M u s t a f a Ç ə m ə n l i
36
Bu gün qürur və iftixarla deyirəm ki, Mustafa Çəmənlinin
Azərbaycan nəsrində, publisistikasında, mədəniyyətində özünə-
məxsus xidməti və yeri var. Bir münasibətə də sevinirəm ki, son
illər onun yaradıcılığı ilə əlaqədar ədəbi tənqiddəki susqunluğa
son verilib. İndi kitabları haqqında, yaradıcılığı ilə bağlı müxtəlif
qələm sahibləri, tənqidçilər öz sözlərini deyir, yazıçılıq məziyyət-
lərini yüksək dəyərləndirirlər. Mustafa Çəmənli son dərəcə abırlı
və istedadlı qələm sahibidir. Yazıçılığa Allahın ona bəxş etdiyi
istedadının sayəsində gəlib. Fədakar və zəhmətkeşdir. Yaradıcı-
lıqda əldə etdiyi uğurları ona qazandıran bitkin jurnalistliyi, səriş-
təli naşirliyidir. Yazıçı, jurnalist, naşir – bu üç amil onun bütün
həyatında çox möhkəm vəhdətdədir. Mustafa Çəmənli yazaraq
yaşamaq üçün imkan tapıb. Daha bəziləri kimi imkanına görə
yazıçılıq etməyib, kiminsə əlindən halal qismətini almayıb. Adlar,
titullar onun ünvanını çoxdan tapmalıydı, əgər əngəllər, qısqanc-
lıqlar, maneələr olmasaydı... Mustafa Çəmənli əsl yazıçı taleyi
yaşayır. Təmtəraqlı təqdimatlardan, hay-küylü məclislərdən, şüar
deyən yazarlardan, təmənnalı təriflərdən, süni mədhiyyələrdən,
saxta imiclərdən çox uzaqda dayanıb.
Flora Xəlilzadə,
Əməkdar jurnalist
Ciddi nasir, bacarıqlı naşir və səriştəli redaktor kimi tanıdı-
ğım yazıçı dostum Mustafa Çəmənli çiynini həmişə ağır, bəlkə də
heç kimin girişmədiyi işin altına verən, bir kitabı yazıb başa çat-
dırmaq üçün onlarla kitaba, tarixi məxəzə, yüzlərlə sənədə müra-
ciət edən zəhmətkeş yazıçıdır. Bu keyfiyyət onu bütün yaradıcılı-
ğı boyu izləyir: qədim tarixi mövzuya müraciət edəndə, yaxın
keçmişimizi qələmə alanda, lap elə müasir mövzulara üz tutanda da.
Mustafa Çəmənli 30 illik yaradıcılığı dövründə ardıcıl olaraq
musiqiçilərimizin, müğənnilərimizin, instrumental ifaçılarımızın
yaradıcılığını bir tədqiqatçı, musiqiçi səriştəsi ilə izləmiş, onların
sənətinin təbliğatçısı, araşdırıcısı olmuşdur. Azərbaycan radiosu-
nun qızıl fondunda onun ifaçı musiqiçilərimizin yaradıcılıq port-
B i b l i o q r a f i y a
37
retlərini ifadə edən yüzə qədər konsert-oçerki saxlanılır və vaxt-
aşırı səsləndirilir. Gözəl musiqi duyumu, hafizəsi, muğam və xalq
mahnılarımıza dərindən bələd olması ona hər hansı bir müğənni-
nin, ifaçının sənətinin obyektiv və düzgün qiymətləndirməyə, əsl
sənəti saxta sənətdən ayırmağa imkan verir. Bir çox unudulmuş
sənətkarlarımızın yaradıcılıq taleyinə işıq salmaq, onları üzə
çıxardıb çağdaş nəslə çatdırmaq işində Mustafa Çəmənlinin xid-
mətləri həqiqətən böyükdür.
Mustafa Çəmənli yaradıcılığına çox ciddi yanaşan, sözün
qədrini və qiymətini bilən və ən əsası öz mövzusu olan yazıçıdır.
O, meyvəsini dərdiyi, bəhərini yediyi ağacın budağını qırmaq
günahdır prinsipi ilə yaşayır – söz sənətinə, onun bir qolu olan
kitab nəşrinə də həmin prinsipdən yanaşır.
Əli Əmirli,
Əməkdar incəsənət xadimi
Mustafa Çəmənlinin “Xallı gürzə” romanında süjet xətti yal-
nız bir obraz üzərində cəmlənmişdir. Hadisələr Pənahəli xanın
həyatı, dövrü, mübarizəsi ilə bağlıdır. Süjetdən yayınma hallarına
demək olar ki, təsadüf etmirik. Müəllif tarixi hadisələri də “Qara-
bağnamə”lərdən və digər mənbələrdən diqqətlə öyrənmiş, onları
sistemli şəkildə öz romanında əks etdirmişdir. Həm də F.Kərim-
zadənin “Qoca qartalın ölümü” romanı ilə müqayisədə “Xallı gür-
zə”də hadisələrin miqyası daha genişdir. Burada müəllif Pənahəli
xanın həyatı ilə yanaşı Qarabağ xanlığı ilə bağlı olan bütün mət-
ləblərdən söz açmağa çalışmışdır.
Yavuz Axundov,
filologiya elmləri doktoru, professor
Son illərin tarixi romanları içərisində Mustafa Çəmənlinin
“Xallı gürzə” romanını xüsusi qeyd etmək istərdik. Romanda Qa-
rabağ xanlığının əsasını qoyan Pənah xanın həyatı qələmə alın-
mışdır.
M u s t a f a Ç ə m ə n l i
38
...Əsəri oxuduqca “Qarabağnamə”lərin təsirini açıqca hiss
edirsən və hətta belə bir qənaətə gəlirsən ki, müəllif heç bir əziy-
yət çəkməmiş, sadəcə olaraq, “Qarabağnamə”ləri (əlbəttə, Pənah
xanla və onun yaşadığı dövrlə bağlı hadisələri) bədiiləşdirmişdir.
Ancaq bu, zahirən belə təsir bağışlayır. Romanda “Qarabağnamə”
müəlliflərindən fərqli olaraq tarixi hadisələrə ayıq bir münasibət
hiss edilir. Tarixi əsərlə bədii əsərin fərqi də burada aydın nəzərə
çarpır. Məxəz, mənbə, qaynaq yazıçı qələmində cilalanır, bədii
obrazlar kəskin konfliktlərlə yenidən üzə çıxır.
Ədilə Məmmədzadə,
tənqidçi
Mustafa Çəmənli qələmli publisistdir. O, neçə illərdir Azər-
baycan musiqi sənətinə ölməz incilər bəxş edən sənətkarlardan
oçerklər yazır, radio və televiziya üçün verilişlər hazırlayır, sonra
bütün bu məqalələri kitab halında oxuculara çatdırır. Cahan Talı-
şinskaya, Şövkət Ələkbərova, Əbülfət Əliyev, Sara Qədimova,
Yavər Kələntərli, Arif Babayev... onun məhəbbətlə vəsf etdiyi
sənətkarlardır.
Vaqif Yusifli,
filologiya elmləri doktoru
Oхuculara və ədəbi ictimaiyyətə əslində yalnız “Хallı gürzə”
romanından sonra bəlli olan və məhz bu əsəri ilə ədəbi tənqidin
diqqətini özünə cəlb еdən Mustafa Çəmənli öz dəst-хəttinə malik,
dеməyə özünün müəyyən sözü olan, bədii yaradıcılığa 70-ci illər-
də gələn maraqlı yazıçılardandır. Ədəbiyyat tariхində еlə hallar
olur ki, hər hansı bir sənətkar uzun müddət diqqətdən kənarda
qalır, kütləvi oхucu auditoriyasını bir qədər ləng və gеc toplayır.
Mustafa Çəmənlinin yazdıqlarını – хеyli oçеrk, hеkayə, publisis-
tik yazılar, nəhayət povеst və roman-nəzərdən kеçirərkən aydın
olur ki, onun ədəbi talеyi bu mənada o qədər də gətirməmişdir.
Lakin, hər halda, “Хallı gürzə” romanı (1991) ona, sözün həqiqi
mənasında, yazıçı vəsiqəsi vеrmiş oldu. Kafеdra “Хallı gürzə”
Dostları ilə paylaş: |