19
hám oǵan qarsı gúres zárúrliligi», «Náshebentlik ómir zawalı», «Ishiwshilik, shegiw
hám zıyanlı illetlerge qarsı gúreseyik!», «Náshebentliktiń jaman aqıbetleri», «AIJS
keselliginiń aldın alıw», «Diniy
ekstremizm, missionerliktiń aqıbeti» sıyaqlı hám
bunnan basqa mámleketimizdiń sociallıq, siyasıy, mádeniy turmısındaǵı kúndelikli
waqıya-hádiyselerge, miynetke baǵıshlanǵan tematikalıq keshelerdi shólkemlestiriw
arqalı insanlardıń sanasına tásir etiw hám olarda jaman illetlerge qarsı tura alıw
immunitetin qáliplestitiriw sıyaqlı wazıypalar qoyılılıp jumıs alıp barıw maqsetke
muwapıq sanaladı.
Mádeniyat hám kórkem óner orınlarında ótkeriletuǵın tematikalıq keshelerdi
ótkeriwde belgilengen is ilajlardı ámelge asırıwǵa atqarıwshılardan
basqa
qatnasıwshı-tamashagóyler de qatnastırıladı. Bunda ilajdıń nátiyjeliligine erisiwde
ilaj qatnasıwshıların passiv gúzetiwshi bolıp emes, al ilajlardıń belsendi
qatnasıwshılarına aylanıwına erisiwi ilajdıń dárejesin arttırıwǵa xızmet etedi. Ilajdı
shólkemlestiriwdegi tiykarǵı maqset, salamat áwladtı tárbiyalaw, puqaralardıń
mánawiyatın qáliplestiriw, bárkamal insandı kamalǵa jetkeriw sıyaqlı wazıypalar
qoyıladı.
Házirgi kúni mádeniy dem alıw oraylarında, ziya tarqatıwshı orınlarda, mektep-
kolledj hám basqa shólkemlerde mádeniy ilajlardı nátiyjeli shólkemlestiriwdi
talap
etedi. Sebebi, hár bir ilaj shólkemlestirilgende belgili bir maqsetke baǵdarlanǵan
boladı.
Zaman jedel rawajlanǵan bir dáwirde internet maǵlımatlarınan durıs paydalanıw
joqarıda sanap ótilgen túsiniklerdiń mańısi ańlanip baǵdarlaniw talap etiledi.
Kóbinese internet saytlarında «niyeti buzıq» lardıń maqsetleri jasırılıp, háreketlerin
mánawiy hám ruwxıy aqlaw, yaǵnıy májbúr bolǵanlıǵı tiykarlaniwǵa háreket etiledi.
Bunday saytlar olardıń jumısların aqlawshı «qaharmanlıǵın» jırlawshı qosıqlar,
klipler menen úylesimlilikte beriliwindegi maqset olardıń ideologiyalıq hám tásir
etiw kúshin asırıwdan ibarat. Bunday sharayatta máseleniń jáne bir áhmiyetli tárepine
itibardı qaratıw ayırıqsha áhmiyetke iye boladı. Búgingi kúnde jaslarımız tek oqıw
orınlarında ǵana emes, al radio – televidenie, baspa sόz, internet sıyaqlı
qurallar
arqalı da reń-bereń xabar hám maǵlıwmatlardı almaqta. Jáhán xabar maydanı júdá
keńeyip baratırǵan bir sharayatta balalarımızdıń sanası tek orap- shırmap, onı kórme,
20
bunı kórme, dep bir tárepleme tárbiya beriw, olardıń átirapın temir diywal menen
orap alıw, hesh gúmansız, zamannıń talabına da, biziń iygilikli maqset-niyetlerimizge
tuwrı kelmeydi.
Nege degende, biz jurtımızda ashıq hám erkin demokratiyalıq
jámiyet qurıw wazıypasın óz aldımızǵa qatań maqset etip qoyǵanbız hám bul joldan
hesh qashan qaytpaymız.
Kimde kim xabarǵa iye bolsa, ol dúńyaǵa iyelik etedi degen pikir búgingi kúnde
dálillengen. Solay eken, búgingi kúnde qatnasıwshılardı xabardı qabıl etiw
mádeniyatı tiykarında tárbiyalaw ilimiy-ámeliy áhmiyetke iye sanaladı. Hár bir
tıńlawshı xabardı esiter eken: «Bul xabardı kim jetkerip bermekte»?, «Ne ushın
berilmekte»?, «Qanday maqsette berilmekte?», «Ne demekshi, maqseti ne»? sıyaqlı
sorawlardı óz-ózine beriwge hám oǵan tiykarlı juwap tabıw kónlikpesin qáliplestiriw
zárúr. Áne sonda ǵana bul ideyalar tásirine túsip qalıwdıń aldın alıw ushın usınday
ilajlar shólkemlestiriw, uyımlastırıw maqsetke muwapıq boladı.
Bazı dereklerde tematikalıq kesheler mádeniy kesheler dep berilgen.
Bunday
ilajlardı óz náwbetinde tematikalıq kesheler, qayır - saqawat kesheleri, ardaqlaw
kesheleri, eslew kesheleri, ushırasıw kesheleri, yubiley kesheleri, kόrkem-muzıkalıq
kesheleri, askiya hám kúlki kesheleri, soraw-juwap kesheleri, pitkeriw kesheleri dep
te ataw múmkin.
Ilajlardıń jáne bir túrlerinen
Dostları ilə paylaş: