2.2. Mádeniy ilajlar hám sport jarısların shólkemlestiriw sheberligi
Házirgi kúnde Ózbekistanda sport ilajlarınıń eń jarqın úlgilerin
«Bárkamal
áwlad», «Umid náwsheleri»
hám
«Universiyada»
sport oyınlarında kóriw múmkin.
Tańlawlar
da mádeniy ilajlardıń eń qızıqlı túrlerinen biri esaplanadı. Tańlawlar
tiykarınan bellesiw túrinde shólkemlestiriledi. Bunday ilajlarda táreplerdiń bir-biri
menen túrli temalar boyınsha tartısıwlar, pikir alısıwlar, bellesiwler arqalı kórsetiledi.
Máselen, «Ózbekstan - Watanım meniń» qosıqshılar tańlawı da eń jaqsı
atqarıwshılardı tańlaw tiykarında shólkemlestiriledi. Bunda atqarıwshı ózin-ózi
tárbiyalaydı, όz ústinde isleydi, jeńiske erisiw ushın túrli qurallardı qollana baslaydı.
Al bul bolsa onıń jańasha jónelislerdi ashıwına, jańalıqlardı dóretiwine jeteleydi. Eń
tiykarǵısı Watan, ana jurt, ata-ana, mehir-aqıbet, jurt saǵınıshı sıyaqlı temalar
tiykarında dóretilgen nama-qosıqlar onıń repertuarınan orın iyeley baslaydı. Ilgeride
jeńil-jelpi qosıqlardı aytıp júrgen bolsa, endi ol ózgeredi. Nama-qosıqlardıń maǵana-
mazmunın túsinip, onı tamashagóyge, tıńlawshıǵa jetkeriw usılları haqqında oylaydı,
24
bir sóz benen aytqanda, tásir etiw usılların islep shıǵadı. Al bul bolsa mádeniy ilaj
shólkemlestiriwshisiniń baslı maqsetlerinen biri bolıwı tiyis. Dápshilerdiń «Zarb-
2015» tańlawında atqarılǵan nomerleri insandı oylandıradı. Ilgerileri dáp tek usıl
berip turıwda nama-qosıqlardı súyemellep turıwshı ǵana qural, dep qaralǵan.
Negizinde, bul kóz qaras durıs. Biraq «Zarb-2015» tańlawında jas dápshilerdiń
shıǵıwlarında tek usıl beriw ǵana maqset etip qoyılmaǵanlıǵı málim bolıp qaldı.
Dápshiler túrli usıllar úylesiminde ayırım bir shıǵarma dóretiw dárejesinde
shertiwleri hámmeniń kewilinen shıǵa aldı. Bir sóz benen aytqanda, tańlawlar da
mádeniy ilajlardıń eń zamanagóy kórinisleriniń biri bolıp, tańlaw qatnasıwshıların da,
tamashagóylerdi de tárbiyalaydı.
Tańlawlar tek kórkem óner jónelisinde ǵana emes, al iskerliklerdiń barlıq
kórinislerinde shólkemlestiriliwi múmkin.
Tańlawlardıń eń kóp qollanılatuǵın túri sport tamashaların shólkemlestiriwde
kόzge taslanadı. Teatrlastırılǵan futbol, juwırıw boyınsha marafonlar, tas kóteriw,
akrobatika, gimnastika, júziw hám basqalar usılar qatarına kiredi.
Tańlawlar xalıq oyınlarında da kózge taslanadı. Ilaq oyını, qoraz, iyt urıstırıw,
qoshqar dúgistiriw, gúres, tas kóteriw, cirk tamashaları hám basqalar xalqımızdıń
áwladtan-áwladqa, urpaqtan-urpaqqa ótip kiyatırǵan ilajlardan esaplanadı. Bunday
ilajlar tiykarınan milliy maqtanısh, Watanǵa paydası tiyetuǵın hám fizikalıq, hám
aqlıy rawajlanǵan insanlardıń tımsalı kiredi.
Bunday tańlawlardı shólkemlestiriwde maqsetti anıq belgilew áhmiyetli
esaplanadı.
Televideniede ótkeriletuǵın túrli shou kórinislerdegi tańlawlar da insanlardı
tárbiyalawdı maqset etip qoyıwı tiyis.
Jaslar tárbiyasında tańlawlardı qadaǵalaw áhmiyetli bolıp tabıladı. Geyde,
sonday jaǵdaylarǵa dus kelemiz, máselen, qızıqshı, askiyashılar tańlawlarda
tamashagóydi kúldiriw ushın túrli jaǵımsız qılıqlar, «qaǵazǵa orawǵa háreket etilgen
uyacız sózler», arabsha ayaq oyın oynap atırman, dep oylap, óziniń kim ekenligin
áshkára etip qoyǵan jas ózbek qızlarınıń ashıqtan-ashıq ayaq oyını háreketlerin
tańlaw dep aytıwǵa bolmaydı. Bunı rasında όzin kόrsetiw jarısı dep qaraw múmkin.
Al negizinde bolsa, tańlawlar sol aymaqtıń, jámááttiń mápin qorǵawı kerek. Jámáát
25
ushın háreket etip, jeńiske umtılıwı kerek boladı. Al unamsız háreketler bolsa
qatnasıwshını da, onıń jámáátin de uyatqa qaldıradı. Bunnan basqa bunday is
háreketler jaslar tárbiyasına, tamashagóyler tárbiyasına keri tásir kórsetiwi múmkin.
Ǵárezsizlik sharayatında mádeniy ilajlardı tikkeley tálim hám tárbiya iskerliginde
hámde bos waqıt sharayatında ótkeriwdiń mańısın ańlatatutuǵın, onıń jónelisi,
mazmunı hámde túrlerin belgileytuǵın turmıslıq, tálim-tárbiyaǵa baǵdarlaw kόz
qarasınan jumıs alıp barıw maqsetke muwapıq esaplanadı.
Joqarıda aytıp ótkenimizdey, tańlawlar tiykarınan qıyaslaw, salıstırıw, baha beriw
kόz qarasınan qaralıp, kóbirek jarıslar túrinde shólkemlestiriledi. Ilajlardıń bul túrin
júdá kóp tarawlarda qollanıw múmkin. Sport, kórkem-óner, texnika, όndiris, social-
gumanitar hám basqada tarawlardı óz ishine alǵan tańlawlar insanlardı taraw
boyınsha alǵa umtılıwlarına, óz iskerligin keńeytiwge, mazmunlı túrde bayıtıwǵa,
bilimlerin arttırıwǵa, xoshametlewge, ilgeri umtılıwǵa úlken túrtki boladı.
Tańlawlar – insanlardıń kózi menen kórip, tamasha etip, úyrenip, talıqlaw
tiykarında bahalanıp barıladı. Tańlawlar óz-ózinen payda bolmaydı. Onı anıq
baǵdarlama tiykarında shólkemlestiriw kerek boladı.
Ásirese bayram ilajlarında tańlawlardıń bir neshe túrlerinen όnimli paydalanıladı.
Máselen, bir Nawrız bayramı mısalında ǵana alatuǵın bolsaq, Nawrız taǵamları, túrli
sport jónelisi boyınsha, jánıwarlar jarısları (qoraz, qoshqar jarısları, ılaq oyını hám t.b
), palwanlardıń gúresi, turnik, tas, shtanga kóteriw hám basqalar, kórkem óner
ǵayratkerleri arasındaǵı tańlawlar (eń jaqsı qosıq, ayaq oyın, qosıqtıń oqılıwı hám
basqalar)dı qollanıw arqalı ilajlardıń keń qamtıwǵa iye bolıwına erisiw múmkin.
Respublikamızda talantlılardı, baslama kόteriwshilepdi, usı áziz Watan ushın
shın júrekten xızmet etip atırǵan insanlardı qollap quwatlaw, olardıń όz iskerligin
jánede rawajlandırıwǵa járdem beriw, xızmetlerin haqıyqıy bahalaw kόz qarasınan
túrli tańlawlar shólkemlestirilgen. Máselen, Joqarı hám orta arnawlı bilimlendiriw
ministrligi tárepinen shólkemlestirilgen «Jıldıń eń jaqsı sabaqlıq hám oqıw ádebiyatı
avtorı», «Jıldıń eń jaqsı pedagogi», institutlar arasında «Eń jaqsı kafedra», «Jıldıń eń
jaqsı mánawiyat hám ruwxıylıq úgit-násiyatlawshısı» hám basqa bir qansha
tanlawlardı mısal etsek boladı.
26
Ilajlardı shólkemlestiriw áhmiyetli dóretiwshilik proceslerden esaplanadı.
Scenariydiń dóretiliwi hám onı belgili bir kompoziciya túrine keltiriw hám
saxnalastırıw (ilaj shólkemlestiriwshisi basshılıǵında) rejissyor hám scenaristtiń usı
ilaj yaki tamashanı shólkemlestiriwdegi kόz qaraslarınıń, miynetleriniń nátiyjesi
sıpatında qaralıwı tiyis.
Birinshiden, bul eki dóretiwshiliktiń tiykarın bir-birinen ajıratıw múmkin emes.
Óz aldına jazılǵan tayar jazılǵan scenariyler ushın saxnalastırıw jumısları ámelge
asırılıwı múmkin, biraq rejissyor menen scenaristtiń birge dóretken dóretiwshilik
όnimi nátiyjeli esaplanadı. Sebebi rejissyor ilaj, bayram, teatr tamashalarınıń
ideyasın, onıń sociallıq–sıyasıy, tárbiyalıq áhmiyetin, joqarı maqsetin uqtırsa, al
scenarist bolsa kórkem estetikalıq teksttiń tartımlı, sáwlelendiriw kóz qarasları arqalı
rejissyor pikirin bayıtıp tolıqtıradı, nátiyjede hár tárepleme tolıq ilaj ámelge asırıladı.
Ekinshiden, mádeniy ilajlardıń ózine tán ózgesheliklerinen kelip shıǵıp, ilaj tayar
bezetilgen binada emes, al ashıq hawada, maydanlarda, baǵ (park)larda, qullası, bir
sóz benen aytqanda dástúrli emes saxnalıq sharayatlarda ótkerililiwi esapqa alınıwı
zárúr. Saxnalıq imkaniyatlardıń joq ekenliǵi (saxna, bezekler, aktyorlar, shıraq,
dekoraciya hám t.b) rejissyor hám scenaristten jumıstı «nol»den baslawǵa tuwrı
keledi. Bunnan basqa, úzliksiz repeticiyalar ótkeriw imkaniyatınıń az ekenligi, ilajdıń
tek bir márte ǵana ótkeriliwi, qátelerdi durıslawdıń derlik imkaniyatınıń bolmawın
esapqa alıp shólkemlestiriwshi, rejissyor hám scenarist hár bir shıǵıwlarında qáteniń
jiberilmewin esapqa alip baǵdarlaniw tiyis.
Úshinshiden, scenariydiń dóretiliwinde, rejissyor óziniń obrazlı - saxnalastırıw
sheshimin belgilewshi rejissyorlıq ideyaları, bolıp ótetuǵın ilajlardıń jónelisi, yaǵnıy
jetekshi is háreketi, ilaj túri, ortalıq hám stilin anıqlap alıw lazım. Bunday rejissyorlıq
ideyalardıń júzege keliwinde - ótkeriletuǵın ilajdıń anıq berilgen sharayatı, yaǵnıy
onıń teması, ideyası hám joqarı maqseti, ótkeriletuǵın ornı, dóretiwshilik toparlardıń
bolıwı, shólkemlestiriwdegi materiallıq tárepler, hújjetler, ápsanalar hám basqalar
tiykar bola aladı.
Tórtinshiden, scenariydiń dóretiliwinde hújjetli, jergilikli materiallarǵa súyeniw -
ilajdıń effektli, tásirsheń bolıp shıǵıwın támiyinleydi. Bunda minarlar, taslar, terekler,
diywal hám basqalar obrazlı mániste kórkem obraz túrinde kórsetiliwi múmkin. Real
27
dáliller, sanlar, buyımlar, fotosúwretler, hújjetli kinofilmlerden paydalanıwı, usı
ilajǵa baylanıslı qaharmanlardıń ózleriniń tikkeley qatnasıwları hám basqa orginal
tabılmalar ilajdıń tásirsheńligin jáne de kúsheytiwge xızmet etedi.
Besinshiden, úrp–ádet, dástúr, máresim hám qádiriyatlardı ilaj ótkerlip atırǵan
aymaq ortalıǵına sáykes tárizde, olardan όnimli hám durıs paydalanıw hám bunı ilaj
ideyasına sińdiriw arqalı jaslardı qádiriyatlarımızdı asıraw hám uluǵlaw ruwxında
tárbiyalaw scenariy dóretiwdegi eń itibardı qaratıw zárúr bolǵan bólimlerden biri
esaplanadı.
Altınshıdan, ótkerilgen ilaj tek ǵana sóz, qosıq, tekstten ǵana ibarat bolıp qalsa, ol
júdá zerigerli bolıp ótedi. Sonıń ushın rejissyor hám scenarist sóziniń ornına onıń
tamashalıq ekvivalentin
(máselen, muzıkalı, plastikalıq t.b), plastikalıq obraz dóretiw
arqalı, bir sóz benen aytqanda, «sóz» ornına «háreket» penen ańlatıw quralın tapsa,
gózlegen nátiyjelerge erisiwi múmkin. Máselen, statistikalıq maǵlımatlardı
deklomaciya sıpatında kórsetkennen kóre, ol plastikalıq sheshim, yaǵnıy háreket
arqalı kórsetilse, tamashagóy ushın qızıqlı boladı.
Jetinshiden, scenariydi dóretiw procesinde bir epizodtı ekinshi epizodqa
baylanıstırıwda «ideyalıq kópir»di durıs tańlaw áhmiyetli esaplanadı. Bazıda bul
wazıypanı «baslawshılar» ámelge asıradı. Biraq bul ápiwayı variant sanaladı.
Nomerlerdi, epizodlardı bir-birine saxna artınan daǵazalaw, baslawshılar,
masqarapazlar, quwırshaqshılar, túrli shıǵarmalardaǵı qaharmanlar hám basqa obrazlı
qurallar arqalı baylanıstırıw múmkin.
Sońǵı waqıtlarda keń kólemde belgilenip atırǵan ilajlarda fonogrammalardı
montajlaw tiykarında bir-birine baylanıstırıwǵa háreket islenbekte. Nomerler yaki
epizodlardı baylanıstırıw quralı bolǵan «ideyalıq kópir»di durıs belgilew - ilajlardaǵı
artıqsha pauzalardıń aldın aladı, ornın toltıradı, sonıń menen birge saxnalıq
úskenelerdi almastırıw yaki keyingi nomerge tayarlanıp alıw imkaniyatın beredi, eń
tiykarǵısı tamashagóydi ilaj ideyasınan pikiriniń «úzilip» qalıwınan saqlaydı. Sonıń
ushın da jaqsı puqta hám jetik jazılǵan scenariy - ilajdıń yarım tabısınan derek beredi.
Házirgi kúnde respublika kóleminde ótkerilip atırǵan barlıq bayramlarda
jurtımızdıń kózge kóringen dóretiwshileri Abdulla Aripov, Bahodir Yuldoshev, Nosir
Otaboev, Baxtiyor Sayfullaev, Rustam Shamsutdinov, Rusta
m Xamidov, Marat
28
Azimov hám basqalar scenariy hámde scenariynıń birgeliktegi avtorları bolıp
qatnasıp kelmekte. Olar elimizde bolıp atırǵan tereń ózgerislerdi, Ózbekstan
keleshegi ullı ekenligine isenim, Watandı súyiwshilik, óz isine, Watanına,
shańaraǵına mehir - aqıbetli bolıw, mámlekeimizdiń rawajlanıwında jaslardıń ornın
belgilew, kekselerge húrmet itibarda bolıw sıyaqlı ózgesheliklerdi túrli kórkem
qurallar arqalı óz scenariylerine jámlep, tamashagóylerdiń dıqqatına usınıs etiwge
umtılmaqta hám bunıń orınlanıwına erispekte. Olardıń saxnalastırǵan bayram hám
tamashaları arqalı Ózbekstan tımsalın kóklerge kóterip, onıń rawajına úlken úles
qospaqta.
Joqarıda kórsetip ótkenimizdey, spektakldiń dóretiliwinde negizgi derek pyesa
esaplanadı yaki basqasha aytqanda, spektakldiń dramalıq tiykarı peysa boladı.
Rejissyordıń spektakldi saxnalastırıwında tayar derek- pyesaǵa múrájat etedi hám
saxnalastırıw proceslerin baslaydı. Bunıń menen spektakldi saxnalastırıw júdá ańsat
eken, degen pikirden uzaqtamız, biraq, spektakldi saxnalastırıwdıń ózine tán
quramalı tárepleri bar. Mádeniy ilajdı, máselen, ǵalabalıq bayram hám tamashalardı
saxnalastırıwda bolsa tayar dramalıq derek joq, ótkeriletuǵın orın dástúriy emes, onda
shıraqlar, dekoraciyalar, qullası, hesh qanday saxna buyımları, úskeneleri joq. Tek
mádeniy ilajlar shólkemlestiriwshisiniń joqarı shólkemlerden yaki basshılardan usı
ilajdı ótkeriw haqqındaǵı «zakazı», yaki buyırtpası ǵana bar.
Mádeniy ilaj shólkemlestiriwshisiniń birinshi orındaǵı wazıypası - usı ilajǵa
rejissyor tabıw hám wazıypanı túsindiriwi kerek boladı.
Rejissyor bolsa bul «buyırtpa»nı kórkem óner dárejesine kóterip, ulıwma bir
«spektakl» túrine keltiriwi zárúr. Nege endi spektakl túrinde, degen orınlı soraw
tuwıladı. Sebebi, spektakl bolıwı ushın onıń teması, ideyası, janrı, qarama-qarsılıqlar,
waqıyalar qatarı, kompoziciyalıq dúzilisi (prolog, kulminaciya, qarama-qarsılıq,
sheshim), joqarı maqsetli, qullası, dramaturgiyanıń bárshe komponentleriniń
qatnasıwın támiynlewi tiyis.
Mádeniy ilajlardı shólkemlestiriwde usı shártlerge itibar beriliwi zárúr. Ilajdıń
rejissurasındaǵı eń qıyın process ilajdı jalǵız tema sızıǵına baǵdarlawdan ibarat. Usı
temaǵa say dereklerdi izlew, saxna, yaǵnıy ilaj bolıp ótetuǵın orındı úskenelew,
29
qatnasıwshılardı jıynaw, wazıypalardı túsindiriw hám repeticiyanı baslawdan aldın
scenariy rejissyordıń qolında bolıwı shárt.
Scenariydi jazıwda ilaj ótkeriletuǵın orındı anıqlaw hám onı úyreniw áhmiyetli
sanaladı. Sebebi, scenariyge kiritilǵen bárshe iskerlik usı saxna sharayatına
sáykeslestiriledi. Bunnan basqa, ilajda qollanılatuǵın hújjetli maǵlıwmatlar, háreket
ornın tańlaw menen úzliksiz baylanıslı bolıp, jergilikli maǵlıwmat, ádettegidey,
tamashagóyge jaqın, túsinikli bolıp, olardı tolqınlandıratuǵınday tásir kόrsetiwi shárt.
Sonıń ushın da scenariydi jazıwdan aldın scenariy avtorı yamasa saxnalastırıwshı
rejissyor jergilikli maǵlıwmatlardı jıynawı, ámeldegi arxiv hám úlketanıw muzeyleri
menen, ol jerdegi maǵlıwmatlar menen hár tárepeme tanısıwıp shıǵıwı tiyis. Bunnan
basqa kerekli ádebiyatlardı oqıydı, jergilikli xalıq penen sáwbetlesiwler ótkeredi.
Tanısıw hám sáwbetlesiw waqtındaǵı maǵlıwmatlar ilajlardıń tiykarǵı mańızın
belgileydi. Jumıs procesinde scenariy bir neshe márte ózgeriwi de múmkin. Erteńgi
tabılatuǵın jańa maǵlıwmat, búgingi rejeni túpkilikli ózgertip jiberiw jaǵdayları
ámeliyatta bir neshe mártebe óz tastıyıqlanıwın tapqan. Sonıń ushın dóretiwshilik
jumıs procesindegi eń qıyın wazıypa-maǵlıwmatlardı puqtalıq penen tańlaw
esaplanadı.
Qızıqlı maǵlıwmatlar okeanı qarsısında hawlıǵıw hám oǵan shayda
bolmaw zárúr. Bul, álbette, qıyın nárse, yaǵnıy tayar maǵlıwmatlar teńizinde shógip
ketpew ushın scenariy jazıwshı bolatuǵın ilajdıń «qabırǵasın» kóz aldında saqlawı,
hámme waqıtta onıń joqarı maqsetin este tutıwı zárúr. Kerekli jergilikli hújjeter
jıynalıp bolınsa, maǵlıwmatlardı scenariy ushın montajlaw basqıshı baslanadı. Jáne
sonı umıtpaw kerek, scenariy avtorı jergilikli maǵlıwmatlardı, yaǵnıy waqıya-
hádiyselerdi ózgertpesten, tariyxta bolmaǵan waqıyalardı kiritiwi, hújjettegi dálillerdi
ózgertiwi múmkin emes.
Tek puqta tańlaw ǵana hám montaj procesinde onıń anıq puqaralıq kóz qarası
úlken rol oynaydı. Ayrım jaǵdaylarda ulıwma juwmaq anıqlıqtan - tipiklikke,
nızamsızlıqtan nızamlılıqqa ótiwi, bul - hújjetler montajındaǵı principial zárúrlik
sanaladı. Bul dóretiwshiniń ámeliy jumısında dálilden obraz tárepke jol, yaǵnıy
hújjetti kórkem islep shıǵıw, onı kórkem súwretlewden ibarat boladı.
30
Joqarıda atap ótkenimizdey, tabıslı tańlap alınǵan, anıq montaj islengen hám
sheberlik penen shaqırıq túrine iye bolǵan hújjet scenariyde hám ǵalabalıq
teatrlastırılǵan ilajda eń hárekecheń, eń kúshli sezimdı oyatatuǵın quralǵa aylanadı.
Scenariydi úsh túrge ajratıw múmkin, yaǵnıy ápiwayı scenariy (bar bolǵan
materiallardıń izbe-izligi belgilenip, basqarıwshı baylanıstırıwshı sıpatında
qatnasadı), toplanǵan scenariy (túrli scenariylerden isletilgen materiallardan
paydalanǵan halda jazıladı) hám orginal scenariy (tamashagóy kóz aldına ózi
kútpegen túrli burılıslarǵa, qarama qarsılıqqa, sezimlerge dus keledi hám nátiyjede ol
zerikpeydi, ilajdan estetikalıq zawıq aladı). Bárshe orınlarda ilajlar túrli formalarda
ótkeriledi. Tamashagóydiń kóz aldında ózi arzıw etken sharayatlardı jaratıw,
oyındaǵı ruwxiyatına eristitiw scenaristtiń moynına úlken juwapkershilik júkleydi.
Orginal scenariydi dóretiw barlıq scenaristlerdiń qolınan kele bermeydi. Bunıń ushın
scenaristlerdiń dúńyaǵa kóz qarası keń, bilim dárejesi júdá kúshli bolıwı tiyis. Sonıń
ushın saxnalastırıw, yaǵnıy rejissyorlıq iskerliginde scenarist penen islesiw processi
eń áhmiyetli basqıshlardan biri esaplanadı.
Scenariydiń kompoziciyalıq dúzilisin durıs belgilewde scenarist, ásirese rejissyor
júdá puqta bolıwı kerek. Sebebi scenariydiń kompoziciyalıq dúzilisi ilaj yaki
tamashanıń bir pútinligin támiyinleydi. «Kompoziciya» degende, kórkem óner
shıǵarmalarınıń dúzilisi, ishki elementleriniń maǵanası boyınsha óz ara baylanısı,
logikalıq jaylasıwı hám birlesiwi túsiniledi.
Kompoziciyalıq dúzilis tómendegi bólimlerden ibarat boladı.
Ádebiy shıǵarmada waqıyanıń baslanıw bólimi prolog, ekspoziciya yaki kirisiw,
al rejissura tarawında bolsa is háreket penen baylanıslı bolǵanlıǵı ushın
Dostları ilə paylaş: |