43
Sənayenin ümumi buraxılışı sənaye müəssisələrinin, iqtisadiyyatın başqa
sahələrinin sənaye bölmələri və habelə ev təsərrüfatlarının sənaye xarakterli fəaliyyət
sahələrinin məhsullarını əhatə edir.
Fərdi istehlak üçün istifadəsi nəzərdə tutulan əmtəələr və xidmətlər istehsal
olunan vaxtı uçota alınmalıdırlar. Əmtəələr və xidmətlər bazarda satılacaqları halda
alıcıya təklif ediləcəkləri əsas qiymətlərlə qiymətləndirilirlər. Onları bu yolla
müəyyən etmək üçün eyni növdən olan əmtəələr və xidmətlər bazarda kifayət
miqdarda satılmalı və alınmalıdır ki, onlara əsasən etibarlı bazar qiymətlərini
hesablamaq mümkün olsun. Etibarlı bazar qiymətləri əldə etmək mümkün olmadığı
halda bir qədər qeyri-mükəmməl üsuldan istifadə olunur. Belə halda öz fərdi istehlakı
üçün istehsal olunmuş əmtəə və xidmətlərin dəyəri şərti olaraq onların istehsalına
çəkilən məsrəflərin dəyərinin cəminə bərabər götürülür. Belə məsrəflərə isə aşağıdakı
ünsürlərin dəyərləri daxildir:
1. Aralıq istehlak;
2. Fəhlə və qulluqçulara kompensasiyalar;
3. Əsas kapitalın istehlakı;
4. İstehsal prosesi dövründə ödənilən bütün növ vergilər (subsidiyaları
çıxmaqla).
Yuxarıda qeyd edildiyi kimi, bir çox əmtəələr və xidmətlər öz istehsalını başa
vurduqda uçota alınır. Lakin məhsul vahidinin istehsalı uzun müddətə başa gələrsə
onu fasiləsiz istehsal edilən məhsul hesab etməklə bitməmiş və ya başa çatmamış
istehsal adlandırırlar. Məsələn, istehsalı aylar və illər tələb edən (gəmi, təyyarə və s.)
məhsullar belələrinə aiddir. Belə məhsullar iki və daha çox hesabat dövrünü əhatə
etdiyinə görə hər bir dövr ərzində istehsal olunmuş məhsulun dəyəri müəyyən
edilməlidir. Əmtəələr və ya xidmətlər yalnız istehlakçılara göndərməyə hazır olduqda
hazır məhsul hesab edilir.
Bitməmiş istehsal qalığı isə konkret hesabat dövründə satışa hazır olmur, lakin
o müəyyən vaxt ərzində satışa yararlı məhsula çevrilə bilər. Bitməmiş işlərin
44
(istehsalın) dövrün sonuna qalığı balans yolu ilə müəyyən edilir və bu qalıq həm də
gələn dövrün əvvəlinə olan qalığın həcmini göstərir.
MHS-də başa çatmamış işlərin dəyəri istehsalçılarda saxlanılan məhsul
ehtiyatlarının komponentlərindən biri kimi nəzərdən keçirilir. Lakin, uzun müddət
istifadə edilən istehsalı qismən başa çatmış əmtəələrlə (körpülər, tunellər, bəndlər və
s. iri qurğular) əsas kapitalın ümumi əlavə artımı arasındakı sərhəddi dəqiq müəyyən
etmək həmişə çətin olur.
İstehsal prosesi uzun müddət (bir neçə ay, rüb, il) davam edən sahələrdə
buraxılmış məhsulun dəyəri həmin dövrlərdə çəkilən xərcə mütənasib olaraq hazır
məhsulun dəyərinə bölmək yolu ilə müəyyən edilir. Bundan ötəri korporasiya
edilmiş firmalarla korporasiya edilməmiş firmaları fərqləndirmək lazımdır.
Korporasiyalaşmış müəssisələrdə məhsulun bölüşdürülməsi muzdlu işçilərə verilən
əmək haqqlarını da daxil etməklə çəkilmiş real istehsal xərclərinə mütənasib olaraq
aparılır.
Korporasiya
edilməmiş
firmalarda
buraxılmış
hazır
məhsulun
bölüşdürülməsi aşağıdakı kimi aparılır: əvvəlcə real xərclər (toxuma, yanacağa və s.)
baş verdiyi dövrlər üzrə bölüşdürülür. Sonradan buraxılmış hazır məhsulun qalıq
dəyəri (yəni satılan qarışıq gəlir) sahibkarın əvəzi ödənilməyən iş saatlarının sayına
bölünür. Bundan ötəri müxtəlif dövrlərdə yerinə yetirilmiş işlərin təqribi həcmini
hesablamaq kifayətdir.
Hazır məhsulun dəyəri aşağıdakı dəyərləri cəmləməklə müəyyən edilir:
1. Cari və əsas qiymətlərlə satılmış və ya dəyişdirilmiş hazır məhsulun dəyəri;
2. Cari və əsas qiymətlərlə ehtiyata daxil olan hazır məhsulun dəyərindən
ehtiyatdan götürülən dəyərin fərqi;
3. Cari və əsas qiymətlərlə istehsalçı tərəfindən istehlak edilən hazır məhsulların
dəyəri.
Əgər istehsal edilmiş hazır məhsulun dəyəri yarımfabrikat kimi bölüşdürülürsə
bitməmiş istehsal qalığının dəyişməsi də nəzərə alınmalıdır. Əks təqdirdə istehsal
olunmuş məhsulun təkrar uçotu baş verə bilər. Bitməmiş istehsalın azalması satışın
həcmini də azaldır.
45
Əgər bütün istehsal prosesi bir hesabat dövrü (məsələn, il) ərzində başa çatarsa
buraxılmış məhsulu yuxarıda təsvir olunan qaydada bölməyə ehtiyac qalmır. Lakin
hesabat dövrü istehsal prosesinin başa çatmasından tez baş verərsə və ya aralıq
mərhələlri (ay, rüb) üzrə hesabat tərtib etmək lazım gələrsə hazır məhsulun dəyərini
bitməmiş istehsal kimi bölüşdürmək lazımdır.
Bəzi başqa sahələrdə olduğu kimi, kənd təsərrüfatında da istehsal prosesi başa
çatmadan bitməmiş istehsalı qiymətləndirmək lazım gəlir. Belə halda başa çatmamış
istehsalın dəyəri əvvəlcədən real çəkilmiş xərclərə görə müəyyən edilir. Şərti
qiymətləndirilmiş operativ mənfəətin və onlara bərabər tutulan gəlirlərin dəyəri onun
üzərinə əlavə edilir.
Satılmış əmtəələrin dəyəri əmtəənin hansı məqsəd üçün satılmasından asılı
olaraq müəyyən edilir. Korporasiya edilməmiş müəssisələrin sahiblərinin öz son
istehlakı və götürdükləri muzdlu işçilərə natura şəklində verdikləri əmtəələrin dəyəri
cari son istehlak qiyməti ilə qiymətləndirilir. Belə halda ticarət mənfəəti sıfra bərabər
olur.
ÜDM-un və ümumi buraxılışın hesablanmasının dəqiqliyi həm də aralıq
istehlakın düzgün hesablanmasından asılıdır. BMT-nin tövsiyyə etdiyi sonuncu
MHS-də aralıq istehlak müəyyən dövrdə əmtəə və ya xidmətlər istehsal etmək üçün
istifadə olunmuş məhsul (əsas fondlar istisna olmaqla) və bazar xidmətlərinin
dəyəridir. Bu isə o deməkdir ki, aralıq istehlak cari ildə əmtəə və xidmətlər
istehsalının ümumi buraxılışı ilə əlaqədar başqa əmtəə və xidmətlərin istehlakını,
daha doğrusu, maddiləşmiş əmək məsərflərini əks etdirən göstəricidir.
Aralıq istehlaka aşağıdakı ünsürlər daxil edilir:
1. Maddi məsrəflər (məhsullar və maddi xidmətlər);
2. Qeyri-maddi xidmətlər;
3. Ezamiyyə xərcləri (yol pulu və mehmanxana xidmətinin ödənilməsi);
4. Aralıq istehlakın sair ünsürləri.
Aralıq istehlakın hesablanmasının əsasını maddi məsrəflərin müəyyən edilməsi
təşkil edir. Beynəlxalq statistikada və Azərbaycan Respublikasının DSK-də maddi
Dostları ilə paylaş: |