13
Mádeniy ilajlardı sıpatlı texnikalıq apparaturalarda ótkeriw tıńlawshılarǵa hám
atqarıwshılarǵa úlken kúsh beredi. Bunıń sebebi sonnan ibarat, taza, artıqsha
shawqımlarsız kolonkalardan shıǵıp atırǵan dawıs, hawaz ilaj qatnasıwshılarına
jaǵımlı keypiyatlardı baǵıshlaydi. Eger karnaylardan shıǵıp atırǵan muzıka
shawqımlı bolıp, tiniq esitilmey atırǵan bolsa, ol hár qanday insanǵa jaman tásir
kórsetiwi, nervine unamsız tásir etiwi múmkin.
Kishi auditoriyalarda bolıp ótetuǵın ilajlarda texnikalıq úskenelerge mútájlik az
boladı. Mısalı, kitapxana (MRO) da shólkemlestirilgen «Jaslar arasında kitap oqıw
mádeniyatın qáliplestireyik» temasında bolıp ótetuǵın
ilajlarda mikrofon yamasa
muzıkalı apparatlardan paydalanılmawı múmkin. Biraq prizentaciya ushın eń
bolmaǵanda kompyuterlerden paydalanıwǵa tuwrı keledi.
Texnikalıq qurallarǵa dawıs kúsheytiwshi apparaturalardan basqa, túrli shıraqlar,
saxnanı háreketke keltiriwde qollanılatuǵın texnikalıq qurılmalar, túrli disk, fleshka
(planshet, telefon t.b)lardı oqıytuǵın qurılma yaki úskeneler, bir sóz benen
aytqanda,
elektr tokı menen isleytuǵın júdá kóp qurılmalar házirgi kúnde derlik bárshe ilajlarda
aktiv qollanılıp kelinbekte.
Mádeniy ilajlardı shólkemlestiriwde qurallardan durıs hám όnimli paydalanıw
ilajdıń dárejesin hám kórkemlilik dárejesın asıradı.
Elimiz ǵárezsizlikke eriskennen keyin, adamlardıń sanası, dúńyaǵa kóz qarası,
oy-pikiri, maqset hám umtılıwları, bir sóz benen aytqanda mánawiy-ideologiyalıq
áleminde, ruwxıy tábiyatı hám hátteki kelbetinde úlken ózgerisler payda bola basladı.
Bul boyınsha Prezidentimiz hám húkimetimizdiń mánawiyat,
bilimlendiriw,
ideologiya, mádeniyat, kórkem óner hám ideyalıq jónelis boyınsha alıp barılıp atırǵan
turmıslıq hám ádil siyasatı áhmiyetli faktor bolıp xızmet etpekte. Demek, mánawiyat,
ideologiya, ideya, kórkem óner, mádeniyat hám bilimlendiriw haqqında sóz eter
ekenbiz, onda mádeniy ilajlardıń jámiyettiń rawajlanıwındaǵı áhmiyetiniń salıstırıp
bolmas dárejede ekenlngin hesh kim biykarlay almaydı. Ǵalabalıq kórkem όner
shıǵarmaları esaplanǵan teatr, kino yaki ǵalabalıq ilajlardıń mazmunlı,
maqsetli
niyetke erisiwinde kórkem ónerdiń barlıq túrlerinen paydalanıladı hám
tamashagóylerge kόrsetiledi. Biraq, derlik shólkemlestirilip atırǵan barlıq ilajlardıń
14
tiykarında mánawiy, tárbiyalıq hám ádep-ikramlıq, ruwxıy iskerliklerdiń bar
ekenligine gúman joq.
Rejelestirilgen hám ótkeriliwi kerek bolǵan mádeniy ilajlardıń tiykarǵı wazıypası
– milliy hám dúńya mádeniyatlarınıń eń jaqsı úlgilerin keńnen úgit-násiyatlaw hám
ǵalabalastırıw, ósip kiyatırǵan jas áwladtı, zamanagóy jaslardı mánawiy tárbiyalaw,
milletine, tariyxına, insaniyatqa bolǵan húrmetin oyatıw hám saqlaw esaplanadı.
Atap aytqanda, xalıqlardıń ózine tánligi hám biytákirarlıǵın saqlaw, tariyxıy jaqtan
qálipleken áyyemgi milliy mádeniyatlar, kórkem óner hám xalıq dóretiwshiligi, júz
jıllar dawamında qáliplesken milliy dástúrler hám úrp-ádetlerdiń óz ara jaqınlasıwı
hám bir-birin baytıwı ushın, dúńyada jasap atırǵan túrli millet hám elat wákilleri
arasında óz ara húrmet ortalıǵın júzege keltiriw ushın mádeniy ilajlardıń áhmiyetin
ayrıqsha aytıp ótiw maqsetke muwapıq boladı. Sonday-aq, mádeniy ilajlarda shaxs óz
insanlıq pazıyletlerin qáliplestire baslaydı, jasırın, tákirarlanbas,
individual
ózgeshelikleri, qábiletlerin ashadı, olardı ósiredi hám rawajlandırıp baradı, jámiyet,
turmıs penen baylanisqa kirisedi. Quramalı sociallıq reallıq sıpatında bul ilajlardıń
ózine tánligi sonnan ibarat, ol insaniyat áwladlarınıń miyneti hám bilimlerin ózine
sińdirip aladı, hámme waqıtta bayıtıp baradı hám olardı keleshek áwladlarǵa jetkerip
beredi.
Mine sonday úlken jumıslardı ámelge asırıwda mádeniy ilajlardı maqsetli
shólkemlestiriw, onı tárbiyalıq proceslerge baǵdarlaw – házirgi kúnniń aktual
máselelerinen sanaladı.
Dostları ilə paylaş: