı. Bunnan 

---

17 
basqa, áhmiyetli mashqalalardı sheshiwde, durıs qarar qabıl etiwde lekciya hám 
dόńgelek stoldıń roli úlken esaplanadı. 
Mádeniy ilajlardıń júdá kóp qollanılatuǵın túrlerinen biri -