30
II FƏSİL. AZƏRBAYCANIN CƏNUB BÖLGƏLƏRİNDƏ TURİZM
SEKTORUNUN MÖVCUD VƏZİYYƏTİNİN TƏHLİLİ VƏ
QİYMƏTLƏNDİRİLMƏSİ
2.1. Lənkəran zonasında turizm xidmətlərinin təhlili və onların
qiymətləndirilməsi
Azərbaycanda turizm müasir biznes sahəsi olmaqla ilk addımlarını atsa da, bu
istiqamətdə müəyyən dərəcədə potensial imkanların mövcudluğunu söyləmək olar.
Artıq ölkəmiz Ümumdünya Turizm Təşkilatının üzvlüyünə qəbul edilmişdir və
Turizmin inkişafı haqqında ilk Dövlət Proqramı (2002-2005-ci illər ərzində) uğurla
tətbiq olunmuşdur (
https://www.stat.gov.az/search/?q - Azərbaycan Respublikasının
Dövlət
Statistika Komitəsi: Lənkəran rayonu 2020-ci il)
.
“Regionların sosial-iqtisadi inkişafı Dövlət Proqramı”nda isə birbaşa 35-ə
qədər bənd turizm obyektlərinin qurulmasına həsr edilmişdir.
Ölkəmizin səfalı guşələrindən biri olan cənub bölgəsi də turizmin inkişafı üçün
daha yaxşı perspektivlər vəd edir. Bu sıralamada
Lənkəran rayonu turizmin
inkişafıyla fərqlənir.
Gözəl iqlim şəraiti, zəngin təbii
sərvət və nadir tarixi -
mədəniyyət abidələrinə
malik olan Lənkəran şimal,
habelə şərqdən Xəzər dənizi,
qərbdən Talış sıra dağlarıyla əhatələnmişdir.
Ümumiyyətlə, cənub bölgəsində sektorun inkişafı bölgədəki rayonlar arasında
qeyri-bərabər səviyyədədir. Belə ki, Lənkəranda 17, Masallıda 15, Astarada 2,
Cəlilabadda 1, Yardımlıda 2, Biləsuvarda 2, Salyanda 1, Lerikdə 4, Neftçalada 1
qeydiyyatdan keçmiş mehmanxana və mehmanxana tipli obyekt fəaliyyət göstərir.
Lənkəranda 2 (Lankaran
Springs Wellness Resort, Riva Hill Resort Lankaran),
Astarada 3, Yardımlıda 2 hotel tikilmişdir (
https://www.stat.gov.az/search/?q - Azərbaycan
Respublikasının Dövlət Statistika Komitəsi: Lənkəran rayonu 2020-ci il)
.
Lənkəran rayonunda turizmin mövcud vəziyyətini statistik göstəricilər əsasında
aşağıdakı kimi göstərə bilərik.