62
36.6 faizi uğursuzluq əmsalı yüksək olan yarımçıq cinsi əlaqə kimi ənənəvi üsullardan
istifadə edir. Ən geniş istifadə olunan müasir kontraseptiv üsul uşaqlıqdaxili vasitədir (UDV)
(yalnız 9 faiz).
Azərbaycanda kontraseptiv üsullardan istifadənin aşağı səviyyəsi ilə nəsilvermədə müşahidə
olunan aşağı səviyyə bir-birinə ziddir, buna səbəb isə kontraseptivlərin əvəzinə təcrübədə
abortların geniş vüsət almasıdır. Bu tədqiqat zamanı aparılmış və məsələnin keyfiyyət
cəhətdən araşdırılmasına yönəldilmiş intervyular nəticəsində məlum olmuşdur ki, müsahibə
verənlərin hamısı kontraseptivlərin istifadəsinə müsbət yanaşırlar, buna baxmayaraq, onlar
həm də müasir üsulların yan təsirləri və sağlamlıq məsələləri barədə narahatlıqlarını qeyd
etmişlər. Kontraseptiv üsulların, xüsusən də müasir üsulların belə məhdud olması faktının
abort xidmətlərinin asan əldə ediməsi ilə əlaqəsi ola bilər.
Keyfiyyət üsulları ilə aparılan intervyular zamanı aşkar edilmişdir ki, nəsilvermə
göstəricilərinin aşağı səviyyədə olmasına digər səbəb gəlirin azlığı və yaşam xərclərini
ödəməkdə çətinliklərdir. Maliyyə çətinliklərinin artması nikah və uşaq doğumunu təxirə
salmağa gətirib çıxara bilər. İntervyular zamanı müxtəlif sosial-iqtisadi mənşəli respondentlər
məvaciblərin aşağı səviyyədə olmasını, yaşam xərclərinin yüksək olmasını və uşaqların,
xüsusən də qızların böyüdülməsində maddi çətinlikləri qeyd etmiş və bunları ailələrini əksər
hallarda iki uşaqla məhdudlaşdırmağın əsas səbəbləri kimi vurğulamışlar. Yaşlı iştirakçılkar
sovet sistemi üçün nostalgiya hissi keçirir və belə təklif edirlər ki, nəsilvermə səviyyəsini
qaldırmaq üçün ailə və uşaq imtiyazları və sosial yardımın digər formaları geri qaytarılsın.
Azərbaycanda oğlan uşaqlarına güclü üstünlük verilməsi faktına zəmin yaradan amil
azalmaqda olan nəsilvermə əmsalının yaratdığı ixtisar effektidir. İntervyular zamanı yaşlı
iştirakçılar qeyd etmişlər ki, ailə dəstək sistemləri onlara daha böyük ailələrə (4-5 uşaq) sahib
olmağa imkan vermişdir və onların həmin zamanlarda uşaqların cinsi barədə narahtlıqları
yox idi. Baxmayaraq ki, oğlan uşaqlarına üstünlük verilməsi mövcud idi, uşaqların cinsinə
görə nisbətində heç bir problem də yox idi, belə ki, ailələr təbii proseslər nəticəsində 4-5
uşağın içərisində 1-2 oğlan uşağına sahib ola bilirdi. Bu tədqiqatda iştirak etmiş daha gənc
iştirakçılar qeyd etmişlər ki, sosial-iqtisadi şərtlərə görə onlar daha az sayda, əsas etibarilə
iki uşqlarının olmasını və onlardan birinin oğlan olmasını istəyirlər. AzDSS-2011 sorğusu
göstərir ki, 20-24 yaş həddində gənc nəsil üçün uşaqların ideal sayı orta hesabla ikidən
bir qədər çoxdur. Daha kiçik ailələrin planlaşdırılması və oğlan uşaqlarına güclü üstünlük
verilməsi birlikdə uşaqların cinsini təyin edən reproduktiv texnologiyaların və abortların
istifadəsinə gətirib çıxara bilər.
İlk hamiləliklərdə edilən abortların əmsalı yalnız 1 faizdir, lakin bu əmsal ikinci hamiləlkilər
üçün 17 faizə, üçüncü hamiləliklər üçün 55 faizə və sonrakı hamiləliklər üçün 70 faizdən
yuxarı qalxır. Bu verilənlər onu göstərir ki, qadınlar arzu olunan sayda və arzu olunan
cinsdə uşaqlara nail olmaq vasitəsi kimi abortlara etibar edirlər və ailələrini kiçik saxlamağa
üstünlük verirlər. Bu məlumatlar keyfiyyət üsulları illə aparılan intervyuların tapıntıları/
nəticələri ilə uyğun gəlir, belə ki, qadınlar birinci hamiləlikdə dölün cinsindən asılı olmayaraq
6-cı fəsil
63
onu dünyaya gətirmək istəyir. Müsahibə verən qadınlar onu da qeyd etmişlər ki, birinci uşaq
oğlan olduğu təqdirdə ikinci uşağın cinsinin fərqi yoxdur, lakin əgər birinci uşaq qızdırsa
onlar ikinci uşağın cinsini müəyyən etmək üçün ultrasəs müayinəsindən istifadə edirlər və
çox hallarda bu, yenə qızdırsa abort etdirirlər. Bu tapıntılar nəsilvermə əmsalının düşməsi ilə
dölün cinsinə görə selektiv abortların mümkünlüyü arasında sıx əlaqəni göstərir.
Bu problemləri həll etmək üçün üç siyasət prioriteti tövsiyə olunur. Birincisi müasir
kontraseptiv üsulların istifadəsini artırmaqdır. Bu sahədə məlumatlandırma səviyyəsi,
xüsusən də gənc nəsil arasında artıq yüksəkdir və bu tədqiqat zamanı müsahibə verən
həkimlərin vurğuladığı kimi, uşaqlıqdaxili vasitələr (UDV), həblər və kondomlar kimi
kontraseptivlər Azərbaycanda mövcuddur və əldə edilməsi asandır. Həmçinin müsahibə
vermiş gənc kişi və qadınların heç biri müasir kontraseptiv üsullardan istifadə etmək
istəmədiyini qeyd etməmişdir. Bəs onda kontraseptiv üsulların istifadəsinin üstünlük təşkil
etməsinin qarşısını alan nədir? Azərbaycanda reproduktiv sağlamlıq siyasətinin “tələbat
əsaslı” olmaqdan daha çox “təminata yönəlmiş” olması xarakterikdir. Təminata yönəlmiş
siyasət kontraseptiv üsul və vasitələrin “mövcudluğunu və asan əldə edilməsini” təmin
etməyi nəzərdə tutur, tələbat əsaslı siyasət isə bundan daha irəli gedərək cütlükləri
müasir kontraseptiv üsullardan istifadə etməyə həvəsləndirmək məqsədi daşıyır, bunun
üçün “məlumatlılığı artırmaq” və kontraseptiv üsullara tələbat yaratmaq məqsədilə qeyri-
rəsmi və rəsmi təlim proseslərindən və mediadan istifadə olunur. Tələbat əsaslı siyasətin
başlıca vəzifəsi müxtəlif növ kontraseptiv vasitələrin əldə edilməsinə şərait yaradaraq
cütlüklərin onlara ən çox uyğun olan kontraseptiv üsulu məlumatlı olaraq seçdiklərini yəqin
etməkdir. Bu baxımdan tələbat əsaslı siyasətin ən vacib aspekti cütlüklərə onlara ən çox
münasib olan üsulun seçilməsində kömək etmək məqsədilə milli ailə planlaşdırılması üzrə
məsləhət sisteminin həyata keçirilməsi və irəli çəkilməsidir. Kontraseptiv vasitələr və onların
əldə edilməsinə şərait yaradan təminata yönəlmiş siyasətə əlavə olaraq seçim zamanı
məlumatlandırma vasitəsilə onların istifadəsini dəstəkləmək məqsədilə tələbat əsaslı
qaydaların həyata keçirilməsi də zəruri siyasət prioritetidir.
İkinci siyasət tədbiri nəsilvermə səviyyəsini artırmaq və ya onu saxlamaq üçün stimul vermək
ola bilər. Ailə imtiyazları, uşaq imtiyazları, habelə sosial imtiyazlar sistemi cütlükləri daha çox
uşaqları olmağa həvəsləndirə və ya oğlan uşaqlarına üstünlük verilməsini zəiflədə bilər.
Demoqrafik göstəricilərdən aydın olur ki, 15-49 yaş həddində həm kişi həm də qadınlar üçün
ailədə uşaqların ideal sayı iki və ya üçdür. Stimullaşdırıcı mexanizmlər nəsilverməni artıra
bilər və beləliklə də dölün cinsinə görə selektiv abortların sayını və oğlan uşağına üstünlük
verilməsini azalda bilər. Yüksək nəsilvermə ilə uşaq qayğı mexanizmlərini (uşaq, analıq və
ailə imtiyazları, gündəlik uşaq xərclərinin ödənilməsi, analıq və atalıq məzuniyyətlərinin
uzadılması və s.) təklif etmək faydalı ola bilər. Belə mexanizmlər valideynləri uşağa qayğının
ən azı bəzi ağırlıqlarından azad edə bilər və uşaq böyütməkdə rast gəlinən və daha çox oğlan
uşaqlarına üstünlük verilməsinə stimul verən problemləri həll edə bilər (“qız uşaqlarının
qayğısına qalmaq və onları böyütmək həddən artıq çətindir”).
Azərbaycan Respublikasının Konstitusiyasına görə (Maddə 41) hər vətəndaşın sağlamlığını
Müvafiq siyasətin tənzimlənməsi