60
dayandırılması (abort) doğuşa nəzarətin əsas alətlərindəndir. Abort ilk dəfə 1920-ci ildə
Sovet İttifaqında qanuniləşdirilmişdir, lakin 1936-cı ildə doğumun artırılması siyasəti
nəticəsində aborta qadağa qoyulmuşdur və 1955-ci ildən ona yenidən icazə verilmişdir.
Azərbaycan bu gün hamiləliyin 12-ci həftəsinədək aparılmasına icazə verilən abortla bağlı
ən liberal siyasəti olan ölkələrdən biridir. Bu müddət müəyyən şərtlərlə 22-ci həftəyədək
və abortun aparılması tibbi səbələr olduğu təqdirdə istənilən digər mərhələdə aparıla bilər
(Əhalinin sağlamlığının qorunması haqqında Azərbaycan Respublikasının qanunu, Maddə
30). Sovet dövründə əsası qoyulmuş təcrübə, həmçinin hazırda mövcud olan liberal siyasətin
təsiri ilə 15-49 yaş həddində qadınların 40 faizi həyatlarında ən azı bir abort etdirmişlər.
Faktiki olaraq, bir nəfər qadına düşən abortların orta hesabla sayı (2.3) doğuşların orta
sayından (2.0) yüksək olan bir ölkədə 100 hamiləlikdən yalnız 46 –sı diri doğuşla nəticələnir,
49-u isə abortla dayandırılır.
Bu tədqiqata cəlb olunmuş iştirakçılar (yaşlı kişilər, yaşlı qadınlar, gənc kişilər, gənc qadınlar və
səhiyyə işçiləri) hamiləliyin süni şəkildə dayandırılmasının İslam dinində “günah” olduğunu
və onun qadın sağlamlığına mənfi təsir göstərdiyini vurğulamışlar. Buna baxmayaraq, abort
arzu olunan sayda və arzu olunan cinsə aid uşaqların olması yolu kimi geniş formada istifadə
olunur. Bu üsul yaşlı nəsil arasında məhdud idi və son zamanlar dölün cinsini müəyyən
etməyə imkan verən geniş yayılmış ultrasəs aparatlarının əldə edilmə şəraitinin olması
və istifadəsi ilə əlaqədar meydana gəlmişdir. Bu tədqiqat zamanı intervyu alınmış bütün
qadınlar və kişilər istisnasız olaraq hər biri qeyd etmişdir ki, ultrasəs müayinəsindən sonra
abort arzu olunan sayda və arzu olunan cinsdə uşaqlara sahib olma vasitəsi kimi geniş
istifadə olunur. Bu prosesdə “arzuolunmaz” qız uşaqları abort edilir, “arzu olunan” oğlan
uşaqlarına isə toxunulmur.
Hamiləliyin daha gec dövrlərində edilən abortlar selektiv abortların çoxluq təşkil etməsi ilə
əlaqədardır. Məsələ öz başlanğıcını reproduktiv sağlamlıq texnologiyalarının dölün cinsini
hamiləliyin yalnız 13-cü həftəsindən sonra müəyyən edilməsi faktından alır, bu dövr isə
abortun təhlükəsiz şəkildə yerinə yetirilməsi üçün göstəriş verilmiş zaman çərçivəsindən və
12 həftəlik qanuni məhdudiyyətdən kənardır. Buna baxmayaraq, dölün 12-ci həftəliyindən
sonra - hamiləliyin sonrakı dövrlərində abort heç bir tibbi göstəriş olmadan həyata keçirilir.
2005-ci ildə nəşr edilmiş Qadınlara qarşı Ayrıseçkiliyin Bütün Formalarının Ləğvinə dair
Konvensiya üzrə Alternativ Hesabatda problemin yayılmasına dair bəzi dəlillər verilmişdir.
Bu hesabata görə, dölün cinsinə görə selektiv abortların əksəriyyətinin səbəbi tibbi rəy
sənədlərində “dölün defektləri” (çatışmazlığı) kimi qeydə alınmışdır və hamiləliklərin 10
faizə qədəri hamiləliyin üçüncü trimestrində süni şəkildə dayandırılır (CWMW və SRI, 2013).
2001-ci ildə aparılmış Reproduktiv Sağlamlıq Sorğusunda (RSS) Azərbaycanda abortların
hamiləliyin hansı mərhələsində aparıldığına dair dəlillər göstərilmişdir. RSS-ə görə, abortların
demək olar ki, hamısı (90 faizi) dölün inkişafının birinci trimestrində həyata keçirilmişdir.
Lakin bu məsələ haqqında respondentlərin verdiyi məlumatlar bir qədər qərəzli olmuşdur,
belə ki, qeyri-müntəzəm aybaşı, hadisənin necə baş verdiyini xatırlama çətinlikləri və
dölün inkişafının qanuni vaxt limitindən kənar edilmiş abortlar haqda danışmaq niyyətinin
6-cı fəsil
61
olmaması. RSS-na görə, abortların, demək olar ki, yarısı (46 faizi) hamiləliyin 7-12-ci həftələri
arasında, 43 faizi 7-ci həftədən əvvəl və 11 faizi hamiləliyin sonrakı dövrlərində (13-cü həftə
və daha sonra) edilmişdir. Hamiləliyin sonrakı dövrlərində edilən abortlar haqda daha çox
kənd ərazilərində yaşayan qadınlar, orta ümumi təhsildən aşağı təhsili olan qadınlar və
yoxsul ailələrdən olan qadınlar məlumat vermişdir. Belə hallara əvvəllər bir və ya bundan
çox abort keçirmiş qadınlardan fərqli olaraq əsasən əvvəllər heç bir abort keçirməmiş
qadınlar arasında rast gəlinmişdir. (Serbanescu et al, 2003).
Dünyaya gələn uşaqların cinsə görə nisbətində qeyri-tarazlığı ləğv etmək üçün nə edilməli
olduğu haqda soruşduqda iştirakçıların təklifləri arasında ultrasəs müayinəsinin dölün
cinsinin müəyyən edilməsində istifadəsinə qadağa qoyulması və hətta abortlara qadağa
qoyulması fikirləri olmuşdur. Lakin bu texnologiyaların ana və uşaqların sağlamlığı üçün
vacibliyini nəzərə alaraq onlara qadağa qoymaq üçün güclü əsas yoxdur. Abort siyasəti
və proqramlarına dəyişikliklər edilməsi baxımından prioritet məsələ hamiləliyin sonrakı
dövrlərində abortlar ana və ya uşaq sağlamlığı üçün tələb olunmadığı təqdirdə belə
abortların qarşısının alınması məsələsi olmalıdır. Hamiləliyin daha gec dövrlərində abortları
azaltmaq cəhdləri kimi oğlan uşaqlarına üstünlük verilməsinin ləğvinə olan ehtiyac haqqında
məlumatlandırma işlərinin aparılması ola bilər
5
. Bu tədqiqat nəticəsində aşkar edilmişdir ki,
gəlir artırmaq məqsədilə “kommersiya” tipli abort həyata keçirməklə məşğul olan səhiyyə
içiləri var. Hamiləliyin daha gec dövrlərində abortların həyata keçirilməsi ilə məşğul olan
səhiyyə işçilərinə sanksiyaların tətbiqi dölün cinsinə görə selektiv abortların qarşısının
alınmasında səmərəli siyasət ola bilər.
6.2. Nəsilvermə və kontraseptiv üsullardan istifadə
1970-ci illərdə Azərbaycanda ümumi nəsilvermə əmsalı hər qadına 5 uşaq civarında idi.
1980-ci illərdə bu göstərici 4-ə, 1990-cı illərdə isə 3-ə enmişdir. 1990-cı illərdən sonra
hər qadına düşən uşaqların sayı 2.1-dən aşağı enmişdir ki, bu da əvəzolunma səviyyəsini
təşkil edir. Əhali qeydiyyat sistemindən məlumatlar göstərir ki, nəsilvermə son zamanlar
qalxan xəttlə inkişaf etmişdir. Buna baxmayaraq, ümumi nəsilvermə əmsalı ümumi abort
əmsalından daha aşağı olaraq qalmaqdadır ki, bu problem həm də Şərqi Avropa ölkələrində
və keçmiş sovet respublikalarında mövcuddur.
Kontraseptiv üsullar haqda biliklərin geniş yayılmasına baxmayaraq kontraseptiv vasitələr
Azərbaycanda ümumi şəkildə istifadə olunmur. 2011-cı ilin DSS sorğusu zamanı aşkar
edilmişdir ki, hazırda ailəli qadınların (97.2 faizi), demək olar ki, hamısı ən azı bir müasir
kontraseptiv üsul barədə xəbərdardır. Buna baxmayaraq, ailəli qadınların yarısı (54.9 faizi)
hər-hansı bir kontraseptiv üsuldan istifadə edir və yalnız 13.9 faizi müasir kontraseptiv
üsuldan istifadə edir. Kontraseptiv üsulların hər-hansı növündən istifadə edən qadınların
5
Nəzərə alına bilən digər siyasət prioriteti abortlarn əvəzinə kontraseptiv vasitələrdən istifadənin irəli çəkilməsi
ola bilərdi. Bu məsələ tədqiqatın bu hissəsinin növbəti bəndində nəzərdən keçirilmişdir.
Müvafiq siyasətin tənzimlənməsi