KONFRANS VƏ SƏRGİLƏR
Təhsildə İKT
172
sərgisində İsveçrə tərəfindən Mehmanxana İşinin İdarə Olunması üzrə ali məktəb təqdim
olundu. Hazırda əlavə peşəkar bacarıqların əldə edilməsi imkanını təmin edən şirkətlərin rolu
artmaqdadır. Bununla əlaqədar ilk dəfə olaraq sərgidə bugünkü əmək bazarının müasir
tələblərinə uyğunlaşmaq üçün konsaltinq, treninq və seminarlar təklif edən şirkət iştirak etdi.
Bu ilin daha bir fərqli məqamı fəal, işgüzar, intellektual və əyləncəli proqramın
olmasıdır. Üç gün ərzində "onlayn" rejimində tədris proqramları, treninqlər, kurslar
keçiriləcək. Aparıcı mütəxəssislər tərəfindən "Təqdimat bacarıqlan" mövzusuna həsr olunmuş
təkmilləşdirmə məşğələləri keçirildi. Burada təqdimat mərasimlərinin və ya çıxışların
hazırlanması və keçirilməsi texnologiyası ilə tanışlıq oldu. Həmçinin, "Karyeranın
planlaşdırılması" adlı təkmilləşdirmə məşğələlərində şəxsi karyeranın planlaşdırılması üzrə
nəzəri biliklər və lazımı bacarıqların təqdim edilməsindən bəhs olundu. Sərgi çərçivəsində
bədii təfəkkürü və yaradıcılığı inkişaf etdirən yapon intellektual oyunlar və tapmacalar üzrə
müsabiqə də keçirildi. Müsabiqənin nəticələrinə əsasən mükafatlar təqdim olundu.
Sərgi təşkilatçıları "Uşaq İlinə" həsr olunmuş tədbirlər planını gerçəkləşdirməklə
"Təhsil və Karyera" sərgisində uşaq evləri və internatlar üçün kitab yığımı üzrə "Kitab
hədiyyə et!" adlı xeyriyyə aksiyasını da keçirdilər. Öz sahiblərinin xeyri naminə xidmət
göstərmiş kitabların uşaq evləri və internatların kitabxanalarında ikinci həyatlarını yaşamaq
şansları var. "Kitab hədiyyə et!" aksiyasında iştirak etmək istəyən bütün şəxslər öz kitablarını
10-12 sentyabr tarixlərində keçirilən "Təhsil və Karyera" sərgisinə, təşkilatçıların stendinə
gətirə bildilər. Uşaq evləri və internatların kitabxanalarına hədiyyə edilmiş kitablar uşaqlara
sevinc və bol təəssüratlar bəxş etməklə yanaşı, həm də valideynsiz qalmış uşaqlara fayda
verməklə ikinci dəfə həyata vəsiqə qazandılar.
İşəgötürən, təhsil müəssisələri və gənclər arasında dialoqun inkişafı üçün platforma
yaratmaq -Azərbaycan Beynəlxalq Təhsil və Karyera sərgisinin əsas məqsədidir. Sözügedən
sərgi regionda gənclərin yerli və beynəlxalq təhsilin inkişafı haqqında məlumatlandırılmasına
yönəlmiş oxşar tədbirlər ilə müqayisədə ən iri tədbir sayılır. Belə ki, sərgi mədəni mübadilə
proqramları, Azərbaycanda və xaricdə təhsil və iş imkanları haqqında hərtərəfli məlumat
təqdim edir. Bundan əlavə, bu sərgi öz ziyarətçilərinə kadrlar axtaran şirkətlərin korporativ
"ruhunu" hiss etməyə, hal-hazırda hansı ixtisaslara daha çox tələbatın olduğunu öyrənməyə
yardım edəcək.
BEYNƏLXALQ TƏCRÜBƏ
Təhsildə İKT
173
BAKI DÖVLƏT UNİVERSİTETİ BOLONİYA DEKLARASİYASININ PRİNSİPLƏRİNƏ
MÜVAFİQ “VİRTUAL UNİVERSİTET” LAYİHƏSİNİ REALLAŞDIRDI
S. Həsənova, F.Quliyev
Lahiyənin icraçıları
Azərbaycan Boloniya Deklorasiyasını imzaladıqdan sonra qarşıda duran əsas məsələ bu
vacib sənəd çərçivəsində təhsil sistemini avropa standartlarına uyğunlaşdırmaqdır. Bununla
əlaqədar olaraq artıq bir neçə ildir ki, Boloniya Deklorasiyasının tələblərinə cavab verən
standartların tətbiqinə dair sistemli iş aparılır. Bu faktorlardan biri tədrisin keyfiyyətini
yüksəltmək üçün təhsil sistemində köməkçi vasitə kimi informasiya-komunikasiya
texnologiyalarının tətbiqidir. Bununla əlaqədar olaraq ali təhsildə İKT-nın tətbiqilə və “Virtual
Universitet” konsepsiyasının reallaşdırılmasıyla bağlı böyük proses başladı. Bu istiqamətdə ilk
dəfə “yaşıl işığı” Azərbaycanın qocaman universiteti olan Bakı Dövlət Universiteti “yandırdı”.
2008-ci ildə universitetin bütün 16 fakültəsində “Virtual Universitet”in kompleks şəkildə
tətbiqilə əlaqədar olaraq 8 ay müddətində bir layihə reallaşdırıldı. Layihə Avropa Birliyinin
“Cənubi Qafqazda Elektron Cəmiyyətin İnkişafı” layihəsi çərçivəsində AzRENA, Bakı Dövlət
Universiteti və Almaniyanın IMC AG şirkətinin birgə səyləri nəticəsində yaradilmiş Elektron
Tədris Mərkəzində (ETM) həyata keçirilmişdir.
“Virtual Universitet” tədrisdə baş verən bütün prosesləri qismən, bəzən də tamamilə
virtual mühitə köçürür: məsələn, elektron materialların dövriyyəsini, yeniliklərin nəşrini
(yayılmasını), tələbələr arasında ünsiyyəti, müəllimlər və tələbələr arasında fərdi ünsiyyəti və c.
Qərbin müasir universitetlərinin hamısında “Virtual Universitet” aktiv şəkildə tətbiq edilir. Daha
doğrusu müasir tədris prosesini “Virtual Universitet”siz təsəvvür etmək mümkün deyildir.
“Virtual Universitet” tələbələrə təqdim olunan lazımi və vacib xidmətlərin siyahısına uğurla
daxil olmuşdur. Müasir universiteti kitabxana, idman kompleksi, oxu zalları, laboratoriyalar, və
s. atributlarsız təsəvvür etmədiyimiz kimi, “Virtual Universitet”siz də təsəvvür etmək mümkün
deyildir. “Virtual Universitet”ə daxil olmaq üçün tələbəyə verilmiş login və parol tələbə bileti ilə
eyni xarakter daşıyır.
Bakı Dövlət Universitetinin “Virtual Universitet”i qapalı xarakter daşıyır və bu virtual
mühitə
http://eu.bsu.az
linki vasitəsilə daxil olmaq olar. Bu isə o deməkdir ki, giriş yalnız tədris
prosesinin iştirakçıları: rəhbərlik, müəllimlər və tələbələr üçündür. Bu tədris olunan fənlərin
elektron materiallarının tələbələr arasında yayılması üçün digər universitetlərin tutduğu yoldan
(universitetin korporativ saytında yerləşdirməsindən) fərqli olaraq yeganə düzgün həlldir. Başqa
sözlə, elektron materialların açıq vəziyyətdə yerləşdirilməsi nəinki digər iştirakçılara istifadə
imkanı verir, həmçinin bu müəllimlərin hüquqlarının qorunmasında etik normalara cavab vermir.
BEYNƏLXALQ TƏCRÜBƏ
Təhsildə İKT
174
“Virtual Universitet”in proqram təminatının digər vacib xüsusiyyətlərindən biri də hər bir
tələbəyə hal-hazırda hansı fənnlər tədris olunursa, ancaq həmin fənnlərə giriş imkanı
qazandırmasıdır. Bu isə virtual mühitdə xaos yaratmır, əksinə naviqasiyanı sadələşdirir. Bundan
başqa “Virtual Universitet” informasiyaların yayılması üçün xəbərlər sütunu kimi güclü alətə
malikdir. Xəbərlər sütununda yerləşdirilmiş elan 24 saat müddətində tələbələrin 95%-ni əhatə
edir. “Virtual Universitet”in istifadəçilərinin ünsiyyət qurması üçün geniş imkanları (forum, çat,
e-mail, daxili fərdi mesajlaşma) vardır. Bu ünsiyyətlərin köməyilə “Virtual Universitet”
universitet həyatında baş verən bütün proseslərin keyfiyyət indikatoru rolunu oynayır. Həmçinin
tələbələr forumlarda müəllimlərin elmi fəaliyyətlərini aktiv şəkildə müzakitə edirlər. Bu isə
gələcək nəsil tələbələrin müəllim seçimi üçün baza rolunu oynayır. Qeyd edək ki,
universitetlərdə tədris prosesinin qurulması üçün Boloniya Deklorasiyasında belə yaxınlaşma
nəzərdə tutulur və bu müəllimlər arasında sağlam rəqabət mühiti yaradır. Hal-hazırda 8000-ə
yaxın tələbə “Virtual Universitet”də qeydiyyatdan keçirilmişdir. Yeni tətbiq olunmasına
baxmayaraq gün ərzində istifadəçilərin orta statistik sayı 900-ə çatmışdır ki, bu da böyük oxu
zalının istifadəçilərinin sayıyla müqayisə ediləcək səviyyədədir. Bundan başqa saytda 1000-dən
artıq fənn üzrə 12000-ə yaxın elektron mühazirə mətni yerləşdirilmişdir.
Layihənin əsas nəticələrindən biri də multimedia kurslarının hazırlanmasıdır. Multimedia
kursları Lecturnity proqram təminatının köməyilə yaradılmışdır. Bu proqram təminatı ənənəvi
auditoriya dərslərinin güclü tərəflərini özundə saxlamaqla yanaşı, təqdimatların yeni funksional
imkanları ilə tədris prosesinin effektini hiss olunacaq dərəcədə artırır. Mütəxəssislərin fikrincə,
multimedia kursları ənənəvi tədrisə əlavə keyfiyyət gətirir və tələbələrin elektron materialları
sistemli mənimsəməsinə imkan verir. “Virtual Universitet”in administrativ idarəsi üçün Elektron
Tədris Mərkəzinə 2008-ci ildə 50 nəfər tyutorliga namizəd dəvət edilmişdir. Tyutor –
Universitetdə tamamilə yeni vəzifədir və tələbələrin akademik məsləhətçisi adlanır.
Diqqətəlayiqdir ki, 38 nəfər namizəd imtahanları müvəffəqiyyətlə verərək uyğun sertifikatlar
əldə etmişlər. 2009-cu ildə bu proseslər həm BDU-nin özündə, həm də BDU vasitəsilə digər
universitetlərdə (APYDIA, ADNA) aparılmağa başlamışdır.
Elektron Tədris Mərkəzi
Layihə bitdikdən sonra mərkəz analoji işləri BDU ilə yanaşı digər universitetlərlə də
aparmağa başlamışıdır. Mərkəzdə uyğun sahə üzrə ABŞ-da sertifikat almış, elektron və distant
təhsil üzrə mütəxəssislər çalışırlar. Mərkəz informasiya texnologiyalarının yeni imkanlarının
tətbiqilə yanaşı, tədrisin idarəedilməsi sisteminin (LMS) tətbiqilə də məşğul olur. Proqram
təminatı və müasir texniki avadanlıqlar “Cənubi Qafqazda Elektron Cəmiyyətin İnkişafı”
layihəsi çərçivəsində gətirilmişdir. Mərkəzin məqsədi Boloniya Deklorasiyası prinsiplərinin
tətbiqində Azərbaycanın bütün ali məktəblərinə köməklik etməkdir. Mərkəz həmçinin
BEYNƏLXALQ TƏCRÜBƏ
Təhsildə İKT
175
multimedia kurslarının yazılması və hazırlanması, virtual mühitdə tədris prosesinin
idarəedilməsi, videokonfransların keçirilməsi, audiokitabların yaradılması, xüsusi treninqlərin
keçirilməsi və s. imkanlarına da malikdir.
BEYNƏLXALQ TƏCRÜBƏ
Təhsildə İKT
176
BSİ LAYİHƏSİ HAQQINDA
Ə.İ.Əliyev
Lahiyənin Azərbaycan üzrə rəhbəri
3 mart 2008-ci il tarixdə start götürmüş Qara Dəniz Beynəlxalq Əlaqə (Black Sea
Interconnection- BSI) layihəsi çərçivəsində Cənubi Qafqaz ölkəkləri arasında regional tədqiqat
və təhsil şəbəkəsini yaradılacaq və onların nəhəng Avropa tədqiqat şəbəkəsinə- GÉANT2-yə
qoşulmasına zəmin yaradacaq. Bu layihə regionda ən böyük layihə olaraq Qafqaz ölkələri
tədqiqatçılarının Avropa ölkələrində elmi-tədqiqat və təhsil sahəsində aparılan işlərdə yaxından
iştirak etməsinə imkan yaradacaq. Qeyd edək ki, Avropa Komissiyası 7-ci Çərçivə Proqramı
sayəsində BSI layihəsinə 1.4 mln evro ayırmışdır.
BSI layihəsi çərçivəsində rəqəmsal fərqin aradan qaldırılması məqsədilə Cənubi Qafqaz
ölkələrindəki GRENA (Gürcüstan), AzRENA(Azərbaycan) kimi Milli Tədqiqat və Təhsil
Şəbəkələri bazasında yüksək sürətli baza şəbəkəsi yaradılaraq onun Avropa GEANT2 şəbəkəsinə
qoşulmasıyla Cənubi Qafqaz və Avropa arasında rəqəmsal körpü yaradılacaq.
Türkiyə Milli Tədqiqat və Təhsil Şəbəkəsi - TÜBİTAK-ULAKBİM Qara Dəniz
Beynəlxalq Əlaqə layihəsinin işini koordinasiya edir. Bu, Türkiyə tərəfindən Çərçivə
Proqramlarında koordinasiya edilən ən böyük və ən möhtəşəm layihədir.
BSI layihəsi Cənub-Qərbi Avropada əldə olunan möhtəşəm nəticələrdən qaynaqlanaraq,
Qara Dəniz hövzəsi və Avropa Ölkələri arasında rəqəmsal fərqləri azaltmağı qarşısına məqsəd
qoymuşdur. Bu layihənin məqsədi yalnız qlobal səviyyədə alimlərlə əməkdaşlıq etməkdən ibarət
deyil, həm də tibb, təhsil, meteorologiya kimi sahələrə əhəmiyyətli dərəcədə təsiri olan müasir
onlayn xidmətləri ilə təchiz etməkdən ibarətdir. Bu hər iki tərəfin tədqiqatçıları və bütün əhali
üçün böyük əhəmiyyət kəsb edəcəkdir.
Baza regional şəbəkəsi vasitəsilə GEANT2-yə yüsək sürətli qoşulma Cənubi Qafqazla
qarşılıqlı əlaqə yaradılaraq Avropadakı yeni xidmətlərin regiona təqdim olunmasını mümkün
edir, bu isə Qafqaz elmi potensialının Avropada və bütün dünyada tanınması istiqamətində atılan
mühüm addımdır. Bu, bütün dünyada böyük layihələrlə əməkdaşlığı mümkün etməklə Cənubi
Qafqaz Ölkələri və Avropa arasında rəqəmsal fərqi aradan qaldırır.
Qara Dəniz Beynəlxalq Əlaqə layihəsi, Qara Dəniz İqtisadi Birliyinin məqsədlərini
həyata keçirmək üçün əvəzolunmaz imkandır. Bu, GEANT2 şəbəkəsinin köməyilə Qara Dəniz
İqtisadi Birliyinin ən ümdə təcrübələrini bölüşmək və bütün ölkələrin ümumi maraqları
çərçivəsində olan birgə layihələri öhdəsinə götürməklə Qara Dəniz İqtisadi Birliyinə üzv
dövlətlərlə hövzə dövlətləri arasında elmi və texniki əməkdaşlığı inkişaf etdirəcəkdir.
BEYNƏLXALQ TƏCRÜBƏ
Təhsildə İKT
177
NİG HAQQINDA
E.R.Əliyev
Lahiyənin Azərbaycan üzrə rəhbəri
Azərbayсan Milli Elmlər Akademiyasının və Təhsil Nazirliyinin bir sıra aparıсı elm və
tədris müəssisələrinin təsisçiliyi ilə 2000-сi ilin avqust ayında «Azərbayсan Elmi-Tədqiqat və
Təhsil Şəbəkələri Assosiyası» -AzRENA (Azerbaijan Research & Education Network
Association) İсtimai Birliyi yaradıldı.
AzRENA yarandığı gündən respublikada elm və təhsil müəssisələrində yeni kompüter
şəbəkələrinin layihələndirilməsi, fəaliyyət göstərən kompüter şəbəkələrinin infrastrukturunun
genişləndirilməsi və onların qlobal İNTERNET şəbəkəsinə qoşulması istiqamətində
məqsədyönlü fəaliyyət göstərməyə başladı. Bunlara misal olaraq AMEA-nın bir çox
institutlarında, Təhsil Nazirliyinin 17 Universitetində (Bakı Dövlət Universiteti, Azərbaycan
Dövlət İqtisad Universiteti, Azərbaycan Texniki Universiteti, Azərbaycan Memarlıq və İnşaat
Universiteti, Azərbaycan Dillər Universiteti, Azərbaycan Neft Akademiyası və s.)
layihələndirilmiş və istismara verilmiş kompüter şəbəkələrini göstərmək olar. Bu kompüter
şəbəkələri hal-hazırda AzRENA çərçivəsində bir-biri ilə birləşərək böyük infrastruktur əmələ
gətirmişlər.
Layihənin struktur sxemi
Azərbayсan daxilində elm və tədris müəssisələrində şəbəkə infrastrukturunun yaradılması
və bu şəbəkənin Beynəlxalq Internet şəbəkəsinə qoşulmasında AzRENA əsas etibarilə əlqə
BEYNƏLXALQ TƏCRÜBƏ
Təhsildə İKT
178
kanalı kimi mis naqilli kabellərdən istifadə etmişdir ki, bu da yüksək sürətli və keyfiyyətli
informasiya mübadiləsi aparmağa imkan yaratmır.
Bu problemi həll etmək üçün AzRENA yüksək sürətli əlaqə kanalına goşulmaları
məqsədilə Bakı şəhərində 11 Universitetin uyğun ATS-lərlə optik kabellə birləşdirilməsi üçün
layihə tərtib etmişdir. Həmin layihənin maliyyələşdirilməsinə grant ayrılması üçün 2008-ci ilin
dekabr ayında NATO-nun Elm Komitəsinə müraciət olunmuş və 2009-cu ilin iyun ayında qrant
udulmuşdur.
Bu qrantın maliyyələşdirilməsi üçün NATO 139000 Evro məbləğində pul ayırmışdır.
Dövlət qeydiyyatı:
«Təhsildə İKT» elmi-metodiki jurnalı11.12.2008-ci ildə Аzərbaycan Рespublikası Ədliyyə Nazirliyində Mətbu
nəşrlərin dövlət qeydiyyatı reyestrinə daxil edimişdir.
Qeydiyyat: № 2764
Təhsildə İKT
179
Baş redaktor:
prof. A.R.Buniyatov
Redaksiya Heyəti:
R.R Abdurazaqov
Azərbaycan Dövlət Pedaqoji Universiteti
pedaqoji elmlər namizədi, dosent.
İ.N.İsmayılov
Azərbaycan Dövlət Pedaqoji Universiteti
pedaqoji elmlər namizədi, dosent.
Z.Ə.Tağıyeva
Azərbaycan Dövlət Pedaqoji Universiteti
fizika-riyaziyyat elmləri namizədi, dosent.
Ə.Q.Pələngov
Azərbaycan Dövlət Pedaqoji Universiteti
pedaqoji elmlər namizədi, dosent.
F.M.Mustafazadə
Azərbaycan Dövlət Pedaqoji Universiteti
texniki elmlər namizədi, dosent.
məsul katib: E.V.Seyidzadə
Qafqaz Universiteti
baş müəllim.
Çapa imzalanmış 19.05.2009-cu il
Kagız formatı 60x84 1/16, çap vərəqi 8
Sifariş 121, sayı 100
ADPU-nun mətbəəsi
Bakı, Ü.Hacıbəyov küçəsi, 34
Tel: 493-74-10
Dostları ilə paylaş: |