7
Əqli mülkiyyət hüquqları nə deməkdir
Ümumi mənada əqli mülkiyyət hüquqları obyektiv formada
əks olunmuş əqli fəaliyyət nəticələrinə olan hüquqlardır.
“Əqli mülkiyyət hüquqları” dedikdə müəllifl ik hüququ və
əlaqəli hüquqların obyektlərinə, audiovizual əsərlərə, fono-
qramlara, ifalara, yayım təşkilatlarının verilişlərinə, inteqral
sxem topologiyalarına və məlumat toplularına, ixtiralara, faydalı
modellərə, sənaye nümunələrinə, əmtəə nişanlarına, coğrafi
göstəricilərə, fi rma adlarına, əqli fəaliyyətin nəticəsi kimi kom-
mersiya sirrinə aid edilən nou-haulara, həmçinin istehsalat,
elmi və ədəbi-bədii sahədə əqli fəaliyyət nəticəsində yaradılan
digər obyektlərə olan hüquqlar başa düşülür.
Əsas məqsədlər aşağıdakılardır:
ƏM hüququnun sahibini qorunan əqli mülkiyyətdən və
ya tərkibində əqli mülkiyyət hüquqlarının obyekti olan mallardan
digər şəxs, o cümlədən rəqib tərəfi ndən qeyri-qanuni yolla iqti-
sadi səmərə əldə edilməsinin qarşısını qanunvericilikdə təsbit
olunmuş qaydada və vasitələrlə almaq. Bura ƏM hüquqları
obyektlərinin istehsalı (hazırlanması) və ya xidmətlərin
göstərilməsi, istifadəsi, satışı, ümumi istifadəyə verilməsi
(hədiyyə kimi bağışlamaq da daxil olmaqla) və reklam edilməsi
daxildir. Hüquq sahibi ona məxsus olan əqli mülkiyyətdən
qanunvericiliklə qadağan edilən hallar istisna olmaqla istənilən
üsulla və formada istifadə etmək hüququna malikdir.
Yeni ideyaların yaradılması ilə məşğul olan şirkətlər,
tədqiqatçılar, ixtiraçılar və digər şəxslər üçün zəruri informasiya
mənbəyi yaratmaq.
Əmtəə və ya xidmətin peşəkar marketinq işinin həyata
keçirilməsi, habelə nüfuzun yüksəldilməsi üçün zəruri hüquqi
bazanın olmasını təmin etmək.
Qorunmanın strategiyası
Əgər Siz hər hansı məhsula və ya xidmətə münasibətdə
öz ideyalarınızı qorumaq istəyirsinizsə, bu zaman qorunmanın
strategiyasını müəyyən etməlisiniz. Bunun üçün siz bəzi funda-
8
mental suallara cavab verməlisiniz:
İxtiralar üçün müdafi ə, yoxsa hücum strategiyası
seçilməlidir? Nou-haular (texnoloji sirləri) məxfi saxlanılmalı,
yoxsa patentləşdirilməlidirmi (bununla da ictimaiyyətə
açıqlanmalıdır)?
Qorunma zəruridirmi? Əqli mülkiyyətin qeyri-qanuni
istifadəsi faktiki olaraq qaçılmaz sayılırmı? Bunlardan hansını
qorumaq vacibdir? İxtira? Əmtəə nişanı? Sənaye nümunəsi?
Yoxsa hamısını birlikdə? Onların qorunma yolları hansılardır?
Butulkanın unikal forması sənaye nümunəsi və ya irihəcmli
(və ya plastik, üçölçülü, məkanı) əmtəə nişanı kimi qoruna
bilərmi?
Hüquqların mühafi zəsi və müdafi əsi necə müəyyən
edilməlidir? Məsələn, hansı növ məhsul və ya xidmət üçün
əmtəə nişanı qeydə alınmalıdır?
Hansı ölkələrdə hüquqi qorunmanın və müdafi ənin olması
zəruri sayılır? Bu, satış və digər üsullarla yayım kanalları, re-
gional və yerli nümayəndələr və ya müəyyən ölkədə hər hansı
hüququn üzərində təkidlə durmaq arzusu kimi bir sıra müxtəlif
amillərdən asılıdır.
Səmərəli ƏM strategiyasının yaradılması müxtəlif əqli
mülkiyyət hüquqlarının kəsişmə nöqtələri haqqında geniş
biliklər tələb edir.
9
Unutmayın ki:
Əsər və əlaqəli hüqüqların obyektləri (ifalar, fonoqramlar və
yayım təşkilatlarının verilişləri) yarandığı andan qorunur. Buna görə
də onların qeydiyyatı məcburi deyil. Lakin qorunmanın və hüquqi
müdafi ənin daha etibarlı olmasını təmin etmək məqsədilə əsərlərin
və əlaqəli hüquqların obyektlərinin Azərbaycan Respublikasının
Müəllif Hüquqları Agentliyində qeydiyyatdan keçirilməsi tövsiyə
olunur.
Əsər və əlaqəli hüquqların obyektləri qeydiyyatdan keçirildikdə
müəllifə (hüquq sahibinə) əsərin və əlaqəli hüquqların obyektlərinin
qeydiyyatı haqqında şəhadətnamə verilir. Mübahisə yaranan hal-
larda digər sübutlar olmadıqda, qeydiyyat haqqında şəhadətnamə
hüququn prezumpsiyası kimi çıxış edir.
İxtira, sənaye nümunələri və əmtəə nişanlarına hüquqların
rəsmiləşdirilməsi zəruridir. Bunun üçün Azərbaycan Respublikasının
Standartlaşdırma, Metrologiya və Patent üzrə Dövlət Komitəsinə
müraciət olunmalıdır.
“Birinci gəl və birinci sənə xidmət göstərilsin”prinsipi - müdafi ə
hüquqları əmtəə nişanını, ixtiranı və ya sənaye nümunəsini ilk
olaraq qeydiyyatdan keçirən şəxsə məxsus olur.
Ödənişlər, patentin alınması üçün ərizələr, mühafi zə müddəti
və s. üçün yekun müddətlər ilk ərizənin qeydiyyata alındığı
tarixdən başlayır. “İlkinlik tarixi” adlandırılan dövr də məhz bu za-
man başlayır. Bu müddət ərzində, ərizəçi digər şəxsin ona qarşı
yeniliyin edilməsinə (yerli proseduralara uyğunlaşmaq üçün) dair
iddiası olmadan da xarici ölkələrdə əmtəə nişanı, patent, eləcə də
sənaye nümunələrinin mühafi zəsi üçün ərizə ilə müraciət edə bilər.
Əqli mülkiyyət hüquqlarının müdafi əsi ilə bağlı hər hansı
mülki məhkəmə çəkişməsində mütəxəssislə məsləhətləşmək
zəruridir. Ümumiyyətlə, ilkinlik hüququn mövcudluğunu təsdiq
etmək məsələsi işə sədrlik edən hakimin ixtiyarına verilir. Əmtəə
nişanları və patentlərə qarşı etiraz bildirmək üçün müəyyən formal
prosedur mövcuddur. Əmtəə nişanları üçün daha ilkin əmtəə nişanı
hüquqlarının sahibi müəyyən hallarda, xüsusən də biotexnoloji
ixtiraların patentləşdirilməsi mümkünlüyünün olub-olmamağı
məsələsinə gəldikdə, patentin alınmasından sonra altı ay ərzində
öz etirazını bildirmək hüququna malikdir.