Beynəlxalq magistratura və doktorantura məRKƏZİ
Yüklə 0,97 Mb. Pdf görüntüsü
|
| MÜNDƏRİCAT
8 GİRİŞ Mövzunun aktuallığı: Ümumiyyətlə, turizm iqtisadi inkişafın əsas bölmələrindən biri kimi ölkəni dünyaya tanıdan əsas vasitədir. Bu baxımdan turizmin ölkədə inkişaf etdirilməsi, habelə mövcud problemləri tapıb onların həllinə yönəlmək vacib məsələdir. Qeyd etməliyik ki, ölkəmizdə turizm sektorunda bir çox bölgələrin, habelə Lənkəran iqtisadi zonasının iqtisadi baxımdan təhlili maraq doğuran tətqiqat mövzusudur. Turizm iqtisadiyyatın sürətlə inkişaf edən sektoru kimi davamlı dəyişikliyə məruz qalan demoqrafik göstəricilər, habelə müxtəlifləşən coğrafiyaya sahibdir. Turizm iqtisadiyyatın mühüm sektoru kimi qlobal iqtisadi böhrandan təsirlənməsinə baxmayaraq, 2010-cu ildən bəri dördillik qısa bir müddət ərzində böhranın təsirindən çıxaraq sürətli inkişafa qədəm qoymuşdur. Bu prosesin əsasını iki əsas amil təşkil edir. Bir tərəfdən Amerika, Yaponiya, habelə Avropanın bir sıra inkişaf etmiş ölkələrində müşahidə edilən iqtisadi canlanmanın nəticəsi kimi həmin ölkələrdən gələn turistlərin və müvafiq olaraq onların qazanc səviyyəsinin artması, eləcə də orta sinfin genişlənməsi, başqa tərəfdən ölkələrin turizmin inkişafına artan dəstəyi nəticəsində Asiya və Latın Amerikası ölkələrində də turizmin inkişafı, həmçinin aşağıbüdcəli hava nəqliyyatı xidmətlərinin var olması bu sektordakı artımın əsas təkanverici amilləri şəklində çıxış edir. Bu cür inkişaf tendensiyası nəticəsində turizm sektorunda innovativ xidmətlərin meydana çıxması inkişafın əsas göstəricisidir. Lənkəran da Azərbaycanın ən mühüm turistik bölgələrindən biri kimi dünya miqyasında tanınaraq turistlərin diqqətini cəlb edir. Mövzunu mikro səviyyədə araşdıraraq əsas turistik bölgə kimi Lənkaran bölgəsini seçmişik. Apardığımız turistik tədqiqatlardan məlum olur ki, turistik bölgənin inkişaf etdirilməsi məqsədi ilə bir çox imkanlar vardır. Bütün bunlar seçilən mövzunun aktuallığından xəbər verir. Bu mövzu makro səviyyədə araşdırılsa da, tədqiqatın mikro səviyyəsinə (Lənkəran timsalında) elə də diqqət yetirilməmişdir. Bu səbəbdən də bu mövzunun araşdırılması tərəfimizdən vacib hesab olunur. |