1
AZƏRBAYCAN RESPUBLİKASI ELM VƏ TƏHSİL NAZİRLİYİ
AZƏRBAYCAN DÖVLƏT PEDAQOJİ UNİVERSİTETİ
İBTİDAİ SİNİFLƏRDƏ AZƏRBAYCAN DİLİ VƏ ONUN
TƏDRİSİ METODİKASI FƏNN
P R O Q R A M I
İBTİDAİ SİNİF MÜƏLLİMLİYİ İXTİSASI ÜZRƏ
BAKALAVRİAT TƏHSİL SƏVİYYƏSİ ÜÇÜN
İxtisas şifri:
050107
Azərbaycan Respublikası Təhsil Nazirliyinin
18.10.2022-ci il tarixli iclasının F-599 saylı
əmrinə əsasən çap edilir.
BAKI – 2022
2
ELMİ REDAKTOR: Rəhilə Əşrəf qızı Hümmətova
Filologiya üzrə fəlsəfə doktoru, dosent
TƏRTİB EDƏNLƏR: Tamam Allahverdi qızı Mehrabova
Filologiya üzrə fəlsəfə doktoru, dosent
Fəridə Akif qızı Səfərəliyeva
Pedaqogika üzrə fəlsəfə doktoru, dosent
Gültəkin Atəş qızı Abdullayeva
Pedaqogika üzrə fəlsəfə doktoru, dosent
Rəyçilər: Kamil Kamal oğlu Bəşirov
Filologiya üzrə elmlər doktoru, dosent
Ənvər Məhəmməd oğlu Abbasov
Azərbaycan Respublikası Təhsil
İnstitutunun direktor müavini,
pedaqogika üzrə fəlsəfə doktoru,
dosent, əməkdar alim
3
İzahat vərəqi
Azərbaycan Respublikasının
ümummilli lideri H.Əliyev təhsil sistemində
aparılan islahatla bağlı olaraq söyləmişdir: ”Təhsil sistemində islahatların əsas
məqsədi ondan ibarətdir ki, Azərbaycan təhsil sistemi dünya təhsil sisteminin
standartlarına uyğunlaşdırılsın. On illərlə əldə etdiyimiz təhsil prinsipləri
gözlənilməli və inkişaf etdirilməlidir. Əgər bu yolla gedəriksə, qısa bir zamanda
Azərbaycan təhsil sistemini dünya standartlarına çatdıra bilərik”.
Hazırda ölkəmizdə geniş vüsət almış təhsil islahatları, təhsilin məzmununun
yeniləşdirilməsi, yeni metod və üsulların məktəbə gətirilməsi təlim-tərbiyə
ocaqlarımızın müasirləşməsinə, dövrün tələblərinə cavab verə biləcək şəkildə
qurulmasına əlverişli imkan və şərait yaratmışdır.
Ana dilinə məhəbbət, ana dilini mənimsəmək və bu dili mükəmməl bilməyin
əsasları ümumtəhsil məktəblərində ibtidai siniflərdən başlanır. Şagirdlərin ana
dilini dərindən və hərtərəfli öyrənmələri başqa fənlərin də elmi əsaslarını dərk
etmək yollarını asanlaşdırır, onlarda dünyagörüşün formalaşmasına, mədəni
səviyyənin inkişafına- bir sözlə, onların böyük həyata hazırlanmasına güclü təkan
verir. Dilin mürəkkəb və səciyyəvi cəhətlərinin, dərin və gizli sirlərinin
öyrənilməsi fikrin ifadəsi üçün ən qüvvətli vasitəyə çevrilir. Məhz buna görədir ki,
böyük pedoqoqlar ilk təlim zamanı başqa fənlərin mənimsənilmə keyfiyyətinin ana
dilini necə bilməkdən və ondan hansı səviyyədə istifadə olunmasından asılı hesab
etmişlər. İbtidai təlimdə ana dilinin əsas və mərkəzi fənn sayılmasının səbəbi də
məhz budur.
Gələcək ibtidai sinif müəllimlərinə dilçiliyin bütün şöbələri ilə bağlı nəzəri
və praktik əhəmiyyətli məsələlər öyrədilməlidir. Yəni ali məktəblərdə gələcək
ibtidai sinif müəllimlərinə dilçiliyin fonetika, leksikologiya, qrammatika şöbələri
ilə yanaşı, ümumi dilçilik, Azərbaycan dilinin tarixi, onun inkişaf dövrləri,
dialektləri, orfoqrafiya, qrafika, orfoepiya, üslubiyyat, mətnşünaslıq və digər
4
bölmələrə aid nəzəri və praktik əhəmiyyətli məlumatlar verilməlidir ki, gələcək
fəaliyyətlərində onlardan bəhrələnə bilsinlər.
Azərbaycan dili fənni mühazirə və praktik məşğələlər vasitəsilə öyrədilir.
Mühazirə mətnləri həyatla, məktəblə bağlanmalıdır. Mühazirələrdə tələbələri
ibtidai siniflərdə tədris ediləm mövzularla, məktəb proqramı və dərsliklərlə daha
yaxından tanış etmək lazımdır.
Praktik məşğələlərdə əsas məqsəd mühazirədə çatdırılmış materialı daha da
dərinləşdirməkdən, dil faktları və hadisələri üzərində tələbələrdə sərbəst işləmək
bacarığı, əldə edilmiş nəzəri bilikləri tətbiq etmək vərdişi yaratmaqdan ibarətdir.
Dil faktları üzərində aparılan təcrübi işlər tələbələrin ədəbi dil proqramlarını
hərtərəfli dərk etmələrinə kömək edir, həmçinin məqsədyönlü şəkildə təşkil edilən
linqvistik təhlil bacarıqlarının aşılanması onlarda elmi-dilçilik təfəkkürü
formalaşdırır. Buna görə də təcrübi məşğələlərdə iş həm nəzəri dilçilik, həm də
praktik istiqamətdə aparılmalıdır.
Təcrübi məşğələlərdə tələbələrin şifahi və yazılı nitq mədəniyyəti də inkişaf
etdirilməlidir. Bunun üçün təcrübi məşğələlərdə tez-tez qrammatik inşalar,
çalışmalar, linqvistik təhlillər, testlər və yazı işləri aparılmalıdır. Xüsusilə, təcrübi
məşğələlər yeni tədris üsulları ilə aparılarsa, daha faydalı nəticələr əldə etmək olar.
Tələbə özü tədqiqatçıya çevrilər, müxtəlif üsullar vasitəsilə lazım olan nəzəri
məlumatı şüurlu şəkildə dərk edər, onu praktikada sınaqdan keçirər.
Praktik məşğələlərdə tələbələr müstəqil olaraq, lakin müəllimin ümumi
rəhbərliyi ilə müvafiq plan və göstəriş əsasında dilçiliyin hər hansı şöbəsi üzrə nəşr
olunmuş müxtəlif materiallar üzərində də işləməlidir. Belə bir üsul tələbəni
müstəqilliyə alışdırır və onun nitq mədəniyyətinin hərtərəfli inkişafına kömək edir.
Lazım gəldikdə müəllim proqramın sonunda verilmiş ədəbiyyat siyahısından əlavə
olaraq tələbələrə başqa əsərləri, yeni çap olunmuş dilçilik ədəbiyyatı nümunələrini
də oxumağı məsləhət görə bilər. Çünki dilimizin müxtəlif sahələri ilə bağlı onlarla
yeni-yeni tədqiqat işləri yazılır. Tələbələri dilçilik sahəsində yeniliklərlə tanış
etmək onların ümumi inkişafına yaxından kömək etmiş olar.
5
Dil cəmiyyətin hər bir üzvü üçün vacib olan ünsiyyət vasitəsidir. İnsanın
biliklərə yiyələnməsi və tərbiyəsində dil təlim və tərbiyə işinin ən mühüm vasitəsi
kimi özünü göstərir. Ana dilimizin inkişafında misilsiz rol oynayan Ümummilli
lider Heydər Əliyev demişdir: “Ana dili bizim sərvətimizdir. Hər bir xalqın
milliliyini, mənəvi dəyərlərini yaşadan, inkişaf etdirən onun dilidir. Hər bir xalq öz
dili ilə yaranır, ancaq xalqın dilini yaşatmaq, inkişaf etdirmək və dünya
mədəniyyəti səviyyəsinə çatdırmaq xalqın qabaqcıl adamlarının, elm, bilik
sahiblərinin fəaliyyəti nəticəsində mümkün olur.”
İbtidai siniflərdə Azərbaycan dili təliminin əsas məqsədi şagirdlərin şifahi
və yazılı nitqini inkişaf etdirmək, bütövlükdə onların nitq mədəniyyətini
formalaşdırmaqdan ibarətdir. “Ümumtəhsil məktəblərinin I-IV sinifləri üçün Ana
dili kurikulumu”nda qeyd olunur ki, ümümtəhsil məktəblərində ana dili təliminin
məqsədi ümumi nitq və dil bacarıqlarını formalaşdırmaqla, şagirdlərin nitq
mədəniyyətinə yiyələnmələrini təmin etməkdən ibarətdir. İbtidai təhsil
səviyyəsində əlifbanın öyrənilməsi, oxu və yazı texnikasının, hüsnxət qaydalarının,
düzgün, sürətli, şüurlu və ifadəli oxu üzrə ilk bacarıqların mənimsənilməsi, lüğət
ehtiyatının tədricən zənginləşdirilməsi, ən zəruri qrammatik qaydaların və ədəbi
tələffüz normalarının öyrənilib tətbiq olunması, ekspressiv nitq bacarıqlarının
formalaşdırılması, Azərbaycan xalqının dili, tarixi, əxlaqi-mənəvi keyfiyyətləri,
mədəniyyəti, adət-ənənələri haqqında ilkin anlayışların yaradılması təmin olunur.
“İbtidai siniflərdə Azərbaycan dili və onun tədrisi metodikası” fənninin
predmetini təlim şəraitində şagirdlərin Azərbaycan dilinə yiyələnməsi prosesinin
tədqiqi təşkil edir. Bu fənn vasitəsilə hər bir şagirddə bilik, bacarıq və vərdişlərin
formalaşdırılması təmin olunur, təlim prosesində reallaşdırılacaq forma, metod,
priyom və vasitələr, bunları seçməyin şərtləri, konkret dərs zamanı onlardan
yaradıcılıqla istifadə etməyin yolları öyrədilir. Fənn elə tədris olunmalıdır ki, onu
öyrənən tələbə təlim işindən müstəqil baş çıxara bilsin, bütün təlim metodlarına
yaradıcılıqla yanaşa bilsin.
“Çərçivə Kurikulumu”nda fənnin tədrisi belə əsaslandırılır: “Bu fənnin
təlimi nəticəsində Azərbaycan dili təliminin mövqeyi, vəzifələri, savad, qiraət
6
(oxu), yazı və hüsnxət, Azərbaycan dili təliminin, nitq inkişafının metodikası, ana
dili təliminin qanunları, ana dili dərsliklərində istifadə edilən metod, yol və
vasitələr, orfoqrafiya təlimi, ibtidai siniflərdə məzmuna dair bilik və bacarıqların
verilməsi təmin olunur”.
Ali pedaqoji təhsil və orta ixtisas təhsili müəssisələrinin ibtidai sinif
müəllimi hazırlayan fakültələrində “İbtidai siniflərdə Azərbaycan dili və onun
tədrisi metodikası” fənninin tədrisi olduqca zəruridir. Proqramdan ibtidai təhsil
fakültəsinin tələbələri, magistrantlar faydalana bilərlər. İbtidai təhsil fakültəsində
fənnin 3 semestr ərzində (180 saat) tədrisi nəzərdə tutulur.
Dostları ilə paylaş: |