66
həftə də işləməmişdir. Bu, xüsusən də, gənc qadınları nəzərdə tutan məşğulluq qanunlarına
ehtiyac olduğunu göstərir. Qadınların təhsil səviyyəsi ilə onların işçi qüvvəsində məhdud
iştirakı arasındakı bu ziddiyyət təhsilin məzmunu ilə əmək bazarının xüsusiyyətləri arasında
uyğunsuzluğa görə ola bilər. Buna görə də hazırda əmək bazarında lazım olan bacarıqlarla
təmin etməklə qadınların işlə təminatına zəmanət verən sertifikasiya proqramlarının
başlanması faydalı ola bilərdi.
2005-ci ildə nəşr edilmiş Azərbaycanda Gender Qiymətləndirməsi Hesabatında qadınların
evdən kənara çıxmalarını məhdudlaşdıran amil kimi azərbaycanlı ailələrində üstünlük
təşkil edən “ailə şərəfi” nəzəriyyəsi qeyd olunur. Bu baxımdan ailələr ailə şərəfini qorumaq
məqsədilə qızlarının evdən kənarda işləməyinə icazə verməyərək onların işlə təmin
olunma imkanlarını məhdudlaşdırırlar (Asiya İnkişaf Bankı, 2005). Bu və digər səbəblərə
görə Azərbaycanda gender bərabərliynə nail olmağın digər vacib aspekti qanunvericiliyin
Qadınlara qarşı Ayrıseçkiliyin Bütün Formalarının Ləğvinə dair Konvensiyaya uyğun olduğunu
yəqin etmək üçün bütün qanunvericiliyi nəzərdən keçirmək və dəyişikliklər etmək ola
bilərdi. Bu fəaliyyətlər və tədbirlər vasitəsilə qadınların sosial, iqtisadi və siyasi mövqeyini,
habelə onların iqtisadi və siyasi həyatda səlahiyyətləndirilməsini qanuni şəkildə müdafiə
etmək mümkün olmalıdır.
6-cı fəsil
67
7-ci FƏSİL
Nəticə və Tövsiyələr
L
ivan mənşəli fransız yazıçısı Amin Maalouf (1992) “Beatrisdən sonra ilk əsr” adlı
romanında Şərq cəmiyyətlərinə xas olduğu hesab edilən oğlan uşaqlarına üstünlük
verilməsinin mümkün nəticələrini təsvir etmişdir. Roman baş qəhrəmanın Qahirə
şəhərinə səfəri ilə başlanır ki, o, orada satışda oğlan uşağının mayalanacağına zəmanət
verən dərmanların olduğunu görür. Dərman qablamasının üzərində aşağıdakı ifadə yazılmış
yarlıq var idi: “Qoy sənin adın qərinələr boyu yaşasın və bir oğul övladın dünaya gəlsin”. Baş
qəhrəman sonra jurnalist olan partnyoru ilə birlikdə məsələni tədqiq etməyə başlayır və
müəyyən edir ki, bu dərmanın istehsalı, paylanması və istifadəsi Misir və ya şərq cəmiyyətləri
üçün məhdudlaşdırılmamışdır. Tədqiqatını daha da dərinləşdirərək baş qəhrəman aydınlaşdırır
ki, dünyaya gələn uşaqların cinsə görə nisbəti təhrif edilmişdir və ümumilikdə dünyada
demoqrafik maskulinizasiya (kişiləşmə) artmaqdadır, şərq cəmiyyətlərində isə xüsusi olaraq
oğlan uşaqlarına üstünlük verilməsi nümayiş etdirilir. Baş qəhrəman daha sonra aşkar edir
ki, bu hal həm də böyük farmokoloji problemləri və reproduktiv sağlamlıq texnologiyaları
hazırlayan şirkətləri cəlb edir. Nəticədə dünyaya gələn qız uşaqlarının sayı sürətlə aşağı düşür
və dünyaya gələn uşaqların cinsə görə nisbəti anadan olan 100 nəfər qız uşağına 150 nəfər
oğlan uşağı göstəricisi qədər artır. Bu arada baş qəhrəmanla onun partnyorunun qız övladı
Beatris anadan olur. Onlar qızın doğuşundan sonrakı əsri birinci əsr hsab edirlər və dostları
ilə bir araya gələrək uşaqların cinsinə görə seleksiya faktının qarşısını almaq üçün mübarizə
aparırlar. Onlar intensiv məlumatlandırma kampaniyalarına başlayırlar və Birləşmiş Millətlər
Təşkilatının dəstəyi ilə oğlan uşağının dünyaya gələcəyinə zəmanət verən dərmanın təsirini
aradan qaldıran məhlul hazırlatmaq üçün bir neçə şirkətlə razılaşmalar əldə edirlər. Bundan
başqa, baş qəhrəmanlar bütün üzv hökumətlər qarşısında öhdəlik qoyacaq BMT-ni müəyyən
qərarlar verməyə istiqamətləndirirlər. Bu tədbirlərdən sonra dünyaya gələn uşaqların cinsə
görə nisbət əmsalı Beatrisin birinci əsrinin ilk üç onilliyi ərzində tədricən enməyə başlayır.
Romanda nəql edildiyi kimi, demoqrafik tarazlığı təhrif etmək çox asandır, lakin bərpa daha
uzun müddətli dövr ərzində yalnız gərgin cəhdlərdən sonra yəqin edilə bilərdi.
68
Maaloufun elmi əsər tipli romanında bütün dünyanı fəlakət qarşısında qoyan oğlan uşaqlarına
üstünlük verilməsinin dərəcəsi, əlbəttə ki, indi Azərbaycanda müşahidə olunan oğlan
uşaqlarına üstünlük verilməsi dərəcəsi ilə eyni deyil. Bununla belə, əsərdə təsvir olunan
mentalitetlə Azərbaycanda indi mövcud olan kişilərin dominantlıq təşkil etdiyi dünyagörüşü
arasında valehedici oxşarlıqlar var. Təəccüblüdür ki, romanda şərh olunan oğlan uşaqlarına
üstünlük verilməsinin “Qoy sənin adın qərinələr boyu yaşasın və bir oğul övladın dünaya
gəlsin” ifadəsi Azərbaycanda da oxşar məqamı ifadə etmək üçün istifadə olunur.
Tədqiqat nəticəsində müəyyən edilmişdir ki, oğlan uşaqlarına üstünlük verilməsi Azərbaycanda
davamlı məsələdir və kiçik ailələrdə oğlan uşaqlarının olduğunu yəqin etmək məqsədilə dölün
cinsinə görə abortlar aparılır. İntervyular və qrup müzakirələri vasitəsilə toplanan keyfiyyət
əsaslı məlumatlar kəmiyyət əsaslı verilənlərin təhlilindən alınan tapıntıları tamamlayır.
Bunlar isə dünyaya gələn uşaqların cinsə görə nisbətinin pozulması və bununla bağlı olan
nəsilvermədə oğlan uşağının cinsinə verilən üstünlük, abortlar və kontraseptiv üsullardan
istifadə kimi əlaqəli amillərin təsir dərəcəsini göstərir.
Bundan əvvəlki fəsildə qeyd edilmiş siyasət prioritetlərinə uyğun olaraq aşağıda ciddi
monitorinq və qiymətləndirmə sistemi ilə birlikdə həyata keçirilməsi zəruri olan tədbirlər
tövsiyə olunmuşdur:
§
Oğlan uşaqlarına verilən üstünlüyün reallaşmasının başlıca mexanizminin
hamiləliyin daha gec mərhələlərində edilən selektiv abortların təşkil etdiyini nəzərə
alaraq, bu cür abortların qarşısını alan tədbirlərin həyata keçirilməsi zəruridir. Bunun
üçün kommersiya məqsədli abortlarla məşğul olan səhiyyə işçilərinə müvafiq
sanksiya qoyan qanunvericilik tədbirlərinə əlavə olaraq, gender bərabərliyi və ana
sağlamlığı üzrə məlumatlandırma kampaniyalarının başlanmasına etiyac var. Bu
kontekstdə 2008-ci ildə təklif edilmiş Reproduktiv sağlamlığın qorunması və ailə
planlaşdırılması haqqında qanunun ilkin variantı dərhal qəbul edilməlidir.
§
Kontraseptiv vasitələrdən istifadənin aşağı səviyyədə olmasını nəzərə alaraq,
müasir ailə planlaşdırılması üsullarının abortla müqayisədə üstünlükləri haqqında
məlumatlandırma artırılmalıdır. Xüsusilə daha bir uşağının olmasını istəməyən
qadınların ehtiyaclarını qarşılayacaq ailə planlaşdırılması üzrə konsultasiya
xidmətləri prioritet təşkil etməlidir.
§
Azərbaycanda əhalinin sosial-iqtisadi vəziyyəti ilə nəsilvermə tərcihləri arasında
əlaqələrin olduğunu nəzərə alaraq, ailə-uşaq imtiyazları və sosial yardım
proqramlarının hazırlanması faydalı olardı.
§
Əhalinin böyük hissəsinin sağlamlıq sığortası ilə əhatə olunmaması nəticəsində
ümumi səhiyyə, reproduktiv, habelə analıq və uşaq sağlamlığı xidmətlərindən
yararlanma göstəriciləri aşağı səviyyədədir. Bunu nəzərə alaraq, sağlamlıq
sığortasının əhatə dairəsini genişləndirmək tövsiyə olunur. Bu yanaşma, həmçinin
7-ci fəsil