KOMPÜTER-TƏLİM TEXNOLOGİYALARI
Təhsildə İKT
169
«neyron şəbəkəsinin» xüsusiləşmiş kompüter proqramı olduğunu, «neyronların» isə yalnız
insanların kompüterlə ünsiyyəti zamanı istifadə edilən vasitə olma mənasını ifadə etmək üçün
istifadə edilir.
Modelin əsasını sadə baza elementləri təşkil edir. Onlar arasında əlaqənin, rabitənin
olması mühüm şərtdir və belə təsvir mühəndis və iqtisadçılara onların yaxşı tanış olduqları
blok-sxemi xatırladır. Neyronların hər biri verilmiş vəziyyətlər çoxluğunun yalnız bir
vəziyyətində ola bildiyi, hər neyronun yalnız şəbəkə üzrə öz yaxın qonşusundan impuls ala,
vəziyyətini dəyişə və özünün də impuls göndərə, yaya bildiyi şərtləşilir. Belə təsvir
neyronların vəziyyətlər çoxluğunun dəyişən olmasını ifadə edir. Bu isə iqtisadi ölçmə
hesablamalarının aparılmasına müvafiqdir.
Adətən neyronların əsasən iki-üç saydaşı birləşərək lay, təbəqə əmələ gətirirlər. Onlar
arasında giriş və çıxış layları fərqləndirilir. Hər hansı məsələnin həllindən əvvəl tənzimləmə,
nizamlanma aparılır. Belə ki, əvvəlcə neyronlar arasında həll ediləcək məsələyə uyğun rabitə,
əlaqə yaradılır. Bundan sonra təlim aparılır, yəni neyronlar şəbəkəsindən elementləri üçün
hesablama nəticələri artıq məlum olan “öyrədən seçmələrə” baxılır (nəzərdən keçirilir).
Bundan sonra son mərhələdə, şəbəkə parametrlərinin şəbəkənin çıxışında alına biləcək
göstəricilərin nəzərdə tutulmuş kəmiyyət göstəricilərinə maksimal uyğunluğunu təmin edəcək
modifikasiya həyata keçirilir.
Qeyd edək ki, neyron şəbəkələri digər uyğunlaşan iqtisadi metrik sistemlərlə
müqayisədə üstünlük təşkil etməsə də onlar qavrayış üçün daha sadə sistemlər hesab
olunurlar.
Məlumat üçün bildirək ki, təsvir edilən neyron şəbəkələri və «adi» reqressiv tənliklər
sistemi modelləri arasında aralıq mövqe tutan modellərdən də istifadə edilir. Belə modellərdə
iqtisadi amillərin əlaqələndirilməsində istifadə edilən universal metodla yanaşı blok-
sxemlərdən istifadə olunur.
Nəzarətçilik zamanı qərarın qəbul edilməsində riyazi-kompüter təminatı üçün «Qeyri-
səlistlik nəzəriyyəsi»nin metodlarından istifadəyə geniş yer verilir. Bu elmi istiqamətin banisi
Lütfizadədir. O, qeyri-səlist çoxluqlar nəzəriyyəsini (insanın iştirak etdiyi sistemlərin)
humanistik sistem adlandırılan sistemlərin təhlili və modelləşdirilməsi məqsədilə istifadə
etmişdir. Onun tədqiqatlarında insan təfəkkürü elementlərinin ədədlərdən ibarət olmadığı
qəbul edilmişdir. Burada «mənsubluqdan», «qeyri-mənsubluğa» keçidin sıçrayışvari deyil,
kəsilməz icra edilən hər hansı qeyri-səlist çoxluğun və ya obyektlər sinfinin elementlərindən
ibarət olduğu şərtləşilir.
KOMPÜTER-TƏLİM TEXNOLOGİYALARI
Təhsildə İKT
170
Nəzarətçilik sahəsində çalışan ixtisasçı yüksək statistik texnologiyalara və iqtisadi
ölçmə nəzəriyyəsinə dair məlumatların təhlilini təmin edəcək çox saylı intellektual alətlərə
(vasitələrə) malik olmalıdır.
Bildirək ki, psixoloji testlərin aparılması nəticəsində alınan məlumatların tezlik təhlili
Abelson [3] tərəfindən aparılmışdır.
ƏDƏBİYYAT
1. Суппес П., Зинес Дж. Основы теории измерений // Психологические измерения.-M.: Mир,
1967.-с.9-110.
2. Орлов А.И. Устойчивость в социально-экономических моделях.-M.: Наука, 1979.-296 с.
3. Abelson. Spectral analysis and the study of indicidual differences. Ph. D. Thesis, Princeton
University. 1953.
KONFRANS VƏ SƏRGİLƏR
Təhsildə İKT
171
3-CÜ AZƏRBAYCAN BEYNƏLXALQ "TƏHSİL VƏ KARYERA" SƏRGİSİ
10-12 sentyabr tarixlərində Heydər Əliyev adına İdman və Konsert Kompleksində
Azərbaycan Respublikası Təhsil Nazirliyinin dəstəyi ilə 3-cü Azərbaycan Beynəlxalq "Təhsil
və Karyera" Sərgisi keçirildi. Həmçinin sərgiyə dəstək Azərbaycan Respublikası Gənclər və
İdman Nazirliyi və Ticarət və Sənaye Palatası tərəfindən verilir. "Iteca Caspian LLC" şirkəti
və onun tərəfdaşı "ITE Croup PLC" şirkəti sərginin təşkilatçıları qismində çıxış etdilər.
Bu il sərgi öz meydançasında dünyanın 12 ölkəsindən 53 təşkilatı/şirkəti bir araya
gətirdi; bu isə ötən ilki iştirakçıların sayından 25% daha çoxdur. Ümumilikdə ekspozisiya
sahəsi 30% artmışdır. Bu il çoxlu sayda yerli təşkilatların sərgidə iştirak etməsi də sevindirici
bir haldır - onlar ümumilikdə iştirakçıların 50%-ni təşkil edirlər. Belə ki, sözügedən sərgidə
Azərbaycan təhsil sistemini xüsusi olaraq Azərbaycan Dövlət Dillər Universiteti, Azərbaycan
Dövlət İqtisadi Universiteti, "Azərbaycan" Universiteti, Azərbaycan Diplomatiya
Akademiyası və digərləri nümayiş etdirdilər. Bu ilin debütantları kimi ölkənin kənd təsərrüfatı
sektorunda mütəxəssislər hazırlayan yeganə təhsil müəssisəsi - Azərbaycan Dövlət Aqrar
Universiteti (Gəncə), habelə Bakı Peşəkar Liseyi çıxış etdilər. Sərgidə ilk dəfə olaraq, qeyri-
hökumət gənclər təşkilatları və birlikləri də çıxış etdiər. Onların çıxışını Azərbaycan
Respublikası Gənclər və İdman Nazirliyi təşkil etdi.
Sərgi orta və ali təhsil, xaricdə təcrübə və iş, ixtisasın artırılması üzrə dil kursları və
treninqlər, işəgötürmə, təhsil ədəbiyyatı və təhsil sahəsində informasiya texnologiyaları kimi
bölmələri təqdim etdi. "Təhsil və Karyera 2009" sərgisinin ekspozisiyasına yeni sektorlar
əlavə olundu. İlk dəfə olaraq, sərgidə orta məktəb müəssisələri üçün məktəb forması, eləcə də
orta məktəbə hazırlıq proqramları və testlər təqdim edən "məktəbəqədər təhsil" sektoru
nümayiş etdirildi. "Xaricdə təhsil" sektoru əvvəlki sərginin tendensiyasını davam etdirərək
İsveçrə, Böyük Britaniya, Almaniya, Türkiyə, İtaliya, Rusiya, Çexiya, Macarıstan və digər
ölkələrdən olan Avropa təhsil müəssisələrini geniş şəkildə təqdim etdi. Belarus Təhsil
Nazirliyi öz stendində Belarusun dörd Dövlət Universitetlərinin ekspozisiyasını nümayiş
etdirdi.
Bu ilki sərginin fərqli məqamlarından biri də "karyera" sektorunun geniş
ekspozisiyasının olmasıdır. Bu ekspozisiyaya xaricdə ali təhsil müəssisələrini bitirmiş
gənclərin işlə təmin olunması proqramlarını təqdim edən Böyük Britaniya təşkilatları, ABŞ
Ali Biznes Məktəbi və digər təşkilatlarda iştirak etdi. İlk dəfə olaraq, "Təhsil və Karyera"
Dostları ilə paylaş: |